MELOKSIKAM 0,01/ML eritma 1,5ml N3

So'rilishi

Meloksikam mushak ichiga yuborilgandan so'ng to'liq so'riladi. Ichga qabul qilingandagi biokiraolishlik bilan solishtirganda nisbiy biokiraolishlik deyarli 100 % ni tashkil qiladi. Shuning uchun in'ektsion shakllardan peroral shakllarga o'tishda doza tanlash talab etilmaydi. Preparat 15 mg dozada mushak ichiga yuborilgandan so'ng qondagi maksimal konsentratsiya 1,6-1,8 mkg/ml ni tashkil qiladi va taxminan 60-96 daqiqa ichida erishiladi.

Taqsimlanishi

Meloksikam qon plazmasi oqsillari bilan, asosan albumin bilan juda yaxshi bog'lanadi (99 %). Sinovial suyuqlikka kirib boradi, sinovial suyuqlikdagi konsentratsiya plazmadagi konsentratsiyaning taxminan 50 % ini tashkil qiladi. Taqsimlanish hajmi - o'rtacha 11 l. Shaxslararo og'ishlar 7-20 % ni tashkil qiladi.

Metabolizmi

Meloksikam jigarda deyarli to'liq metabolizmga uchrab, 4 ta farmakologik nofaol hosilalarni hosil qiladi. Asosiy metabolit, 5-karboksimeloksikam (doza miqdorining 60 %), oraliq metabolit, 5-gidroksimetilmeloksikamning oksidlanishi yo'li bilan hosil bo'ladi, u ham ekskregatsiya qilinadi, lekin kamroq darajada (doza miqdorining 9 %). In vitro tadqiqotlari shuni ko'rsatdiki, ushbu metabolik o'zgarishda CYP2C9 izofermenti muhim rol o'ynaydi, CYP3A4 izofermenti qo'shimcha ahamiyatga ega. Boshqa ikkita metabolitning (mos ravishda preparat dozasi miqdorining 16 % va 4 % ini tashkil qiluvchi) hosil bo'lishida peroksidaza ishtirok etadi, uning faolligi, ehtimol, individual ravishda o'zgarib turadi.

Chiqarilishi

Ichak va buyraklar orqali teng darajada, asosan metabolitlar ko'rinishida chiqariladi. O'zgarmas holda axlat bilan sutkalik doza miqdorining 5 % dan kamrog'i chiqariladi, siydikda o'zgarmagan holda preparat faqat iz miqdorlarida aniqlanadi. Meloksikamning o'rtacha yarim chiqarilish davri 13-25 soatni tashkil qiladi.

Plazma klirensi bir marta qo'llanilgandan so'ng o'rtacha 7-12 ml/daqiqani tashkil qiladi.

Meloksikam mushak ichiga yuborilganda 7,5-15 mg dozalarda chiziqli farmakokinetikani namoyish etadi.

Jigar va/yoki buyrak funksiyasi yetishmovchiligi

Jigar funksiyasi yetishmovchiligi, shuningdek kuchsiz yoki o'rtacha ifodalangan buyrak yetishmovchiligi meloksikam farmakokinetikasiga sezilarli ta'sir ko'rsatmaydi. Meloksikamning organizmdan chiqarilish tezligi o'rtacha ifodalangan buyrak yetishmovchiligi bo'lgan bemorlarda ancha yuqori. Terminal buyrak yetishmovchiligi bo'lgan bemorlarda meloksikam plazma oqsillari bilan yomonroq bog'lanadi. Terminal buyrak yetishmovchiligida taqsimlanish hajmining oshishi erkin meloksikamning yuqoriroq konsentratsiyalariga olib kelishi mumkin, shuning uchun bu bemorlarda sutkalik doza 7,5 mg dan oshmasligi kerak.

Keksa yoshdagi bemorlar

Keksa yoshdagi bemorlar yosh bemorlarga nisbatan o'xshash farmakokinetik ko'rsatkichlarga ega. Keksa yoshdagi bemorlarda farmakokinetikaning muvozanat holati davridagi o'rtacha plazma klirensi yosh bemorlarnikiga qaraganda biroz pastroq. Keksa yoshdagi ayollarda AUC (konsentratsiya-vaqt egri chizig'i ostidagi maydon) ning yuqoriroq qiymatlari va har ikkala jinsdagi yosh bemorlarga nisbatan uzoq yarim chiqarilish davri kuzatiladi.

Og'riq qoldiruvchi Yallig'lanishga qarshi

Quyida preparatni qo‘llash bilan bog‘liqligi ehtimoliy deb baholangan nojo‘ya ta’sirlar ta’riflangan.

Post-marketing qo‘llanilganda qayd etilgan, preparatni qabul qilish bilan bog‘liqligi ehtimoliy deb baholangan nojo‘ya ta’sirlar * belgisi bilan belgilangan.

Nojo‘ya ta’sirlar rivojlanish tezligining JSST tasnifi:

juda tez-tez ->1/10

tez-tez - >1/100 dan
tez-tez emas - >1/1000 dan
kam hollarda - >1/10000 dan
juda kam hollarda -
aniqlanmagan - mavjud ma’lumotlar bo‘yicha uchrash tezligini aniqlash imkoni yo‘q.

Qon va limfa tizimi tomonidan buzilishlar Tez-tez emas: anemiya.

Kam hollarda: leykopeniya, trombotsitopeniya, qon hujayralari sonining o‘zgarishi, shu jumladan leykotsitar formulaning o‘zgarishi.

Immun tizimi tomonidan buzilishlar

Tez-tez emas: tezkor turdagi boshqa o‘ta yuqori sezuvchanlik reaksiyalari*.

Aniqlanmagan: anafilaktik shok*, anafilaktoid reaksiyalar*. Ruhiyat buzilishlari

Kam hollarda: kayfiyat o‘zgarishi*.

Aniqlanmagan: ongning chalkashishi*, dezorientatsiya*.

Asab tizimi tomonidan buzilishlar Tez-tez: bosh og‘rig‘i.

Tez-tez emas: bosh aylanishi, uyquchanlik.

Ko‘rish, eshitish a’zolari va labirint buzilishlari tomonidan buzilishlar Tez-tez emas: vertigo.

Kam hollarda: kon’yunktivit, ko‘rishning buzilishi, shu jumladan ko‘rish noaniqligi*, quloqlarda shovqin.

Yurak va tomirlar tomonidan buzilishlar

Tez-tez emas: arterial bosim oshishi, yuzga qon «oqib kelish» hissi.

Kam hollarda: yurak urishi.

Nafas olish tizimi tomonidan buzilishlar

Kam hollarda: atsetilsalitsil kislotasi va boshqa NYQPlarga allergiyasi bo‘lgan bemorlarda bronxial astma.

Me’da-ichak yo‘llari tomonidan buzilishlar Tez-tez: qorinda og‘riq, dispepsiya, diareya, ko‘ngil aynishi, qusish.

Tez-tez emas: yashirin yoki yaqqol me’da-ichakdan qon ketishi, gastrit*, stomatit, qabziyat, qorin dam bo‘lishi, kekirish.

Kam hollarda: gastroduodenal yaralar, kolit, ezofagit.

Juda kam hollarda: me’da-ichak yo‘llari teshilishi.

Jigar va o‘t chiqarish yo‘llari tomonidan buzilishlar

Tez-tez emas: jigar funksiyasi ko‘rsatkichlarining tranzitor o‘zgarishlari (masalan,

transaminazalar yoki bilirubin faolligining oshishi).

Juda kam hollarda: gepatit*.

Teri va teri osti to‘qimalari tomonidan buzilishlar Tez-tez emas: angioishish*, qichishish, teri toshmasi.

Kam hollarda: toksik epidermal nekroliz, Stivens-Djonson sindromi*, eshakemi.

Juda kam hollarda: bullez dermatit*, ko‘p shaklli eritema*.

Aniqlanmagan: fotosensibilizatsiya.

Buyrak va siydik chiqarish yo‘llari tomonidan buzilishlar

Tez-tez emas: buyrak funksiyasi ko‘rsatkichlarining o‘zgarishi (qon zardobida kreatinin va/yoki mochevina darajasining oshishi), siydik chiqarishning buzilishi, shu jumladan siydikning o‘tkir tutilishi*.

Juda kam hollarda: o‘tkir buyrak yetishmovchiligi*.

Jinsiy a’zolar va sut bezi tomonidan buzilishlar Tez-tez emas: kechki ovulyatsiya*.

Aniqlanmagan: ayollarda bepushtlik*.

Umumiy buzilishlar va yuborilgan joydagi buzilishlar Tez-tez: yuborilgan joyda og‘riq va shish.

Tez-tez emas: shishlar.

Alohida noxush reaksiyalarning ta’rifi

Suyak ko‘migini susaytiruvchi dori vositalari (masalan, metotreksat) bilan birga qo‘llash sitopeniyani keltirib chiqarishi mumkin. Me’da-ichakdan qon ketishi, yara yoki teshilish o‘limga olib kelishi mumkin. Boshqa NYQPlar kabi interstitsial nefrit, glomerulonefrit, buyrak medulyar nekrozi, nefrotik sindrom paydo bo‘lishi ehtimoli istisno qilinmaydi.

Oshqozon-ichak trakti kasalliklaridan aziyat chekuvchi bemorlar muntazam kuzatuvda bo'lishlari kerak. Oshqozon-ichak trakti yarali shikastlanishi yoki oshqozon-ichakdan qon ketish yuzaga kelganda preparatni bekor qilish zarur.

Oshqozon-ichak trakti yaralari, perforatsiya yoki qon ketishlar NYQP ni qo'llash davomida har qanday vaqtda, ham ogohlantiruvchi simptomlar yoki anamnezida jiddiy oshqozon-ichak asoratlari to'g'risida ma'lumotlar mavjud bo'lganda, ham ular bo'lmaganda yuzaga kelishi mumkin. Ushbu asoratlarning oqibatlari umuman olganda keksa yoshdagi shaxslarda jiddiyroq bo'ladi.

Preparat qo'llanilganda eksfoliativ dermatit, Stivens-Jonson sindromi, toksik epidermal nekroliz kabi jiddiy teri reaktsiyalari rivojlanishi mumkin. Shuning uchun teri va shilliq qavatlar tomonidan noxush ko'rinishlar, shuningdek preparatga o'ta yuqori sezuvchanlik reaktsiyasi rivojlanishi haqida xabar berayotgan bemorlarga alohida e'tibor qaratish lozim, ayniqsa agar bunday reaktsiyalar oldingi davolash kurslari davomida kuzatilgan bo'lsa. Bunday reaktsiyalarning rivojlanishi, qoida tariqasida, davolashning birinchi oyi davomida kuzatiladi. Teri toshmasining birinchi belgilari, shilliq qavatlar o'zgarishi yoki o'ta yuqori sezuvchanlikning boshqa belgilari paydo bo'lgan taqdirda preparatni qo'llashni to'xtatish masalasini ko'rib chiqish kerak.

NYQP qabul qilinganda jiddiy yurak-qon tomir trombozlari, miokard infarkti, stenokardiya xuruji rivojlanish xavfi oshishi holatlari, o'lim bilan yakunlanishi mumkinligi tavsiflangan. Bunday xavf preparat uzoq muddat qo'llanilganda, shuningdek anamnezida yuqorida ko'rsatilgan kasalliklari bo'lgan va bunday kasalliklarga moyilligi bo'lgan bemorlarda ortadi. NYQP buyraklarda buyrak perfuziyasini saqlab turishda ishtirok etadigan prostaglandinlar sintezini ingibitsiya qiladi. Buyrak qon oqimi pasaygan yoki aylanib yuruvchi qon hajmi kamaygan bemorlarda NYQP ni qo'llash yashirin kechuvchi buyrak yetishmovchiligi dekompensatsiyasiga olib kelishi mumkin. NYQP bekor qilingandan so'ng buyrak funktsiyasi odatda boshlang'ich darajagacha tiklanadi. Ushbu reaktsiya rivojlanish xavfiga eng ko'p darajada keksa bemorlar; degidratatsiya, dimlangan yurak yetishmovchiligi, jigar tsirrozi, nefrotik sindrom yoki buyrak funktsiyasining o'tkir buzilishlari qayd etiladigan bemorlar; diuretik vositalarni, AIF ingibitorlarini, angiotenzin-II retseptorlari antagonistlarini bir vaqtda qabul qilayotgan bemorlar, shuningdek gipovolemiyaga olib keluvchi jiddiy jarrohlik aralashuvlarini boshdan kechirgan bemorlar moyil bo'ladilar. Bunday bemorlarda terapiya boshida diurez va buyrak funktsiyasini sinchkovlik bilan nazorat qilish kerak. NYQP ni diuretiklar bilan birga qo'llash natriy, kaliy va suv tutilishiga, shuningdek siydik haydovchi vositalarning natriyuretik ta'sirini pasayishiga olib kelishi mumkin. Buning natijasida moyilligi bo'lgan bemorlarda yurak yetishmovchiligi yoki gipertenziya belgilari kuchayishi mumkin. Shuning uchun bunday bemorlarning holatini sinchkovlik bilan nazorat qilish zarur, shuningdek ularda adekvat gidratatsiya saqlanib turishi kerak. Davolashni boshlashdan oldin buyrak funktsiyasini tekshirish zarur. Kombinatsiyalangan terapiya o'tkazilgan taqdirda buyrak funktsiyasini ham nazorat qilish kerak. Meloksikamdan foydalanishda (ko'pchilik boshqa NYQP kabi) qon zardobida transaminazalar faolligi yoki jigar funktsiyasining boshqa ko'rsatkichlari epizodik oshishi mumkin. Ko'pchilik hollarda bu oshish kichik va o'tkinchi bo'lgan. Agar aniqlangan o'zgarishlar sezilarli bo'lsa yoki vaqt o'tishi bilan kamaymasa, preparatni bekor qilish va aniqlangan laboratoriya o'zgarishlari ustidan kuzatuvni o'tkazish kerak. Holsizlangan yoki oriqlagan bemorlar noxush ko'rinishlarni yomonroq o'tkazishlari mumkin, shu munosabat bilan bunday bemorlar sinchkovlik bilan kuzatilishi kerak.

Boshqa NYQP kabi meloksikam asosiy infektsion kasallik simptomlarini niqoblashi mumkin.

Siklooksigenaza/prostaglandin sintezini ingibitsiya qiluvchi preparat sifatida meloksikam fertillikka ta'sir qilishi mumkin va shuning uchun urug'lanish bilan bog'liq qiyinchiliklari bo'lgan ayollarga tavsiya etilmaydi. Shu munosabat bilan ushbu sabab bo'yicha tekshiruvdan o'tayotgan ayollarda preparatni qabul qilishni bekor qilish tavsiya etiladi.

Kuchsiz yoki o'rtacha buyrak yetishmovchiligi (kreatinin klirensi 25 ml/daq dan ortiq) bo'lgan bemorlarda dozani to'g'irlash talab etilmaydi.

Jigar tsirrozi (kompensatsiyalangan) bo'lgan bemorlarda dozani to'g'irlash talab etilmaydi.

Chanoq-son bo'g'imi protezi bo'lgan bemorlarda in'ektsiyalarni boshqa dumbaga yuborish kerak.

Transport vositalarini boshqarish va mexanizmlar bilan ishlash qobiliyatiga ta'siri

Preparatning avtomobilni boshqarish va mexanizmlar bilan ishlash qobiliyatiga ta'siri bo'yicha maxsus klinik tadqiqotlar o'tkazilmagan. Biroq avtomobilni boshqarishda va mexanizmlar bilan ishlashda bosh aylanishi, uyquchanlik yoki markaziy nerv tizimi tomonidan boshqa buzilishlar rivojlanishi mumkinligini hisobga olish kerak.

• preparatning ta'sir etuvchi yoki yordamchi moddalariga yuqori sezuvchanlik;

• yuqori sezuvchanlik (shu jumladan boshqa nosteroid yallig'lanishga qarshi preparatlarga ham), bronxial astma, burun va burun yondosh bo'shliqlarining qaytalanuvchi polipozi, atsetilsalitsil kislotasi yoki boshqa nosteroid yallig'lanishga qarshi preparatlarni o'zlashtira olmaslik tufayli kelib chiqqan angionevrotik shish yoki eshakemining to'liq yoki to'liq bo'lmagan kombinatsiyasi, kesishuvchi sezuvchanlik ehtimoli mavjudligi sababli (shu jumladan anamnezda);

• oshqozon va o'n ikki barmoqli ichakning zo'rayish bosqichidagi yoki yaqinda o'tkazilgan eroziv-yarali shikastlanishlari;

• ichakning yallig'lanish kasalliklari - zo'rayish bosqichidagi Kron kasalligi yoki yarali kolit;

• og'ir jigar va yaqqol nazorat qilinmaydigan yurak yetishmovchiligi;

• og'ir buyrak yetishmovchiligi (agar gemodializ o'tkazilmasa, kreatinin klirensi 30 ml/min dan kam, shuningdek tasdiqlangan giperkaliemiyada);

• faol jigar kasalligi;

• faol oshqozon-ichakdan qon ketish, yaqinda o'tkazilgan serebrovaskulyar qon ketishlar yoki qon ivish tizimi kasalliklarining aniqlangan tashxisi;

• 18 yoshgacha bo'lganlar;

• homiladorlik;

• ko'krak suti bilan emizish;

• koronar arteriyalarni shuntlash o'tkazishda perioperatsion og'riqlarni davolash;

• antikoagulyantlar bilan yo'ldosh terapiya, chunki mushak ichiga gematomalar hosil bo'lish xavfi mavjud.

Ehtiyotkorlik bilan

Anamnezda oshqozon-ichak trakti kasalliklari (H. pylori infektsiyasi mavjudligi); surunkali yurak yetishmovchiligi; buyrak yetishmovchiligi (kreatinin klirensi 30-60 ml/min); yurak ishemik kasalligi; serebrovaskulyar kasalliklar; dislipidemiya/giperlipidemiya; qandli diabet; jigar kasalliklarining zo'rayishi, giperbilirubinemiya, jigar yetishmovchiligi; quyidagi preparatlar bilan yo'ldosh terapiya: antikoagulyantlar, peroral glyukokortikosteroidlar,

antiagregantlar, serotoninni qayta qamrab oluvchi selektiv ingibitorlar; periferik arteriyalar kasalliklari; keksa bemorlar (65 yoshdan katta) (shu jumladan diuretiklarni qabul qiluvchi, zaiflashgan va tana vazni past bemorlar); NYQPni uzoq vaqt qo'llash; chekish; alkogolni tez-tez iste'mol qilish.

Homiladorlik va ko'krak suti bilan emizish davrida qo'llanilishi

Homiladorlik

Homiladorlik vaqtida meloksikamni qo'llash mumkin emas.

Ko'krak suti bilan emizish davri

Ma'lumki, NYQP ko'krak sutiga o'tadi, shuning uchun emizish davrida meloksikamni qo'llash mumkin emas.

Fertillik

Meloksikam siklooksigenaza/prostaglandin sintezini ingibitsiya qiluvchi preparat sifatida fertillikka ta'sir qilishi mumkin va shuning uchun homiladorlikni rejalashtirayotgan ayollarga tavsiya etilmaydi. Meloksikam ovulyatsiya kechikishiga olib kelishi mumkin. Shu munosabat bilan urug'lanish bilan bog'liq muammolari bo'lgan va shunga o'xshash muammolar bo'yicha tekshiruvdan o'tayotgan ayollarda preparatni qabul qilishni bekor qilish tavsiya etiladi.

Boshqa dori vositalari bilan o'zaro ta'siri

Farmakodinamik o'zaro ta'sirlar

Meloksikam boshqa NYQPV, shu jumladan salitsilatlar (atsetilsalitsil kislotasi) va glyukokortikoidlar bilan bir vaqtda qo'llanilganda ta'sir sinergizmi (prostaglandinlar sintezi ingibirlanishi) oqibatida oshqozon-ichak trakti (OIT) eroziv-yarali shikastlanishlari va oshqozon-ichakdan qon ketishlar yuzaga kelish xavfi ortadi. Meloksikam va boshqa NYQPVni bir vaqtda qo'llash tavsiya etilmaydi.

Ichga qabul qilish uchun antikoagulyantlar, tizimli qo'llash uchun geparin, trombolitik vositalar meloksikam bilan bir vaqtda qo'llanilganda qon ketish rivojlanish xavfini oshiradi. Bir vaqtda qo'llanilganda qon ivish tizimi ko'rsatkichlarini diqqat bilan nazorat qilish zarur.

Antitrombotsitar preparatlar va serotoninni qayta qamrab olish selektiv ingibitorlari (SIO'SI) meloksikam bilan bir vaqtda qo'llanilganda trombotsitlar funktsiyasini ingibirlash oqibatida qon ketish rivojlanish xavfini oshiradi. Bir vaqtda qo'llanilganda qon ivish tizimi ko'rsatkichlarini diqqat bilan nazorat qilish zarur. Meloksikam vazodilatatsiya qiluvchi xususiyatlarga ega prostaglandinlar sintezini ingibirlash oqibatida antigipertenziv vositalar (beta-adrenoblokatorlar, angiotenzin o'zgartiruvchi ferment (AO'F) ingibitorlari, vazodilatatorlar, diuretiklar) samarasini pasaytiradi.

NYQPVni (shu jumladan meloksikamni) diuretiklarni qabul qilish fonida suvsizlangan bemorlarda qo'llash o'tkir buyrak yetishmovchiligi rivojlanish xavfi bilan kechadi. Meloksikam va diuretiklar olayotgan bemorlarda adekvat gidratatsiya saqlanishi kerak. Davolash boshlanishidan oldin buyrak funktsiyasini tekshirish zarur. NYQPV va angiotenzin-II retseptorlari antagonistlarini, xuddi AFP ingibitorlari kabi, birga qo'llash kalava filtratsiyasi pasayishi samarasini kuchaytiradi. Bu o'tkir buyrak yetishmovchiligi rivojlanishiga olib kelishi mumkin, ayniqsa buyrak funktsiyasi buzilgan bemorlarda.

Meloksikam buyrak prostaglandinlari sinteziga ingibirlovchi ta'sir ko'rsatib, siklosporinning nefrotoksikligini kuchaytirishi mumkin. Kombinatsiyalangan terapiya o'tkazish holatida buyrak funktsiyasini muntazam nazorat qilish kerak, ayniqsa keksa bemorlarda. Kreatinin klirensi 45 dan 79 ml/daq gacha bo'lgan bemorlarda meloksikamni qo'llashni pemetreksed qo'llash boshlanishidan 5 kun oldin to'xtatish va pemetreksed qabul qilish tugagandan 2 kun o'tgach qayta tiklash mumkin. Agar meloksikam va pemetreksedni birga qo'llash zarurati bo'lsa, bemorlarni diqqat bilan kuzatish kerak, ayniqsa mielosupressiya va OIT tomonidan nojo'ya hodisalar yuzaga kelishi yuzasidan. Kreatinin klirensi 45 ml/daq dan kam bo'lgan bemorlarda meloksikamni pemetreksed bilan birga qo'llash tavsiya etilmaydi.

Farmakokinetik o'zaro ta'sirlar

NYQPV litiyning buyraklar orqali chiqarilishini kamaytirish orqali plazmada litiy kontsentratsiyasini oshiradi. Plazmada litiy kontsentratsiyasi toksik qiymatlargacha yetishi mumkin. Meloksikamni litiy preparatlari bilan bir vaqtda qo'llash tavsiya etilmaydi. Bir vaqtda qo'llash zarurati bo'lganda litiy preparatlarini qo'llashning butun kursi davomida plazmada litiy kontsentratsiyasini diqqat bilan nazorat qilish tavsiya etiladi.

NYQPV metotreksatning naychalar sekretsiyasini kamaytirishi va shu tariqa plazmada metotreksat kontsentratsiyasini oshirishi mumkin. Meloksikam va metotreksatni (haftasiga 15 mg dan ortiq dozada) bir vaqtda qo'llash tavsiya etilmaydi. Metotreksat va meloksikamni bir vaqtda qo'llashda o'zaro ta'sir xavfi past dozalarda metotreksat olayotgan bemorlarda, ayniqsa buyrak funktsiyasi buzilgan bemorlarda ham bo'lishi mumkin. Meloksikam metotreksatning gematologik toksikligini oshirishi mumkin, ayniqsa buyrak funktsiyasi buzilgan bemorlarda. Bir vaqtda qo'llanilganda buyrak funktsiyasi va qon formulasini diqqat bilan nazorat qilish zarur. Meloksikam va metotreksat 3 kun ichida birga qo'llanilganda ehtiyotkorlikka rioya qilish kerak, chunki plazmada metotreksat kontsentratsiyasi oshishi mumkin va natijada toksik ta'sirlar yuzaga kelish xavfi ortadi. Meloksikamni bir vaqtda qo'llash haftasiga 15 mg dozadagi metotreksat farmakokinetikasiga ta'sir qilmagan, biroq NYQPV bir vaqtda qabul qilinganda metotreksatning gematologik toksikligi kuchayishini hisobga olish kerak.

Meloksikam bilan bir vaqtda CYP2C9 izofermentini va/yoki CYP3A4 izofermentini ingibirlash qobiliyatiga ega bo'lgan (yoki ushbu fermentlar ishtirokida metabolizmga uchraydigan) sulfonilmoчевина hosilalari yoki probenetsid kabi dori preparatlari qo'llanilganda farmakokinetik o'zaro ta'sir ehtimolini hisobga olish kerak.

Ichga qabul qilish uchun gipoglikemik vositalar (masalan, sulfonilmoчевина hosilalari, nateglid) bilan birga qo'llanilganda CYP2C9 izofermenti orqali vositalangan o'zaro ta'sir bo'lishi mumkin, bu qonda gipoglikemik vositalar, shuningdek meloksikam kontsentratsiyasining oshishiga olib kelishi mumkin. Meloksikamni sulfonilmoчевина preparatlari yoki nateglinid bilan bir vaqtda qabul qilayotgan bemorlarda gipoglikemiya rivojlanishi ehtimoli tufayli qonda glyukoza kontsentratsiyasini diqqat bilan nazorat qilish kerak. Kolestiramin meloksikamni OITda bog'lab, uning tezroq chiqarilishiga olib keladi. Meloksikam antatsidlar, simetidin, digoksin va furosemid bilan bir vaqtda qo'llanilganda ahamiyatli farmakokinetik o'zaro ta'sir aniqlanmagan.

NYQPV bachadon ichi kontratseptiv vositalar samaradorligini pasaytirishi mumkin. NYQPV qabul qilishni mifepriston qabul qilingandan keyin 8-12 kundan oldin boshlamaslik kerak, chunki NYQPV mifepriston samaradorligini kamaytirishi mumkin.