PARASETAMOL sirop 2,4%

Analgetik, isitmani tushiruvchi va kuchsiz yallig'lanishga qarshi ta'sirga ega. Ta'sir mexanizmi prostaglandinlar sintezini ingibirlash va gipotalamusdagi termoregulyatsiya markaziga ta'sir qilish bilan bog'liq.

Preparat faqat peroral qabul qilish uchun mo'ljallangan. Barcha bolalar uchun parasetamol dozasi yosh va tana vazniga qarab hisoblanadi. Parasetamolning bir martalik dozasi tana vaznining 10-15 mg/kg ni, sutkalik doza - tana vaznining 40-60 mg/kg ni tashkil qiladi. Preparat dozasi dozalovchi qoshiq yordamida o'lchanadi. Quyidagi yoshdagi bolalar uchun bir martalik doza: 6 oylikdan 1 yoshgacha - 60-120 mg parasetamol (2,5-5 ml sirop); 1 yoshdan 3 yoshgacha - 120-180 mg parasetamol (5-7,5 ml sirop); 3 yoshdan 6 yoshgacha - 180-240 mg (7,5-10 ml sirop); 6 yoshdan 12 yoshgacha - 240-360 mg parasetamol (10-15 ml sirop). Qabul qilish chastotasi - sutkasiga 3-4 marta, qabullar orasidagi interval kamida 4 soat. 24 soat ichida 4 dozadan ortiq bermaslik kerak. Parasetamolning maksimal sutkalik dozasi - tana vaznining 60 mg/kg. Shifokor maslahatisiz maksimal davolash kursi - 3 kun.