PARASETAMOL 0,5 tabletkalari N20
PARASETAMOL 0,5 tabletkalari N20 o'xshash dorilari
PARASETAMOL 0,5 tabletkalari N20 qo'llanmasi
Absorbtsiya - yuqori, plazmada maksimal kontsentratsiyaga erishish vaqti - 0,5-2 soat; plazmadagi maksimal kontsentratsiya 5-20 mkg/ml. Plazma oqsillari bilan bog'lanishi - 15%. Gematoensefalik to'siq orqali o'tadi.
Jigarda (90-95%) uchta asosiy yo'l bilan metabolizmga uchraydi: 80% i glyukuron kislotasi va sulfatlar bilan kon'yugatsiya reaktsiyalariga kirishib, faol bo'lmagan metabolitlar hosil qiladi; 17% i gidroksillanishga uchrab, 8 ta faol metabolit hosil qiladi, ular glutation bilan kon'yugatsiyalanib, faol bo'lmagan metabolitlarni hosil qiladi. Glutation yetishmovchiligida bu metabolitlar gepatotsitlarning ferment tizimlarini bloklashi va ularning nekrozini chaqirishi mumkin. Preparat metabolizmida CYP2E1 izofermenti ham ishtirok etadi. Yarim chiqarilish davri - 1-4 soat. Metabolitlar ko'rinishida, asosan kon'yugatlar, faqat 3% i o'zgarmagan holda buyraklar orqali chiqariladi. Keksa yoshdagi bemorlarda preparat klirensi pasayadi va yarim chiqarilish davri ortadi.
Allergik reaksiyalar: teri toshmasi, qichishish, angionevrotik shish.
Qon yaratishning buzilishi (anemiya, trombotsitopeniya, metgemoglobinemiya).
Ko‘rsatilgan dozadan oshirmang! Agar Siz tavsiya etilgandan yuqori dozani qabul qilgan bo‘lsangiz, hatto o‘zingizni yaxshi his qilsangiz ham, tibbiy yordamga murojaat qiling. Paratsetamol dozasini oshirib yuborish jigar yetishmovchiligini chaqirishi mumkin.
Jigar va buyrak funksiyasi buzilishi ehtimoli oshishi tufayli preparatni 3-5 kundan ortiq qo‘llash tavsiya etilmaydi.
Jigarning alkogol kasalligi bo‘lgan bemorlarda jigar shikastlanishi rivojlanish xavfi ortadi. Plazmada glyukoza va siydik kislotasini miqdoriy aniqlash bo‘yicha laboratoriya tekshiruvlari ko‘rsatkichlarini buzadi.
Uzoq muddatli qo‘llash vaqtida periferik qon manzarasi va jigar funksional holatini nazorat qilish zarur.
Paratsetamolni etanol bilan bir vaqtda qabul qilish tavsiya etilmaydi.
Preparatni tarkibida paratsetamol saqlovchi boshqa preparatlar bilan bir vaqtda qabul qilmaslik kerak.
Transport vositalarini va mexanizmlarni boshqarish qobiliyatiga ta'siri:
Transport vositalarini, mexanizmlarni boshqarish qobiliyatiga ta'sir qilmaydi.
Paratsetamolga yoki preparatning har qanday boshqa komponentiga yuqori sezuvchanlik; 6 yoshgacha bo'lgan bolalar.
Ehtiyotkorlik bilan:
Buyrak yoki jigar yetishmovchiligi, xavfsiz giperbilirubinemiyalar (shu jumladan Jilber sindromi), virusli gepatit, jigarning alkogolli shikastlanishi, alkogolizm, homiladorlik, ko'krak suti bilan emizish davri, keksa yosh, glyukoza- 6-fosfatdegidrogenaza yetishmovchiligi.
Urikozurik dori vositalarining samaradorligini pasaytiradi.
Parasetamolni yuqori dozalarda birga qo'llash antikoagulyant dori vositalarining samarasini oshiradi (jigarda prokoagulyant omillar sintezining pasayishi). Jigar mikrosomal fermentlari induktorlari (fenitoin, barbituratlar, rifampitsin, fenilbutazon, tritsiklik antidepressantlar), etanol va gepatotoksik dori vositalari gidroksillangan faol metabolitlar ishlab chiqarilishini oshiradi, bu hatto kichik dozani oshirib yuborishda ham og'ir intoksikatsiyalar rivojlanishi imkoniyatini keltirib chiqaradi.
Barbituratlarni uzoq muddat qo'llash parasetamol samaradorligini pasaytiradi.
Etanol o'tkir pankreatit rivojlanishiga yordam beradi.
Jigar mikrosomal fermentlari ingibitorlari (shu jumladan simetidin) gepatotoksik ta'sir xavfini kamaytiradi.
Parasetamol va boshqa nosteroid yallig'lanishga qarshi preparatlarni uzoq muddat birga qo'llash "analgetik" nefropatiya va buyrak papillyar nekrozi rivojlanishi, buyrak yetishmovchiligining terminal bosqichi boshlanishi xavfini oshiradi.
Parasetamolni yuqori dozalarda va salitsilatlarni bir vaqtda uzoq muddat qo'llash buyrak yoki qovuq saratoni rivojlanishi xavfini oshiradi.
Diflunisal parasetamolning plazma konsentratsiyasini 50% ga oshiradi - gepatotoksiklik rivojlanishi xavfi.
Mielotoksik dori vositalari preparatning gematotoksikligi namoyon bo'lishini kuchaytiradi.
Kattalar va 12 yoshdan katta bolalarga bir martalik doza - 500 mg; maksimal bir martalik doza - 1 g. Tayinlash takroriyligi - sutkasiga 4 martagacha. Maksimal sutkalik doza - 4 g. Isitma sindromida qo'llashning maksimal davomiyligi - 3 kun, og'riq sindromida - 5 kun.
6 yoshdan katta bolalarga bir martalik doza - 200 mg. Tayinlash takroriyligi - sutkasiga 4 martagacha. Har bir qabul orasidagi oraliq - kamida 4 soat.
24 soat ichida 8 tabletkadan ortiq qabul qilmang. Agar simptomlar saqlanib qolsa, shifokorga murojaat qiling.Dozani oshirib yuborishSimptomlari: qabul qilgandan keyingi dastlabki 24 soat ichida - teri qoplamalarining oqarishi, ko'ngil aynishi, qusish, anoreksiya, abdominal og'riq; glyukoza metabolizmining buzilishi, metabolik asidoz. Jigar funksiyasi buzilishi simptomlari dozani oshirib yuborgandan 12-48 soat o'tgach paydo bo'lishi mumkin. Og'ir hollarda jigar yetishmovchiligi progressivlashuvchi ensefalopatiya bilan, koma, o'lim; o'tkir buyrak yetishmovchiligi tubulyar nekroz bilan; aritmiya, pankreatit rivojlanadi. Gepatotoksik ta'sir kattalarda 10 g va undan ortiq qabul qilinganda namoyon bo'ladi.
Davolash: preparatni qabul qilishni to'xtatish, oshqozonni yuvish, faollashtirilgan ko'mir qabul qilish.
Keyingi terapevtik choralarni davolash muassasasi sharoitida o'tkazish kerak: SH-guruhlari donatorlari va glutation sintezi o'tmishdoshlari - metioninni dozani oshirib yuborgandan 8-9 soat o'tgach va atsetilsisteinni - 8 soat davomida kiritish. Qo'shimcha terapevtik choralar (keyingi metionin kiritish, vena ichiga atsetilsistein kiritish) o'tkazish zarurati qondagi paratsetamol konsentratsiyasiga, shuningdek, qabul qilingandan keyin o'tgan vaqtga qarab belgilanadi.
Xususiyatlar PARASETAMOL 0,5 tabletkalari N20
Paratsetamol boshqa chiqarish shakllari
PARASETAMOL 0,5 tabletkalari N20 analoglari
