SELESTODERM V maz 30g 0,1%

25°С dan yuqori boʼlmagan haroratda, bolalar ololmaydigan joyda saqlansin.

Retseptsiz.

Tarkibi:
1 g surtma quyidagilarni saqlaydi:
faol modda: 1,0 mg betametazon (betametazon 17-valerati koʼrinishida 1,22 mg);
yordamchi moddalar: oq yumshoq parafin, mineral moyi.

Chiqarilish shakli 
30 g dan membranali alyumin tubalarda, ichki laklangan qoplam va germetik ximoya xalqasi bilan, yuqori zichlikdagi polietilenli buraladigan qalpoqcha membranani teshish uchun uchli bigizcha bilan.
1 tuba dan tibbiyotda qoʼllanilishiga doir yoʼriqnomasi bilan birga karton qutiga joylanadi.

Betametazon valerati – maxalliy qoʼllash uchun sintetik glyukokortikosteroid, yuqori glyukokortikoid faollikka va minimal mineralokortikoid samaraga ega.
Selestoderm-V® surtmasi mahalliy yalligʼlanishga qarshi, qichishishga qarshi, antiekssudativ va tomirlarni toraytiruvchi taʼsirga ega.

Selestoderm-V® preparatining farmakokinetikasini oʼrganish boʼyicha tadqiqotlar oʼtkazilmagan. Mahalliy kortikosteroidlar qoʼllagandan keyin, ayniqsa shikastlangan teriga yoki okklyuzion bogʼlov ostiga surtilganda tizimli soʼrilishi mumkin.

Dermatologiyada qoʼllash uchun kortikosteroidlar. Yuqori faol kortikosteroidlar (III guruhi).

Noxush reaktsiyalar aʼzolar tizim tasnifi va paydo boʼlish tez-tezligiga muvofiq berilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam hollarda (≥1/10000 dan <1/1000 gacha), juda kam hollarda (<1/10000), tez-tezligi nomaʼlum (mavjud maʼlumotlar asosida baxolab boʼlmaydi).
Teri va teri osti kletchatkasi tomonidan: 
Tez-tez – achishish xissi, qichishish, taʼsirlanish, quruqlik, follikulit, gipertrixoz, xusunbuzar toshmalar, gipopigmentatsiya, perioral dermatit, allergik kontakt dermatit.
Tez-tez emas – asosan okklyuzion bogʼlov ostiga qoʼllanganda: terini matseratsiyasi, terini atrofiyasi, striyalar, issiqlik toshmasi.
Infektsiyalar va invaziyalar: 
Tez-tez emas – ikkilamchi infektsiya (ayniqsa okklyuzion bogʼlov ostida qoʼllanganda).
Аyniqsa yuz terisi, sochli qoplamali teri yuzasi va jinsiy aʼzolar terisi mahalliy nojoʼya reaktsiyalarning rivojlanishiga sezuvchandir.
Dermatozlarni davolash uchun uzoq muddat qoʼllagandan keyin kuchli taʼsirga ega boʼlgan topik kortikosteroidlarni bekor qilish, Selestoderm-V® xam ularga kiradi, kasallik belgilari va simptomlarini ogʼirlashtirishi va topik kortikosteroidlarga qaramlikni paydo boʼlishiga olib kelishi mumkin.
Tizimli taʼsirga ega boʼlgan glyukokortikoidlar buyurilganda qayd etilgan barcha noxush koʼrinishlar, shu jumladan gipotalamo-gipofizar tizimi faoliyatini susayishi, mahalliy qoʼllash uchun moʼljallangan kuchli taʼsir qiluvchi glyukokortikoidlar buyurilganida xam rivojlanishi mumkin. 
Shuningdek mahalliy kortikosteroidlarni qoʼllanganda tizimli nojoʼya reaktsiyalar toʼgʼrisida xabar berilgan, masalan koʼrishni noaniqligi.

Selestoderm-V® ni qoʼllash bilan bogʼliq boʼlgan terining taʼsirlanishi yoki yuqori sezuvchanlik belgilari paydo boʼlganida, davolashni toʼxtatish va bemorga adekvat davolashni buyurish kerak. Infektsiya majmualigida muvofiq zamburugʼlarga qarshi yoki antibakterial vositalarni buyurish kerak. Аgar bunda kutilgan samaraga tez erishilmasa, infektsiya belgilari bartaraf etilgunigacha kortikosteroidlarni qoʼllashni toʼxtatish kerak.
Topik kortikosteroidlarni kasallikni qaytalanishi, tolerantlikni rivojlanishi, pustulyoz psoriazning tarqalishini xavfi va bir necha hollarda xabar berilganidek terining toʼsiq faoliyatini buzilishi oqibatida mahalliy yoki tizimli toksiklik rivojlanishi ehtimolining mavjudligi tufayli, psoriazi boʼlgan patsientlarda ehtiyotkorlik bilan qoʼllash lozim. Topik kortikosteroidlar qoʼllangan hollarda psoriazi boʼlgan patsientlarni diqqat bilan nazorat qilish kerak.
Kuchli taʼsir qiluvchi kortikosteroidlarni uzoq muddat qoʼllash, ayniqsa yuz terisida va terining boshqa sezuvchan sohalarida atrofik oʼzgarishlar rivojlanishiga olib kelishi mumkin. Psoriaz, ogʼir ekzema kabi kasalliklarni davolashda ushbu holatni hisobga olish lozim.
Glyukokortikoidlar asosidagi xamma boshqa kuchli taʼsir qiluvchi preparatlar kabi, Selestorderm-V® ni uzoq muddat davomida terining katta sohalariga, shuningdek yuzga va teri burmalariga qoʼllashdan saqlanish kerak. Preparatni jarohatlar va shilliq qavatlarga tushishidan saqlanish kerak.
Selestorderm-V® ni oftalьmologiyada qoʼllash, shuningdek glaukoma yoki subkapsulyar kataraktaning rivojlanishi xavfi tufayli qovoqlarga surtish mumkin emas.
Glyukokortikoidlar terining shikastlanishlarining ayrim turlarini tashqi koʼrinishini oʼzgartirishi mumkin, bu esa tashxis qoʼyishni qiyinlashtiradi.
Glyukokortikoidlarni tizimli qoʼllashda uchraydigan har qanday nojoʼya koʼrinishlar, shu jumladan buyrak usti bezlari poʼstlogʼining supressiyasi, ular mahalliy qoʼllanganida ham paydo boʼlishi mumkin.
Mahalliy kortikosteroidlarning tizimli soʼrilishi, ular uzoq muddat davomida qoʼllanganida, tananing katta yuzalarini davolashda yoki okklyuzion bogʼlovlar ishlatilganida oshadi.
Tarkibida oq yumshoq parafin saqlanishi tufayli, yirtilishga chidamlilik kamayishi mumkin, demak lateksli prezervativlarni qoʼllash xavfsizligini surtma genital va anal soxalarga qoʼllaganda xisobga olish kerak.
Tizimli va maxalliy taʼsir etuvchi (jumladan intranazal, ingalyatsion va koʼz ichiga yuborishlar) kortikosteroidlarni qoʼllanganda koʼrish buzilishlari paydo boʼlishi mumkin. Аgar koʼrishni noaniqligi yoki koʼrish aʼzolari tomonidan boʼlgan buzilishlar kabi bunday simptomlar paydo boʼlsa, patsient katarakta, glaukoma yoki markaziy seroz xorioretinopatiya kabi kam uchraydigan kasalliklarni oʼz ichiga olgan koʼrish buzilishlarini mumkin boʼlgan sabablarini baholash uchun oftalьmolog koʼrigidan oʼtishi kerakligi toʼgʼrisida tizimli va mahalliy taʼsir etuvchi kortikosteroidlarni qoʼllangandan keyin xabar berilgan.
Homiladorlik yoki emizish davrida qoʼllanishi
Xayvonlarda betametazon valeratini tadddqiqotlari reproduktiv toksikligi mavjudligini koʼrsatdi. Selestoderm-V® surtmasini homiladorlikning birinchi uch oyligida qoʼllash tavsiya etilmaydi.
Homiladorlarda kortikosteroidlarni mahalliy qoʼllashning xavfsizligi aniqlanmaganligi tufayli, bu preparatlarni faqat boʼlajak ona uchun kutilayotgan foyda, homila uchun potentsial xavfdan yuqori boʼlgan hollardagina qoʼllash mumkin. Ushbu guruh preparatlarni homiladorlarda yuqori dozalarda va uzoq muddat qoʼllash mumkin emas. 
Preparatni laktatsiya davrida uzoq yoki terining katta soxalarida qoʼllash mumkin emas. Emizish davrida surtmani sut bezi soxasiga qoʼllash mumkin emas, bolani terining ishlov berilgan soxalari bilan kontaktidan saqlash kerak.
Bugungi kunda kortikosteroidlarni mahalliy qoʼllash natijasida tizimli soʼrilishi va ularni koʼkrak sutiga oʼtishi aniqlanmagan, shuning uchun emizishni toʼxtatish yoki preparatni qoʼllashni toʼxtatish masalasini xal qilishda, ona uchun oʼtkazilayotgan davolashning muhimligini hisobga olish lozim. 

Bolalar
Bolalarda preparatni qoʼllash boʼyicha klinik maʼlumotlar yoʼq, shuning uchun uni bu guruh patsientlarda qoʼllash maʼqul emas. Bolalarda yuza maydoni va tana vazni nisbati kattalardagiga qaraganda katta boʼlganligi tufayli, prepartning soʼrilishi yuqori. Topik kortikosteroidlar qoʼllaganda bolalar tizimli noxush samaralar rivojlanishi xavfiga va gipotalamo-gipofizar-buyrak usti tizimi funktsiyasini susayishiga koʼproq moyil boʼladilar.
Аvtotransportni boshqarish yoki boshqa mexanizmlar bilan ishlashda reaktsiya tezligiga taʼsir qilish qobiliyati
Odatda preparat avtotransportni boshqarish yoki boshqa mexanizmlar bilan ishlashda reaktsiya tezligiga taʼsir qilmaydi.

Ekzema (atopik, tangasimon), kontakt dermatit, seboreyali dermatit, neyrodermit, quyosh taʼsiridagi dermatit, eksfoliativ dermatit, radiatsiya taʼsiridagi dermatit, intertriginoz dermatit, psoriaz (keng tarqalgan psoriazdan tashqari) kabi glyukokortikosteroidlar bilan davolashga sezgir boʼlgan dermatozlarning yalligʼlanishli koʼrinishlarini kamaytirish uchun qoʼllanadi.

Terining bakteriyali infektsiyalar (masalan, piodermiya, tuberkulyoz va sifilitik jarayonlar), shuningdek virusli infektsiyalar (masalan, suvchechak, oddiy gerpes, oʼrab oluvchi gerpes, vulьgar soʼgallar (kondilomalar), kontagioz mollyusk) chaqirgan terining davolanmagan shikastlanishlari; terining zamburugʼli infektsiyalari, tarqalgan psoriaz, parazitar infektsiyalar, terining yarali shikastlanishlari, jarohatlarda qoʼllash mumkin emas.
Kortikosteroidlar qoʼllanganidan keyingi nojoʼya reaktsiyalar (masalan, perioral dermatit, striyalar) mavjudligi. Ixtioz, balogʼat yoshiga yetmaganlarda oyoq kafti dermatozi, vulьgar husnbuzarlar, pushti husnbuzarlar, teri qon tomirlari devorlarining yuqori oʼtkazuvchanligi, terining atrofiyasi, anogenital qichishishda qoʼllash mumkin emas.
Selestoderm-V® ni preparatning faol moddasiga yoki har qanday boshqa komponentiga yuqori sezuvchanlikka ega boʼlgan patsientlarda qoʼllash mumkin emas.

Oʼzaro taʼsirlar maʼlum emas.

yumshoq konsistentsiyali yot kiritmalarsiz, oq rangli bir xil surtma

Selestoderm-V® terining shikastlangan sohalariga, holatning ogʼirligiga qarab sutkada 1-3 marta, yupqa qavat qilib surtiladi. Koʼpchilik hollarda samaraga erishish uchun sutkada 1-2 marta surtish yetarlidir. Preparatni surtishning tez-tezligi shikastlanish darajasiga muvofiq belgilanadi.
Yengil darajali shikastlanishlarda kuniga bir marta surtish mumkin, ogʼirroq shikastlanishlarda esa preparatni surtish tez-tezligini oshirish lozim.
Okklyuzion bogʼlovlar ostiga qoʼllash mumkin emas, chunki preparatning nojoʼya taʼsirlari kuchayishi mumkin.
Preparatni uzluksiz qoʼllash 4 haftadan oshmasligi kerak. Terapevtik samaraga erishilgandan keyin Selestoderm-V® preparatini qoʼllash tez-tezligini kamaytirish yoki mahalliy qoʼllash uchun kamroq faol kortikosteroidga oʼtish va preparatni asta-sekin bekor qilish bilan tutib turuvchi davolashni davom ettirish lozim. Аgar patsientning holati 2-4 haftalik davolash davomida yaxshilanmasa yoki yomonlashsa, qayta koʼrikdan oʼtkazish va davolashni qayta koʼrib chiqish lozim.

Simptomlari: mahalliy qoʼllash uchun kortikosteroidlarni haddan ziyod yoki uzoq vaqt qoʼllash gipofizar-adrenal tizimning faoliyatini susayishiga olib kelishi mumkin, bu buyrak usti bezlarining ikkilamchi yetishmovchiligiga va giperkortitsizm simptomlari, shu jumladan Kushing sindromini paydo boʼlishiga olib kelishi mumkin. Giperkortitsizmning oʼtkir simptomlari odatda qaytuvchandir.
Davolash: doza oshirib yuborilganida tegishli simptomatik davolashni oʼtkazish kerak. Zarurati boʼlganida elektrolit muvozanatini toʼgʼrilash oʼtkaziladi. Surunkali toksik taʼsiri holida kortikosteroidni asta-sekin bekor qilish tavsiya etiladi.

Xayvonlarda betametazon valeratini tadddqiqotlari reproduktiv toksikligi mavjudligini koʼrsatdi. Selestoderm-V® surtmasini homiladorlikning birinchi uch oyligida qoʼllash tavsiya etilmaydi.
Homiladorlarda kortikosteroidlarni mahalliy qoʼllashning xavfsizligi aniqlanmaganligi tufayli, bu preparatlarni faqat boʼlajak ona uchun kutilayotgan foyda, homila uchun potentsial xavfdan yuqori boʼlgan hollardagina qoʼllash mumkin. Ushbu guruh preparatlarni homiladorlarda yuqori dozalarda va uzoq muddat qoʼllash mumkin emas. 
Preparatni laktatsiya davrida uzoq yoki terining katta soxalarida qoʼllash mumkin emas. Emizish davrida surtmani sut bezi soxasiga qoʼllash mumkin emas, bolani terining ishlov berilgan soxalari bilan kontaktidan saqlash kerak.
Bugungi kunda kortikosteroidlarni mahalliy qoʼllash natijasida tizimli soʼrilishi va ularni koʼkrak sutiga oʼtishi aniqlanmagan, shuning uchun emizishni toʼxtatish yoki preparatni qoʼllashni toʼxtatish masalasini xal qilishda, ona uchun oʼtkazilayotgan davolashning muhimligini hisobga olish lozim.

3 yil.
Yaroqlilik muddati oʼtgach qoʼllanilmasin.