KLOTRIMAZOL eritma 30ml 1%

QO‘LLASH BO‘YICHA YO‘RIQNOMA

KLOTRIMAZOL-AKRI^®

CLOTRIMAZOLUM

Preparatning savdo nomi: Klotrimazol-Akri^®

Ta‘sir qiluvchi modda (XPN): klotrimazol

Dori shakli: sirtga qo‘llash uchun surtma

Tarkibi:

100 g surtma quyidagilarni saqlaydi:

faol modda: klotrimazol 100% moddaga qayta hisoblanganda – 1 g;

yordamchi moddalar: propilenglikol – 12,5 g, metilparagidroksibenzoat (nipagin) – 0,2 g, qahrabo kislotasi – 0,5 g, natriy benzoati – 6 g, emulsion mum – 3 g, kanakunjut moyi – 14 g, metilsellyuloza – 3 g, distillangan monogliseridlar – 1,5 g, tozalangan suv – 100 g gacha.

Ta‘rifi: oq yoki deyarli oq rangli, kuchsiz o‘ziga xos hidli surtma.

Farmakoterapevtik guruhi: zamburug‘larga qarshi vosita.

ATX kodi: D01AC01

Farmakologik xususiyatlari

Sirtga qo‘llash uchun imidazol hosilalari guruhiga mansub zamburug‘larga qarshi vosita, mikrob devorining xujayra membranasining tarkibiy qismi bo‘lgan ergosterolning sintezini pasaytiradi va uning strukturasi va xususiyatlarini o‘zgarishiga olib keladi.

Kichik konsentrasiyalarda fungistatik, katta (20 mg/ml dan ortiq) konsentrasiyalarda esa – fungisid, ayni paytda nafaqat proliferasiyalanuvchi xujayralarga ta‘sir qiladi.

Fungisid konsentrasiyalarda mitaxondrial va peroksidaz fermentlar bilan o‘zaro ta‘sir qiladi, buning natijasida vodorod peroksidining konsentrasiyasini toksik darajagacha oshishi yuz beradi, bu ham zamburug‘ hujayralarining parchalanishga yordam beradi.

Patogen dermatofitlar (Trichophyton rubrum, Trichophyton mentagrophytes, Epidermophyton floccosum, Microsporum canis), achitqisimon va mog‘or zamburug‘lari (Candida spp., Torulopsis glabrata, Rhodotorula spp., Pityrosporum orbiculare) ga nisbatan faol.

Farmakokinetikasi

Klotrimazol teri va shilliq qavatlar orqali yomon so‘riladi va deyarli tizimli ta‘sir ko‘rsatmaydi. Epidermisning shox qavatida to‘planadi, tirnoqlarning keratiniga kiradi. Epidermisning chuqur qavatlaridagi konsentrasiyasi dermatofitlar uchun minimal bostiruvchi konsentrasiyasidan yuqoriroq.

Qo‘llanilishi

• terining, shu jumladan teri burmalari va oyoq panjasining dermatofitlar, achitqisimon (Candida spp.), mog‘or va boshqa zamburug‘lar va klotrimazolga sezgir bo‘lgan qo‘zg‘atuvchilar chaqirgan kasalliklari: dermatomikoz, dermatofitiya, trixofitiya, epidermofitiya, mikrosporiya, kandidomikoz, barmoqlar orasining zamburug‘li eroziyasi, zamburug‘li paronixiya;
• ikkilamchi piodermiyalar bilan asoratlangan mikozlar, majmuaviy davolash tarkibida;
• kepaksimon temiratki, rang-barang temiratki, eritrazmada qo‘llanadi.

Qo‘llash usuli va dozalari

Sirtga.

Kattalarga boshqa tavsiyalar bo‘lmasa, surtmani bir kunda 2-3 marta oldindan tozalangan va terining quruq jarohatlangan sohalariga yupqa qilib surtish tavsiya qilinadi. Kaft o‘lchamiga teng yuzasi maydoniga bir martalik doza – 5 mm uzunlikdagi surtmaning ustunchasi. Muvaffaqiyatli davolash uchun surtmani muntazam qo‘llash lozim.

Davolashning davomiyligi shaxsiy ravishda belgilanadi va kasallikning og‘irligi va joylashishiga bog‘liq. To‘liq sog‘ayishga erishish uchun surtma bilan davolashni yallig‘lanishning o‘tkir simptomlarini yo‘qolishi yoki sub‘ektiv shikoyatlarni kamayishi bilan darrov to‘xtatish tavsiya etilmaydi. Davolashning davomiyligi o‘rtacha taxminan 4 haftani tashkil qilishi lozim.

Kepaksimon temiratki asosan 1-3 hafta davomida, eritrazma esa 2-4 hafta davomida tuzaladi.

Oyoq terisidagi zamburug‘li kasalliklarida davolashni kasallik simptomlari bartaraf qilingandan keyin taxminan 2 hafta davom ettirish tavsiya qilinadi.

Bolalarda 2 yoshdan boshlab preparat yuqorida ko‘rsatilgan dozalarda qo‘llanadi.

Nojo‘ya ta‘sirlari

Mahalliy reaksiyalar: achishish, shish, terini ta‘sirlanishi va qipiqlanishi, paresteziyalar, eritematoz toshmalar, qavariqlarni paydo bo‘lishi.

Allergik reaksiyalar: qichishish, eshakemi.

Qo‘llash mumkin bo‘lmagan holatlar

Klotrimazolga yoki yordamchi moddalariga yuqori sezuvchanlik, homiladorlik (I uch oyligi), 2 yoshgacha bo‘lgan bolalarda qo‘llash mumkin emas.

Ehtiyotkorlik bilan

Laktasiya davri, homiladorlikda (II va III uch oylikda) ehtiyotkorlik bilan qo‘llanadi.

Dorilarning o‘zaro ta‘siri

Amfoterisin V, nistatin, natamisin bir vaqtda qo‘llanganida klotrimazolning samaradorligini pasaytiradi.

Maxsus ko‘rsatmalar

Ko‘zning shilliq qavatiga tushishiga yo‘l qo‘ymaslik lozim.

Jigar yetishmovchiligi bo‘lgan bemorlarda jigarning funksional holatini vaqti-vaqti bilan nazorat qilish kerak.

O‘ta yuqori sezuvchanlik yoki ta‘sirlanishning belgilari paydo bo‘lganida davolash to‘xtatiladi.

4 hafta davomida samara bo‘lmasa tashhisni tasdiqlash kerak.

Bolalarda katta yuzalarga surtishdan saqlanish kerak.

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Sirtga qo‘llanganida preparatning faol komponentini past tizimli so‘rilishi deyarli dozani oshirib yuborilishini yo‘qqa chiqaradi.

Chiqarilish shakli

Sirtga qo‘llash uchun surtma 1%. 20 g dan alyumin tubalarda. Har bir tuba qo‘llash bo‘yicha yo‘riqnomasi bilan birga karton qutiga joylanadi.

Saqlash sharoiti

Quruq, yorug‘likdan himoyalangan, 15^oS dan yuqori bo‘lmagan haroratda.

Yaroqlilik muddati

2 yil.

Dorixonalardan berish tartibi

Reseptsiz.