MELOKSIKAM AVEKSIMA 0,015 tabletkalari N20

Ichga qabul qilingandan so'ng me'da-ichak traktidan so'rilishi - 89%. Ovqat qabul qilish so'rilishga ta'sir qilmaydi. Plazmadagi kontsentratsiya dozaga bog'liq. Cmax ga erishish vaqti - 5-6 soat. Muvozanatli kontsentratsiya 3-5 kundan keyin hosil bo'ladi. Plazma oqsillari bilan bog'lanishi - 99%. Gistogematik to'siqlar orqali o'tadi, sinovial suyuqlikka kiradi. Sinovial suyuqlikdagi kontsentratsiya - plazmadagi kontsentratsiyaning 50%. Jigarda metabolizmi - faol bo'lmagan metabolitlargacha.

Ichak va buyraklar orqali (taxminan teng nisbatda), o'zgarmagan holda - sutkalik dozaning 5% (ichak orqali) chiqariladi. T1/2 - 20 soat. Plazma klirensi - o'rtacha 8 ml/daq (keksa yoshda pasayadi).

Og'riq qoldiruvchi Yallig'lanishga qarshi

Ovqat hazm qilish tizimi tomonidan: 1% dan ortiq - dispepsiya, shu jumladan ko'ngil aynishi, qusish, abdominal og'riqlar, qabziyat, meteorizm, diareya; 0,1-1% - "jigar" transaminazalari faolligining o'tkinchi oshishi, giperbilirubinemiya, kekirish, ezofagit, gastroduodenal yara, oshqozon-ichak traktidan qon ketish (shu jumladan yashirin), stomatit; 0,1% dan kam - oshqozon-ichak trakti perforatsiyasi, kolit, gepatit, gastrit.

Qon yaratish a'zolari tomonidan: 1% dan ortiq - anemiya; 0,1-1% - qon hujayralari tarkibining o'zgarishi, shu jumladan leykopeniya, trombotsitopeniya.

Teri qoplamalari tomonidan: 1% dan ortiq - qichishish, teri toshmasi; 0,1-1% - eshakemi; 0,1% dan kam - fotosensibilizatsiya, bullyoz toshmalar, ko'p shaklli eritema, shu jumladan Stivens-Djonson sindromi, toksik epidermal nekroliz.

Nafas olish tizimi tomonidan: 0,1% dan kam - bronxospazm.

Asab tizimi tomonidan: 1% dan ortiq - bosh aylanishi, bosh og'rig'i; 0,1-1% - vertigo, quloqlarda shovqin, uyquchanlik; 0,1% dan kam - ongning chalkashishi, dezorientatsiya, hissiy labillik.

Yurak-qon tomir tizimi tomonidan: 1% dan ortiq - periferik shishlar; 0,1-1% - qon bosimining oshishi, yurak urishini his qilish, yuz terisiga qon "oqib kelishi".

Siydik chiqarish tizimi tomonidan: 0,1-1% - giperkreatininemiya va/yoki qon zardobida mochevina kontsentratsiyasining oshishi; 0,1% dan kam - o'tkir buyrak yetishmovchiligi; meloksikam qabul qilish bilan bog'liqligi aniqlanmagan - interstitsial nefrit, albuminuriya, gematuriya.

Sezgi a'zolari tomonidan: 0,1% dan kam - kon'yunktivit, ko'rishning buzilishi, shu jumladan ko'rishning xiralashishi.

Allergik reaksiyalar: 0,1% dan kam - angionevrotik shish, anafilaktoid/anafilaktik reaksiyalar.

Peptik yaralar yoki me'da-ichakdan qon ketishi yuzaga kelganda, teri va shilliq qavatlar tomonidan nojo'ya ta'sirlar rivojlanganda preparatni bekor qilish kerak. Aylanib yuruvchi qon hajmi kamaygan va kalava filtratsiyasi pasaygan bemorlarda (degidratatsiya, surunkali yurak yetishmovchiligi, jigar sirrozi, nefrotik sindrom, klinik yaqqol buyrak kasalliklari, diuretiklar qabul qilish, katta jarrohlik amaliyotlaridan keyingi suvsizlanish) klinik yaqqol surunkali buyrak yetishmovchiligi paydo bo'lishi mumkin, u preparat bekor qilingandan so'ng to'liq qaytuvchan bo'ladi (bunday bemorlarda davolash boshida sutkalik diurez va buyrak funksiyasini monitoring qilish kerak). "Jigar" transaminazalari faolligining va jigar funksiyasining boshqa ko'rsatkichlari o'zgarishining turg'un va sezilarli oshishida preparatni bekor qilish va jigar funksiyalarini tekshirish kerak.

Nojo'ya ta'sirlar xavfi yuqori bo'lgan bemorlarda davolashni 7,5 mg dozadan boshlaydilar. Surunkali buyrak yetishmovchiligining terminal bosqichida dializdagi bemorlarda doza 7,5 mg/sut dan oshmasligi kerak. Davolash davrida avtotransportni haydashda va diqqatni yuqori jamlashni hamda psixomotor reaksiyalar tezligini talab qiladigan boshqa potensial xavfli faoliyat turlari bilan shug'ullanishda ehtiyotkorlikka rioya qilish kerak (bosh aylanishi va uyquchanlik paydo bo'lganda). Me'da-ichak yo'llari tomonidan noxush hodisalar rivojlanish xavfini kamaytirish uchun minimal samarali dozani maksimal qisqa kurs bilan ishlatish kerak.

Dozani oshirib yuborish

Simptomlari: ong buzilishi, ko'ngil aynishi, qusish, epigastriyada og'riqlar, me'da-ichak yo'llaridan qon ketish, o'tkir buyrak yetishmovchiligi, o'tkir jigar yetishmovchiligi, nafas to'xtashi, asistoliya.

Davolash: me'dani yuvish, faollashtirilgan ko'mir qabul qilish, simptomatik terapiya. Forsirlangan diurez, siydikni ishqorlash, gemodializ meloksikamning plazma oqsillari bilan yuqori darajada bog'lanishi tufayli kam samarali. Maxsus antidoti yo'q.

Yuqori sezuvchanlik (shu jumladan boshqa guruh nosteroid yallig'lanishga qarshi preparatlarga), bronxial astma, burun va burun yondosh bo'shliqlari qaytalanuvchi polipozi va atsetilsalitsil kislotasi yoki boshqa nosteroid yallig'lanishga qarshi preparatlarni o'zlashtiraolmaslikning to'liq yoki qisman birikuvi (shu jumladan anamnezda); me'da va o'n ikki barmoqli ichak yara kasalligi (zo'rayish bosqichida), dializ qilinmaydigan bemorlarda surunkali buyrak yetishmovchiligi (kreatinin klirensi 30 ml/daq dan kam), faol me'da-ichakdan qon ketish; rivojlanib boruvchi buyrak kasalliklari, og'ir jigar yetishmovchiligi yoki faol jigar kasalligi, aortokoronar shuntlash o'tkazilgandan keyingi holat, tasdiqlangan giperkaliemiya, ichakning yallig'lanish kasalliklari, bolalar yoshi (12 yoshgacha), homiladorlik, laktatsiya davri, laktaza yetishmovchiligi, laktozani o'zlashtiraolmaslik, glyukoza-galaktoza malabsorbtsiyasi.

Ehtiyotkorlik bilan. Keksa yosh, yurak ishemik kasalligi, surunkali yurak yetishmovchiligi, tserebrovaskulyar kasalliklar, dislipidemiya/giperlipidemiya, qandli diabet, periferik arteriyalar kasalliklari, chekish, surunkali buyrak yetishmovchiligi (kreatinin klirensi 30-60 ml/daq), anamnezda me'da-ichak traktining yarali shikastlanishlari, H. pylori infektsiyasi mavjudligi, nosteroid yallig'lanishga qarshi preparatlarni uzoq muddat qo'llash, alkogolizm, og'ir somatik kasalliklar, peroral glyukokortikosteriodlar (shu jumladan prednizolon), antikoagulyantlar (shu jumladan varfarin), antiagregantlar (shu jumladan klopidogrel), serotoninni qayta qamrab oluvchi selektiv ingibitorlar (shu jumladan tsitalopram, fluoksetin, paroksetin, sertralin) ni bir vaqtda qabul qilish.

Homiladorlik va emizish davrida qo'llanilishi

Homiladorlikda, laktatsiya davrida qo'llash mumkin emas.

Jigar faoliyati buzilishlarida qo'llanilishi

Og'ir jigar yetishmovchiligida yoki faol jigar kasalligida qo'llash mumkin emas.

Buyrak faoliyati buzilishlarida qo'llanilishi

Dializ qilinmaydigan bemorlarda surunkali buyrak yetishmovchiligida (kreatinin klirensi 30 ml/daq dan kam), rivojlanib boruvchi buyrak kasalliklarida qo'llash mumkin emas.

Ehtiyotkorlik bilan: surunkali buyrak yetishmovchiligi (kreatinin klirensi 30-60 ml/daq).

Bolalarda qo'llanilishi

12 yoshgacha bo'lgan bolalarga qo'llash mumkin emas

Boshqa nosteroid yallig'lanishga qarshi preparatlar bilan bir vaqtda qabul qilinganda me'da-ichak trakti yarali shikastlanishlari va me'da-ichakdan qon ketish rivojlanish xavfi oshadi; litiy preparatlari bilan bir vaqtda qo'llanilganda plazmada litiy ionlari konsentratsiyasini oshiradi; vitamin-mineral komplekslar, gipotenziv dori vositalari samaradorligini kamaytiradi; bilvosita antikoagulyantlar, tiklopidin, geparin, trombolitiklar qon ketishlar xavfini oshiradi; metotreksat mielodepressiv ta'sirni kuchaytiradi; diuretiklar buyrak faoliyati buzilishlari rivojlanish xavfini oshiradi; siklosporin nefrotoksik ta'sirni kuchaytiradi; kolestiramin chiqarilishni tezlashtiradi.

Mielotoksik dori vositalari preparatning gematotoksikligi ko'rinishlarini kuchaytiradi.