Мушак ичига ёки вена ичига (оқим ёки томчилаб). Инфузион усулда юборилганда препаратни 0,9% ли натрий хлориди эритмасида суюлтириш керак.
Мексунатни оқим билан аста–секин 5-7 минут давомида, томчилаб – минутига 40–60 томчи тезликда юборилади. Максимал суткалик доза 1200 мг дан ошмаслиги керак.
Бош мия қон айланишининг ўткир бузилишларида Мексунатни дастлаб 10-14 кун ичида-200 -500 мг дан вена ичига томчилатиб суткасига 2-4 марта, кейинчалик мушак ичига 200-250 мг дан суткасига 2-3 марта 2 ҳафта мобайнида қўлланилади.
Бош мия жароҳатлари ва бош мия жароҳатлари оқибатларида препарат суткада 2-4 марта 10-15 кун давомида вена ичига томчилаб 200-500 мг дан юборилади.
Декомпенсация босқичидаги дисцирcулятор энцефалопатияда Мексунатни вена ичига оқим билан ёки томчилаб 14 кун давомида суткада 1-2 марта 200-500 мг дан буюрилади. Кейин кейинги 2 ҳафта давомида мушак ичига 100-250 мг/сут дан.
Дисцкирcулятор энцефалопатиянинг олдини олиш курси учун препарат 10-14 кун давомида суткада 2 марта 200-250 мг дозада мушак ичига юборилади.
Кекса ва ҳавотирли ҳолатлардаги беморларда енгил когнитив бузилишларда препарат 14 – 30 кун давомида 100 – 300 мг/сут суткалик дозада мушак ичига юборилади.
Комплекс даволашнинг таркибидаги ўткир миокард инфарктида препаратни вена ичига ёки мушак ичига 14 кун давомида, нитратлар, бета-блокаторлар, ангиотензин айлантирувчи фермент ингибиторлари (АФИ), тромболитик, антикоагулянт ва антиагрегант воситалар, шунингдек кўрсатмаларга мувофиқ симптоматик воситаларни ўз ичига олган миокард инфарктининг анъанавий давоси фонида юборилади.
Дастлабки 5 кун ичида максимал таъсирга эришиш учун препаратни вена ичига юбориш керак, кейинги 9 кун ичида Мексунат мушак ичига юборилиши мумкин.
Препаратни вена ичига юбориш томчили инфузия йўли билан, аста-секин (ножўя таьсирларни олдини олиш учун) 0,9% ли натрий хлориди эритмаси ёки 5% ли декстроза (гдюкоза) эритмасида 100-150 мл ҳажмда 30-90 минут давомида юборилади. Зарур бўлганда, препаратни оқим билан аста-секин давомийлиги 5 минутдан кам бўлмаган ҳолда юбориш мумкин.
Препаратни юбориш (вена ичига ёки мушак ичига) суткасига 3 марта, ҳар 8 соатда амалга оширилади. Суткалик даволаш доза суткада 1 кг тана вазнига 6-9 мг, бир марталик доза – 1 кг тана вазнига 2-3 мг ни ташкил қилади. Максимал суткалик доза 800 мг дан ошмаслиги керак, бир марталик – 250 мг.
Комплекс даволаш таркибида турли босқичлардаги очиқ бурчакли глаукомада Мексунат мушак ичига 100-300 мг/сут дан, суткада 1-3 марта 14 кун давомида юборилади.
Алкоголли абстинент синдромида Мексунатни 5-7 кун давомида суткада 2-3 марта вена ичига томчилаб ёки мушак ичига 200-500 мг дозада юборилади.
Антипсихотик воситалар билан ўткир захарланишда препаратни 7-14 кун давомида вена ичига 200-500 мг/сут дозада юборилади.
Қорин бўшлиғининг ўткир йирингли яллиғланиш жараёнларида (ўткир некротик панкреатит, перитонит) препарат операциядан олдинги ва операциядан кейинги даврда биринчи кунидан буюрилади. Қўлланиладиган дозалар касалликнинг шакли ва оғирлиги, жараённинг тарқалишига, клиник кечишининг вариантларига боғлиқ. Препаратни бекор қилиш фақат барқарор ижобий клиник ва лаборатория таъсиридан кейин аста-секин амалга оширилиши керак.
Ўткир шишли (интерститсиал) панкреатитда Мексунат 200 – 500 мг дан суткада 3 марта, вена ичига томчилаб (0,9% ли натрий хлориди эритмасида) ва мушак ичига буюрилади.
Некротик панкреатитнинг енгил оғирлик даражаси – суткада 3 марта 100-200 мг дан вена ичига томчилатиб (0,9% ли натрий хлориди эритмасида) ва мушак ичига.
Ўртача оғирлик даражаси 200 мг суткада 3 марта вена ичига томчилаб (0,9% натрий хлорид эритмасида).
Оғир кечиши - пульс – дозада биринчи кунда 800 мг суткада икки марта юборилади; кейин 200-500 мг дан суткада 2 марта, суткалик дозани аста-секин пасайтириш билан. Жуда оғир кечиши - панкреатит шокни пайдо бўлишини барқарор тўхтатгунга қадар дастлабки доза 800 мг/сут, ҳолатни барқаролашишига кўра 300-500 мг дан суткада 2 марта вена ичига томчилаб (0,9% ли натрий хлорид эритмасида) аста-секин суткалик дозани пасайтириб.
