BLOKIUM gel 50g
BLOKIUM gel 50g haqida qo'llanma
Farmakokinetikasi
Mahalliy surtilganda faol moddalar teri yuzasidan so'riladi. Diklofenakning 6% dan ko'p bo'lmagan qismi so'riladi. Preparat va uning metabolitlari siydik bilan chiqariladi. Surtilgandan so'ng preparat yallig'langan joylarga kirib boradi. Surtilgandan so'ng diklofenak plazmada, sinovial qobiqda va sinovial suyuqlikda aniqlanadi. Diklofenakning plazmadagi maksimal kontsentratsiyasi preparat ichga qabul qilingandan keyingiga qaraganda taxminan 100 baravar kam.
Farmakologik ta'siri
Diklofenak - yaqqol analgetik, antipiretik va yallig'lanishga qarshi xususiyatlarga ega nosteroid yallig'lanishga qarshi preparat. Prostaglandinlar sintezi ingibitori.
Nojo'ya samaralari
Mahalliy:
- ekzema;
- fotosensibilizatsiya;
- kontakt dermatit (qichishish, qizarish, terining ishlov berilayotgan sohasining shishi, papulalar, vezikulalar, po'st tashlash).
Tizimli:
- generalizatsiyalangan teri toshmasi;
- allergik reaksiyalar (eshakemi, angionevrotik shish, bronxospastik reaksiyalar); fotosensibilizatsiya.
Umumiy: diklofenak mahalliy qo'llanilganda tizimli nojo'ya ta'sirlarning rivojlanish ehtimoli, uni ichga qabul qilishga nisbatan, kichik, ammo preparat terining nisbatan katta yuzalariga uzoq vaqt davomida surtilganda ortadi.
Maxsus ko‘rsatmalari
Preparatni shikastlanish joylariga va ochiq jarohatlarga tushishidan saqlangan holda, faqat normal, shikastlanmagan teriga surtish kerak.
Preparatni ko'z shilliq qavati va boshqa shilliq qavatlarga tushishiga yo'l qo'ymaslik kerak.
Qo'llanilishi mumkin bo'lmagan holatlar
- diklofenakka yoki preparatning boshqa komponentlariga, atsetilsalitsil kislotasiga yoki boshqa NYQP larga yuqori sezuvchanlik;
- "aspirin" astmasi;
- eshakemi;
- o'tkir rinit.
Dori vositalarining o'zaro ta'siri
Preparat fotosensibilizatsiya chaqiruvchi preparatlar ta'sirini kuchaytirishi mumkin.
Boshqa dori vositalari bilan klinik ahamiyatli o'zaro ta'siri ta'riflanmagan.
Dozirovkasi
Kattalar va 12 yoshdan katta bolalarga preparat teriga kuniga 3-4 marta surtiladi va engil ishqalab singdiriladi. Preparatning kerakli miqdori og'riqli sohaning o'lchamiga bog'liq.
Preparatning bir martalik dozasi - 2-5 sm o'lchamdagi yuzaga 2-4 g.
Preparat surtilgandan so'ng qo'llarni yuvish kerak.
BLOKIUM gel 50g o'xshash dorilari
BLOKIUM gel 50g analoglari
