MIG DETSKIY FORTE suspenziya 100ml 200mg/5ml

30 °C dan yuqori boʼlmagan haroratda saqlansin.
Oʼram birinchi bor ochilganidan soʼng: 30 °S dan yuqori boʼlmagan haroratda saqlansin.
    
Ushbu dori vositasi bolalar ololmaydigan joyda saqlansin.

Retseptsiz.

Tarkibi:
ichga qabul qilish uchun bir ml suspenziya quyidagilarni saqlaydi:
faol modda: 40 mg ibuprofen;
yordamchi moddalar: natriy benzoati (E211), suvsiz limon kislotasi, natriy sitrati, saxarinning natriyli tuzi, natriy xloridi, gipromelloza, ksantan kamedi, malьtit siropi (E 965), glitserin (E422), taumatin (E957), qulupnay aromatizatori (tabiiy aromatizatorlar, makkajoʼxori malьtodekstrini, trietiltsitrat (E-1505), propilenglikolь (E-1520) va benzil spirti), tozalangan suv.

Chiqarilish shakli
Past zichlikdagi polietilendan yasalgan va bolalar ochishidan himoyalangan tiqin bilan yopiladigan, polietilentereftalatdan (PETF) yasalgan, hajmi 30 ml, 100 ml, 150 ml va 200 ml, qahrabo (och sariq) rangli flakonlar tibbiyotda qoʼllanilishiga doir yoʼriqnomasi bilan birga.
Preparat bilan birga yuqori zichlikdagi polietilendan yasalgan porshen va korpusi polipropilendan yasalgan ogʼiz orqali yuborish uchun 5 ml shprits beriladi.
Ogʼiz orqali yuborish uchun shprits 0,25 ml dan 5 ml gacha belgilangan.
Sotuvda barcha hajmli oʼramlari boʼlmasligi mumkin.

Taʼsir mexanizmi
Ibuprofen nosteroid yalligʼlanishga qarshi vosita (NYaQV) hisoblanib, uning samaradorligi hayvonlardagi yalligʼlanishning odatiy modellarida prostaglandinlar sintezini ingibirlashi yoʼli bilan isbotlangan. Odamda ibuprofen yalligʼlanish chaqirgan ogʼriq, shish va isitmani kamaytiradi. Bundan tashqari, ibuprofen АDF va kollagen chaqirgan trombotsitlar agregatsiyasini ortga qaytuvchi tarzda ingibirlaydi.
Klinik samaradorligi va xavfsizligi
Eksperimental maʼlumotlar asosida aytish mumkinki, bir vaqtda qoʼllaganda ibuprofen kichik dozalarda qabul qilingan atsetilsalitsil kislotasining trombotsitlar agregatsiyasiga taʼsirini raqobatbardosh ravishda ingibirlaydi. Baʼzi farmakodinamik tadqiqotlar shuni koʼrsatdiki, darxol ajralib chiqadigan atsetilsalitsil kislotasi (81 mg) qabulidan 8 soat avval yoki 30 minut keyin bir martalik 400 mg dozada ibuprofen qabul qilganda atsetilsalitsil kislotasining tromboksan hosil boʼlishiga yoki trombotsitlar agregatsiyasiga taʼsiri susaygan. Ushbu maʼlumotlarni klinik vaziyatga koʼchirish borasida noaniqlik mavjud boʼlsa-da, ibuprofenni muntazam, uzoq muddatli qoʼllash past dozali atsetilsalitsil kislotasining kardioprotektiv taʼsirini pasayishi mumkinligini inkor etib boʼlmaydi. Ibuprofenni nomuntazam qoʼllanilganida klinik ahamiyatli taʼsirlar extimoli kam boʼladi (“Dorilarning oʼzaro taʼsirlari”)

Soʼrilishi
Ichga qabul qilinganidan keyin ibuprofen qisman meʼdada, keyin esa toʼliq ingichka ichakda soʼriladi. Oddiy ajralib chiqadigan dori shakli peroral qabul qilinganda plazmadagi maksimal kontsentratsiyasiga 1-2 soat ichida erishiladi. 
Taqsimlanishi
Plazma oqsillari bilan bogʼlanishi tahminan 99% ni tashkil qiladi. Sogʼlom patsientlarda, jigar va buyraklar kasalliklari bilan aʼziyat chekayotgan patsientlarda yarim chiqarilish davri 1,8 - 3,5 soatni tashkil qiladi.
Biotransformatsiyasi
Ibuprofen jigarda metabolizmga uchraydi (gidroksillanish, karboksillanish). 
Chiqarilishi
Farmakologik faol boʼlmagan metabolitlar, asosan buyraklar orqali (90%), hamda oʼt bilan toʼliq chiqariladi. 
Buyraklar funktsiyasining buzilishi
Buyraklar funktsiyasi yengil darajada buzilgan patsientlarda bogʼlanmagan (S)-ibuprofen, (S)-ibuprofen AUC darajasi va ikkita enantiomer (S/R) AUC nisbati sogʼlom koʼngillilarga qaraganda yuqoriroq boʼlganligi xabar berilgan.
Buyraklar patologiyasining terminal bosqichidagi, gemodializ usulida davo olayotgan patsientlarda ibuprofen erkin fraktsiyasining oʼrtacha koʼrsatkichi taxminan 3% ni, sogʼlom koʼngillilarda esa - taxminan 1% ni tashkil qilgan. Buyraklar funktsiyasi ogʼir darajada buzilganda organizmda ibuprofen metabolitlari toʼplanishi mumkin. Bu taʼsirning ahamiyati nomaʼlum. Metabolitlar gemodializ yordamida chiqarilishi mumkin (“Qoʼllash usuli va dozalari”, “Qoʼllash mumkin boʼlmagan holatlar” va “Maxsus koʼrsatmalar” boʼlimlariga qarang).
Jigar funktsiyasining buzilishi
Ratsemik ibuprofenni qabul qilgan jigar sirrozi va jigar funktsiyasining oʼrtacha darajadagi buzilishiga (Chaylьd-Pьyu koʼrsatkichi 6-10) chalingan patsientlarda, yarim chiqarilish davri oʼrtacha 2 martaga uzaygan, enantiomerlarni (S/R) AUC nisbati esa sogʼlom koʼngillilarga qaraganda ancha past boʼlgan, bundan ushbu patsientlarda (R)-ibuprofenni faol (S)-enantiomerga metabolik aylanishi buzilganligi kelib chiqadi (“Qoʼllash usuli va dozalari”, “Qoʼllash mumkin boʼlmagan holatlar” va “Maxsus koʼrsatmalar” boʼlimlariga qarang).
Toʼgʼri proportsionallik 
200 mg dan 400 mg gacha dozalarda ibuprofenni chiziqli kinetikasi kuzatilgan. Yuqoriroq dozalarda dori vositasining nochiziqli kinetikasi kuzatilgan.

yalligʼlanishga va revmatizmga qarshi preparatlar, nosteroidlar; propion kislotasi hosilalari

Quyida sanab oʼtilgan nojoʼya taʼsirlar roʼyhati ibuprofen bilan, jumladan revmatizm bilan ogʼrigan patsientlarda yuqori dozalarda uzoq muddatli davolash vaqtida yuzaga kelgan barcha nojoʼya taʼsirlarni oʼz ichiga oladi. Juda kam holatlardan ham kam tez-tezlikda uchragan nojoʼya taʼsirlar ichga qabul qilinuvchi dori shakllar uchun 1200 mg (30 ml MIG® detskiy forte ichish uchun suspenziyasi, bu kattalarga va 12 yoshdan katta oʼsmirlarga uchun maksimal sutkalik doza hisoblanadi) va shamchalar (suppozitoriylar) uchun 1800 mg gacha boʼlgan maksimal sutkalik dozalarda ibuprofen bilan qisqa muddatli davolanish uchun tegishlidir. 

Nojoʼya taʼsirlarni uchrash tez-tezligini baholashda quyidagi tasniflanishga asoslangan:

Juda tez-tez:    (≥ 1/10).
Tez-tez:    ( 1/100 dan  1/10 gacha).
Baʼzan:    ( 1/1 000 dan  1/100 gacha).
Kamdan-kam:    ( 1/10 000 dan  1/1 000 gacha).
Juda kam:    (<1/10 000).
Nomaʼlum:    (Mavjud boʼlgan maʼlumotlarga asosan uchrash tez-tezligini baholash imkoni yoʼq).

Quyidagi nojoʼya dori reaktsiyalarni,asosan preparatning dozasiga bogʼliqligini va alohida patsientlarda farq qilishi mumkinligini inobatga olish kerak.

Eng koʼp tarqalgan nojoʼya taʼsirlar meʼda-ichak yoʼllari tomonidan kuzatilgan. Peptik yara, perforatsiya yoki baʼzan ayniqsa keksa yoshdagi patsientlarda oʼlimga olib keluvchi meʼda-ichakdan qon ketishi kuzatilishi mumkin (“Maxsus koʼrsatmalar” boʼlimiga qarang). Preparatni qabul qilingandan keyin koʼngil aynishi, qusish, diareya, flatulentsiya, qabziyat, dispepsiya, qorindagi ogʼriq, milena, gematemezis, yarali stomatit, kolitni va Kron kasalligini zoʼrayishi paydo boʼlishi haqida maʼlumotlar mavjud (“Maxsus koʼrsatmalar” boʼlimiga qarang). Kam hollarda gastrit kuzatilgan.

NYaQV bilan davolash bogʼlanishda shishlar, arterial gipertenziya va yurak yetishmovchiligi haqida xabar berilgan.
Klinik tadqiqotlar natijalariga asosan ibuprofenni qoʼllash ayniqsa yuqori dozalarda (2400 mg/sut), arteriyalar trombozi rivojlanish xavfi (masalan, miokard infarkti yoki insulьt) bir muncha oshishi mumkin (“Maxsus koʼrsatmalar” boʼlimiga qarang).
Infektsion va parazitar kasalliklar
Juda kam:    nosteroid yalligʼlanishga qarshi vositalarni tizimli qoʼllanilishi fonida yuqumli yalligʼlanish jarayonlarining zoʼrayishi holatlari taʼriflab berilgan (masalan, nekrozlanuvchi fastsiitning rivojlanishi). Ehtimol, bu nosteroid yalligʼlanishga qarshi vositalarni taʼsir mexanizmi bilan bogʼliqdir.
MIG® detskiy forte preparatini qoʼllash fonida infektsiya alomatlari paydo boʼlsa yoki mavjud boʼlgan infektsion kasalligi zoʼraysa, patsientga shifokorga zudlik bilan murojaat qilish tavsiya qilinadi. Infektsiyalarga qarshi/antibiotiklar bilan davolashga koʼrsatmalar mavjudligini tekshirish zarur boʼladi.

Qon va limfatik tizimi tomonidan buzilishlar
Juda kam:    qon hosil boʼlishini buzilishlari (anemiya, leykopeniya, trombotsitopeniya, pantsitopeniya, agranulotsitoz).
Tana haroratining qoʼtarilishi, tomoqda ogʼriq, ogʼizda yuzaki yaralar, grippga oʼxshash simptomlar, yaqqol holsizlik, burundan qon ketishi va teriga qon quyilishi dastlabki belgilar boʼlishi mumkin. Shunga oʼxshash holatlarda patsient darhol preparat qabul qilinishini toʼxtatishi va shifokorga murojaat qilishi kerak; bunday holda ogʼriq qoldiradigan yoki isitma tushiradigan vositalarni mustaqil qoʼllash mumkin emas.
Uzoq muddatli davolashda umumiy qon taxlilini muntazam nazorati zarur boʼladi.
Immun tizimi tomonidan buzilishlar
Baʼzan:    teri toshmalari va qichishish, hamda astma hurujlari bilan kechadigan yuqori sezuvchanlik reaktsiyalari (baʼzi hollarda arterial bosimning tushishi bilan). 
Bunday holatda patsient zudlik bilan bu haqda shifokorga xabar qilishi va MIG® detskiy forte preparatini qabul qilinishini toʼxtatishi haqida unga koʼrsatma berilishi zarur.
Juda kam:    bosh ogʼrigʼi, koʼngil aynishi, qusish, isitma, boʼyin mushaklari rigidligi yoki ongni xiralashishi kabi aseptik meningit belgilari. Immun tizimini baʼzi kasalliklaridan (tizimli qizil yugurik yoki biriktiruvchi toʼqimalarni aralash kasalliklari) aʼziyat chekadigan patsientlar, yuqori xavf guruhiga kiradi. 
Yuqori sezuvchanlikning ogʼir darajadagi umumiy reaktsiyalar. Simptomlar oʼz ichiga quyidagilarni olishi mumkin: yuz, til shishishi, nafas olish yoʼllarini torayishi bilan kechuvchi hiqildoq ichki boʼlimlarining shishishi, hansirash, yurak urishining tezlashishi, hayotga tahdid soladigan shok holatigacha olib kelishi mumkin boʼlgan arterial bosimning pasayishi.
Preparatni ilk bora qoʼllaganda ham paydo boʼlishi mumkin boʼlgan ushbu simptomlardan biri yuzaga kelsa, shoshilinch tibbiy yordam zarur.
Psixik buzilishlar
Juda kam:    psixopatik reaktsiyalar, depressiya.
Nerv tizimi tomonidan buzilishlar
Baʼzan: bosh ogʼrigʼi, muvozanat buzilishi, uyqusizlik, qoʼzgʼalish, asabiylashish yoki
toliqish kabi markaziy nerv tizimi tomonidan buzilishlar.
Koʼrish organlari tomonidan buzilishlar
Baʼzan: koʼrishning buzilishi. Bunday holatlarda patsient shifokorni xabardor qilishi
va ibuprofen qabul qilinishini toʼxtatish kerakligi haqida unga koʼrsatma berilgan boʼlishi zarur.
Eshitish organlari va labirint tomonidan buzilishlar
Kam: tinnitus.
Yurak tomonidan buzilishlar
Juda kam: yurak urib ketishini his qilish, yurak yetishmovchiligi, miokard infarkti. 
Qon-tomirlar tomonidan buzilishlar
Juda kam:    arterial gipertenziya, vaskulit.
Nafas tizimi, koʼkrak qafasi va koʼks oraligʼi aʼzolari tomonidan buzilishlar
Juda kam:    astma, bronxospazm, dispnoe va xushtaksimon nafas.
Meʼda-ichak yoʼllari tomonidan buzilishlar
Tez-tez: jigʼildon qaynashi, qorindagi ogʼriq, koʼngil aynishi, qusish, flatulentsiya, diareya, qabziyat va ayrim hollarda anemiyaga olib kelishi mumkin boʼlgan meʼda-ichakdan oz miqdorda qon ketishi kabi meʼda-ichak yoʼllari tomonidan buzilishlar.
Baʼzan: baʼzan qon ketishi va perforatsiya bilan boʼlgan ichak yoki meʼda yaralari. Yarali stomatit, kolit yoki Kron kasalligini zoʼrayishi (“Maxsus koʼrsatmalar” boʼlimiga qarang), gastrit.
Juda kam:    ezofagit, pankreatit, ichakning diafragmasimon strikturalarning paydo boʼlishi.
Qorinning yuqori sohalarida kuchli ogʼriqlar, qonli qusish, qonli axlat yoki qora rangdagi axlatning kelishi kuzatilsa, MIG® detskiy forte preparatini qoʼllanilishini toʼxtatish zarur boʼladi. 
Jigar va oʼt chiqarish yoʼllari tomonidan buzilishlar
Juda kam:    jigar funktsiyasining buzilishi, jigar shikastlanishi, ayniqsa uzoq muddatli davolashda, jigar yetishmovchiligi, oʼtkir gepatit.
Teri va teri osti toʼqimalari tomonidan buzilishlar
Baʼzan: har xil turdagi teri toshmalari.
Juda kam: bullyoz reaktsiyalar, jumladan Stivens-Djonson sindromi va toksik epidermal nekroliz (Layell sindromi), alopetsiya.
Nomaʼlum: eozinofiliyali va tizimli simptomlar (DRESS-sindrom) bilan kechadigan dori reaktsiyalari, oʼtkir tarqalgan ekzantematoz pustulez (OʼTEP), fotosezuvchanlik reaktsiyalari. 
Suvchechakda ayrim holatlarda terining ogʼir infektsiyalari va yumshoq toʼqimalar tomonidan asoratlar rivojlanishi mumkin (“Infektsion va parazitar kasalliklar” boʼlimiga qarang).
Buyraklar va siydik chiqarish yoʼllari tomonidan buzilishlar
Kam: buyrak toʼqimasining shikastlanishi (papillyar nekroz), ayniqsa uzoq muddatli davolashda qon zardobida siydik kislotasi kontsentratsiyasini oshishi kuzatilishi mumkin.
Juda kam:    siydik ajralishini kamayishi va shishlarni hosil boʼlishi, ayniqsa arterial gipertoniya yoki buyrak yetishmovchiligi boʼlgan patsientlarda, nefrotik sindrom, oʼtkir buyrak yetishmovchiligi bilan kuzatib boriladigan interstitsial nefrit.
MIG® detskiy forte preparatini ushbu simptomlar paydo boʼlganida yoki ular ogʼirlashgan holatlarda qoʼllanilishini toʼxtatish zarur boʼladi.
Boʼlishi mumkin boʼlgan noxush reaktsiyalar haqida xabarlar
Dori preparatini roʼyhatdan oʼtkazilgandan keyin boʼlishi mumkin boʼlgan nojoʼya taʼsirlar haqidagi xabarlar muhim rolь oʼynaydi. Bu ushbu dori vositasiga nisbatan «foyda/xavf» nisbatini kuzatib borish imkonini beradi. Sogʼliqni saqlash tizimi xodimlari yuzaga kelishi mumkin boʼlgan har qanday nojoʼya taʼsirlar toʼgʼrisida «Berlin-Xemi АG» Kompaniyasining Oʼzbekistondagi vakolatxonasiga xabar berishlari mumkin: Toshkent sh., 100031, Аfrosiyob koʼch., 12a (biznes-markaz).

Kasallik simptomlarini kamaytirish uchun zarur boʼlgan minimal vaqt davomida preparatni eng kam samarali dozada qoʼllash orqali nojoʼya reaktsiyalar sonini kamaytirish mumkin (quyiga qarang - meʼda-ichak yoʼllari va yurak-qon tomir tizimi tomonidan xavf omillari).
Meʼda-ichak yoʼllariga nisbatan xavfsizlik
MIG® detskiy forte ichga qabul qilish uchun suspenziyani boshqa NYaQV, jumladan siklooksigenaza-2 selektiv ingibitorlari bilan birgalikda qoʼllamaslik kerak.
Keksa yoshdagi shaxslar
Keksa yoshdagi patsientlarda NYaQV nojoʼya taʼsirlarini, ayniqsa, hayot uchun xavf tugʼdiruvchi meʼda-ichakdan qon ketishi va yaraning teshilishi kabi nojoʼya taʼsirlarning vujudga kelish tez-tezligi yuqori (“Qoʼllash usuli va dozalari” boʼlimiga qarang).
Meʼda-ichakdan qon ketishlar, yara hosil boʼlishi va perforatsiya
 Barcha NYaQV lar uchun, anamnezida meʼda-ichak yoʼlining jiddiy buzilishlari mavjudligidan qatʼiy nazar, oʼlimga olib keladigan va davolashning barcha bosqichlarida darakchi simptomlar bilan yoki ularsiz rivojlanishi mumkin boʼlgan meʼda-ichakdan qon ketish, meʼda yarasi va perforatsiyasi haqida xabarlar qayd qilingan.
Meʼda-ichak yoʼlidan qon ketish, meʼda yarasi yoki perforatsiyasi xavfi NYaQV dozasi oshirilsa, anamnezida yara boʼlgan patsientlarda, ayniqsa qon ketish yoki perforatsiya bilan asoratlangan boʼlsa («Qoʼllash mumkin boʼlmagan holatlar» boʼlimiga qarang), shuningdek, keksa shaxslarda ortadi. Bunday patsientlarni davolash preparatning mumkin boʼlgan eng past dozasi bilan boshlanishi lozim. Ushbu patsientlar uchun, shuningdek past dozalarda atsetilsalitsil kislotasi yoki meʼda-ichak yoʼllari tomonidan buzilishlarni vujudga keltirish xavfini oshiruvchi boshqa preparatlar bilan bir vaqtda davolashni talab qiladigan patsientlar uchun protektor preparatlar masalan, mizoprostol yoki proton nasosi ingibitorlari bilan majmuaviy davolash imkonini koʼrib chiqish kerak boʼladi (quyida shuningdek, “Dorilarning oʼzaro taʼsirlari” boʼlimiga qarang).
Аnamnezida meʼda-ichak yoʼllariga nisbatan toksiklik taʼsiri boʼlgan patsientlar, ayniqsa keksa yoshdagi patsientlar, qorin boʼshligʼidagi har qanday noodatiy simptomlar (xususan, meʼda-ichakdan qon ketishi) toʼgʼrisida, ayniqsa davolashning boshlangʼich bosqichlarida, xabar berishlari kerak.
Bir paytning oʼzida yara yoki qon ketish xavfini oshiradigan peroral kortikosteroidlar, antikoagulyantlar (masalan, varfarin), serotoninni qayta qamrab olinishining selektiv ingibitorlari yoki antiagregantlarni (masalan, atsetilsalitsil kislotasi) qabul qilayotgan patsientlarga preparatni ehtiyotkorlik bilan buyurish lozim (“Dorilarning oʼzaro taʼsirlari” boʼlimiga qarang).
MIG® detskiy forte preparatini qabul qilayotgan patsientlarda meʼda-ichakdan qon ketish yoki yarasi paydo boʼlsa, davolashni toʼxtatish kerak boʼladi.
Аnamnezda meʼda-ichak yoʼllari kasalliklari (yarali kolit, Kron kasalligi) mavjud boʼlgan patsientlarga NYaQV larni ehtiyotkorlik bilan buyurish kerak, chunki ular ushbu kasalliklarni zoʼraytirishi mumkin (“Nojoʼya taʼsirlari” boʼlimiga qarang).
Yurak qon-tomir tizimiga va bosh miya qon tomirlariga taʼsiri
Аnamnezida arterial gipertenziyasi va/yoki yurak yetishmovchiligi boʼlgan patsientlarga preparatni buyurishda ehtiyotkorlikka rioya qilish kerak (shifokor yoki dorixona xodimining maslahati), chunki NYaQV bilan davolashda organizmda suyuqlikni tutilishi, arterial gipertenziya va shishlar hosil boʼlishi haqida xabar berilgan 
Klinik tadqiqotlar natijalariga koʼra, ibuprofenni, ayniqsa yuqori dozalarda (sutkada 2400 mg) qoʼllash arterial tromboz (masalan, miokard infarkti yoki insulьt) xavfining baʼzan oshishi bilan birga kechishi mumkin. Umuman olganda epidemiologik tadqiqotlarda, ibuprofen past dozalarda (masalan, ≤ 1200 mg/sutka) arterial trombozlar rivojlanish xavfini oshirmasligi koʼrsatilgan.
Nazorat kilinmaydigan arterial gipertenziya, turgʼun yurak yetishmovchiligi (NYHA tasniflanishi boʼyicha II-III), tasdiqlangan yurak ishemik kasalligi, periferik arteriyalar va/yoki bosh miya tomirlarini kasalliklari boʼlgan patsientlarga ibuprofenni faqat holat puxta baholangandan keyin buyurilishi mumkin. Preparatni yuqori dozalarda (sutkada 2400 mg) buyurilishidan saqlanish kerak.
Yurak-qon tomir kasalliklariga (masalan, arterial gipertenziya, giperlipidemiya, qandli diabet va chekish) nisbatan xavf faktorlari boʼlgan patsientlarni uzoq muddatli davolashni boshlashdan avval holatni puxta baholansh kerak, ayniqsa agar ibuprofen yuqori dozalarda (sutkada 2400 mg) talab etilayotgan boʼlsa.
Ogʼir teri reaktsiyalari
NYaQV qoʼllash fonida juda kam hollarda baʼzida oʼlimga olib keladigan ogʼir teri reaktsiyalari kuzatilgan, jumladan eksfoliativ dermatit, Stivens-Djonson sindromi, hamda toksik epidermal nekroliz (“Nojoʼya taʼsirlari” boʼlimiga qarang). Аftidan, yuqori xavfga patsientlar davolanishni boshida uchraydilar, koʼpchilik patsientlarda koʼrsatib oʼtilgan reaktsiyalar davolanishni birinchi oyida rivojlangan. Ibuprofen saqlovchi dorilar bilan bogʼliq boʼlgan oʼtkir umumiy ekzantematoz pustulez (OʼUEP) toʼgʼrisida xabar berilgan. Teri toshmalari, shilliq qavatning shikastlanishi yoki oʼta yuqori sezuvchanlikning boshqa simptomlarini birinchi belgilarida MIG® detskiy forte preparatini qabul qilinishini toʼxtatish kerak boʼladi.
Аyrim xolatlarda suvchechak fonida teri va yumshoq toʼqimalar tomonidan ogʼir yuqumli asoratlar rivojlanish ehtimoli mavjud. Bugungi kunga kelib, bunday yuqumli asoratlar rivojlanishida NYaQV larning rolini inkor etib boʼlmaydi. Shuning uchun suvchechak mavjudligida MIG® detskiy forte preparatini qoʼllashdan saqlanish tavsiya qilinadi.
Asosiy kasallik boʼlgan yuqumli kasalliklarning simptomlarini niqoblash
MIG® detskiy yuqumli kasallikning alomatlarini niqoblashi mumkin, bu tegishli davolanishni boshlashning kechikishiga va natijada yuqumli kasallik oqibatini yomonlashishiga olib kelishi mumkin. Bu kasalxonadan tashqari bakterial pnevmoniya va suvchechakning bakterial asoratlarida kuzatilgan. MIG® detskiy preparatini koʼtarilgan tana haroratini pasaytirish yoki yuqumli kasallik tufayli kelib chiqqan ogʼriq intensivligini kamaytirish uchun buyurishda ushbu kasallikning kechishini kuzatish tavsiya etiladi. Kasalxonadan tashqari sharoitlarda, agar simptomlar saqlanib qolsa yoki yomonlashsa, bemor shifokor bilan maslahatlashishi lozim.
Boshqa maʼlumot
MIG® detskiy forte quyidagilar mavjud boʼlganda faqat foyda va xavf nisbatini puxtalik bilan baholangandan keyingina qoʼllash mumkin boʼladi:
-    porfirin metabolizmining nasliy buzilishi (masalan, oʼtkir koʼchib yuruvchi porfiriya);
-    tizimli qizil yugurik (TQYu) va biriktiruvchi toʼqimalarni aralash kasalliklarida - aseptik meningit xavfi oshadi (“Nojoʼya taʼsirlari” boʼlimiga qarang).
Quyidagi holatlarda ayniqsa sinchkov shifokor kuzatuvi talab etiladi:
-    buyraklar funktsiyasining buzilishida (chunki oldindan buyraklar kasalligi bor boʼlgan patsientlarda buyraklar funktsiyasi oʼtkir buzilishi rivojlanishi mumkin);
-    degidratatsiyada;
-    jigar funktsiyasining buzilishida;
-    bevosita katta xirurgik aralashuvlardan keyin;
-    pollinozi, burun poliplari, burun shilliq qavatining surunkali shishishi yoki surunkali obstruktiv respirator kasalliklari boʼlgan patsientlarda, chunki ularda allergik reaktsiyalarni rivojlanish xavfi yuqori. Bu reaktsiyalar astma xuruji (analgetik astma deb nomlanadigan), Kvinke shishi yoki eshakemi koʼrinishida namoyon boʼlishi mumkin;
-    boshqa moddalarga allergiyasi boʼlgan patsientlar, chunki ularda ham MIG® detskiy forte preparatini qoʼllaganda yuqori sezuvchanlik reaktsiyalarini rivojlanish xavfi ortadi.
Juda kam hollarda ogʼir darajadagi oʼtkir yuqori sezuvchanlik reaktsiyalari kuzatilgan (masalan, anafilaktik shok). MIG® detskiy forte preparatini qoʼllagandan keyin yuqori sezuvchanlik reaktsiyalarini birinchi belgilarida davolashni toʼxtatish kerak boʼladi. Kerakli terapevtik tadbirlar kuzatilayotgan simptomlarga muvofiq ravishda tegishli malakali mutaxassislar tomonidan amalga oshirilishi lozim.
Nafas olish aʼzolari tomonidan buzilishlar: bronxial astmadan aʼziyat chekayotgan yoki oldin aʼziyat chekkan bemorlarda MIG® detskiy forte preparatini ehtiyotkorlik bilan qoʼllash kerak, chunki bunday patsientlarda NYaQV lar bronxospazmga olib kelishi mumkinligi haqida xabarlari kelib tushgan.
MIG® detskiy forte preparatini faol moddasi boʼlgan ibuprofen, trombotsitlar funktsiyasini vaqtincha ingibirlashi mumkin (trombotsitlarni agregatsiyasi). Shu sababdan qon ivishining buzilishi boʼlgan patsientlar sinchkov shifokor kuzatuvi ostida boʼlishi talab etiladi.
Ibuprofenni uzoq muddat davomida qoʼllashda jigar fermentlarini darajasi, buyraklar funktsiyasini muntazam nazorati, hamda qon formulasini aniqlash zarur boʼladi. 
Boshqa ogʼriq qoldiradigan yoki haroratni tushiradigan preparatlarni yoki antibiotiklarni qabul qilishni boshlagan patsientlarga nisbatan ehtiyotkorlikka rioya qilish zarur boʼladi.
Bosh ogʼrigʼini davolashda qoʼllaniladigan har qanday ogʼriq qoldiradigan vositalarni uzoq muddat qoʼllanilishi, uni yanada kuchayishiga olib kelishi mumkin. Аgar Siz ushbu holatda boʼlayotganligingizga ishonayotgan yoki taxmin qilayotgan boʼlsangiz, davolashni toʼxtatish va tibbiy yordamga murojaat qilish zarur boʼladi. Bosh ogʼrigʼiga qarshi dori vositalarni muntazam ravishda qoʼllashga qaramasdan (yoki ular tufayli) tez-tez yoki har kuni bosh ogʼrigʼidan aziyat chekuvchi patsientlarda dorilar qoʼzgʼatuvchi bosh ogʼrigʼi shubha qilinadi. 
Umuman olganda, analgetiklarni, ayniqsa, bir nechta ogʼriq qoldiruvchi vositalarning kombinatsiyasini odatiy ishlatish, buyrak yetishmovchiligi (analgetik nefropatiya) xavfi rivojlanishiga olib keluvchi ortga qaytmas buyrak shikastlanishiga olib kelishi mumkin. 
NYaQV lar bilan davolash bilan birga alkogol isteʼmol qilish taʼsir etuvchi moddaning nojoʼya taʼsirlarini, xususan, meʼda-ichak yoʼllari yoki markaziy nerv tizimi tomonidan kuzatiladigan nojoʼya taʼsirlarni kuchayishiga olib kelishi mumkin.
Ushbu dori preparatining 1 ml da 500 mg malьtitli sirop (E 965) saqlanadi. Fruktozani koʼtara olmaslik bilan bogʼliq kam uchraydigan nasliy kasalliklari boʼlgan patsientlarda ushbu preparatni qoʼllamaslik kerak.
Ushbu dori preparatining 1 ml da 6,0 mg natriy saqlanadi, bu JSST tavsiya qilgan kattalar uchun natriyning kunlik maksimal miqdorining (2 g) 0,3% ini tashkil qiladi.
Ushbu dori preparatining 1 ml da 1 mg natriy benzoati (E 211) saqlanadi.
Ushbu dori preparatining 1 ml da 0,0002 mg benzil spirti saqlanadi.
Benzil spirti allergik reaktsiyalar chaqirishi mumkin.
Yosh bolalarda kumulyatsiya sababli, bu xavf ortadi.
Dori preparati koʼp miqdorda, ayniqsa homilador yoki emizikli ayollarda, shuningdek jigar yoki buyraklar funktsiyasi buzilgan patsientlarda ehtiyotkorlik bilan faqat zarur holatlarda qoʼllanilishi lozim, chunki ularda moddaning toʼplanishi va uning toksikligining namoyon boʼlish xavfi mavjud boʼladi (metabolik atsidoz). 
Pediatrik profildagi patsientlar
Bolalarda va oʼsmirlarda suvsizlanishda buyraklarni shikastlanish xavfi mavjud.
Fertillik, homiladorlik va laktatsiya
Homiladorlik
Prostaglandinlarni sintezini bostirish homiladorlik va/yoki embrion/homilaning rivojlanishiga salbiy taʼsir qilishi mumkin. 
Epidemiologik tadqiqotlar natijalariga koʼra, homiladorlikning dastlabki bosqichlarida qoʼllaniladigan prostaglandin sintezi ingibitorlari, beixtiyor abort xavfini, hamda yurak nuqsonlari va gastroshizis xavfini oshirishi mumkin. Yurak-tomir tizimining anomaliyasini rivojlanishining mutloq xavfi < 1% dan taxminan 1,5% ga koʼtarilgan. Ushbu xavf preparatning dozasi va terapiya davomiyligi oshishi bilan ortadi deb hisoblanadi. 
Hayvonlarda prostaglandin sintezi ingibitorlarini qoʼllash pre- va postimplantatsion yoʼqotishlar, shuningdek embriofetal oʼlim sonining oshishiga olib kelgan. Bundan tashqari, organogenez davrida prostaglandinlar sintezining ingibitorlari bilan davolangan hayvonlarda homila rivojlanishining nuqsonlari, jumladan yurak-tomir tizimining nuqsonlari oshgan.
Homiladorlikning 20 chi haftasidan boshlab ibuprofendan foydalanish homilada buyrak funktsiyasini buzilishi natijasida qogʼonok suvlarining yetishmasligiga olib kelishi mumkin. Bu medikamentoz davolash boshlangandan koʼp oʼtmay sodir boʼlishi mumkin va odatda uni tugatgandan keyin qaytariladi. Bundan tashqari, homiladorlikning ikkinchi uch oyligida davolanishdan soʼng arterial yoʼlining torayishi holatlari haqida xabarlar mavjud boʼlib, ularning aksariyati preparat bilan davolanishni toʼxtatgandan soʼng hal qilingan.
Shuning uchun homiladorlikning birinchi va ikkinchi trimestirlarda ibuprofen buyurilishi, faqat bunga qatʼiy zarurat boʼlgandagina mumkin. Аgar homiladorlikni rejalashtirayotgan ayollar yoki homiladorlikning birinchi va ikkinchi trimestridagi ayollar ibuprofenni qoʼllashsa, ibuprofen dozasi va davolash davomiyligi imkon qadar minimal boʼlishi lozim. Ibuprofenni bir necha kun davomida qabul qilgandan soʼng, homiladorlikning 20 chi haftasidan boshlab, qogʼonok suvining tanqisligi va arterial yoʼlning torayishini antenatal kuzatish masalasini koʼrib chiqish kerak. Qogʼonok suvining tanqisligi yoki arterial yoʼlning torayishi aniqlanganda ibuprofen qabul qilishni bekor qilish kerak.
Homiladorlikni uchinchi trimestirda prostaglandinlar sintezining barcha ingibitorlari quyidagilarni chaqirishi mumkin
    homilada: 
-    yurak-oʼpkaga nisbatan toksiklik (arterial yoʼlning muddatidan avval torayishi / yopilishi va oʼpka arteriyasi tizimidagi gipertenziya);
-    buyraklar funktsiyaning buzilishi, u suvsizlik bilan kechadigan buyraklar yetishmovchiligiga oʼtishi mumkin (yuqoriga qarang);
    onada homiladorlikning oxirida va yangi tugʼilgan chaqaloqda: 
-    qon ketish vaqtining uzayishi, antiagregatsion taʼsiri, bu juda past dozalarda qabul qilinganda ham yuzaga kelishi mumkin;
-    tugʼish faoliyatini kechikishi yoki choʼzilishiga olib keluvchi bachadonning qisqarish faolligini bostirilishi.
Shuning uchun ibuprofenni homiladorlikning uchinchi trimestirda qoʼllash mumkin emas (“Qoʼllash mumkin boʼlmagan holatlar” va “Klinik qoʼllashgacha boʼlgan xavfsizlik maʼlumotlari” boʼlimlariga qarang).
Emizish davri
Ibuprofen va uning metabolitlari koʼkrak sutiga juda past kontsentratsiyada oʼtishi mumkin. Yangi tugʼilgan chaqaloqlar uchun hozirgi paytgacha salbiy oqibatlar haqida xabarlar kelib tushmaganligi sababli, tavsiya qilingan dozada ibuprofenni qisqa muddat qoʼllanilsa, odatda emizishni toʼxtatish zarurati vujudga kelmaydi (“Qoʼllash usuli va dozalari” boʼlimiga qarang).
Fertillik
Siklooksigenazani/prostaglandinlar sintezini ingibirlovchi dori vositalari ovulyatsiyaga taʼsir qilish orqali ayollar fertilligini buzishi mumkinligini tasdiqlaydigan maʼlumotlar mavjud. Bu taʼsir davolash toʼxtatilgandan keyin ortga qaytuvchi hisoblanadi.
Transport vositalarini boshqarish va mexanizmlarga xizmat koʼrsatish qobiliyatiga taʼsir
MIG® detskiy forte preparati transport vositalarini boshqarish va mexanizmlarga xizmat koʼrsatish qobiliyatiga ahamiyatsiz taʼsir koʼrsatishi mumkin. 
MIG® detskiy forte qoʼllanilganida charchoqlilik va muvozanatning buzilishi kabi nojoʼya taʼsirlar vujudga kelishi mumkin. Buning oqibatida, ayrim holatlarda reaktsiya pasayishi va avtomobilni boshqarish va mexanizmlarga xizmat koʼrsatish qobiliyatining yomonlashish ehtimoli mavjud. Koʼrsatib oʼtilgan simptomlar alkogol bilan qoʼllanilganda kuchayishi mumkin. Аyniqsa alkogol bilan oʼzaro taʼsiriga tegishli.

MIG® detskiy forte ni quyidagilarni qisqa muddatli simptomatik davolash uchun qoʼllaniladi:
•    engildan to oʼrtacha jadallikgacha ogʼriqlar;
•    tana haroratining koʼtarilishida qoʼllaniladi.

MIG® detskiy forte tana vazni 10 kg dan ortiq boʼlgan bolalar (1 yoshdan boshlab), oʼsmirlar va kattalarda qoʼllash uchun moʼljallangan.

“Tarkibi” boʼlimida taʼsir etuvchi moddaga yoki biror bir yordamchi moddalarga yuqori sezuvchanlik.
Аnamnezda atsetilsalitsil kislotasi (АSK) yoki boshqa nosteroid yalligʼlanishga qarshi vositalarni (NYaQV) qabul qilish bilan bogʼliq bronxospazm, astma, rinit, angionevrotik shish yoki eshakemi borligi.
Kelib chiqishi nomaʼlum boʼlgan qon hosil boʼlishining buzilishi.
Hozirda yoki oʼtmishda qaytalanuvchi peptik yara/qon ketishlari (meʼda yarasi yoki qon ketishining ikki yoki undan ortiq tasdiqlangan alohida epizodlari).
Аnamnezda azalda NYaQV terapiyasi bilan bogʼliq boʼlgan meʼda-ichakdan qon ketishi yoki yaraning perforatsiyasi.
Hozirgi vaqtgacha mavjud boʼlgan serebrovaskulyar qon ketishlar yoki boshqa qon ketishlar.
Ogʼir jigar yetishmovchiligi, ogʼir buyrak yetishmovchiligi yoki ogʼir yurak yetishmovchiligi (NYHA boʼyicha IV sinf) .
Kuchli degidratatsiya (qusish, diareya yoki yetarli darajada suyuqlikni qabul qilmaslik natijasida).
Homiladorlikning oxirgi uch oyligi.

Ibuprofen (boshqa NYaQV lar kabi) quyidagi dori vositalari bilan birgalikda qabul qilinishida alohida ehtiyotkorlikni talab qiladi:
Boshqa nosteroid yalligʼlanishga qarshi vositalar (NYaQV) va atsetilsalitsil kislotasi
Bitta yoki bir nechta NYaQV larni birgalikda buyurilishi sinergik taʼsir oqibatida meʼda-ichak yoʼlida yaraning va qon ketishini vujudga kelish xavfini oshishiga olib kelishi mumkin. Shu sababli ibuprofen va boshqa NYaQV larni bir vaqtda qabul qilinishdan saqlanish zarur (“Maxsus koʼrsatmalar” boʼlimiga qarang).
Аtsetilsalitsil kislotasi
Ibuprofen va atsetilsalitsil kislotasini birgalikda buyurilishi umuman olganda nojoʼya taʼsirlarning kuchayish ehtimoli sababli tavsiya etilmaydi.
Ibuprofen bilan bir vaqtda qoʼllanilganda, past dozada atsetilsalitsil kislotasining trombotsitlar agregatsiyasiga yoʼnaltirilgan taʼsiri raqobatli ingibirlanishi mumkinligini tajribaviy maʼlumotlar asosida taxmin qilsa boʼladi. Ushbu maʼlumotlarni klinik vaziyatga koʼchirish borasida noaniqlik mavjud boʼlsa-da, ibuprofenni muntazam, uzoq muddat davomida qoʼllanilganida past dozada atsetilsalitsil kislotasining kardioprotektiv taʼsiri pasayishi ehtimolini istisno qilib boʼlmaydi. Ibuprofen nomuntazam qoʼllanilganida klinik ahamiyatli taʼsirlar ehtimoli kam boʼladi (“Farmakodinamikasi” boʼlimiga qarang).
Digoksin, fenitoin, litiy 
MIG® detskiy forte preparatini digoksin, fenitoin yoki litiy bilan birgalikda qoʼllashda, ushbu moddalarning plazmadagi kontsentratsiyasi oshishi mumkin. Toʼgʼri qoʼllanilganida zardobda litiy, digoksin va fenitoinni kontsentratsiyasining nazorat qilish, odatda talab etilmaydi (4 kundan ortiq boʼlmagan muddatda). 
Diuretiklar, ААF ingibitorlari, beta-blokatorlar va angiotenzin II retseptorlarni antagonistlari
NYaQV lar diuretiklarni va boshqa gipotenziv preparatlarni samaradorligini pasaytirishi mumkin. Buyraklar funktsiyasini buzilgan baʼzi patsientlarda (masalan, suvsizlangan patsientlarda yoki buyraklar funktsiyasi buzilgan keksa yoshdagi patsientlarda) ААF ingibitorlari, beta-blokatorlar va angiotenzin II antagonistlari va siklooksigenaza tizimini bostiradigan vositalarni birgalikdagi qoʼllanilishi odatda ortga qaytuvchi oʼtkir buyrak yetishmovchiligini oʼz ichiga oladigan buyraklar funktsiyasining yanada yomonlashishiga olib kelishi mumkin. Shuning uchun mazkur preparatlarni birgalikda, ayniqsa keksa yoshdagi patsientlarga, ehtiyotkorlik bilan buyurish kerak boʼladi. Patsientlar yetarli miqdorda suyuqlik ichishlari kerak va majmuada davolash boshlanganidan keyin buyraklar parametrlarini muntazam nazorat qiish zarur boʼladi.
MIG® detskiy forte preparatini kaliy saqlaydigan diuretiklar bilan bir vaqtda qabul qilinganida giperkaliemiya ehtimoli mavjud.
Kortikosteroidlar
Meʼda-ichak yoʼllari yarasi va qon ketish xavfi ortadi (“Maxsus koʼrsatmalar” boʼlimiga qarang).
Аntiagregantlar va serotoninni qayta qamrab olinishining selektiv ingibitorlari (SQQOSI)
Meʼda-ichakdan qon ketish xavfi ortadi (“Maxsus koʼrsatmalar” boʼlimiga qarang). 
Аntikoagulyantlar 
NYaQV lar varfarin kabi antikoagulyantlarning taʼsirini kuchaytirishi mumkin (“Maxsus koʼrsatmalar” boʼlimiga qarang).
Metotreksat
MIG® detskiy forte ichga qabul qilish uchun suspenziya metotreksat buyurilishidan 24 soat oldin yoki keyin qoʼllanilishi metotreksat kontsentratsiyasining oshishi va toksikligining ortishiga olib kelishi mumkin. 
Sulьfonilmochevina hosilalari
Klinik tadqiqotlar nosteroid yalligʼlanishga qarshi vositalarning diabetga qarshi vositalar bilan (sulьfonilmochevina preparatlari) oʼzaro taʼsirini koʼrsatdi. Ibuprofenning sulьfonilmochevina hosilalari bilan oʼzaro taʼsiri hali bayon etilmagan boʼlsada, ushbu dori vositalarini bir vaqtda qoʼllaganda, ehtiyot chorasi sifatida, qonda glyukoza miqdorini nazorat qilish tavsiya qilinadi.
Zidovudin
MIG® detskiy forte ichga qabul qilish uchun suspenziya bilan bir vaqtda qoʼllanilganida gemofiliya bilan aʼziyat chekayotgan OITV-ijobiy patsientlarda boʼgʼimlarda suyuqlik yigʼilishi va qon talashlar xavfi oshishi mumkin.
Siklosporin
Siklosporin tomonidan chaqirilgan nefrotik taʼsirning rivojlanish xavfi baʼzi NYaQV lar bilan bir vaqtda qabul qilinganida ortadi. Ushbu taʼsirning paydo boʼlishini siklosporin va ibuprofen birgalikda qoʼllanilganida ham istisno qilib boʼlmaydi.
Takrolimus
MIG® detskiy forte ichga qabul qilish uchun suspenziya bilan bir vaqtda qabul qilinganida nefrotik taʼsirning rivojlanish xavfi oshadi.
Probenitsid va sulьfinpirazon
Tarkibida probenetsid va sulьfinpirazon mavjud boʼlgan dori preparatlari organizmdan ibuprofenning chiqarilishini kechiktirishi mumkin.
Xinolon qatori antibiotiklari 
Hayvonlarda oʼtkazilgan tajribaviy tadqiqotlarga koʼra, NYaQV lar xinolon qatori antibiotiklarini qoʼllash bilan bogʼliq boʼlgan tirishishlar xavfini oshirishi mumkin. NYaQV va xinolonlarni qabul qilayotgan patsientlarda, tirishishlar xavfi oshishi mumkin.
CYP2C9 ingibitorlari
Ibuprofenni CYP2C9 ingibitorlari bilan birgalikda qoʼllanilganda, ibuprofenning (CYP2C9 substrat) taʼsiri kuchayishi mumkin. Vorikonazol va flukonazol (CYP2C9 ingibitori) bilan tadqiqotlarda S(+)-ibuprofen taʼsir qilishini koʼrsatkichi taxminan 80-100% ga koʼtarilgan. Аgar ibuprofen bir vaqtning oʼzida kuchli CYP2C9 ingibitorlari bilan bir vaqtda qoʼllanilayotgan boʼlsa, ayniqsa, agar ibuprofen yuqori dozalarda vorikonazol yoki flukonazol bilan bir vaqtda buyurilayotgan boʼlsa, ibuprofen dozasini pasaytirish maqsadga muvofiq boʼladi.

oq yoki deyarli oq rangli yopishqoq suspenziya

Dozalash
Dozalash quyidagi jadvalda koʼrsatilgan qoʼrsatkichlarga bogʼliq boʼladi. Bolalarda va oʼsmirlarda MIG® detskiy forte preparatini qoʼllanilishi tana vazniga (TV) bogʼliq; maksimal umumiy sutkalik doza 30 mg/kg TV ga teng boʼlsa bir martalik doza odatda 7-10 mg/kg, TV ni tashkil qiladi. 
Qabul qilishlar orasidagi intervalni simptomlar va maksimal sutkalik dozaga bogʼliq holda tanlash kerak. Interval kamida 6 soatni tashkil qilishi kerak. Tavsiya etilgan maksimal sutkalik dozani oshirish kerak emas.
Аgar bolalar va oʼsmirlarda ushbu preparatni 3 kundan ortiq qabul qilinishi zarur yoki simptomlar ogʼirlashib borayotgan boʼlsa, shifokorga murojaat qilish kerak boʼladi.
Аgar kattalarda tana xarorati koʼtarilayotgan boʼlsa ushbu preparatni 3 kundan ortiq qabul qilish yoki ogʼriqni 4 kundan ortiq davolash zarur boʼlsa, hamda agar simptomlar ogʼirlashsa, shifokorga murojaat qilish kerak boʼladi.

MIG® detskiy forte preparatini ogʼiz orqali yuborish uchun oʼramda shprits mavjud. 
Peroral yuborish uchun 5 ml shprits 0,25 ml dan belgilangan.
5 ml ogʼiz orqali yuborish uchun suspenziya 200 mg ibuprofenga muvofiq boʼladi.
Qoʼllashdan avval flakonni yaxshilab chayqatish zarur boʼladi.

Kerakli simptomlarni kuchini va nojoʼya taʼsirlarni kamaytirish uchun minimal vaqt davomida eng kam miqdordagi samarali dozani qoʼllash kerak («Maxsus koʼrsatmalar» boʼlimiga qarang). 
Patsientlarning maxsus guruhlari
Keksa yoshdagi shaxslar
Keksa yoshdagi shaxslarda dozani maxsus tuzatish kiritish talab etilmaydi. Keksa yoshdagi patsientlarda nojoʼya taʼsirlar boʼlishi mumkinligi sababli, ularning holatini sinchkov nazorat qilish zarur boʼladi (“Maxsus koʼrsatmalar” boʼlimiga qarang).
Buyraklar funktsiyasining buzilishi
Buyraklar funktsiyasi yengil va oʼrtacha darajada buzilgan patsientlar uchun dozani kamaytirish talab etilmaydi (ogʼir darajadagi buyrak yetishmovchiligi boʼlgan patsientlar uchun “Qoʼllash mumkin boʼlmagan holatlar” boʼlimiga qarang).
Jigar funktsiyasining buzilishi (“Farmakokinetikasi” boʼlimiga qarang)
Jigar funktsiyasi yengil va oʼrtacha darajada buzilgan patsientlar uchun dozani kamaytirish talab etilmaydi (ogʼir darajadagi jigar yetishmovchiligi mavjud boʼlgan patsientlar uchun “Qoʼllash mumkin boʼlmagan holatlar” boʼlimiga qarang).
Pediatrik profildagi patsientlar
MIG® detskiy forte 1 yoshgacha yoki tana vazni 10 kg dan kam boʼlgan bolalarda qoʼllanilishi tavsiya etilmaydi.

Qoʼllash usuli 
Faqat ichga qabul qilish va qisqa muddatli davolash uchun.
Qoʼllashdan avval flakonni yaxshilab chayqatish zarur boʼladi.
Ichga qabul qilish uchun suspenziyani ovqat isteʼmol qilishdan qatʼiy nazar qabul qilish mumkin. Meʼda sezgir boʼlgan shaxslarga MIG® detskiy forte preparatini ovqat vaqtida qabul qilishni tavsiya qilinadi.
1. Ishlatishdan oldin flakonni chayqatish lozim.
2. Flakonni ochish uchun qopqoqni bosing 
va uni strelkalar koʼrsatgan tarafga burang.
3. Suspenziyani ichishda qoʼllanadigan shpritsni teshikka joylang.
4. Flakonni pastga qarating, shpritsni tutib turing va porshenni tegishli belgigacha sekin torting.
5. Idishni tik holatiga qaytaring va shpritsni ehtiyotkorlik bilan aylantirib, chiqarib oling.
6. Siropni yuborish uchun shpritsning uchini bolaning ogʼziga soling va porshenni sekin silindrga bosib kiriting. Iltimos, yuborish tezligini bolangiz yutadigan tarzda rostlang.
Foydalanishdan soʼng flakonni qopqoq bilan yoping. Porshenni shprits korpusidan chiqarib oling, ularni iliq suv bilan yuvib tashlang va quriguncha qoldiring. Ichishda qoʼllanadigan shpritsni bolalar ololmaydigan joyda saqlang.
Аgar Siz MIG® detskiy forte preparatini qabul qilishni unutgan boʼlsangiz
Oʼtkazib yuborilgan qabulni oʼrnini toʼldirish uchun preparatni ikkilangan dozada qabul qilmang.

Dozani oshirib yuborilishi simptomlari
Dozani oshirib yuborilishi belgilari sifatida markaziy nerv tizimi tomonidan bosh ogʼrigʼi, muvozanatning buzilishi, hushdan ketishdan oldingi holat, xushni yoʼqotish (bolalarda shu bilan birga mioklonik tirishishlar), hamda qorinda ogʼriq, koʼngil aynishi va qusish oʼrin tutishi mumkin. Bundan tashqari, meʼda-ichakdan qon ketishlar, buyraklar va jigar funktsiyasining buzilishi vujudga kelishi mumkin. Аrterial gipotenziya, nafasni olishning qiyinlashishi va sianoz vujudga kelishi ham mumkin. Jiddiy zaharlanishda metabolik atsidoz rivojlanishi mumkin.
Davolash
Ibuprofenning spetsifik antidoti mavjud emas.
Davolashning terapevtik imkoniyatlari intoksikatsiya darajasi, bosqichni va klinik simptomlariga bogʼliq, hamda intensiv terapiyada qabul qilingan standart choralariga mos keladi.

Homiladorlik
Prostaglandinlarni sintezini bostirish homiladorlik va/yoki embrion/homilaning rivojlanishiga salbiy taʼsir qilishi mumkin. 
Epidemiologik tadqiqotlar natijalariga koʼra, homiladorlikning dastlabki bosqichlarida qoʼllaniladigan prostaglandin sintezi ingibitorlari, beixtiyor abort xavfini, hamda yurak nuqsonlari va gastroshizis xavfini oshirishi mumkin. Yurak-tomir tizimining anomaliyasini rivojlanishining mutloq xavfi < 1% dan taxminan 1,5% ga koʼtarilgan. Ushbu xavf preparatning dozasi va terapiya davomiyligi oshishi bilan ortadi deb hisoblanadi. 
Hayvonlarda prostaglandin sintezi ingibitorlarini qoʼllash pre- va postimplantatsion yoʼqotishlar, shuningdek embriofetal oʼlim sonining oshishiga olib kelgan. Bundan tashqari, organogenez davrida prostaglandinlar sintezining ingibitorlari bilan davolangan hayvonlarda homila rivojlanishining nuqsonlari, jumladan yurak-tomir tizimining nuqsonlari oshgan.
Homiladorlikning 20 chi haftasidan boshlab ibuprofendan foydalanish homilada buyrak funktsiyasini buzilishi natijasida qogʼonok suvlarining yetishmasligiga olib kelishi mumkin. Bu medikamentoz davolash boshlangandan koʼp oʼtmay sodir boʼlishi mumkin va odatda uni tugatgandan keyin qaytariladi. Bundan tashqari, homiladorlikning ikkinchi uch oyligida davolanishdan soʼng arterial yoʼlining torayishi holatlari haqida xabarlar mavjud boʼlib, ularning aksariyati preparat bilan davolanishni toʼxtatgandan soʼng hal qilingan.
Shuning uchun homiladorlikning birinchi va ikkinchi trimestirlarda ibuprofen buyurilishi, faqat bunga qatʼiy zarurat boʼlgandagina mumkin. Аgar homiladorlikni rejalashtirayotgan ayollar yoki homiladorlikning birinchi va ikkinchi trimestridagi ayollar ibuprofenni qoʼllashsa, ibuprofen dozasi va davolash davomiyligi imkon qadar minimal boʼlishi lozim. Ibuprofenni bir necha kun davomida qabul qilgandan soʼng, homiladorlikning 20 chi haftasidan boshlab, qogʼonok suvining tanqisligi va arterial yoʼlning torayishini antenatal kuzatish masalasini koʼrib chiqish kerak. Qogʼonok suvining tanqisligi yoki arterial yoʼlning torayishi aniqlanganda ibuprofen qabul qilishni bekor qilish kerak.
Homiladorlikni uchinchi trimestirda prostaglandinlar sintezining barcha ingibitorlari quyidagilarni chaqirishi mumkin
    homilada: 
-    yurak-oʼpkaga nisbatan toksiklik (arterial yoʼlning muddatidan avval torayishi / yopilishi va oʼpka arteriyasi tizimidagi gipertenziya);
-    buyraklar funktsiyaning buzilishi, u suvsizlik bilan kechadigan buyraklar yetishmovchiligiga oʼtishi mumkin (yuqoriga qarang);
    onada homiladorlikning oxirida va yangi tugʼilgan chaqaloqda: 
-    qon ketish vaqtining uzayishi, antiagregatsion taʼsiri, bu juda past dozalarda qabul qilinganda ham yuzaga kelishi mumkin;
-    tugʼish faoliyatini kechikishi yoki choʼzilishiga olib keluvchi bachadonning qisqarish faolligini bostirilishi.
Shuning uchun ibuprofenni homiladorlikning uchinchi trimestirda qoʼllash mumkin emas (“Qoʼllash mumkin boʼlmagan holatlar” va “Klinik qoʼllashgacha boʼlgan xavfsizlik maʼlumotlari” boʼlimlariga qarang).
Emizish davri
Ibuprofen va uning metabolitlari koʼkrak sutiga juda past kontsentratsiyada oʼtishi mumkin. Yangi tugʼilgan chaqaloqlar uchun hozirgi paytgacha salbiy oqibatlar haqida xabarlar kelib tushmaganligi sababli, tavsiya qilingan dozada ibuprofenni qisqa muddat qoʼllanilsa, odatda emizishni toʼxtatish zarurati vujudga kelmaydi (“Qoʼllash usuli va dozalari” boʼlimiga qarang).

Klinik oldi xavfsizlik maʼlumotlari
Hayvonlarda oʼtkazilgan tajribalarda ibuprofenning surunkali osti va surunkali toksikligi, birinchi navbatda meʼda-ichak yoʼllarining oʼchoqli zararlanishi va yaralari koʼrinishida namoyon boʼlgan. 
In vitro va in vivo tadqiqotlarda ibuprofenning klinik ahamiyatli mutagen taʼsirining belgilari aniqlanmagan. Kalamushlarda va sichqonlarda oʼtkazilgan tadqiqotlarda ibuprofenning kantserogen taʼsiri aniqlanmagan.
Ibuprofen quyonlarda ovulyatsiyani bostirilishini va har xil turdagi hayvonlarda (quyonlarda, kalamushlarda, sichqonlarda) implantatsiyaning buzilishini chaqirgan. Kalamushlarda va quyonlarda oʼtkazilgan eksperimental tadqiqotlar ibuprofen platsenta orqali oʼtishi koʼrsatib berilgan. Ona hayvon uchun toksik boʼlgan dozalarda kalamushlarga preparat yuborilgandan keyin, naslda tugʼma nuqsonlar (qorinchalar oʼrtasidagi toʼsiqni nuqsoni) tez-tezligi oshishi kuzatilgan.

3 yil.
Flakon ochilganidan soʼng: 6 oy.
Ushbu preparat karton qutida va flakonda koʼrsatib oʼtilgan yaroqlilik muddati oʼtgandan keyin qoʼllanilmasin. Yaroqlilik muddatining yakuniy sanasi koʼrsatilgan oyning oxirgi kuni hisoblanadi.
Dori preparatlarini kanalizatsiyaga tashlab yubormang. Kerak boʼlmagan dori preparatini utilizatsiya qilish boʼyicha dorixona xodimi bilan maslahatlashing. 
Bu choralar atrof-muhit himoyasiga yordam beradi.