KREON kapsulalar 300mg 25000YeD N50

Ferment preparati, kattalar va bolalarda ovqat hazm qilish jarayonlarini yaxshilaydi va shu bilan qorin sohasidagi og'riq, meteorizm, axlat chastotasi va konsistentsiyasining o'zgarishi kabi oshqozon osti bezi fermentativ yetishmovchiligi belgilarini sezilarli darajada kamaytiradi. Preparat tarkibiga kiruvchi pankreatik fermentlar oqsillar, yog'lar, uglevodlarning hazm bo'lishini osonlashtiradi, bu esa ularning ingichka ichakda to'liq so'rilishiga olib keladi. Kreon® 10000 jelatin kapsulalarda ichakda eruvchan (kislotaga chidamli) qobiq bilan qoplangan minimikrosferalar shaklidagi cho'chqa pankreatinini saqlaydi. Kapsulalar oshqozonda tez eriydi va yuzlab minimikrosferalarni chiqaradi. Ushbu tamoyil minimikrosferalarning ovqat bilan bir vaqtda oshqozondan ichakka o'tishi va minimikrosferalarning ichak tarkibi bilan yaxshilab aralashishi va pirovardida fermentlarning ichak tarkibida ajralib chiqqandan keyin yaxshiroq taqsimlanishi uchun ishlab chiqilgan.


Minimikrosferalar ingichka ichakka yetib borganda, ichakda eruvchan qobiq tezda parchalanadi (pH >5,5 da), lipolitik, amilolitik va proteolitik faollikka ega fermentlar ajralib chiqadi, bu esa yog'lar, uglevodlar va oqsillarning parchalanishiga olib keladi. Parchalanish natijasida olingan moddalar keyinchalik to'g'ridan-to'g'ri so'riladi yoki ichak fermentlari tomonidan keyingi parchalanishga uchraydi.

Eng ko‘p xabar berilgan nojo‘ya reaksiyalar ovqat hazm qilish trakti buzilishlari bo‘lib, asosan yengil va o‘rtacha darajada bo‘lgan. Juda tez-tez (≥1/10) — qorinda og‘riqlar. Tez-tez (≥1/100, <1/10) — ko‘ngil aynishi, qusish, qabziyat, qorin dam bo‘lishi, diareya. Me'da-ichak yo‘llari tomonidan buzilishlar asosan asosiy kasallik bilan bog‘liq.

Pankreatinning yuqori dozalarini qabul qilgan mukovitsidoz bilan og'rigan bemorlarda ichakning ileotsekal qismi va yo'g'on ichak torayishi qayd etilgan.

Homiladorlik yoki emizish davrida qo'llanilishi. Zarurat bo'lganda homilador yoki emizikli ayollar Kreon^® ni ovqatlanishning adekvat maqomini ta'minlash uchun yetarli dozalarda qabul qilishlari mumkin. Kreon^® ni bolalarga qo'llash mumkin.

Ta'sir etuvchi moddaga yoki preparat komponentlariga yuqori sezuvchanlik.

O'zaro ta'sir bo'yicha tadqiqotlar o'tkazilmagan.

Preparat dozalari kasallikning og'irligi va parhez tarkibiga qarab individual ravishda tanlanadi. Preparatni ovqatlanish vaqtida yoki ovqatdan so'ng darhol qabul qilish tavsiya etiladi. Kapsulalarni butunligicha, sindirmasdan va chaynamasdan, yetarli miqdordagi suyuqlik bilan yutish yoki yengil gazak bilan iste'mol qilish kerak.

Mukovitsidozda kattalar va bolalar uchun dozalash. 4 yoshgacha bo'lgan bolalar uchun boshlang'ich doza har bir ovqatlanish vaqtida tana vaznining har bir kilogrammiga 1000 TB lipazani va 4 yoshdan oshgan bolalar uchun - har bir ovqatlanish vaqtida tana vaznining har bir kilogrammiga 500 TB lipazani tashkil qiladi. Ko'pchilik bemorlar uchun tutib turuvchi doza sutkasiga tana vaznining kilogrammiga 10000 TB lipazadan yoki iste'mol qilingan yog'ning grammiga 4000 TB lipazadan oshmasligi kerak. Me'da osti bezi ekzokrin yetishmovchiligining boshqa turlarida dozalash. Odatdagi boshlang'ich doza har bir asosiy ovqatlanish vaqtida 10000 dan 25000 gacha TB lipazani tashkil qiladi. Asosiy ovqatlanish vaqtida qabul qilish uchun doza 25000 dan 80000 gacha TB lipaza bo'lishi mumkin, yengil gazak qabul qilish vaqtida esa individual dozaning yarmini tashkil qilishi kerak. Qo'shimcha Kreon^® 10000 uchun: OIT funksiyasi normal bo'lgan bemorlarda ovqatlanishdagi xatoliklar holatlarida ovqat hazm qilishni yaxshilash uchun doza tana vazni va ovqatdagi yog' miqdoriga bog'liq bo'lib, bir qabulga 10 000 dan 20 000 gacha TB lipazani tashkil qiladi.