ASIKLOVIR AKRIXIN maz 10g 5%

Shikastlanmagan teriga qo'llanilganda: so'rilishi minimal; qon va siydikda aniqlanmaydi. Shikastlangan terida: so'rilishi o'rtacha; buyrak funktsiyasi normal bo'lgan bemorlarda qon zardobidagi kontsentratsiya 0,28 mkg/ml gachani, surunkali buyrak yetishmovchiligi (SBYe) bo'lgan bemorlarda - 0,78 mkg/ml gachani tashkil qiladi. Buyraklar orqali chiqariladi (sutkalik dozaning 9,4 % gacha).

Giperemiya, teri qurishi, po'st tashlashi; achishish, shilliq qavatlarga tushganda yallig'lanish. Allergik dermatit rivojlanishi mumkin.

Maksimal terapevtik samaraga erishish uchun preparatni imkon qadar ertaroq (kasallikning birinchi belgilari: achishish, qichishish, sanchish, taranglik hissi va qizarishda) qo'llash kerak.

Mazni og'iz bo'shlig'i va ko'z shilliq qavatlariga surtish tavsiya etilmaydi, chunki yaqqol mahalliy yallig'lanish rivojlanishi mumkin. Genital gerpesni davolashda jinsiy aloqalardan saqlanish yoki prezervativlardan foydalanish kerak, chunki atsiklovirni qo'llash virusning sheriklarga yuqishini oldini olmaydi.

Atsiklovirga va preparatning boshqa komponentlariga yuqori sezuvchanlik.

Ehtiyotkorlik bilan - homiladorlik, laktatsiya davri, degidratatsiya, buyrak yetishmovchiligi.

Homiladorlik va laktatsiya davri

Preparatni qo'llash faqat ona uchun taxmin qilinadigan foyda homila uchun potentsial xavfdan ustun bo'lgan holdagina ko'rsatilgan.

Davolash davrida emizishni to'xtatish masalasini hal qilish kerak.

Tashqi qo'llanilganda boshqa dori vositalari bilan o'zaro ta'siri aniqlanmagan. Immunostimulyatorlar bir vaqtda tayinlanganda samara kuchayishi qayd etiladi.