IBUPROFEN BEZ SAXARA suspenziya 100 ml 100 mg/ 5ml

Ichga qabul qilinganda ibuprofen MITYdan deyarli to'liq so'riladi. Bir vaqtning o'zida ovqat qabul qilish so'rilish tezligini sekinlashtiradi. Jigarda metabollanadi (90%). T _{2-3 soatni tashkil qiladi.}

NYAQV, fenilpropion kislotasi hosilasi. Yallig‘lanishga qarshi, og‘riq qoldiruvchi va isitma tushiruvchi ta’sir ko‘rsatadi.

Ta’sir mexanizmi TsOG - yallig‘lanish, og‘riq va isitma patogenezida muhim rol o‘ynovchi prostaglandinlar o‘tmishdoshi bo‘lgan araxidon kislotasi metabolizmining asosiy fermenti faolligini bostirish bilan bog‘liq. Og‘riq qoldiruvchi ta’siri ham periferik (bilvosita, prostaglandinlar sintezini bostirish orqali), ham markaziy mexanizm (markaziy va periferik nerv tizimida prostaglandinlar sintezini ingibitsiya qilish) bilan bog‘liq. Trombotsitlar agregatsiyasini bostiradi.

Sirtga qo‘llanilganda yallig‘lanishga qarshi va og‘riq qoldiruvchi ta’sir ko‘rsatadi. Ertalabki qotib qolishni kamaytiradi, bo‘g‘imlarda harakat hajmini oshirishga yordam beradi.

Ovqat hazm qilish tizimi tomonidan: tez-tez - ko'ngil aynishi, anoreksiya, qusish, epigastriyada noqulaylik hissi, diareya; MITY eroziv-yarali shikastlanishlari rivojlanishi mumkin; kamdan-kam hollarda - MITY dan qon ketishlar; uzoq muddat qo'llanilganda jigar funksiyasining buzilishi mumkin.

MNS va periferik asab tizimi tomonidan: tez-tez - bosh og'rig'i, bosh aylanishi, uyqu buzilishi, qo'zg'alish, ko'rishning buzilishi.

Qon yaratish tizimi tomonidan: uzoq muddat qo'llanilganda anemiya, trombotsitopeniya, agranulotsitoz bo'lishi mumkin.

Siydik chiqarish tizimi tomonidan: uzoq muddat qo'llanilganda buyrak funksiyasining buzilishi mumkin.

Allergik reaksiyalar: tez-tez - teri toshmasi, Kvinke shishi; kamdan-kam hollarda - aseptik meningit (ko'pincha autoimmun kasalliklari bo'lgan bemorlarda), bronxospastik sindrom.

Mahalliy reaksiyalar: sirtqi qo'llanilganda teri giperemiyasi, achishish yoki sanchish hissi bo'lishi mumkin.

Jigar va buyrak yo'ldosh kasalliklarida, surunkali yurak yetishmovchiligida, davolash boshlanishidan oldin dispeptik simptomlarda, jarrohlik aralashuvlari o'tkazilgandan so'ng darhol, anamnezida me'da-ichak yo'llaridan qon ketish va me'da-ichak yo'llari kasalliklari, NYAQV qabul qilish bilan bog'liq allergik reaksiyalar bo'lganda ehtiyotkorlik bilan qo'llaniladi.

Davolash jarayonida jigar va buyrak funksiyalarini, periferik qon manzarasini muntazam nazorat qilish zarur.

Terining shikastlangan joylariga sirtga qo'llash mumkin emas.

Zo'rayish bosqichidagi MIO eroziv-yarali shikastlanishlari, ko'ruv nervi kasalliklari, "aspirinli triada", qon yaratishning buzilishi, buyrak va/yoki jigar funksiyasining yaqqol buzilishlari; homiladorlikning III trimestri; ibuprofenga yuqori sezuvchanlik.

Bir vaqtda qo'llanilganda ibuprofen antigipertenziv vositalar (AAF ingibitorlari, beta-adrenoblokatorlar), diuretiklar (furosemid, gidroxlorotiazid) ta'sirini kamaytiradi.

Antikoagulyantlar bilan bir vaqtda qo'llanilganda ularning ta'siri kuchayishi mumkin.

GKS bilan bir vaqtda qo'llanilganda OIT tomonidan nojo'ya ta'sir rivojlanish xavfi oshadi.

Bir vaqtda qo'llanilganda ibuprofen bilvosita antikoagulyantlar (asenokumarol), gidantoin hosilalari (fenitoin), sulfonil-mochevina hosilasi bo'lgan peroral gipoglikemik preparatlarni qon plazmasi oqsillari bilan bog'idan siqib chiqarishi mumkin.

Amlodipin bilan bir vaqtda qo'llanilganda amlodipinning antigipertenziv ta'sirining biroz kamayishi mumkin; asetilsalisil kislotasi bilan - qon plazmasida ibuprofen konsentratsiyasi kamayadi; baklofen bilan - baklofenning toksik ta'siri kuchayishi holati tasvirlangan.

Varfarin bilan bir vaqtda qo'llanilganda qonash vaqti uzayishi mumkin, shuningdek mikrogematuriya, gematomalar kuzatilgan; kaptopril bilan - kaptoprilning antigipertenziv ta'siri kamayishi mumkin; kolestiramin bilan - ibuprofen so'rilishining o'rtacha darajada kamayishi.

Litiy karbonati bilan bir vaqtda qo'llanilganda qon plazmasida litiy konsentratsiyasi oshadi.

Magniy gidroksidi bilan bir vaqtda qo'llanilganda ibuprofenning boshlang'ich so'rilishi oshadi; metotreksat bilan - metotreksat toksikligi oshadi.

Muayyan preparatni qo'llash usuli va dozalash rejimi uning chiqarilish shakli va boshqa omillarga bog'liq. Optimal dozalash rejimini shifokor belgilaydi. Qo'llanilayotgan preparatning dori shakli foydalanish ko'rsatmalariga va dozalash rejimiga qat'iy mos kelishiga rioya qilish kerak.