PANKREATIN tabletkalari 25ed N60

Pankreatinning farmakokinetikasi o'rganilmagan.

Fermentli vosita. Uglevodlar, yog‘lar va oqsillar hazm bo‘lishini yengillashtiruvchi pankreatik fermentlar - amilaza, lipaza va proteazalarni saqlaydi, bu ularning ingichka ichakda to‘liqroq so‘rilishiga yordam beradi. Me’da osti bezi kasalliklarida uning tashqi sekretor funksiyasi yetishmovchiligini qoplaydi va ovqat hazm qilish jarayoni yaxshilanishiga yordam beradi.

O'rtacha terapevtik dozalarda qo'llanilganda nojo'ya ta'sir 1% dan kamroq kuzatiladi.

Ovqat hazm qilish tizimi tomonidan: alohida hollarda - diareya, qabziyat, oshqozon sohasida noqulaylik hissi, ko'ngil aynishi. Ushbu reaksiyalarning rivojlanishining pankreatin ta'siri bilan sabab-oqibat bog'liqligi aniqlanmagan, chunki ko'rsatilgan holatlar oshqozon osti bezi tashqi sekretor yetishmovchiligi simptomlariga kiradi.

Allergik reaksiyalar: alohida hollarda - teri ko'rinishlari.

Moddalar almashinuvi tomonidan: yuqori dozalarda uzoq muddat qo'llanilganda giperurikozuriya rivojlanishi mumkin, haddan tashqari yuqori dozalarda - qon plazmasida siydik kislotasi darajasining oshishi.

Boshqalar: bolalarda pankreatin yuqori dozalarda qo'llanilganda perianal ta'sirlanish paydo bo'lishi mumkin.

Surunkali pankreatitning zo'rayish bosqichida qo'llash tavsiya etilmaydi.

Mukovissidozda doza iste'mol qilinadigan ovqat sifati va miqdorini hisobga olgan holda yog'larning so'rilishi uchun zarur bo'lgan fermentlar miqdoriga adekvat bo'lishi kerak.

Mukovissidozda pankreatinni 10 000 TB/kg/sut dan ortiq dozalarda (lipaza bo'yicha hisoblaganda) qo'llash tavsiya etilmaydi, chunki ileotsekal bo'limda va ko'tariluvchi chambar ichakda strikturalar (fibroz kolonopatiya) rivojlanish xavfi ortadi.

Pankreatin tarkibidagi lipaza faolligi yuqori bo'lganda bolalarda qabziyat rivojlanishi ehtimoli ortadi. Ushbu toifadagi bemorlarda pankreatin dozasini oshirishni asta-sekin o'tkazish kerak.

Ovqat hazm qilish tizimi tomonidan buzilishlar pankreatinga yuqori sezuvchanligi bo'lgan bemorlarda, yoki anamnezida mekoniy ileusi yoki ichak rezeksiyasi bo'lgan bemorlarda paydo bo'lishi mumkin.

O'tkir pankreatit. Pankreatinga yuqori sezuvchanlik.

Kalsiy karbonati va/yoki magniy gidroksidi saqlovchi antatsidlar bilan bir vaqtda qo‘llanilganda pankreatin samaradorligi pasayishi mumkin.

Bir vaqtda qo‘llanilganda akarbozaning klinik samaradorligi pasayishi nazariy jihatdan mumkin.

Temir preparatlari bilan bir vaqtda qo‘llanilganda temir so‘rilishi kamayishi mumkin.

Muayyan preparatni qo'llash usuli va dozalash rejimi uning chiqarilish shakli va boshqa omillarga bog'liq. Optimal dozalash rejimini shifokor belgilaydi. Qo'llanilayotgan preparatning dori shakli foydalanish ko'rsatmalariga va dozalash rejimiga qat'iy mos kelishiga rioya qilish kerak.