NIMESIL granuli 2g N9

Ichga qabul qilingandan so'ng preparat MIY dan yaxshi so'riladi, qon plazmasida C_max ga 2-3 soatdan keyin erishadi. Plazma oqsillari bilan bog'lanishi - 97.5%. T _{3.2-6 soatni tashkil qiladi. Gistoematik to'siqlar orqali oson o'tadi.}

Jigarda sitoxrom P450 (CYP) 2С9 izofermenti yordamida metabolizmga uchraydi. Asosiy metabolit nimesulidning farmakologik faol paragidroksi hosilasi - gidroksinimesulid hisoblanadi. Gidroksinimesulid safro bilan metabolizmlangan holda chiqariladi (faqat glyukuronat ko'rinishida aniqlanadi - taxminan 29%).

Nimesulid organizmdan asosan buyraklar orqali (qabul qilingan dozaning taxminan 50%) chiqariladi. Keksa yoshdagi shaxslarda nimesulidning farmakokinetik profili bir martalik va ko'p martalik/takroriy dozalar buyurilganda o'zgarmaydi.

Yengil va o'rtacha darajadagi buyrak yetishmovchiligi bo'lgan bemorlar (KK 30-80 ml/daq) va sog'lom ko'ngillilar ishtirokida o'tkazilgan eksperimental tadqiqot ma'lumotlariga ko'ra, bemorlar plazmasidagi nimesulid va uning metabolitining C_max i sog'lom ko'ngillilardagi nimesulid konsentratsiyasidan oshmagan. Buyrak yetishmovchiligi bo'lgan bemorlarda AUC va T_{50% ga yuqori bo'lgan, ammo farmakokinetik qiymatlar oralig'ida bo'lgan. Preparat takroriy qabul qilinganda kumulyatsiya kuzatilmaydi.}

Sulfonamidlar sinfiga mansub nosteroid yallig'lanishga qarshi preparat. Yallig'lanishga qarshi, og'riq qoldiruvchi va isitmani tushiruvchi ta'sir ko'rsatadi. Nimesulid prostaglandinlar sintezi uchun javobgar bo'lgan siklooksigenaza fermenti ingibitori sifatida ta'sir qiladi va asosan siklooksigenaza-2 ni ingibirlaydi.

Qon yaratish tizimi tomonidan: kam hollarda - anemiya, eozinofiliya, gemorragik sindrom; juda kam hollarda - trombotsitopeniya, pantsitopeniya, trombotsitopenik purpura.

Allergik reaksiyalar: tez-tez emas - qichishish, toshma, ko'p terlash; kam hollarda - o'ta yuqori sezuvchanlik reaksiyalari, eritema, dermatit; juda kam hollarda - anafilaktoid reaksiyalar, eshakemi, angionevrotik shish, poliform eritema, Stivens-Djonson sindromi, toksik epidermal nekroliz (Layell sindromi).

MNS tomonidan: tez-tez emas - bosh aylanishi; kam hollarda - qo'rquv hissi, asabiylik, tungi dahshatli tush ko'rishlar; juda kam hollarda - bosh og'rig'i, uyquchanlik, entsefalopatiya (Reye sindromi).

Ko'rish a'zosi tomonidan: kam hollarda - ko'rish noaniqligi.

Yurak-qon tomir tizimi tomonidan: tez-tez emas - arterial gipertenziya, taxikardiya, arterial bosimning o'zgaruvchanligi, "qizib ketish".

Nafas olish tizimi tomonidan: tez-tez emas - hansirash; juda kam hollarda - bronxial astma zo'rayishi, bronxospazm.

Ovqat hazm qilish tizimi tomonidan: tez-tez - diareya, ko'ngil aynishi, qusish; tez-tez emas - qabziyat, meteorizm, gastrit; juda kam hollarda - qorinda og'riqlar, dispepsiya, stomatit, qora axlat, me'da-ichakdan qon ketishi, me'da yoki o'n ikki barmoqli ichak yarasi va/yoki perforatsiyasi; juda kam hollarda - gepatit, yashin tezligidagi gepatit, sariqlik, xolestaz, jigar fermentlari faolligining oshishi.

Siydik chiqarish tizimi tomonidan: kam hollarda - dizuriya, gematuriya, siydik tutilishi; juda kam hollarda - buyrak yetishmovchiligi, oliguriya, interstitsial nefrit.

Umumiy buzilishlar: kam hollarda - holsizlik, asteniya; juda kam hollarda - gipotermiya.

Boshqalar: kam hollarda - giperkaliemiya.

Noxush nojo'ya ta'sirlarni preparatning minimal samarali dozasini minimal mumkin bo'lgan qisqa kurs bilan qo'llash orqali minimal darajaga tushirish mumkin.

Nimesilni anamnezida oshqozon-ichak kasalliklari (yarali kolit, Kron kasalligi) bo'lgan bemorlarda ehtiyotkorlik bilan qo'llash kerak, chunki ushbu kasalliklar zo'rayishi mumkin.

Oshqozon-ichakdan qon ketish, yara yoki yara teshilishi xavfi NYQP dozasi oshirilishi bilan anamnezida yara bo'lgan bemorlarda, ayniqsa qon ketish yoki teshilish bilan asoratlangan bo'lsa, shuningdek keksa bemorlarda ortadi, shuning uchun davolashni eng kichik mumkin bo'lgan dozadan boshlash kerak. Qon ivishini kamaytiruvchi yoki trombotsitlar agregatsiyasini bostiruvchi dori vositalarini olayotgan bemorlarda ham oshqozon-ichakdan qon ketish xavfi ortadi. Nimesil qabul qilayotgan bemorlarda oshqozon-ichakdan qon ketish yoki yara yuzaga kelgan taqdirda, preparat bilan davolashni bekor qilish kerak.

Nimesil qisman buyraklar orqali chiqarilishi sababli, buyrak funktsiyasi buzilishi bo'lgan bemorlar uchun uning dozasi siydik ajratish darajasiga qarab kamaytirilishi kerak.

Jigar tomonidan kamdan-kam reaktsiyalar yuzaga kelishi haqida ma'lumotlar mavjud. Jigar shikastlanishi belgilari (teri qichishishi, teri qoplamalari sarg'ayishi, ko'ngil aynishi, qusish, qorinda og'riq, siydikning to'q rangga kirishi, "jigar" transaminazalari faolligining oshishi) paydo bo'lganda preparat qabul qilishni to'xtatish va davolovchi shifokorga murojaat qilish kerak.

Nimesulidni boshqa NYQP bilan bir vaqtda qabul qilgan bemorlarda ko'rish buzilishlari yuzaga kelishi kamdan-kam uchrashiga qaramay, davolash darhol to'xtatilishi kerak. Agar har qanday ko'rish buzilishi paydo bo'lsa, bemorni shifokor-okulist tekshirishi kerak.

Preparat to'qimalarda suyuqlik tutilishini chaqirishi mumkin, shuning uchun yuqori arterial qon bosimi va yurak faoliyati buzilishlari bo'lgan bemorlarga Nimesilni ehtiyotkorlik bilan qo'llash kerak.

Buyrak yoki yurak yetishmovchiligi bo'lgan bemorlarda Nimesil preparatini ehtiyotkorlik bilan qo'llash kerak, chunki buyrak funktsiyasi yomonlashishi mumkin. Ahvol yomonlashganda Nimesil preparati bilan davolashni to'xtatish kerak.

Klinik tadqiqotlar va epidemiologik ma'lumotlar shuni xulosa qilishga imkon beradiki, NYQP, ayniqsa yuqori dozalarda va uzoq muddat qo'llanilganda, miokard infarkti yoki insult yuzaga kelishining arzimas xavfiga olib kelishi mumkin. Nimesulid qo'llanilganda bunday hodisalar yuzaga kelishi xavfini istisno qilish uchun ma'lumotlar yetarli emas.

Preparat tarkibiga saxaroza kiradi, buni qandli diabet bilan og'rigan bemorlar (100 mg preparatga 0,15-0,18 Non Birligi) va past kaloriyali dietaga rioya qiluvchi shaxslar hisobga olishlari kerak. Nimesilni fruktozani o'zlashtiraolmaslik, glyukoza-galaktoza malabsorbtsiyasi yoki saxaroza-izomaltoza yetishmovchiligining kam uchraydigan irsiy kasalliklari bo'lgan bemorlarga tayinlash tavsiya etilmaydi.

Nimesil preparati bilan davolash jarayonida "shamollash" yoki o'tkir respirator-virusli infektsiya belgilari yuzaga kelganda preparatni qabul qilish to'xtatilishi kerak.

Nimesilni boshqa NYQP bilan bir vaqtda qo'llamaslik kerak.

Nimesulid trombotsitlar xususiyatlarini o'zgartirishi mumkin, shuning uchun preparatni gemorragik diatezi bo'lgan shaxslarda qo'llashda ehtiyotkorlikka rioya qilish kerak, biroq preparat yurak-qon tomir kasalliklarida atsetilsalitsil kislotasining profilaktik ta'sirini o'rnini bosmaydi.

Keksa bemorlar NYQP ga noxush reaktsiyalarga, shu jumladan bemor hayotiga xavf soluvchi oshqozon-ichakdan qon ketishlar va perforatsiyalar yuzaga kelishiga, buyrak, jigar va yurak funktsiyalari yomonlashishiga ayniqsa moyil bo'ladilar. Nimesil preparati qabul qilinganda ushbu toifadagi bemorlar uchun tegishli klinik nazorat zarur.

Prostaglandinlar sintezini ingibitsiya qiluvchi boshqa NYQP sinfi preparatlari kabi, nimesulid homiladorlik kechishiga va/yoki embrion rivojlanishiga salbiy ta'sir qilishi va arterial yo'lning muddatidan oldin yopilishi, o'pka arteriyasi tizimida gipertenziya, buyrak funktsiyasi buzilishi, bu oligodiramniya bilan buyrak yetishmovchiligiga o'tishi mumkin, qon ketish xavfi oshishi, bachadon kontraktilligi pasayishi, periferik shishlar paydo bo'lishiga olib kelishi mumkin. Shu munosabat bilan nimesulid homiladorlikda va laktatsiya davrida mumkin emas. Nimesil preparatini qo'llash ayollar fertilligiga salbiy ta'sir qilishi mumkin va homiladorlikni rejalashtirayotgan ayollarga tavsiya etilmaydi. Homiladorlikni rejalashtirishda davolovchi shifokor bilan maslahatlashish zarur.

Nimesulidda ham boshqa NYQP kabi kamdan-kam hollarda teri reaktsiyalari (eksfoliativ dermatit, Stivens-Jonson sindromi, toksik epidermal nekroliz kabi) yuzaga kelishi haqida ma'lumotlar mavjud. Teri toshmasining birinchi belgilari, shilliq qavatlar shikastlanishi yoki allergik reaktsiyaning boshqa belgilari paydo bo'lganda Nimesil preparatini qabul qilishni to'xtatish kerak.

Preparatning avtotransportni va mexanizmlarni boshqarish qobiliyatiga ta'siri.

Nimesil preparatining avtotransportni va mexanizmlarni boshqarish qobiliyatiga ta'siri o'rganilmagan, shuning uchun Nimesil preparati bilan davolash davrida avtotransportni boshqarishda va diqqatni yuqori jamlashni hamda psixomotor reaktsiyalar tezligini talab qiluvchi potentsial xavfli faoliyat turlari bilan shug'ullanishda ehtiyotkorlikka rioya qilish kerak.

• anamnezda atsetilsalitsil kislotasi yoki boshqa NYQP, shu jumladan nimesulidni qabul qilish bilan bog'liq giperergik reaktsiyalar, masalan, bronxospazm, rinit, eshakemi;
• anamnezda nimesulidga gepatotoksik reaktsiyalar;
• potentsial gepatotoksiklikka ega bo'lgan dori vositalarini, masalan, paratsetamol yoki boshqa og'riqsizlantiruvchi yoki nosteroid yallig'lanishga qarshi preparatlarni yo'ldosh (bir vaqtda) qabul qilish;
• ichakning yallig'lanish kasalliklari (Kron kasalligi, nospesifik yarali kolit) zo'rayish fazasida;
• aortokoronar shuntlash o'tkazilgandan keyingi davr;
• infektsion-yallig'lanish kasalliklarida isitma;
• bronxial astma, burun yoki burun yondosh bo'shliqlarining qaytalanuvchi polipozi bilan atsetilsalitsil kislotasi va boshqa NYQPlarni o'zlashtira olmaslikning to'liq yoki qisman kombinatsiyasi (shu jumladan anamnezda);
• zo'rayish bosqichidagi me'da va o'n ikki barmoqli ichak yara kasalligi, anamnezda yara, oshqozon-ichak traktida perforatsiya yoki qon ketish mavjudligi;
• anamnezda serebro-vaskulyar qon ketishlar yoki boshqa qon ketishlar, shuningdek qon ketish bilan kechadigan kasalliklar mavjudligi;
• qon ivishining og'ir buzilishlari;
• og'ir yurak yetishmovchiligi;
• og'ir buyrak yetishmovchiligi (KK <30 ml/min), tasdiqlangan giperkaliemiya;
• jigar yetishmovchiligi yoki har qanday faol jigar kasalligi;
• 12 yoshgacha bo'lgan bolalar;
• homiladorlik va ko'krak suti bilan emizish davri;
• alkogolizm, giyohvandlikka qaramlik;
• preparat komponentlariga yuqori sezuvchanlik.

Ehtiyotkorlik bilan: arterial gipertenziyaning og'ir shakllari, 2-turdagi qandli diabet, yurak yetishmovchiligi, yurak ishemik kasalligi, serebrovaskulyar kasalliklar, dislipidemiya/giperlipidemiya, periferik arteriyalar kasalliklari, chekish, KK <60 ml/min, anamnestik ma'lumotlarda M IT yarali shikastlanishi mavjudligi, Helicobacter pylori chaqirgan infektsiya; keksa yosh; uzoq muddat oldingi NYQP dan foydalanish; og'ir somatik kasalliklar; quyidagi preparatlar bilan yo'ldosh terapiya: antikoagulyantlar (masalan, varfarin), antiagregantlar (masalan, atsetilsalitsil kislotasi, klopidogrel), peroral glyukokortikosteroidlar (masalan, prednizolon), serotoninni qayta qamrab oluvchi selektiv ingibitorlar (masalan, tsitalopram, fluoksetin, sertralin).

Nimesil preparatini tayinlash to'g'risidagi qaror preparatni qabul qilishda "xavf-foyda" ni individual baholashga asoslangan bo'lishi kerak.

Farmakodinamik o'zaro ta'sirlar:
Glyukokortikosteroidlar bilan birga qo'llanilganda me'da-ichak yarasi yoki qon ketishi xavfi ortadi.
Antitrombotsitar vositalar va serotoninni qayta qamrab olishning selektiv ingibitorlari (SSRIs), masalan, fluoksetin bilan birga qo'llanilganda me'da-ichakdan qon ketish xavfi ortadi.
NYQV varfarin kabi antikoagulyantlarning ta'sirini kuchaytirishi mumkin. Qon ketish xavfi ortishi sababli, bunday kombinatsiya tavsiya etilmaydi va og'ir koagulyatsiya buzilishlari bo'lgan bemorlarga qarshi ko'rsatmalarga ega. Agar kombinatsiyalangan terapiyadan qochib bo'lmasa, qon ivish ko'rsatkichlarini diqqat bilan nazorat qilish kerak.
Diuretiklar:
NYQV diuretiklarning ta'sirini susaytirishi mumkin.
Sog'lom ko'ngillilarda nimesulid vaqtincha furosemid ta'siri ostida natriy chiqarilishini kamaytiradi, kamroq darajada - kaliy chiqarilishini va diuretik ta'sirning o'zini kamaytiradi.
Nimesulid va furosemidni birga qabul qilish "konsentratsiya-vaqt" egri chizig'i ostidagi maydonning (AUC) kamayishiga (taxminan 20% ga) va furosemidning buyrak klirensi o'zgarmasdan kümülatif ekskretsiyasining pasayishiga olib keladi.
Furosemid va nimesulidni birga buyurish buyrak va yurak funksiyasi buzilgan bemorlarda ehtiyotkorlikni talab qiladi.
APF ingibitorlari va angiotenzin II retseptorlari antagonistlari:
NYQV antigipertenziv preparatlarning ta'sirini kamaytirishi mumkin. Yengil va o'rtacha darajadagi buyrak yetishmovchiligi bo'lgan bemorlarda (KK 30-80 ml/min) APF ingibitorlari, angiotenzin II retseptorlari antagonistlari yoki siklooksigenaza tizimini bostiruvchi moddalar (NYQV, antiagregantlar) birga buyurilganda buyrak funksiyasining yanada yomonlashishi va o'tkir buyrak yetishmovchiligi yuzaga kelishi mumkin, bu odatda qaytuvchan xarakterga ega. Ushbu o'zaro ta'sirlar Nimesilni APF ingibitorlari yoki angiotenzin II retseptorlari antagonistlari bilan birgalikda qabul qilayotgan bemorlarda hisobga olinishi kerak. Shuning uchun ushbu preparatlarni birga qabul qilish ehtiyotkorlik bilan buyurilishi kerak, ayniqsa keksa bemorlar uchun. Bemorlar yetarli miqdorda suyuqlik olishlari kerak va birga terapiya boshlangandan keyin buyrak funksiyasini diqqat bilan nazorat qilish kerak.
Boshqa dori vositalari bilan farmakokinetik o'zaro ta'sirlar:
NYQV litiy klirensini kamaytirishi haqida ma'lumotlar mavjud, bu qon plazmasida litiy konsentratsiyasining oshishiga va uning toksikligiga olib keladi. Litiy preparatlari bilan terapiya olayotgan bemorlarga nimesulid buyurilganda plazmadagi litiy konsentratsiyasini muntazam nazorat qilish kerak.
Glibenklamid, teofillin, digoksin, simetidin va antatsid preparatlar (masalan, alyuminiy va magniy gidroksidlari kombinatsiyasi) bilan klinik ahamiyatga ega o'zaro ta'sirlar kuzatilmagan.
Nimesulid CYP2C9 izofermenti faolligini bostiradi. Nimesulid bilan bir vaqtda ushbu fermentning substratlari bo'lgan dorilar qabul qilinganda, ushbu preparatlarning plazmadagi konsentratsiyasi oshishi mumkin.
Nimesulid metotreksat qabul qilinishidan 24 soat oldin yoki keyin buyurilganda ehtiyotkorlik talab etiladi, chunki bunday hollarda plazmada metotreksat darajasi va, mos ravishda, ushbu preparatning toksik ta'sirlari oshishi mumkin.
Buyrak prostaglandinlariga ta'siri tufayli prostaglandinlar sintetazasi ingibitorlari, nimesulid shular jumlasidandir, siklosporinlarning nefrotoksikligini oshirishi mumkin.
Boshqa preparatlarning nimesulid bilan o'zaro ta'siri:
In vitro tadqiqotlar shuni ko'rsatdiki, nimesulid tolbutamid, salitsil kislotasi va valproat kislotasi tomonidan bog'lanish joylaridan siqib chiqariladi. Ushbu o'zaro ta'sirlar qon plazmasida aniqlangan bo'lsa-da, ko'rsatilgan ta'sirlar preparatni klinik qo'llash jarayonida kuzatilmagan.

Nimesil ichga, 1 paketchadan (100 mg nimesulid) sutkasiga 2 marta qabul qilinadi. Preparatni ovqatdan keyin qabul qilish tavsiya etiladi. Paketcha tarkibi stakanga solinadi va taxminan 100 ml suvda eritiladi. Tayyorlangan eritma saqlanmaydi.

Nimesil faqat 12 yoshdan oshgan bemorlarni davolash uchun qo'llaniladi.

O'smirlar (12 dan 18 yoshgacha): nimesulidning farmakokinetik profili va farmakodinamik xususiyatlariga asoslanib, o'smirlarda dozani to'g'irlashga hojat yo'q.

Buyrak funksiyasi buzilgan bemorlar: farmakokinetik ma'lumotlarga asoslanib, buyrak yetishmovchiligining yengil va o'rtacha shakllari (KK 30-80 ml/min) bo'lgan bemorlarda dozani to'g'irlashga hojat yo'q.

Keksa yoshdagi bemorlar: keksa bemorlarni davolashda sutkalik dozani to'g'irlash zarurati shifokor tomonidan boshqa dori vositalari bilan o'zaro ta'sir ehtimolidan kelib chiqqan holda belgilanadi.

Nimesulid bilan davolashning maksimal davomiyligi 15 kunni tashkil qiladi.

Noxush nojo'ya ta'sirlar paydo bo'lishi xavfini kamaytirish uchun minimal samarali dozani minimal qisqa kurs bilan qo'llash kerak.