IBUPROFEN 0,06 DLYA DETEY rektal suppozitorialar N10

Ichga qabul qilinganda ibuprofen MIY dan deyarli to'liq so'riladi. Ovqat bilan bir vaqtda qabul qilish so'rilish tezligini sekinlashtiradi. Jigarda metabolizmga uchraydi (90%). T1/2 2-3 soatni tashkil qiladi.

Dozaning 80% siydik bilan asosan metabolitlar ko'rinishida (70%), 10% - o'zgarmagan holda chiqariladi; 20% ichak orqali metabolitlar ko'rinishida chiqariladi.

Og'riq qoldiruvchi Yallig'lanishga qarshi

Ovqat hazm qilish tizimi tomonidan: tez-tez - ko‘ngil aynishi, anoreksiya, qusish, epigastriyada noqulaylik hissi, diareya; MIY eroziv-yarali shikastlanishlari rivojlanishi mumkin; kam hollarda - MIY dan qon ketishlar; uzoq vaqt qo‘llanilganda jigar funktsiyasining buzilishi mumkin.

MNS va periferik nerv tizimi tomonidan: tez-tez - bosh og‘rig‘i, bosh aylanishi, uyquning buzilishi, qo‘zg‘alish, ko‘rishning buzilishi.

Qon yaratish tizimi tomonidan: uzoq vaqt qo‘llanilganda anemiya, trombositopeniya, agranulotsitoz bo‘lishi mumkin.

Siydik chiqarish tizimi tomonidan: uzoq vaqt qo‘llanilganda buyrak funktsiyasining buzilishi mumkin.

Allergik reaksiyalar: tez-tez - teri toshmasi, Kvinke shishi; kam hollarda - aseptik meningit (ko‘pincha autoimmun kasalliklari bo‘lgan bemorlarda), bronxospastik sindrom.

Mahalliy reaksiyalar: sirtga qo‘llanilganda teri giperemiyasi, achishish yoki sanchish hissi bo‘lishi mumkin.

Yondosh jigar va buyrak kasalliklari, surunkali yurak yetishmovchiligi, davolash boshlanishidan oldin dispeptik simptomlar bo'lganda, jarrohlik aralashuvlari o'tkazilgandan so'ng bevosita, anamnezda J-IT dan qon ketishlar va J-IT kasalliklari, NYAQV qabul qilish bilan bog'liq allergik reaksiyalar ko'rsatilganda ehtiyotkorlik bilan qo'llaniladi.

Davolash jarayonida jigar va buyrak funksiyalarini, periferik qon manzarasini tizimli nazorat qilish zarur.

Terining shikastlangan sohalarida sirtga qo'llash kerak emas.

MIY eroziv-yarali shikastlanishlari zo'rayish bosqichida, ko'ruv nervi kasalliklari, "aspirin triadasi", qon yaratishning buzilishi, yaqqol jigar va/yoki buyrak yetishmovchiligi; ibuprofenga yuqori sezuvchanlik.

Homiladorlik va emizish davrida qo'llanilishi

Ibuprofenni homiladorlikning III trimestrida qo'llash mumkin emas. Homiladorlikning I va II trimestrlarida qo'llash faqat ona uchun kutilayotgan foyda homila uchun mumkin bo'lgan zarardan yuqori bo'lgan hollardagina oqlanadi.

Ibuprofen oz miqdorda ko'krak suti bilan ajralib chiqadi. Laktatsiya davrida og'riq va isitmada qo'llash mumkin. Uzoq muddat qo'llash yoki yuqori dozalarda (sutkada 800 mg dan ortiq) qo'llash zarurati tug'ilganda emizishni to'xtatish masalasini hal qilish kerak.

Jigar funksiyasi buzilganda qo'llanilishi

Jigar funksiyasining yaqqol buzilishlarida mumkin emas. Yondosh jigar kasalliklarida ehtiyotkorlik bilan qo'llaniladi.

Buyrak funksiyasi buzilganda qo'llanilishi

Buyrak funksiyasining yaqqol buzilishlarida mumkin emas. Yondosh buyrak kasalliklarida ehtiyotkorlik bilan qo'llaniladi.

Bir vaqtda qo'llanilganda ibuprofcn antigipertenziv vositalar (AO'F ingibitorlari, beta-adrenoblokatorlar), diuretiklar (furosemid, gidroxlorotiazid) ta'sirini kamaytiradi.

Antikoagulyantlar bilan bir vaqtda qo'llanilganda ularning ta'siri kuchayishi mumkin.

GKS bilan bir vaqtda qo'llanilganda OIT tomonidan nojo'ya ta'sir rivojlanish xavfi ortadi.

Bir vaqtda qo'llanilganda ibuprofen bevosita bo'lmagan antikoagulyantlarni (atsetokumarol), gidantoin hosilalarini (fenitoin), sulfonilmoчевина hosilalari peroral gipoglikemik preparatlarni qon plazmasi oqsillari bilan birikmalaridan siqib chiqarishi mumkin.

Amlodipin bilan bir vaqtda qo'llanilganda amlodipinning antigipertenziv ta'siri biroz kamayishi mumkin; atsetilsalitsil kislotasi bilan - qon plazmasida ibuprofen kontsentratsiyasi kamayadi; baklofen bilan - baklofenning toksik ta'siri kuchayishi holati ta'riflangan.

Varfarin bilan bir vaqtda qo'llanilganda qon ketish vaqti uzayishi mumkin, shuningdek mikrogematuriya, gematomalar kuzatilgan; kaptopril bilan - kaptoprilning antigipertenziv ta'siri kamayishi mumkin; kolestiramin bilan - ibuprofen so'rilishining o'rtacha ifodalangan kamayishi.

Litiy karbonat bilan bir vaqtda qo'llanilganda qon plazmasida litiy kontsentratsiyasi oshadi.

Magniy gidroksidi bilan bir vaqtda qo'llanilganda ibuprofenning boshlang'ich so'rilishi oshadi; metotreksat bilan - metotreksat toksikligi oshadi.