PENZITAL tabletkalari N30

Pankreatinning farmakokinetikasi o'rganilmagan.

Ferment vositasi. Uglevodlar, yog'lar va oqsillarning hazm bo'lishini osonlashtiradigan, bu ularning ingichka ichakda to'liq so'rilishiga yordam beradigan pankreatik fermentlar - amilaza, lipaza va proteazalarni saqlaydi. Oshqozon osti bezi kasalliklarida uning tashqi sekretor funktsiyasi yetishmovchiligini qoplaydi va ovqat hazm qilish jarayonini yaxshilashga yordam beradi.

O'rtacha terapevtik dozalarda qo'llanilganda nojo'ya ta'sir 1% dan kam hollarda kuzatiladi.

Ovqat hazm qilish tizimi tomonidan: ayrim hollarda - diareya, qabziyat, me'da sohasida noqulaylik hissi, ko'ngil aynishi. Ushbu reaksiyalar rivojlanishining pankreatin ta'siri bilan sabab-oqibat bog'liqligi aniqlanmagan, chunki ko'rsatilgan hodisalar me'da osti bezi tashqi sekretor yetishmovchiligi simptomlariga kiradi.

Allergik reaksiyalar: ayrim hollarda - teri ko'rinishlari.

Moddalar almashinuvi tomonidan: yuqori dozalarda uzoq muddat qo'llanilganda giperurikozuriya rivojlanishi mumkin, haddan tashqari yuqori dozalarda - qon plazmasida siydik kislotasi darajasining oshishi.

Boshqalar: bolalarda pankreatin yuqori dozalarda qo'llanilganda perianal ta'sirlanish yuzaga kelishi mumkin.

Surunkali pankreatitning zo'rayish bosqichida qo'llash tavsiya etilmaydi.

Mukovissidozda doza iste'mol qilinadigan ovqat sifati va miqdorini hisobga olgan holda yog'larning so'rilishi uchun zarur bo'lgan fermentlar miqdoriga adekvat bo'lishi kerak.

Mukovissidozda pankreatinni 10 000 TB/kg/sut dan ortiq dozalarda (lipaza bo'yicha hisoblaganda) qo'llash tavsiya etilmaydi, chunki ileotsekal bo'limda va ko'tariluvchi chambar ichakda strikturalar (fibroz kolonopatiya) rivojlanish xavfi ortadi.

Pankreatin tarkibidagi lipaza faolligi yuqori bo'lganda bolalarda qabziyat rivojlanishi ehtimoli ortadi. Ushbu toifadagi bemorlarda pankreatin dozasini oshirishni asta-sekin o'tkazish kerak.

Ovqat hazm qilish tizimi tomonidan buzilishlar pankreatinga yuqori sezuvchanligi bo'lgan bemorlarda, yoki anamnezida mekoniy ileusi yoki ichak rezeksiyasi bo'lgan bemorlarda paydo bo'lishi mumkin.

O‘tkir pankreatit. Pankreatinga yuqori sezuvchanlik.

Kaltsiy karbonat va/yoki magniy gidroksid saqlovchi antatsidlar bilan bir vaqtda qo'llanilganda pankreatin samaradorligining pasayishi mumkin.

Bir vaqtda qo'llanilganda akarbozaning klinik samaradorligining pasayishi nazariy jihatdan mumkin.

Temir preparatlari bir vaqtda qo'llanilganda temir so'rilishining pasayishi mumkin.