IBUPROFEN DLYA DETEY suspenziya 5ml 0,1/5ml

MIY dan yaxshi so'riladi. Preparat ovqatdan keyin qabul qilinganda so'rilish biroz kamayadi. TCmax och qoringa qabul qilinganda – 45 daqiqa, ovqatdan keyin qabul qilinganda – 1,5 – 2,5 soat, sinovial suyuqlikda – 2-3 soat (u yerda plazmadagiga qaraganda yuqori konsentratsiyalarni hosil qiladi). Plazma oqsillari bilan bog'lanishi 90% da. Jigarda tizim oldi va tizimdan keyingi metabolizmga uchraydi. So'rilgandan so'ng ibuprofenning farmakologik nofaol R-shaklining taxminan 60% sekin-asta faol S-shaklga aylanadi. Preparat metabolizmida CYP2C9 izofermenti ishtirok etadi. T1/2 2-2,5 soat (retard shakllar uchun – 12 soatgacha) bo'lgan ikki fazali eliminatsiya kinetikasiga ega. Buyraklar orqali (o'zgarmagan holda 1% dan ko'p bo'lmagan) va kamroq darajada – safro bilan chiqariladi.

ovqat hazm qilish tizimi tomonidan: NYQP - gastropatiya (ko‘ngil aynishi, qusish, qorinda og‘riq, jig‘ildon qaynashi, ishtahaning pasayishi, diareya, meteorizm, epigastral sohada og‘riq va noqulaylik), MIY shilliq qavatining yaralanishi (bir qator hollarda perforatsiya va qon ketishlar bilan asoratlanadi); og‘iz bo‘shlig‘i shilliq qavatining ta'sirlanishi, qurishi yoki og‘izda og‘riq, milk shilliq qavatining yaralanishi, aftoz stomatit, pankreatit, qabziyat, gepatit;

nafas olish tizimi tomonidan: hansirash, bronxospazm; sezgi a'zolari tomonidan: eshitishning pasayishi, quloqlarda jaranglash yoki shovqin, ko‘rish nervining qaytuvchan toksik nevriti, ko‘rish o‘tkirligining xiralashishi yoki diplopiya, ko‘zlarning qurishi va ta'sirlanishi, kon'yunktiva va qovoqlar shishi (allergik genezli), skotoma;

nerv tizimi tomonidan: bosh og‘rig‘i, bosh aylanishi, uyqusizlik, xavotirlik, asabiylik va ta'sirchanlik, psixomotor qo‘zg‘alish, uyquchanlik, depressiya, ongning chalkashishi, gallyutsinatsiyalar, kam hollarda - aseptik meningit (ko‘pincha autoimmun kasalliklari bo‘lgan bemorlarda);

yurak-qon tomir tizimi tomonidan: yurak yetishmovchiligining rivojlanishi yoki kuchayishi, taxikardiya, qon bosimining oshishi;

siydik chiqarish tizimi tomonidan: o‘tkir buyrak yetishmovchiligi, allergik nefrit, nefrotik sindrom (shishlar), poliuriya, tsistit; allergik reaksiyalar: teri toshmasi (odatda eritematoz, eshakemi), teri qichishishi, angionevrotik shish, anafilaktoid reaksiyalar, anafilaktik shok, bronxospazm, isitma, multiform ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi), eozinofiliya, allergik rinit;

qon yaratish a'zolari tomonidan: anemiya (shu jumladan gemolitik, aplastik), trombositopeniya va trombositopenik purpura, agranulotsitoz, leykopeniya; boshqalar: ko‘p terlash; MIY shilliq qavati yaralanishi, qon ketishi (me'da-ichakdan, milkdan, bachadondan, gemorroidal), ko‘rishning buzilishi (rang ajratishning buzilishi, skotoma, ambliopiya) xavfi yuqori dozalarda uzoq vaqt qo‘llanilganda ortadi.

Uzoq muddatli qo'llash davomida nosteroid yallig'lanishga qarshi vositalar me'da shilliq qavati shikastlanishini, peptik yaralar va ovqat hazm qilish traktidan qon ketishni chaqirishi mumkin.

NYAQV bilan uzoq muddatli davolash vaqtida periferik qon manzarasi va jigar hamda buyrak funksional holatini nazorat qilish zarur. Gastropatiya simptomlari paydo bo'lganda ezofagogastroduodenoskopiya o'tkazish, Hb, gematokritni aniqlash bilan qon tahlili, yashirin qonga axlat tahlilini o'z ichiga olgan sinchkov nazorat ko'rsatilgan.

DOZANI OSHIRIB YUBORISH.

Bolalarda ibuprofen dozasi oshirib yuborilishi simptomlari: abdominal og'riqlar, ko'ngil aynishi, qusish, tormozlanish, bosh og'rig'i, quloqlarda shovqin, depressiya, uyquchanlik, metabolik atsidoz, koma, gemorragik diatez, qon bosimining pasayishi, tirishishlar, apnoe, o'tkir buyrak yetishmovchiligi, jigar funksiyasi buzilishlari, taxikardiya, bradikardiya, bo'lmachalar fibrilyatsiyasi, jadallashtirilgan diurez. 5 yoshgacha bo'lgan bolalar apnoe, koma va tirishishlarga ayniqsa moyil.

Preparatning toksik ta'siri bilan bog'liq jiddiy oqibatlar odatda 400 mg/kg tana vaznidan (ya'ni 80 ta tavsiya etilgan bir martalik doza) oshadigan doza qabul qilingandan so'ng namoyon bo'ladi. Dozani oshirib yuborishga shubha qilingan taqdirda darhol shifokorga murojaat qilish kerak.

Dozani oshirib yuborishda davolash: me'dani yuvish, faollashtirilgan ko'mir qabul qilish, ishqoriy ichimlik ichish, simptomatik terapiya (KAHolatini, QBni to'g'irlash).

Gipersezuvchanlik, me'da-ichak trakti (MIY) organlarining eroziv-yarali kasalliklari zo'rayish bosqichida (shu jumladan me'da va 12-barmoqli ichak yara kasalligi, yarali kolit, Kron kasalligi), bronxial astma, burun va burun yondosh bo'shliqlari polipozining qaytalanishi va atsetilsalitsil kislotasi yoki boshqa nosteroid yallig'lanishga qarshi preparatlarga toqat qilolmaslikning to'liq yoki to'liq bo'lmagan kombinatsiyasi (shu jumladan anamnezda), qon ivishining buzilishi (shu jumladan gemofiliya, qon ketish vaqtining uzayishi, qon ketishga moyillik, gemorragik diatez), faol me'da-ichakdan qon ketishi; og'ir buyrak yetishmovchiligi (kreatinin klirensi minutiga 30 ml dan kam), buyrakning progressiv kasalliklari,

og'ir jigar yetishmovchiligi yoki faol jigar kasalligi, aortokoronar shuntlash o'tkazilgandan keyingi holat, tasdiqlangan giperkaliemiya, ichakning yallig'lanish kasalliklari, dori preparati tarkibiga sorbit kirishi sababli irsiy fruktozaga toqat qilolmaslik.

EHTIYOTKORLIK BILAN.

Quyidagilarda qabul qilinadi – portal gipertenziya bilan kechuvchi jigar sirrozi; jigar va/yoki buyrak yetishmovchiligi, yurak yetishmovchiligi, nefrotik sindrom, giperbilirubinemiya, me'da va o'n ikki barmoqli ichak yara kasalligi (anamnezda), gastrit, enterit, kolit, kelib chiqishi noma'lum qon kasalliklari (leykopeniya va anemiya), homiladorlik (II-III trimestr), laktatsiya davrida. 17-ketosteroidlarni aniqlash zarurati tug'ilganda dori preparati tekshiruvdan 48 soat oldin bekor qilinishi kerak; davolash davrida etanol qabul qilish tavsiya etilmaydi; MIY tomonidan nojo'ya hodisalar rivojlanish xavfini kamaytirish uchun minimal samarali dozani minimal darajada qisqa kurs bilan qo'llash kerak. Bronxial astma yoki bronxospazm bilan kechuvchi boshqa kasalliklar bilan og'rigan bemorlarda ibuprofen bronxospazm namoyon bo'lish xavfini oshirishi mumkin. Ushbu bemorlarda preparatni qo'llash faqat katta ehtiyotkorlikka rioya qilingan holda ruxsat etiladi va nafas olish qiyinlashganda darhol shifokorga murojaat qilish kerak.

Ibuprofenni boshqa nosteroid yallig'lanishga qarshi vositalar bilan bir vaqtda qo'llash mumkin emas (masalan, atsetilsalitsil kislotasi ibuprofenning yallig'lanishga qarshi ta'sirini kamaytiradi va nojo'ya ta'sirini kuchaytiradi). Iloji boricha ibuprofen va diuretiklarni bir vaqtda tayinlashdan qochish kerak, chunki bir tomondan diuretik samaraning susayishi va ikkinchi tomondan buyrak yetishmovchiligi rivojlanish xavfi mavjud. Ibuprofen gipotenziv vositalar (angiotenzin konvertazasi ingibitorlari, -adrenergik vositalar, tiazidlar) ta'sirini susaytiradi. AO'F ingibitorlarining gipotenziv samarasini tormozlaydi, bir vaqtning o'zida ularning buyraklar orqali ajralishini kamaytiradi. Ibuprofen peroral gipoglikemik vositalar (ayniqsa sulfonilmoчевина hosilalari) va insulin samarasini kuchaytiradi. Mikrosomal oksidlanish induktorlari fenitoin, etanol, barbituratlar, ziksorin, rifampitsin, fenilbutazon, tritsiklik (antidepressantlar) gidroksillangan faol metabolitlar ishlab chiqarilishini oshirib, og'ir gepatotoksik reaktsiyalar rivojlanish xavfini oshiradi. Mikrosomal oksidlanish ingibitorlari - gepatotoksik ta'sir xavfini kamaytiradi. Bevosita bo'lmagan antikoagulyantlar, antiagregantlar, fibrinolitiklar ta'sirini kuchaytiradi (gemorragik asoratlar paydo bo'lish xavfi ortadi). Qonda digoksin kontsentratsiyasini oshiradi. Metotreksat va litiy preparatlarining toksik ta'sirini kuchaytiradi. Kofein analgetik samaraning kuchaytiradi.