PANKREATIN FORTE tabletkalari N20
PANKREATIN FORTE tabletkalari N20 qo'llanmasi
Farmakokinetikasi
Pankreatik fermentlar dori shaklidan ingichka ichakning ishqoriy muhitida ajralib chiqadi, chunki ular me'da shirasining ta'siridan ichakda eruvchan qobiq bilan himoyalangan.
Preparatning maksimal fermentativ faolligi peroral qabul qilingandan 30-45 daqiqa o'tgach qayd etiladi.
Nojo'ya samaralari
Allergik reaksiyalar, kam hollarda - diareya yoki qabziyat, ko‘ngil aynishi, epigastral sohada diskomfort, qorinda og‘riqlar, o‘t kislotalari endogen sintezining pasayishi. Yuqori dozalarda uzoq muddat qo‘llanilganda - giperurikozuriya, mukovitsidoz bilan og‘rigan bemorlarda yuqori dozalar qo‘llanilganda - ileotsekal bo‘limda va ko‘tariluvchi chambar ichakda strikturalar, ichak obstruksiyasi simptomlari bilan namoyon bo‘ladi.
Maxsus saqlash sharoitlari
Mukovitsidozda preparatni ehtiyotkorlik bilan tayinlash kerak, chunki doza iste'mol qilinadigan ovqat miqdori va sifatiga mos bo‘lishi kerak.
Uzoq muddat qo‘llanilganda ovqat hazm qilish buzilishi holatlarida (oshqozon osti bezi funksiyasi normal bo‘lganda) bir vaqtning o‘zida temir preparatlarini tayinlash kerak.
Transport vositalarini va mexanizmlarni boshqarish qobiliyatiga ta'siri.
Preparat transport vositalarini va mexanizmlarni boshqarish qobiliyatiga ta'sir qilmaydi.
Qo'llanilishi mumkin bo'lmagan holatlar
Preparat komponentlariga yuqori sezuvchanlik, o'tkir pankreatit, surunkali pankreatitning zo'rayishi.
Bolalar yoshi (3 yoshgacha).
Homiladorlik va emizish
Homiladorlik va emizishda preparatni faqat ona uchun kutilayotgan foyda homila yoki bola uchun potentsial xavfdan yuqori bo'lgan holdagina tayinlaydilar.
Dori vositalarining o'zaro ta'siri
Pankreatin bilan bir vaqtda qo'llanilganda paraaminosalitsil kislotasi, sulfanilamidlar, antibiotiklarning so'rilishi kuchayadi.
Temir so'rilishini kamaytiradi (ayniqsa uzoq muddat qo'llanilganda). Kalsiy karbonat va/yoki magniy gidroksid saqlovchi antatsid vositalar pankreatin samaradorligini pasaytirishi mumkin.
Dozirovkasi
Preparat dozasi individual ravishda belgilanadi (lipazaga hisoblanganda), yoshga va me'da osti bezi yetishmovchiligi darajasiga bog'liq.
Ayniqsa mukovitsidoz bilan og'rigan bemorlarda 15000-20000 TB lipaza/kg ni tashkil qiluvchi fermentlarning maksimal sutkalik dozasini oshirish tavsiya etilmaydi.
Kattalar uchun o'rtacha doza - 150 ming TB/sut; me'da osti bezi tashqi sekretor funksiyasining to'liq yetishmovchiligida - 400 ming TB/sut, bu katta odamning lipazaga bo'lgan sutkalik ehtiyojiga to'g'ri keladi.
Davolash davomiyligi bir martalik qabul qilishdan yoki bir necha kundan (parhezdagi xatoliklar oqibatida ovqat hazm qilish jarayoni buzilganda) bir necha oygacha va hatto yillargacha (doimiy o'rin bosuvchi terapiya zarur bo'lganda) o'zgarishi mumkin.
Kattalar - 3-4 tabletkadan sutkasiga 3 marta. Yuqoriroq dozalar shifokor tomonidan tayinlanadi.
Rentgenologik yoki ultratovush tekshiruvidan oldin 2-3 kun davomida 2 tabletkadan sutkasiga 2-3 marta.
3 yoshdan oshgan bolalarga - 100 ming TB/sut (lipaza bo'yicha), 3-4 qabulga bo'lingan holda.Dozani oshirib yuborishBelgilari: Yuqori dozalarda uzoq vaqt qo'llanilganda - giperurikozuriya, mukovitsidoz bilan og'rigan bemorlarda yuqori dozalar ishlatilganda - ileotsekal bo'limda va ko'tariluvchi chambar ichakda strikturalar. Giperurikemiya. Bolalarda - qabziyat.
Davolash: preparatni bekor qilish, simptomatik terapiya.
PANKREATIN FORTE tabletkalari N20 o'xshash dorilari
PANKREATIN FORTE tabletkalari N20 xususiyatlari
Pankreatin boshqa chiqarish shakllari
PANKREATIN FORTE tabletkalari N20 analoglari
