TRENTAL 0,02/ML konsentrat 5ml N5

Pentoksifillin eritrotsitlar va jigarda intensiv metabolizmga uchraydi. Eng mashhur metabolitlar orasida - metabolit-1 (M-I; gidroksipentoksifillin) parchalanish hisobiga, metabolit-4 (M-IV) va metabolit-5 (M-V; karboksipentoksifillin) esa - asosiy moddaning oksidlanishi hisobiga hosil bo'ladi. M-I pentoksifillin kabi farmakologik faollikka ega. Pentoksifillinning qabul qilingan dozasining 90% dan ortig'i buyraklar orqali va 3-4% i axlat bilan chiqariladi.

100 mg vena ichiga yuborilgandan so'ng pentoksifillinning yarim chiqarilish davri taxminan 1,1 soatni tashkil qilgan. Jigar funktsiyasi og'ir buzilgan bemorlarda pentoksifillinning yarim chiqarilish davri ortadi. Pentoksifillin katta taqsimlanish hajmiga (200 mg 30 daqiqalik infuziyadan so'ng 168 l) va taxminan 4500-5100 ml/daqiqani tashkil qiluvchi yuqori klirensga ega. Pentoksifillin va uning metabolitlari qon plazmasi oqsillari bilan bog'lanmaydi. Buyrak funktsiyasi og'ir buzilgan hollarda metabolitlarning chiqarilishi sekinlashadi.

Trental katta dozalarda qo'llanilganda yoki infuziya tezligi yuqori bo'lganda, ba'zida quyidagi nojo'ya samaralar yuzaga kelishi mumkin:

nerv tizimi tomonidan: bosh og'rig'i, bosh aylanishi, havotirlik, uyqu buzilishi, talvasalar;

teri qoplamalari va teri osti yog' klechatkasi tomonidan: yuz terisi giperemiyasi, yuz terisi va ko'krak qafasining yuqori qismiga qon "quyilishi", shishlar, tirnoqlar sinuvchanligining oshishi;

ovqat hazm qilish tizimi tomonidan: kserostomiya, anoreksiya, ichak atoniyasi;

yurak-qon tomir tizimi tomonidan: taxikardiya, aritmiya, kardialgiya, stenokardiya kuchayishi, arterial bosimning pasayishi;

gemostaz tizimi va qon yaratish a'zolari tomonidan: leykopeniya, trombotsitopeniya, pansitopeniya, teri tomirlari, shilliq qavatlar, oshqozon, ichakdan qon ketishlar, gipofibrinogenemiya;

sezgi a'zolari tomonidan: ko'rishning buzilishi, skotoma;

allergik reaksiyalar: qichishish, teri giperemiyasi, eshakemi, angionevrotik shish, anafilaktik shok.

Juda kam hollarda aseptik meningit, jigar ichi xolestazi va «jigar» transaminazalari, ishqoriy fosfataza faolligining oshishi holatlari uchraydi

Davolash arterial bosim nazorati ostida o‘tkazilishi kerak.

Qandli diabeti bo‘lgan, gipoglikemik vositalarni qabul qilayotgan bemorlarda katta dozalarni tayinlash yaqqol gipoglikemiyani chaqirishi mumkin (dozani to‘g‘irlash talab etiladi).

Antikoagulyantlar bilan bir vaqtda tayinlanganda qon ivish tizimi ko‘rsatkichlarini sinchkovlik bilan kuzatish zarur.

Yaqinda jarrohlik amaliyotini o‘tkazgan bemorlarda gemoglobin va gematokrit darajasini muntazam nazorat qilish zarur.

Yuboriladigan doza past va beqaror arterial bosimga ega bemorlarda kamaytirilishi kerak.

Keksa odamlarda dozani kamaytirish talab qilinishi mumkin (biokiraolishlikning oshishi va chiqarilish tezligining pasayishi).

Pentoksifillinning bolalarda xavfsizligi va samaradorligi yetarli darajada o‘rganilmagan.

Chekish preparatning terapevtik samaradorligini pasaytirishi mumkin. Pentoksifillin eritmasining infuzion eritma bilan mosligini har bir aniq holatda tekshirish kerak.

Vena ichiga infuziyalar o‘tkazishda bemor yotgan holatda bo‘lishi kerak.

•pentoksifillinga, boshqa metilksantinlarga yoki preparatning har qanday komponentiga yuqori sezuvchanlik;

•massiv qon ketishlar;

•ko‘z to‘r pardasiga keng ko‘lamli qon quyilishlar;

•miyaga qon quyilishlar;

•o‘tkir miokard infarkti;

•og‘ir aritmiyalar;

•koronar yoki miya arteriyalarining og‘ir aterosklerotik shikastlanishlari;

•nazorat qilib bo‘lmaydigan arterial gipotenziya;

•18 yoshgacha bo‘lganlar;

•homiladorlik, laktatsiya davri.

Preparatni quyidagi bemorlarda ehtiyotkorlik bilan qo‘llash kerak: arterial gipotenziya (qon bosimining pasayish xavfi), surunkali yurak yetishmovchiligi, buyrak funksiyasi buzilishi (kreatinin klirensi 30 ml/min dan past) (to‘planish xavfi va nojo‘ya ta'sirlar rivojlanish xavfining oshishi), jigar funksiyasining og‘ir buzilishlari (to‘planish xavfi va nojo‘ya ta'sirlar xavfining oshishi), qonashga yuqori moyillik, shu jumladan antikoagulyantlardan foydalanish natijasida yoki qon ivish tizimidagi buzilishlarda (yanada og‘ir qon ketishlar rivojlanish xavfi),

Pentoksifillin arterial qon bosimini pasaytiruvchi vositalar (APF ingibitorlari, nitratlar) ta'sirini kuchaytirishi mumkin.

Pentoksifillin qon ivish tizimiga ta'sir qiluvchi dori vositalari (bilvosita va to'g'ridan-to'g'ri antikoagulyantlar, trombolitiklar), antibiotiklar (shu jumladan sefalosporinlar) ta'sirini kuchaytirishi mumkin.

Simetidin plazmada pentoksifillin kontsentratsiyasini oshiradi (nojo'ya ta'sirlar paydo bo'lish xavfi).

Boshqa ksantinlar bilan birga tayinlash haddan tashqari asab qo'zg'alishiga olib kelishi mumkin.

Insulin yoki peroral antidiabetik vositalarning qand miqdorini pasaytiruvchi ta'siri pentoksifillin qabul qilinganda kuchayishi mumkin (gipoglikemiya rivojlanish xavfi ortadi). Bunday bemorlarni qattiq nazorat qilish zarur.

Ba'zi bemorlarda pentoksifillin va teofillinni bir vaqtda qabul qilish teofillin darajasining oshishiga olib kelishi mumkin. Bu teofillin bilan bog'liq nojo'ya ta'sirlarning ko'payishiga yoki kuchayishiga olib kelishi mumkin.