IBUPROFEN MEDISORB 0,2 kapsulalar N20

So'rilishi

Absorbsiya - yuqori, me'da-ichak yo'lidan (MIY) tez va deyarli to'liq so'riladi. Preparatni ovqat bilan birga qabul qilish maksimal konsentratsiyaga erishish vaqtini (TSmax) oshirishi mumkin. 2 kapsula preparat och qoringa qabul qilingandan so'ng ibuprofen qon plazmasida 10 daqiqadan keyin aniqlanadi, ibuprofenning qon plazmasidagi maksimal konsentratsiyasi (Smax) 30-40 daqiqadan so'ng erishiladi.

Taqsimlanishi

Qon plazmasi oqsillari bilan bog'lanishi 90% dan ortiq. Bo'g'im bo'shlig'iga sekin kiradi, sinovial suyuqlikda ushlanib qoladi va u yerda qon plazmasidagiga qaraganda yuqori konsentratsiyalarni hosil qiladi.

Metabolizmi

Jigarda metabolizmga uchraydi. So'rilgandan so'ng ibuprofenning farmakologik nofaol R-shaklining taxminan 60% sekin-asta faol S-shaklga aylanadi.

Chiqarilishi

Ibuprofenning yarim chiqarilish davri (T1/2) 2 soatni tashkil qiladi. Buyraklar orqali (o'zgarmagan holda 1% dan ko'p bo'lmagan) va kamroq darajada safro bilan chiqariladi.

Keksa yoshdagi bemorlar

Keksa yoshdagi bemorlarda yoshroq bemorlarga nisbatan preparatning farmakokinetik profilida sezilarli farqlar aniqlanmagan.

Cheklangan tadqiqotlarda ibuprofen ko'krak sutida juda past konsentratsiyalarda aniqlangan.

Og'riq qoldiruvchi Yallig'lanishga qarshi

Agar preparat simptomlarni bartaraf etish uchun zarur bo‘lgan minimal samarali dozada qisqa kursda qabul qilinsa, nojo‘ya ta'sirlar xavfini minimallashtirish mumkin.



Nojo‘ya ta'sirlar asosan dozaga bog‘liq.



Quyida keltirilgan nojo‘ya reaksiyalar ibuprofen 1200 mg/sutka (6 kapsula) dan oshmaydigan dozalarda qisqa muddatli qabul qilinganda qayd etilgan. Surunkali holatlarni davolashda va uzoq vaqt qo‘llanilganda boshqa nojo‘ya reaksiyalar paydo bo‘lishi mumkin.



Nojo‘ya reaksiyalar paydo bo‘lish tezligini baholash quyidagi mezonlar asosida amalga oshirilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam hollarda (≥1/10000 dan <1/1000 gacha), juda kam hollarda (<1/10000), tez-tezligi noma'lum (mavjud ma'lumotlar bo‘yicha aniqlab bo‘lmaydi).


Qon va limfa tizimi tomonidan buzilishlar: juda kam hollarda - qon yaratishning buzilishi (anemiya, leykopeniya, aplastik anemiya, gemolitik anemiya, trombositopeniya, pantsitopeniya, agranulotsitoz). Bunday buzilishlarning birinchi belgilari isitma, tomoqda og‘riq, og‘iz bo‘shlig‘ida yuzaki yaralar, grippsimon simptomlar, yaqqol holsizlik, burundan qon ketishi va teri osti qon quyilishlari, noma'lum etiologiyali qon ketishlar va ko‘karishlardir.

Immun tizimi tomonidan buzilishlar: tez-tez emas - o‘ta yuqori sezuvchanlik reaksiyalari - nospetsifik allergik reaksiyalar va anafilaktik reaksiyalar, nafas yo‘llari tomonidan reaksiyalar (bronxial astma, sh.j. uning kuchayishi, bronxospazm, hansirash, dispnoe), teri reaksiyalari (qichishish, eshakemi, purpura, Kvinke shishi, eksfoliativ va bullyoz dermatozlar, sh.j. toksik epidermal nekroliz (Layell sindromi), Stivens-Djonson sindromi, multiform eritema), allergik rinit, eozinofiliya; juda kam hollarda - og‘ir o‘ta yuqori sezuvchanlik reaksiyalari, sh.j. yuz, til va hiqildoq shishi, hansirash, arterial gipotenziya (anafilaksiya, Kvinke shishi yoki og‘ir anafilaktik shok).

Nerv tizimi tomonidan buzilishlar: tez-tez emas - bosh og‘rig‘i; juda kam hollarda - aseptik meningit.

Yurak tomonidan buzilishlar: tez-tezligi noma'lum - yurak yetishmovchiligi, uzoq vaqt qo‘llanilganda trombotik asoratlar (masalan, miokard infarkti) xavfi yuqori.

Tomirlar tomonidan buzilishlar: tez-tezligi noma'lum - periferik shishlar, qon bosimining oshishi.

Nafas olish tizimi, ko‘krak qafasi va ko‘ks oralig‘i a'zolari tomonidan buzilishlar: tez-tezligi noma'lum - bronxial astma, bronxospazm, hansirash.

Me'da-ichak buzilishlari: tez-tez emas - qorinda og‘riq, ko‘ngil aynishi, dispepsiya (sh.j. jig‘ildon qaynashi, qorin dam bo‘lishi); kam hollarda - diareya, meteorizm, qabziyat, qusish; juda kam hollarda - peptik yara, perforatsiya yoki me'da-ichakdan qon ketishi, melena, qon aralash qusish, ba'zi hollarda o‘lim bilan tugaydigan, ayniqsa keksa yoshdagi bemorlarda, yarali stomatit, gastrit; tez-tezligi noma'lum - kolit va Kron kasalligining kuchayishi.

Jigar va o‘t chiqarish yo‘llari tomonidan buzilishlar: juda kam hollarda - jigar funktsiyasining buzilishi (ayniqsa uzoq vaqt qo‘llanilganda), gepatit va sariqlik.

Buyrak va siydik chiqarish yo‘llari tomonidan buzilishlar: juda kam hollarda - o‘tkir buyrak yetishmovchiligi (kompensatsiyalangan va dekompensatsiyalangan) ayniqsa uzoq vaqt qo‘llanilganda, qon plazmasida siydikchil kontsentratsiyasining oshishi va shishlar paydo bo‘lishi, gematuriya va proteinuriya, nefritik sindrom, nefrotik sindrom, papillyar nekroz, interstitsial nefrit, tsistit bilan birgalikda.

Umumiy buzilishlar va yuborish joyidagi reaksiyalar: juda kam hollarda - shishlar, sh.j. periferik.

Laborator va instrumental ma'lumotlar: tez-tez emas - gemoglobin va gematokritning pasayishi, qon ketish vaqtining uzayishi, qon plazmasida glyukoza darajasining pasayishi, kreatinin klirensining kamayishi, plazma kreatinin kontsentratsiyasining oshishi, "jigar" transaminazalari faolligining oshishi.

Dori vositasining foyda va xavf nisbatini doimiy monitoring qilishni ta'minlash maqsadida gumon qilingan noxush reaksiyalar haqida xabar berish muhimdir. Agar Sizda har qanday noxush reaksiyalar yuzaga kelsa, davolovchi shifokorga, dorixona xodimiga yoki ishlab chiqaruvchiga murojaat qiling.

Tibbiyot xodimlariga dori vositasining har qanday gumon qilingan noxush reaksiyalari haqida noxush reaksiyalar to‘g‘risida xabar berishning milliy tizimlari orqali xabar berish tavsiya etiladi.

Preparatni maksimal darajada qisqa kurs bilan va simptomlarni bartaraf etish uchun zarur bo'lgan minimal samarali dozada qabul qilish tavsiya etiladi.

Uzoq muddatli davolash vaqtida periferik qon manzarasi va jigar hamda buyrak funksional holatini nazorat qilish zarur.

Gastropatiya simptomlari paydo bo'lganda ezofagogastroduodenoskopiya o'tkazish, umumiy qon tahlili (gemoglobinni aniqlash), yashirin qonga axlat tahlilini o'z ichiga olgan sinchkov nazorat ko'rsatilgan.

17-ketosteroidlarni aniqlash zarur bo'lganda preparatni tekshiruvdan 48 soat oldin bekor qilish kerak.

Davolash davrida etanol qabul qilish tavsiya etilmaydi.

Buyrak yetishmovchiligi bo'lgan bemorlar preparatni qo'llashdan oldin shifokor bilan maslahatlashishlari kerak, chunki buyrak funksional holatining yomonlashuvi xavfi mavjud.

Gipertenziyasi, shu jumladan anamnezida va/yoki surunkali yurak yetishmovchiligi bo'lgan bemorlar preparatni qo'llashdan oldin shifokor bilan maslahatlashishlari kerak, chunki preparat suyuqlik tutilishi, qon bosimining oshishi va shishlarni chaqirishi mumkin.

Nazorat qilinmaydigan arterial gipertenziya, NYHA bo'yicha II-III sinf dimlangan yurak yetishmovchiligi, yurak ishemik kasalligi, periferik arteriyalar kasalliklari va/yoki serebrovaskulyar kasalliklari bo'lgan bemorlarga ibuprofenni faqat foyda-xavf nisbatini sinchkovlik bilan baholagandan so'ng tayinlash kerak, bunda ibuprofenning yuqori dozalarini (> 2400 mg/sutka) qo'llashdan saqlanish kerak.

Suvchechagi bo'lgan bemorlarda NYAQVni qo'llash teri va teri osti-yog' klechatkasining infeksion-yallig'lanish kasalliklarining og'ir yiringli asoratlari (masalan, nekrozlanuvchi fassiit) rivojlanishining yuqori xavfi bilan bog'liq bo'lishi mumkin. Shu munosabat bilan suvchechakda preparatni qo'llashdan saqlanish tavsiya etiladi.

Homiladorlikni rejalashtirayotgan ayollar uchun ma'lumot: ushbu dori vositalari siklooksigenaza va prostaglandinlar sintezini bostiradi, ovulyatsiyaga ta'sir qilib, ayollar reproduktiv funksiyasini buzadi (davolash bekor qilinganda qaytuvchan).

Transport vositalarini va mexanizmlarni boshqarish qobiliyatiga ta'siri:

Ibuprofen qabul qilinganda bosh aylanishi, uyquchanlik, tormozlanish yoki ko'rish buzilishini qayd etgan bemorlar avtotransportni yoki mexanizmlarni boshqarishdan saqlanishlari kerak.

- Ibuprofenga va/yoki preparat tarkibiga kiruvchi har qanday komponentga gipersezuvchanlik;

- bronxial astma, burun va burun yondosh bo'shliqlari polipozining qaytalanishi va atsetilsalitsil kislotasi va/yoki boshqa NYaQVlarga toqat qilolmaslikning to'liq yoki to'liq bo'lmagan kombinatsiyasi (shu jumladan anamnezda);

- MIY organlarining eroziv-yarali shikastlanishlari (shu jumladan me'da va o'n ikki barmoqli ichak yara kasalligi, Kron kasalligi, yarali kolit) yoki faol bosqichdagi yoki anamnezdagi yaradan qon ketishi (yara kasalligi yoki yaradan qon ketishining ikki yoki undan ortiq tasdiqlangan epizodlari);

- anamnezda NYaQV qo'llash sababli kelib chiqqan MIYdan qon ketishi yoki yara perforatsiyasi;

- og'ir yurak yetishmovchiligi (NYHA bo'yicha IV sinf - Nyu-York kardiologlar assotsiatsiyasi tasnifi);

- og'ir jigar yetishmovchiligi yoki faol bosqichdagi jigar kasalligi;

- og'ir darajadagi buyrak yetishmovchiligi (kreatinin klirensi

- dekompensatsiyalangan yurak yetishmovchiligi;

- aortokoronar shuntlash o'tkazilgandan keyingi davr;

- serebrovaskulyar yoki boshqa qon ketish;

- gemofiliya va qon ivishining boshqa buzilishlari (shu jumladan gipokoagulyatsiya), gemorragik diatezlar;

- homiladorlik (III trimestr);

- 12 yoshgacha bo'lgan bolalar.

Ehtiyotkorlik bilan:

Ushbu bo'limda ko'rsatilgan holatlar mavjud bo'lganda, preparatni qo'llashdan oldin shifokor bilan maslahatlashish kerak.

Boshqa NYaQVlarni bir vaqtda qabul qilish, anamnezda me'da yara kasalligining yoki MIYdan yara qon ketishining bir martalik epizodi mavjudligi; gastrit, enterit, kolit, Helicobacter Pylori infeksiyasi mavjudligi, yarali kolit; bronxial astma yoki zo'rayish bosqichidagi yoki anamnezdagi allergik kasalliklar - bronxospazm rivojlanishi mumkin; tizimli qizil yuguruk yoki biriktiruvchi to'qimaning aralash kasalligi (Sharp sindromi) - aseptik meningit xavfi yuqori; suvchechak; buyrak yetishmovchiligi, shu jumladan suvsizlanishda (kreatinin klirensi minutiga 30-60 ml dan kam), nefrotik sindrom, jigar yetishmovchiligi, portal gipertenziya bilan kechuvchi jigar sirrozi, giperbilirubinemiya, arterial gipertenziya va/yoki yurak yetishmovchiligi, serebrovaskulyar kasalliklar, kelib chiqishi noma'lum qon kasalliklari (leykopeniya va anemiya), og'ir somatik kasalliklar, dislipidemiya/ giperlipidemiya, qandli diabet, periferik arteriya kasalliklari, chekish, spirtli ichimliklarni tez-tez iste'mol qilish, yara paydo bo'lishi yoki qon ketish xavfini oshirishi mumkin bo'lgan dori vositalarini, xususan, peroral glyukokortikosteroid preparatlarni (shu jumladan prednizolonni), antikoagulyantlarni (shu jumladan varfarinni), serotonin qayta qamrab olinishi selektiv ingibitorlarini (SQQSI) (shu jumladan tsitalopram, fluoksetin, paroksetin, sertralin) yoki antiagregantlarni (shu jumladan atsetilsalitsil kislotasi va klopidogrelni) bir vaqtda qabul qilish, homiladorlik I-II trimestr, emizish davri, keksa yosh.

Homiladorlik va laktatsiya:

Ibuprofenni homiladorlikning III trimestrida qo'llash mumkin emas. Homiladorlikning I-II trimestrlarida preparatni qo'llashdan saqlanish kerak, preparatni qabul qilish zarurati tug'ilganda shifokor bilan maslahatlashish kerak.

Ibuprofen oz miqdorda ko'krak sutiga emizikli bolaning sog'lig'i uchun hech qanday salbiy oqibatlarsiz o'tishi mumkinligi to'g'risida ma'lumotlar mavjud, shuning uchun odatda qisqa muddatli qabul qilishda emizishni to'xtatishga ehtiyoj tug'ilmaydi. Preparatni uzoq muddat qo'llash zarurati tug'ilganda preparatni qo'llash davrida emizishni to'xtatish masalasini hal qilish uchun shifokorga murojaat qilish kerak.

Ibuprofenni quyidagi dori vositalari bilan bir vaqtda qo'llashdan saqlanish kerak:

- atsetilsalitsil kislotasi: shifokor tomonidan tayinlangan atsetilsalitsil kislotasining past dozalaridan (kuniga 75 mg dan ko'p bo'lmagan) tashqari, chunki birgalikda qo'llash nojo'ya ta'sirlar paydo bo'lish xavfini oshirishi mumkin. Bir vaqtda qo'llanilganda ibuprofen atsetilsalitsil kislotasining yallig'lanishga qarshi va antiagregant ta'sirini kamaytiradi (ibuprofen qabul qilish boshlangandan keyin antiagregant vosita sifatida atsetilsalitsil kislotasining kichik dozalarini qabul qilayotgan bemorlarda o'tkir koronar yetishmovchilik rivojlanish chastotasi oshishi mumkin);



- boshqa NYQPVlar, shu jumladan SOG-2 selektiv ingibitorlari: nojo'ya ta'sirlar paydo bo'lish xavfi oshishi mumkinligi sababli NYQPV guruhidan ikki va undan ortiq preparatlarni bir vaqtda qo'llashdan saqlanish kerak.



Quyidagi dori vositalari bilan ehtiyotkorlik bilan qo'llash kerak:

- antikoagulyantlar va trombolitik preparatlar: NYQPV antikoagulyantlar, xususan, varfarin va trombolitik preparatlarning samarasini kuchaytirishi mumkin;

- antigipertenziv vositalar (angiotenzin o'zgartiruvchi ferment (AO'F) ingibitorlari va angiotenzin II antagonistlari) va diuretiklar: NYQPV ushbu guruh preparatlarining samaradorligini kamaytirishi mumkin. Diuretiklar va AO'F ingibitorlari NYQPV nefrotoksikligini oshirishi mumkin;

- glyukokortikosteroidlar: OIT yaralari hosil bo'lishi va oshqozon-ichakdan qon ketish xavfi oshadi.

- antiagregantlar va SIO'SI: oshqozon-ichakdan qon ketish paydo bo'lish xavfi oshadi;

- yurak glikozidlari: NYQPV va yurak glikozidlarini bir vaqtda tayinlash yurak yetishmovchiligining kuchayishiga, kalava filtratsiyasi tezligining pasayishiga va qon plazmasida yurak glikozidlari kontsentratsiyasining oshishiga olib kelishi mumkin;

- litiy preparatlari: NYQPV qo'llash fonida qon plazmasida litiy kontsentratsiyasi oshishi ehtimoli to'g'risida ma'lumotlar mavjud;

- metotreksat: PBP qo'llash fonida qon plazmasida metoreksat kontsentratsiyasi oshishi ehtimoli to'g'risida ma'lumotlar mavjud;

- siklosporin: NYQPV va siklosporin bir vaqtda tayinlanganda nefrotoksiklik xavfi ortadi;

- mifepriston: NYQPV qabul qilishni mifepriston qabul qilingandan keyin 8-12 kundan oldin boshlamaslik kerak, chunki NYQPV mifepriston samaradorligini kamaytirishi mumkin;

- takrolimus: NYQPV va takrolimus bir vaqtda tayinlanganda nefrotoksiklik xavfi oshishi mumkin;

- zidovudin: NYQPV va zidovudinni bir vaqtda qo'llash gematotoksiklik oshishiga olib kelishi mumkin. Zidovudin va ibuprofen bilan birgalikda davolangan gemofiliyasi bo'lgan OIV-musbat bemorlarda gemartroz va gematomalar paydo bo'lish xavfi oshishi to'g'risida ma'lumotlar mavjud;

- xinolon qatori antibiotiklari: NYQPV va xinolon qatori antibiotiklari bilan birgalikda davolanayotgan bemorlarda tirishishlar paydo bo'lish xavfi oshishi mumkin;

- tsefamandol, tsefoperazon, tsefotetan, valproat kislotasi, plikamitsin: gipoprotrombinemiya rivojlanish chastotasi oshishi;

- naychalar sekretsiyasini bloklovchi dori vositalari: ibuprofenning chiqarilishini kamayishi va plazma kontsentratsiyasini oshishi;

- mikrosomal oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar): gidroksillangan faol metabolitlar ishlab chiqarilishini oshishi, og'ir intoksikatsiyalar rivojlanish xavfini oshishi;

- mikrosomal oksidlanish ingibitorlari: gepatotoksik ta'sir xavfini kamayishi;

- peroral gipoglikemik dori vositalari va insulin, sulfonilmoчевина hosilalari: samarani kuchayishi;

- antatsidlar va kolestiramin: so'rilishni kamayishi;

- kofein: analgetik samaraning kuchayishi.