MEZIM FORTE 10000 tabletkalari N20

Mezim® forte 10000 tabletkalari kislotaga chidamli qobiq bilan qoplangan, u oshqozonning xlorid kislotasi ta'sirida erimaydi va shu tariqa preparat tarkibidagi fermentlarni inaktivatsiyadan himoya qiladi. Qobiqning erishi va fermentlarning ajralib chiqishi neytral yoki kuchsiz ishqoriyga yaqin pH qiymatida sodir bo'ladi.

Mezim ®forte 10000 preparati me’da osti bezi funksiyasi buzilgan bemorlarda uzoq muddat va muntazam qo‘llanilganda ham nojo‘ya ta’sirlar yoki asoratlar rivojlanishi aniqlanmagan.

Ayrim hollarda pankreatin qabul qilingandan so‘ng allergik reaksiyalar rivojlanishi mumkin; kam hollarda - diareya yoki qabziyat, ko‘ngil aynishi, epigastral sohada noqulaylik.

Yakka hollarda mukovitsidoz bilan og‘rigan bemorlarda preparat yuqori dozalarda uzoq muddat qo‘llanilganda giperurikozuriya (qon plazmasida siydik kislotasi darajasining oshishi) rivojlanishi mumkin, ileotsekal sohada va ko‘tariluvchi yo‘g‘on ichakda strikturalar hosil bo‘lishi mumkin.

O'tkir pankreatitda yoki surunkali pankreatit zo'rayishida (zo'rayish so'nish bosqichida), tiklanish parhez ovqatlanishi vaqtida, Mezim® forte 10000 preparatini mavjud bo'lgan yoki keyinchalik qoladigan me'da osti bezi funktsiyasi yetishmovchiligi fonida tayinlash maqsadga muvofiqdir.

Mezim® forte 10000, qattiq bo'linmaydigan dori shaklini hisobga olgan holda, 3 yoshgacha bo'lgan bolalarga mumkin emas.

Preparatning avtotransportni boshqarish va mexanizmlarni boshqarish qobiliyatiga ta'siri

Mezim® forte 10000 psixomotor reaktsiyalar tezligiga va vaziyatni idrok etish yoki baholash qobiliyatiga ta'sir ko'rsatmaydi.

o'tkir pankreatit;

— surunkali pankreatitning zo'rayishi;

— pankreatinga yoki preparatning boshqa komponentlariga yuqori sezuvchanlik;

— irsiy galaktozani o'zlashtira olmaslik, laktaza yetishmovchiligi yoki glyukoza-galaktoza malabsorbtsiyasi sindromi;

— 3 yoshgacha bo'lgan bolalar (bo'linmaydigan dori shakli).

Pankreatin saqlovchi preparatlar qabul qilinganda foliy kislotasining so'rilishi kamayishi mumkin.

Qand miqdorini tushiruvchi preparatlar (akarboza, miglitol) ta'siri pankreatin bilan bir vaqtda qabul qilinganda kamayishi mumkin.

Pankreatin temir preparatlari bilan bir vaqtda qo'llanilganda oxirgilarining so'rilishi pasayishi mumkin.

Kaltsiy karbonat va/yoki magniy gidroksidi saqlovchi antatsid vositalarni bir vaqtda qo'llash preparat samaradorligining pasayishiga olib kelishi mumkin.