NIMESULID 0,1 tabletkalari N20

Nimesulid me'da-ichak yo'lidan tez va deyarli to'liq so'riladi. Ovqat qabul qilish so'rilish tezligini pasaytiradi, uning darajasiga ta'sir qilmaydi. 100 mg 1 tabletka qabul qilingandan so'ng qon plazmasidagi maksimal konsentratsiyaga (Smax) (taxminan 4 mkg/ml) 2-3 soat ichida erishiladi. Preparat dozasi bog'lanish darajasiga ta'sir qilmaydi. Plazma oqsillari bilan bog'lanishi - 95% dan ortiq. Taqsimlanish hajmi - 0,18 va 0,39 l/kg orasida. Peroral qo'llanilgandan so'ng sinovial membrana orqali o'tadi va bo'g'im atrofidagi suyuqlikda plazmadagidan yuqori konsentratsiyaga 3 dan 12 soatgacha bo'lgan muddatda erishadi.

1 tabletka (100 mg) qabul qilingandan so'ng ayollar reproduktiv organlaridagi nimesulid konsentratsiyasi uning plazma konsentratsiyasining 35- 50% iga yetadi. Plazma oqsillari bilan bog'lanish buyrak va jigar yetishmovchiligi bo'lgan bemorlarda pasayadi.

Nimesulid jigarda to'qima monooksigenazalari tomonidan metabolizmga uchraydi, deyarli to'liq faol metabolitgacha (4- gidroksinimesulid) metabolizmga uchraydi.

Nimesulidning yarim chiqarilish davri (Т1/2) 2-5 soatni, faol metabolitniki esa - 3 - 6 soatni tashkil qiladi.

Buyraklar orqali erkin yoki kon'yugatsiyalangan metabolit shaklida (50-71%) va safro bilan (21-29%) chiqariladi.

Og'riq qoldiruvchi Yallig'lanishga qarshi

Nojo‘ya effektlar paydo bo‘lish tezligi quyidagicha taqsimlangan: tez-tez - 1- 10%; tez-tez emas - 0.1-1%; kam hollarda - 0.01-0.1%; juda kam hollarda - 0.001% dan kam, shu jumladan alohida holatlar.

Markaziy asab tizimi tomonidan: tez-tez emas - bosh aylanishi; kam hollarda - qo‘rquv, asabiylik, "dahshatli" tush ko‘rishlar; juda kam hollarda - bosh og‘rig‘i, uyquchanlik, Reye sindromi.

Yurak-qon tomir tizimi tomonidan: tez-tez emas - arterial bosimning pasayishi; kam hollarda - taxikardiya, yuz va tana yuqori yarmiga qon "oqib kelish".

Siydik-tanosil tizimi tomonidan: tez-tez emas - shishlar; kam hollarda - dizuriya, gematuriya, siydik tutilishi; juda kam hollarda - buyrak yetishmovchiligi, oliguriya, interstitsial nefrit.

Ovqat hazm qilish tizimi tomonidan: tez-tez - diareya, ko‘ngil aynishi, qusish, "jigar" transaminazalari faolligining oshishi; tez-tez emas - qabziyat, meteorizm, gastrit; juda kam hollarda - qorinda og‘riq, stomatit, qora axlat, me’da-ichak yo‘llaridan qon ketishi, me’da yoki 12 barmoqli ichak yarasi va/yoki perforatsiyasi, gepatit, sh.j. yashin tezligidagi, sariqlik, xolestaz.

Teri qoplamalari tomonidan: tez-tez emas - qichishish, toshma, terlashning kuchayishi; kam hollarda - eritema, dermatit; juda kam hollarda - eshakemi, angionevrotik shish, yuz shishi, ko‘p shaklli ekssudativ eritema, sh.j. Stivens-Djonson sindromi, toksik epidermal nekroliz (Layell sindromi).

Qon yaratish a’zolari tomonidan: kam hollarda - anemiya, eozinofiliya; juda kam hollarda - trombotsitopeniya, pantsitopeniya, purpura, gemorragiyalar, qon ketish vaqtining uzayishi. Nafas olish tizimi tomonidan: tez-tez emas - hansirash; juda kam hollarda - mavjud bronxial astmaning zo‘rayishi, bronxospazm.

Sezgi a’zolari tomonidan: kam hollarda - ko‘rish noaniqligi.

Allergik reaksiyalar: kam hollarda - o‘ta yuqori sezuvchanlik reaksiyalari; juda kam hollarda - anafilaktoid reaksiyalar.

Boshqalar: tez-tez emas - giperkaliemiya; kam hollarda - umumiy holsizlik; juda kam hollarda - gipotermiya.

Har 2 haftada jigar funktsional sinamalarini nazorat qilish kerak. Jigar shikastlanishi belgilari (teri qichishishi, sariqlik, ko'ngil aynishi, qusish, qorinda og'riq, siydikning to'q rangga kirishi, "jigar" transaminazalari faolligining oshishi) paydo bo'lganda preparat qabul qilishni darhol to'xtatish va shifokorga murojaat qilish kerak. Boshqa NYQP qabul qilgan bemorlarda ko'rish buzilishlari haqidagi xabarlarni hisobga olib, har qanday ko'rish buzilishi paydo bo'lganda davolash darhol to'xtatilishi va oftalmologik tekshiruv o'tkazilishi kerak. Preparat suyuqlik tutilishini chaqirishi mumkin, shuning uchun yuqori arterial qon bosimi va yurak kasalliklari bo'lgan bemorlarda nimesulidni o'ta ehtiyotkorlik bilan qo'llash kerak. Agar bemorlar nimesulid bilan bir qatorda oshqozon-ichak traktiga ta'siri xos bo'lgan dori vositalarini qabul qilsalar, ular muntazam shifokor nazoratidan o'tishlari kerak. Preparatni boshqa NYQP bilan bir vaqtda qo'llamaslik kerak. Nimesulid trombotsitlar agregatsiyasini pasaytirishi mumkin, biroq u yurak-qon tomir kasalliklarida antiagregantlarning (shu jumladan atsetilsalitsil kislotasi, klopidogrel, tiklopidin) profilaktik ta'sirini o'rnini bosmaydi. Preparatni qo'llash ayollar fertilligiga salbiy ta'sir qilishi mumkin va homiladorlikni rejalashtirayotgan ayollarga tavsiya etilmaydi.

Transport vositalarini va mexanizmlarni boshqarish qobiliyatiga ta'siri:

Preparatni qabul qilish davrida transport vositalarini boshqarishda va diqqatni yuqori jamlashni hamda psixomotor reaktsiyalar tezligini talab qiluvchi boshqa faoliyat turlari bilan shug'ullanishda ehtiyotkorlikka rioya qilish kerak.

Gipersezuvchanlik, bronxial astma, burun shilliq qavati yoki burun yondosh bo'shliqlarining qaytalanuvchi polipozi to'liq yoki to'liq bo'lmagan kombinatsiyasi.

Atsetilsalitsil kislotasi va boshqa NYQPlarni o'zlashtira olmaslik (shu jumladan anamnezda). Oshqozon va o'n ikki barmoqli ichak shilliq qavatining eroziv-yarali shikastlanishlari, faol oshqozon-ichakdan qon ketish, serebrovaskulyar yoki boshqa qon ketish, ichakning yallig'lanish kasalliklari (Kron kasalligi, yarali kolit) zo'rayish fazasida.

Gemofiliya va qon ivishining boshqa buzilishlari, dekompensatsiyalangan surunkali yurak yetishmovchiligi (SYuE).

Jigar yetishmovchiligi yoki har qanday faol jigar kasalligi, anamnezda nimesulidni qo'llashda gepatotoksik reaktsiyalar, alkogolizm, giyohvandlik, boshqa gepatotoksik dori vositalarini bir vaqtda qabul qilish.

Yaqqol surunkali buyrak yetishmovchiligi (SBE) (kreatinin klirensi 30 ml/min dan kam), buyrak kasalliklarining zo'rayishi, tasdiqlangan giperkaliemiya.

Aortokoronar shuntlash o'tkazilgandan keyingi davr, homiladorlik, ko'krak suti bilan emizish davri, 12 yoshgacha bo'lgan bolalar.

Laktozani o'zlashtira olmaslik, laktaza yetishmovchiligi yoki glyukoza-galaktoza malabsorbtsiyasi.

Ehtiyotkorlik bilan:

Yurak ishemik kasalligi (YIK), serebrovaskulyar kasalliklar, surunkali yurak yetishmovchiligi (SYuE), periferik arteriyalar kasalliklari. Dislipidemiya/giperlipidemiya, M IT yarali shikastlanishi rivojlanishi haqida anamnestik ma'lumotlar, Helicobacter pylori infektsiyasi mavjudligi. NYQPni uzoq vaqt qo'llash, antikoagulyantlar (shu jumladan varfarin), antiagregantlar (shu jumladan atsetilsalitsil kislotasi, klopidogrel), peroral glyukokortikoidlar, serotoninni qayta qamrab oluvchi selektiv ingibitorlarni (shu jumladan tsitalopram, fluoksetin, paroksetin, sertralin) bir vaqtda qabul qilish.

Buyrak yetishmovchiligi (KK 30-60 ml/min), qandli diabet, og'ir somatik kasalliklar, keksa yosh, chekish.



Homiladorlik va laktatsiya:

Homiladorlik

Homiladorlik vaqtida nimesulid mumkin emas (bachadon atoniyasi va homilada arterial yo'lning muddatidan oldin yopilish xavfi).

Ko'krak suti bilan emizish

Nimesulid ko'krak suti bilan ajralib chiqadi. Preparat bilan davolash zarur bo'lsa, ko'krak suti bilan emizishni to'xtatish kerak.

Salitsilatlar yoki boshqa NYQV - me'da-ichak traktida yaralar hosil bo'lishi xavfi ortishi sababli nimesulid bilan bir vaqtda qo'llash tavsiya etilmaydi. Nimesulid salitsil kislotasini plazma proteinlari bilan bog'lanishidan siqib chiqaradi.

Peroral antikoagulyantlar - nimesulid va atsenokumarol bilan bir vaqtda davolashda qon ketishlar paydo bo'lishi xavfi yuqori. Davolashning dastlabki kunlarida protrombin vaqtini nazorat qilish zarur.

Metotreksat - bir vaqtda qo'llanilganda nimesulid nojo'ya ta'sirlar rivojlanishi imkoniyatini oshirishi mumkin.

Geparin (parenteral) - qon ketishlar xavfi ortadi.

Litiy - bir vaqtda qo'llanilganda nimesulid qon plazmasida litiy konsentratsiyasini oshiradi. Litiy toksikligi bilan bog'liq nojo'ya ta'sirlar paydo bo'lishi xavfi ortadi.

Furosemid va tiazidli diuretiklar - NYQV natriyuretik ta'sirni pasaytiradi. Nimesulid va furosemid bilan bir vaqtda davolashda suv-tuz balansi va furosemidning diuretik ta'sirini kuzatish zarur.

APF ingibitorlari - NYQV antigipertenziv ta'sirni kamaytiradi. Kombinatsiyalangan davolash zarur bo'lganda, ushbu o'zaro ta'sirni hisobga olish kerak. Tiklopidin - sinergik antiagregant ta'sir tufayli qon ketishlar xavfi ortadi.

Beta-blokatorlar - nimesulid bilan bir vaqtda qo'llanilganda ularning antigipertenziv ta'siri kamayadi.

Siklosporin - nimesulid bilan bir vaqtda qo'llanilganda, ayniqsa keksa yoshdagi bemorlarda nefrotoksik ta'sir kuchayishi xavfi yuqori.