ASIKLOVIR FORTE tabletkalari 400mg N20
ASIKLOVIR FORTE tabletkalari 400mg N20 haqida qo'llanma
Farmakokinetikasi
Ichga qabul qilinganda biologik kira olishligi 15-30% ni tashkil qiladi. Atsiklovir organizmning barcha organlari va to'qimalariga, shu jumladan bosh miya va teriga yaxshi kirib boradi. Plazma oqsillari bilan bog'lanishi 9-33% ni tashkil qiladi va uning plazmadagi kontsentratsiyasiga bog'liq emas. Orqa miya suyuqligidagi kontsentratsiya uning plazmadagi kontsentratsiyasining taxminan 50% ini tashkil qiladi. Atsiklovir yo'ldosh to'sig'i orqali o'tadi va ko'krak sutida to'planadi. Ichga 200 mg dan sutkada 5 marta tayinlangandan so'ng maksimal kontsentratsiya - 0,7 mkg/ml, maksimal kontsentratsiyaga erishish vaqti - 1,5-2 soat.
Jigarda farmakologik faol bo'lmagan birikma 9-karboksimetoksimetilguanin hosil bo'lishi bilan metabolizmga uchraydi. Buyrak funktsiyasi normal bo'lgan kattalarda yarim chiqarilish davri 2-3 soatni tashkil qiladi. Og'ir buyrak yetishmovchiligi bo'lgan bemorlarda yarim chiqarilish davri - 20 soat, gemodializda - 5,7 soat (bunda plazmadagi atsiklovir kontsentratsiyasi boshlang'ich qiymatning 60% gacha kamayadi). Taxminan 84% buyraklar orqali o'zgarmagan holda va 14% - metabolit shaklida ajralib chiqadi. Atsiklovirning buyrak klirensi umumiy plazmatik klirensning 75-80% ini tashkil qiladi. Atsiklovirning 2% dan kamrog'i organizmdan ichak orqali chiqariladi.
Nojo'ya samaralari
Preparat odatda yaxshi o'zlashtiriladi.
Oshqozon-ichak trakti tomonidan: ayrim hollarda - qorinda og'riqlar, ko'ngil aynishi, qusish, diareya.
Qonda: jigar fermentlari faolligining o'tkinchi biroz oshishi, kam hollarda - mochevina va kreatinin darajasining biroz oshishi, giperbilirubinemiya, leykopeniya, eritropeniya.
Markaziy asab tizimi tomonidan: kam hollarda - bosh og'rig'i; holsizlik; alohida hollarda tremor, bosh aylanishi, yuqori toliqish, holdan toyish, uyquchanlik, uyqusizlik, paresteziyalar, ongning chalkashishi, gallyutsinatsiyalar, diqqatni jamlashning pasayishi, ajitatsiya.
Allergik reaksiyalar: anafilaktik reaksiyalar, teri toshmasi, qichishish, Layell sindromi, eshakemi, ko'p shaklli ekssudativ eritema, shu jumladan Stivens-Djonson sindromi, isitma.
Boshqalar: kam hollarda - alopetsiya, periferik shishlar, ko'rishning buzilishi, limfoadenopatiya, mialgiya, holsizlik.
Maxsus ko‘rsatmalari
Kattalar va 3 yoshdan oshgan bolalarda asoratlarning oldini olish uchun qat'iy shifokor ko'rsatmasi bo'yicha qo'llash kerak.
Buyrak funksiyasi buzilishlari bo'lgan bemorlarga, keksa yoshdagi bemorlarga atsiklovirning yarim chiqarilish davri uzayishi munosabati bilan ehtiyotkorlik bilan tayinlanadi.
Preparat qo'llanilganda yetarli miqdorda suyuqlik kirishini ta'minlash kerak.
Preparatni qabul qilishda buyrak funksiyasini (qon mochevinasi va qon plazmasi kreatinini darajasini) nazorat qilish kerak.
Atsiklovir gerpesning jinsiy yo'l bilan yuqishini oldini olmaydi, shuning uchun davolash davrida, hatto klinik ko'rinishlar bo'lmasa ham, jinsiy aloqalardan saqlanish kerak.
Tarkibida laktoza mavjudligi munosabati bilan, galaktozani o'zlashtiraolmaslik, laktaza tanqisligi, glyukoza-galaktoza malabsorbtsiyasi kabi kam uchraydigan nasliy kasalliklari bo'lgan bemorlar preparatni qabul qilmasliklari kerak.
Qo'llanilishi mumkin bo'lmagan holatlar
Atsiklovirga, gantsiklovirga yoki preparatning har qanday yordamchi moddasiga yuqori sezuvchanlik.
Laktatsiya davrida preparatni qabul qilish mumkin emas.
3 yoshgacha bo'lgan bolalar (ushbu dori shakli uchun). Galaktozani o'zlashtiraolmaslik, laktaza yetishmovchiligi, glyukoza-galaktoza malabsorbtsiyasi.
Ehtiyotkorlik bilan:
Homiladorlik; keksa yoshdagi shaxslar va katta dozalarni qabul qilayotgan bemorlar, ayniqsa degidratatsiya fonida; buyrak faoliyatining buzilishi; nevrologik buzilishlar yoki tsitotoksik dori vositalarini qabul qilishga nevrologik reaktsiyalar (shu jumladan anamnezda).
Homiladorlik va laktatsiya:
Atsiklovir platsentar to'siq orqali o'tadi va ko'krak sutida to'planadi.
Homiladorlik vaqtida qo'llash faqat ona uchun taxmin qilinadigan foyda homila uchun potentsial xavfdan ustun bo'lgan holdagina mumkin. Laktatsiya davrida atsiklovirni qabul qilish zarurati tug'ilganda emizishni to'xtatish talab etiladi.
Dori vositalarining o'zaro ta'siri
Probenetsid bilan bir vaqtda qo'llash o'rtacha yarim chiqarilish davri oshishiga va atsiklovir klirensi pasayishiga olib keladi.
Nefrotoksik preparatlar bilan bir vaqtda qabul qilinganda buyrak funktsiyalari buzilishi xavfi oshadi.
Immunostimulyatorlar bir vaqtda tayinlanganda samara kuchayishi qayd etiladi.
Dozirovkasi
Dozalash rejimi kasallikning og'irlik darajasiga qarab individual ravishda belgilanadi.
Herpes simplex I va II turi chaqirgan teri va shilliq qavatlar infektsiyalarini davolashda:
Kattalar: preparat 200 mg dan sutkasiga 5 marta 5 kun davomida kun davomida 4 soatlik intervallar bilan va tunda 8 soatlik interval bilan tayinlanadi. Kasallikning og'irroq hollarida davolash kursi shifokor ko'rsatmasi bo'yicha 10 kungacha uzaytirilishi mumkin. Yaqqol immunitet tanqisligida, shu jumladan OIV-infektsiyasining kengaytirilgan klinik manzarasida (shu jumladan OIV-infektsiyasining erta klinik ko'rinishlari va OITS bosqichi), suyak iligi implantatsiyasidan keyin kompleks terapiya tarkibida 400 mg dan sutkasiga 5 marta tayinlanadi.
Herpes simplex I va II turi viruslari chaqirgan infektsiyalar retsidivlari profilaktikasi uchun, immunitet statusi normal bo'lgan bemorlarga va kasallik retsidivida 200 mg dan sutkasiga 4 marta har 6 soatda tayinlanadi, kurs davomiyligi 6 dan 12 oygacha.
Immunitet tanqisligi bo'lgan kattalarga Herpes simplex I va II turi viruslari chaqirgan infektsiyalar profilaktikasi uchun preparatni 200 mg dan sutkasiga 4 marta har 6 soatda tayinlash tavsiya etiladi, maksimal doza - infektsiya og'irligiga qarab sutkasiga 5 marta 400 mg gacha atsiklovir.
Bolalar: Herpes simplex chaqirgan infektsiya va immunitet himoyasi zaiflashgan bemorlarda ushbu infektsiya profilaktikasi uchun 3 yoshdan katta bolalar kattalar bilan bir xil dozani oladilar.
Varicella zoster chaqirgan infektsiyalarni davolashda:
Kattalar: preparat 800 mg dan sutkasiga 5 marta kunduzi har 4 soatda va tunda 8 soatlik interval bilan tayinlanadi. Davolash kursi davomiyligi 7-10 kun.
Bolalar: suvchechakda 5 kun davomida 20 mg/kg dan sutkasiga 4 marta (maksimal bir martalik doza 800 mg), 3 yoshdan 6 yoshgacha bo'lgan bolalarga: 400 mg dan sutkasiga 4 marta, 6 yoshdan kattalarga: 5 kun davomida 800 mg dan sutkasiga 4 marta tayinlanadi.
Herpes zoster chaqirgan infektsiyalarni davolashda kattalarga 5 kun davomida 800 mg dan sutkasiga 4 marta har 6 soatda tayinlanadi.
Buyrak funktsiyasi buzilgan bemorlarda:
Herpes simplex chaqirgan infektsiyalarni davolash va profilaktikasida kreatinin klirensi 10 ml/daq dan kam bo'lgan bemorlarda preparat dozasini 200 mg gacha sutkasiga 2 marta 12 soatlik intervallar bilan kamaytirish kerak.
Varicella zoster chaqirgan infektsiyalarni davolashda kreatinin klirensi 10 ml/daq dan kam bo'lgan bemorlarda preparat dozasini 800 mg gacha sutkasiga 2 marta 12 soatlik intervallar bilan kamaytirish tavsiya etiladi; kreatinin klirensi 25 ml/daq gacha bo'lganda 800 mg dan sutkasiga 3 marta 8 soatlik intervallar bilan tayinlanadi.Dozani oshirib yuborishAtsiklovirni peroral qabul qilgandan keyin dozani oshirib yuborish holatlari qayd etilmagan.
Hajm/og'irlik
ASIKLOVIR FORTE tabletkalari 400mg N20 o'xshash dorilari
ASIKLOVIR FORTE tabletkalari 400mg N20 xususiyatlari
Atsiklovir boshqa chiqarish shakllari
ASIKLOVIR FORTE tabletkalari 400mg N20 analoglari
