KREON kapsulalar 150mg 10000YeD N20

Kattalar va bolalarda ovqat hazm qilish jarayonlarini yaxshilovchi va shu bilan me’da osti bezi fermentativ yetishmovchiligi simptomlarini, jumladan qorin sohasidagi og‘riq, meteorizm, axlat chastotasi va konsistensiyasi o‘zgarishini sezilarli darajada kamaytiruvchi fermentli preparat. Preparat tarkibiga kiruvchi pankreatik fermentlar oqsillar, yog‘lar, uglevodlarning hazm bo‘lishini yengillashtiradi, bu ularning ingichka ichakda to‘liq so‘rilishiga olib keladi. Kreon® 10000 jelatin kapsulalarda ichakda eruvchan (kislotaga chidamli) qobiq bilan qoplangan minimikrosferalar shaklidagi cho‘chqa pankreatini saqlaydi. Kapsulalar me’dada tez eriydi, yuzlab minimikrosferalarni ozod qiladi. Ushbu tamoyil minimikrosferalarning ovqat bilan bir vaqtda me’dadan ichakka passaji (o‘tishi) va minimikrosferalarning ichak tarkibi bilan yaxshilab aralashishi va, pirovardida, fermentlarning ichak tarkibi ichida ozod bo‘lgandan keyin yaxshiroq taqsimlanishi maqsadida ishlab chiqilgan.

Minimikrosferalar ingichka ichakka yetib borganda, ichakda eruvchan qobiq tez parchalanadi (pH >5,5 da), lipolitik, amilolitik va proteolitik faollikka ega fermentlar ajralib chiqishi ro‘y beradi, bu yog‘lar, uglevodlar va oqsillar parchalanishiga olib keladi. Parchalanish natijasida olingan moddalar keyinchalik yo bevosita so‘riladi, yoki ichak fermentlari tomonidan keyingi parchalanishga uchraydi.

Eng ko'p xabar qilingan nojo'ya reaksiyalar ovqat hazm qilish traktining asosan yengil va o'rta darajadagi buzilishlari edi. Juda tez-tez (≥1/10) — qorinda og'riq. Tez-tez (≥1/100, <1/10) — ko'ngil aynishi, qusish, qabziyat, qorin dam bo'lishi, diareya. Oshqozon-ichak trakti tomonidan buzilishlar asosan asosiy kasallik bilan bog'liq.

Mukovissidoz bilan og'rigan, pankreatinning yuqori dozalarini qabul qilgan bemorlarda ichakning ileotsekal bo'limi va yo'g'on ichak torayishi qayd etilgan.

Homiladorlik yoki emizish davrida qo'llanilishi. Zarurat tug'ilganda homiladorlar yoki emizikli ayollar Kreon^® ni adekvat ovqatlanish statusini ta'minlash uchun yetarli dozalarda qabul qilishlari mumkin. Kreon^®ni bolalarga qo'llash mumkin.

Faol moddaga yoki preparat tarkibiy qismlariga yuqori sezuvchanlik.

O‘zaro ta’sir bo‘yicha tadqiqotlar o‘tkazilmagan.

Preparat dozalari kasallikning og'irligi va parhez tarkibiga qarab individual ravishda tanlanadi. Preparatni ovqat vaqtida yoki ovqatdan so'ng darhol qabul qilish tavsiya etiladi. Kapsulalarni butunligicha, maydalamasdan va chaynamasdan, yetarli miqdordagi suyuqlik bilan yutish yoki yengil yegulik bilan iste'mol qilish kerak.

Mukovitsidozda kattalar va bolalar uchun dozalash. 4 yoshgacha bo'lgan bolalar uchun boshlang'ich doza har bir ovqatlanish vaqtida tana vaznining har kg uchun 1000 TB lipazani va 4 yoshdan oshgan bolalar uchun - har bir ovqatlanish vaqtida tana vaznining har kg uchun 500 TB lipazani tashkil qiladi. Ko'pchilik bemorlar uchun tutib turuvchi doza sutkasiga tana vaznining har kg uchun 10000 TB lipazadan yoki iste'mol qilingan yog'ning har grammi uchun 4000 TB lipazadan oshmasligi kerak. Oshqozon osti bezi ekzokrin yetishmovchiligining boshqa turlarida dozalash. Odatdagi boshlang'ich doza har bir asosiy ovqatlanish vaqtida 10000 dan 25000 gacha TB lipazani tashkil qiladi. Asosiy ovqatlanish vaqtidagi qabul qilish uchun doza 25000 dan 80000 gacha TB lipazani tashkil qilishi mumkin, yengil yegulik qabul qilish vaqtida esa individual dozaning yarmini tashkil qilishi kerak. Kreon^® 10000 uchun qo'shimcha: OIT funksiyasi normal bo'lgan bemorlarda ovqatlanishdagi xatolar hollarida ovqat hazm qilishni yaxshilash uchun doza tana vazni va ovqatdagi yog' miqdoriga bog'liq bo'lib, bir qabulga 10 000 dan 20 000 gacha TB lipazani tashkil qiladi.