IBUPROFEN 0,4 tabletkalari N20

Ibuprofen me'da-ichak yo'lidan tez va deyarli to'liq so'riladi, uning plazmadagi maksimal konsentratsiyasiga ichga qabul qilinganidan 1-2 soat o'tgach, sinovial suyuqlikda esa - 3 soatdan keyin erishiladi, plazma oqsillari bilan 99% ga bog'lanadi. Bo'g'im bo'shlig'iga sekin kiradi, sinovial to'qimada ushlanib qoladi va u yerda plazmadagiga qaraganda yuqori konsentratsiyalarni hosil qiladi. Ibuprofen metabolizmi asosan jigarda kechadi. Plazmadan yarim chiqarilish davri (T1/2) 2-3 soatni tashkil qiladi. Buyraklar orqali metabolitlar ko'rinishida (o'zgarmagan holda 1% dan ko'p bo'lmagan qismi chiqariladi), kamroq darajada - safro bilan chiqariladi. Ibuprofen 24 soat ichida to'liq chiqariladi.

Og'riq qoldiruvchi Yallig'lanishga qarshi

Tavsiya etilgan dozalarda preparat odatda nojo‘ya ta'sirlarni chaqirmaydi. Me'da-ichak yo‘llari (MIY): NYQP-gastropatiya (abdominal og‘riqlar, ko‘ngil aynishi, qusish, jig‘ildon qaynashi, ishtahaning pasayishi, diareya, meteorizm, qabziyat; MIY shilliq qavatining yaralanishi, ular bir qator hollarda perforatsiya va qon ketishlar bilan asoratlanadi; og‘iz bo‘shlig‘i shilliq qavatining ta'sirlanishi yoki qurishi, og‘izda og‘riq, milk shilliq qavatining yaralanishi, aftoz stomatit, pankreatit. Gepatobiliar tizim: gepatit. Nafas olish tizimi: hansirash, bronxospazm. Sezgi a'zolari: eshitishning buzilishi: eshitishning pasayishi, quloqlarda jaranglash yoki shovqin; ko‘rishning buzilishi: ko‘rish nervining toksik shikastlanishi, ko‘rish o‘tkirligining xiralashishi, skotoma, ko‘zlarning qurishi va ta'sirlanishi, kon'yunktiva va qovoqlar shishi (allergik genezli). Markaziy va periferik nerv tizimi: bosh og‘rig‘i, bosh aylanishi, uyqusizlik, xavotirlik, asabiylik va ta'sirchanlik, psixomotor qo‘zg‘alish, uyquchanlik, depressiya, ongning chalkashishi, gallyutsinatsiyalar, aseptik meningit (ko‘pincha autoimmun kasalliklari bo‘lgan bemorlarda). Yurak-qon tomir tizimi: yurak yetishmovchiligi, taxikardiya, qon bosimining oshishi. Siydik chiqarish tizimi: o‘tkir buyrak yetishmovchiligi, allergik nefrit, nefrotik sindrom (shishlar), poliuriya, tsistit. Allergik reaksiyalar: teri toshmasi (odatda eritematoz yoki eshakemi), teri qichishishi, Kvinke shishi, anafilaktoid reaksiyalar, anafilaktik shok, bronxospazm yoki dispnoe, isitma, ko‘p shaklli ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi), eozinofiliya, allergik rinit. Qon yaratish a'zolari: anemiya (sh.j. gemolitik, aplastik), trombositopeniya va trombositopenik purpura, agranulotsitoz, leykopeniya. Boshqalar: ko‘p terlash. Laboratoriya ko‘rsatkichlari: · qon ketish vaqti (uzayishi mumkin) · qon zardobida glyukoza kontsentratsiyasi (pasayishi mumkin) · kreatinin klirensi (kamayishi mumkin) · gematokrit yoki gemoglobin (kamayishi mumkin) · zardob kreatinin kontsentratsiyasi (oshishi mumkin) · «jigar» transaminazalari faolligi (oshishi mumkin). Agar preparatni qabul qilish sizning odatiy holatingiz o‘zgarishini chaqirsa, Ibuprofen tabletkalarini qabul qilishni to‘xtating va darhol shifokorga murojaat qiling.

Dozani oshirib yuborish

Ko'rsatilgan dozani oshirmang. Agar Siz dozani oshirgan bo'lsangiz, darhol shifokorga yoki eng yaqin tibbiyot muassasasiga murojaat qiling. O'zingiz bilan preparat o'ramini oling. Simptomlari: qorinda og'riq, ko'ngil aynishi, qusish, tormozlanish, uyquchanlik, depressiya, bosh og'rig'i, quloqlarda shovqin, metabolik atsidoz, koma, o'tkir buyrak yetishmovchiligi, qon bosimining pasayishi, bradikardiya, taxikardiya, bo'lmachalar fibrillatsiyasi, nafas to'xtashi. Davolash: me'dani yuvish (faqat qabul qilingandan keyin bir soat ichida), faollashtirilgan ko'mir, ishqoriy ichimlik ichish, jadallashtirilgan diurez, simptomatik terapiya (kislota-asos holatini, qon bosimini to'g'irlash).

preparat tarkibiga kiruvchi har qanday ingredientga gipersezuvchanlik;

-me'da yoki o'n ikki barmoqli ichak shilliq qavatining eroziv-yarali o'zgarishlari, faol me'da-ichakdan qon ketishi;

-ichakning yallig'lanish kasalliklari zo'rayish bosqichida, shu jumladan yarali kolit;

-anamnezda atsetilsalitsil kislotasi yoki boshqa nosteroid yallig'lanishga qarshi preparatni qabul qilgandan keyin bronxoobstruksiya, rinit, eshakemi xuruji to'g'risida ma'lumotlar (atsetilsalitsil kislotasiga toqat qilolmaslikning to'liq yoki to'liq bo'lmagan sindromi - rinosinusit, eshakemi, burun shilliq qavati poliplari, bronxial astma);

-jigar yetishmovchiligi yoki faol jigar kasalligi;

buyrak yetishmovchiligi (kreatinin klirensi minutiga 30 ml dan kam), progressiv buyrak kasalligi;

-tasdiqlangan giperkaliemiya;

-gemofiliya va qon ivishining boshqa buzilishlari (shu jumladan gipokoagulyatsiya), gemorragik diatezlar;

-aorto-koronar shuntlash o'tkazilgandan keyingi davrda;

-homiladorlik (III trimestr);

-bolalar yoshi: 6 yoshgacha va 6 dan 12 yoshgacha (tana vazni 20 kg dan kam bo'lganda) - 200 mg tabletkalar uchun; 12 yoshgacha - 400 mg tabletkalar uchun.

Terapevtik dozalarda ibuprofen keng qo'llaniladigan preparatlar bilan ahamiyatli o'zaro ta'sirlarga kirishmaydi. Jigarda mikrosomal oksidlanish fermentlari induktorlari (fenitoin, etanol, barbituratlar, flumetsinol, rifampitsin, fenilbutazon, tritsiklik antidepressantlar) gidroksillangan faol metabolitlar ishlab chiqarilishini oshirib, og'ir intoksikatsiyalar rivojlanish xavfini oshiradi. Mikrosomal oksidlanish ingibitorlari - gepatotoksik ta'sir rivojlanish xavfini kamaytiradi. Vazodilatatorlarning gipotenziv faolligini va furosemid hamda gidroxlorotiazidning natriyuretik samarasini pasaytiradi. Urikozurik preparatlar samaradorligini pasaytiradi. Bevosita bo'lmagan antikoagulyantlar, antiagregantlar, fibrinolitiklar ta'sirini kuchaytiradi (bu qon ketishlar rivojlanish xavfini oshiradi). Mineralokortikosteroidlar, glyukokortikosteroidlar (oshqozon-ichakdan qon ketish xavfi ortadi), estrogenlar, etanolning nojo'ya ta'sirini kuchaytiradi; sulfonilmoчевина hosilalarining gipoglikemik samarasini kuchaytiradi. Antatsidlar va kolestiramin ibuprofen so'rilishini kamaytiradi. Qonda digoksin, litiy preparatlari va metotreksat kontsentratsiyasini oshiradi. Boshqa NYQPVlarni bir vaqtda tayinlash nojo'ya ta'sirlar chastotasini oshiradi. Kofein analgetik (og'riq qoldiruvchi) samarani kuchaytiradi. Bir vaqtda tayinlanganda ibuprofen atsetilsalitsil kislotasining yallig'lanishga qarshi va antiagregant ta'sirini kamaytiradi (ibuprofen qabul qilish boshlangandan keyin antiagregant vosita sifatida atsetilsalitsil kislotasining kichik dozalarini qabul qilayotgan bemorlarda o'tkir koronar yetishmovchilik rivojlanish chastotasi oshishi mumkin). Tsefamandol, tsefoperazon, tsefotetan, valproat kislotasi, plikamitsin bir vaqtda tayinlanganda gipoprotrombinemiya rivojlanish chastotasini oshiradi. Mielotoksik dori vositalari preparatning gematotoksikligi namoyon bo'lishini kuchaytiradi. Siklosporin va oltin preparatlari ibuprofenning buyraklarda prostaglandinlar sinteziga ta'sirini kuchaytiradi, bu nefrotoksiklikning oshishi bilan namoyon bo'ladi. Ibuprofen siklosporinning plazma kontsentratsiyasini va uning gepatotoksik ta'siri rivojlanish ehtimolini oshiradi. Naychalar sekretsiyasini bloklovchi dori vositalari ibuprofenning chiqarilishini kamaytiradi va plazma kontsentratsiyasini oshiradi.