IBUPROFEN XEMOFARM 0,4 tabletkalari N30

Absorbsiya - yuqori, preparat ovqatdan keyin qabul qilinganda so'rilish biroz kamayadi. Qon plazmasidagi maksimal konsentratsiyaga (Smax) och qoringa qabul qilinganda 45 daqiqadan so'ng, ovqatdan keyin qabul qilinganda - 1,5-2,5 soatdan keyin, sinovial suyuqlikda esa - 2-3 soatdan keyin erishiladi, u yerda qon plazmasidagiga qaraganda yuqori konsentratsiyalarni hosil qiladi. Plazma oqsillari bilan bog'lanishi - 90 %. Bo'g'im bo'shlig'iga sekin kiradi, sinovial to'qimada ushlanib qoladi.

Biologik faollik S-enantiomer bilan bog'liq. So'rilgandan so'ng farmakologik nofaol R-shaklining taxminan 60 % sekin-asta faol S-shaklga aylanadi. Preparat metabolizmida CYP2C9 izofermenti ishtirok etadi. Jigarda tizim oldi va tizimdan keyingi metabolizmga uchraydi. Yarim chiqarilish davri (T1/2) 2-2,5 soat bo'lgan ikki fazali eliminatsiya kinetikasiga ega.

Buyraklar orqali (o'zgarmagan holda 1 % dan ko'p bo'lmagan) va kamroq darajada safro bilan chiqariladi.

Keksa shaxslarda ibuprofenning farmakokinetik parametrlari o'zgarmaydi.

Og'riq qoldiruvchi Yallig'lanishga qarshi

Me'da-ichak yo‘llari (MIY) tomonidan: NYQP-gastropatiya (abdominal og‘riqlar, ko‘ngil aynishi, qusish, jig‘ildon qaynashi, ishtahaning pasayishi, diareya, meteorizm, qabziyat, epigastral sohada og‘riq va noqulaylik), kam hollarda - MIY shilliq qavatining yaralanishi, (bir qator hollarda perforatsiya va qon ketishlar bilan asoratlanadi); og‘iz bo‘shlig‘i shilliq qavatining ta'sirlanishi, qurishi yoki og‘izda og‘riq, milk shilliq qavatining yaralanishi, aftoz stomatit, pankreatit, gepatit.

Markaziy va periferik nerv tizimi tomonidan: bosh og‘rig‘i, bosh aylanishi, uyqusizlik, xavotirlik, asabiylik va ta'sirchanlik, psixomotor qo‘zg‘alish, uyquchanlik, depressiya, ongning chalkashishi, gallyutsinatsiyalar, kam hollarda - aseptik meningit (ko‘pincha autoimmun kasalliklari bo‘lgan bemorlarda).

Sezgi a'zolari tomonidan: eshitishning pasayishi, quloqlarda jaranglash yoki shovqin, ko‘rish nervining qaytuvchan toksik nevriti, noaniq ko‘rish yoki diplopiya, ko‘zlarning qurishi va ta'sirlanishi, kon'yunktiva va qovoqlar shishi (allergik genezli), skotoma.

Nafas olish tizimi tomonidan: hansirash, bronxospazm.

Yurak-qon tomir tizimi (YQTT) tomonidan: yurak yetishmovchiligi, taxikardiya, qon bosimining oshishi.

Siydik chiqarish tizimi tomonidan: o‘tkir buyrak yetishmovchiligi, allergik nefrit, nefrotik sindrom (shishlar), poliuriya, tsistit.

Allergik reaksiyalar: teri toshmasi (odatda eritematoz yoki eshakemi), teri qichishishi, angionevrotik shish, anafilaktoid reaksiyalar, anafilaktik shok, bronxospazm, isitma, multiform ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi), eozinofiliya, allergik rinit.

Qon yaratish a'zolari tomonidan: anemiya (sh.j. gemolitik, aplastik), trombositopeniya va trombositopenik purpura, agranulotsitoz, leykopeniya.

Boshqalar: ko‘p terlash.

Yuqori dozalarda uzoq vaqt qo‘llanilganda MIY shilliq qavatining yaralanishi, qon ketishi (me'da-ichakdan, milkdan, bachadondan, gemorroidal), ko‘rishning buzilishi (rang ajratishning buzilishi, skotoma, ambliopiya) xavfi ortadi.

Davolash vaqtida periferik qon manzarasi va jigar hamda buyraklarning funktsional holatini nazorat qilish zarur.

Gastropatiya simptomlari paydo bo'lganda qat'iy nazorat, shu jumladan ezofagogastroduodenoskopiya o'tkazish, qon tahlili bilan gemoglobin, gematokritni aniqlash, axlatni yashirin qonga tahlil qilish ko'rsatilgan.

NYQP-gastropatiyasi rivojlanishini oldini olish uchun prostaglandinlar preparatlari (mizoprostol) bilan kombinatsiya qilish tavsiya etiladi.

17-ketosteroidlarni aniqlash zarurati bo'lganda preparatni tekshiruvdan 48 soat oldin bekor qilish kerak.

Bemorlar yuqori diqqatni, tezkor ruhiy va harakat reaktsiyalarini talab qiluvchi barcha turdagi faoliyatlardan saqlanishlari kerak.

Davolash davrida etanol qabul qilish tavsiya etilmaydi.

Oshqozon-ichak trakti tomonidan noxush ko'rinishlar rivojlanishi xavfini kamaytirish uchun minimal samarali dozani imkon qadar qisqa kurs bilan qo'llash kerak.

Preparatning har qanday komponentiga gipersezuvchanlik, atsetilsalitsil kislotasi (ASK) yoki boshqa NYaQVlarga gipersezuvchanlik; bronxial astma, burun va burun yondosh bo'shliqlari polipozining qaytalanishi va ASK yoki boshqa NYaQVlarga toqat qilolmaslikning to'liq yoki to'liq bo'lmagan kombinatsiyasi (shu jumladan anamnezda); me'da-ichak trakti (MIY) organlarining eroziv-yarali kasalliklari zo'rayish bosqichida (shu jumladan me'da va 12-barmoqli ichak yara kasalligi zo'rayish bosqichida, yarali kolit, peptik yara, Kron kasalligi - nospetsifik yarali kolit), ichakning yallig'lanish kasalliklari, me'da-ichakdan qon ketishlar; qon ivishining buzilishi (shu jumladan gemofiliya, gipokoagulyatsiya, qon ketish vaqtining uzayishi, qon ketishga moyillik, gemorragik diatez); aortokoronar shuntlash o'tkazilgandan keyingi davr; bosh suyagi ichiga qon quyilishlar; yaqqol jigar yetishmovchiligi yoki faol jigar kasalligi; buyrakning progressiv kasalliklari, kreatinin klirensi minutiga 30 ml dan kam bo'lgan yaqqol buyrak yetishmovchiligi, tasdiqlangan giperkaliemiya; homiladorlik (III trimestr); 6 yoshgacha bo'lgan bolalar (200 mg li shillillovchi tabletkalar uchun), 12 yoshgacha bo'lgan bolalar (400 mg li plyonka qobiq bilan qoplangan tabletkalar uchun).



Ehtiyotkorlik bilan:

Keksa yosh, surunkali yurak yetishmovchiligi, arterial gipertenziya, yurak ishemik kasalligi, serebrovaskulyar kasalliklar, dislipidemiya/giperlipidemiya, qandli diabet, periferik arteriya kasalliklari, chekish, spirtli ichimliklarni tez-tez iste'mol qilish, portal gipertenziya bilan kechuvchi jigar sirrozi, kreatinin klirensi minutiga 60 ml dan kam bo'lgan jigar va/yoki buyrak yetishmovchiligi, nefrotik sindrom, giperbilirubinemiya, me'da va o'n ikki barmoqli ichak yara kasalligi (anamnezda), Helicobactor pylori infeksiyasi mavjudligi, gastrit, enterit, kolit, kelib chiqishi noma'lum qon kasalliklari (leykopeniya va anemiya), NYaQVlarni uzoq muddat qo'llash, og'ir somatik kasalliklar, peroral glyukokortikosteroidlarni (GKS) (shu jumladan prednizolon), antikoagulyantlarni (shu jumladan varfarin), antiagregantlarni (shu jumladan atsetilsalitsil kislotasi, klopidogrel), serotonin qayta qamrab olinishi selektiv ingibitorlarini (shu jumladan tsitalopram, fluoksetin, paroksetin, sertralin) bir vaqtda qabul qilish, homiladorlik (I va II trimestrlar), laktatsiya davri.

Ibuprofenni atsetilsalitsil kislotasi va boshqa NYQPV bilan bir vaqtda qabul qilish tavsiya etilmaydi.

Bir vaqtda tayinlanganda ibuprofen ASKning yallig'lanishga qarshi va antiagregant ta'sirini kamaytiradi (ibuprofen qabul qilish boshlangandan keyin antiagregant vosita sifatida ASKning kichik dozalarini qabul qilayotgan bemorlarda o'tkir koronar yetishmovchilik rivojlanish chastotasi oshishi mumkin).

Antikoagulyant va trombolitik dori vositalari (DV) (alteplaza, streptokinaza, urokinaza) bilan bir vaqtda tayinlanganda qon ketish xavfi ortadi.

Serotoninni qayta qamrab olish ingibitorlari (tsitalopram, fluoksetin, paroksetin, sertralin) bilan bir vaqtda qabul qilish jiddiy OIT qon ketishlari rivojlanish xavfini oshiradi. Tsefamandol, tsefaperazon, tsefotetan, valproat kislotasi, plikamitsin gipoprotrombinemiya rivojlanish chastotasini oshiradi.

Siklosporin va oltin preparatlari ibuprofenning buyraklarda prostaglandinlar sinteziga ta'sirini kuchaytiradi, bu nefrotoksiklikning oshishi bilan namoyon bo'ladi. Ibuprofen siklosporinning plazma kontsentratsiyasini va uning gepatotoksik ta'siri rivojlanish ehtimolini oshiradi.

Naychalar sekretsiyasini bloklovchi DV, ibuprofenning chiqarilishini kamaytiradi va plazma kontsentratsiyasini oshiradi.

Mikrosomal oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar) gidroksillangan faol metabolitlar ishlab chiqarilishini oshirib, og'ir gepatotoksik intoksikatsiyalar rivojlanish xavfini oshiradi.

Mikrosomal oksidlanish ingibitorlari gepatotoksik ta'sir xavfini kamaytiradi.

Vazodilatatorlarning (shu jumladan "sekin" kaltsiy kanallari blokatorlari (SKKB), angiotenzin o'zgartiruvchi ferment (AO'F) ingibitorlari) gipotenziv faolligini, furosemid va gidroxlorotiazidning natriyuretik va diuretik faolligini pasaytiradi.

Urikozurik DV samaradorligini pasaytiradi, bevosita bo'lmagan antikoagulyantlar, antiagregantlar, fibrinolitiklar ta'sirini kuchaytiradi (gemorragik asoratlar paydo bo'lish xavfi ortadi), mineralokortikosteroidlar (MKS) va glyukokortikosteroidlar (GKS), kolxitsin, estrogenlar, etanolning qon ketish bilan kechuvchi ultserogen ta'sirini kuchaytiradi.

Peroral gipoglikemik DV (shu jumladan sulfonilmoчевина hosilalari) va insulin samarasini kuchaytiradi.

Antatsidlar va kolestiramin ibuprofen so'rilishini kamaytiradi.

Qonda digoksin, litiy preparatlari va metotreksat kontsentratsiyasini oshiradi.

Kofein analgetik samaraning kuchaytiradi.

Mielotoksik DV preparatning gematotoksikligi namoyon bo'lishini kuchaytiradi.