LEVOFLOKSASIN 0,25 tabletkalari N5

Levofloksatsin peroral qabul qilingandan so'ng tez va deyarli to'liq so'riladi. Ovqat qabul qilish absorbsiya tezligi va to'liqligiga kam ta'sir qiladi. Peroral qabul qilingandan so'ng 500 mg levofloksatsinning biokiraolishligi deyarli 100 % ni tashkil qiladi. 500 mg levofloksatsin bir martalik dozasi qabul qilingandan so'ng Smax 5,2-6,9 mkg/ml ni, Smax ga erishish vaqti - 1,3 soatni, Т1/2 - 6-8 soatni tashkil qiladi.

Plazma oqsillari bilan bog'lanishi - 30-40 %. Organlar va to'qimalarga yaxshi kirib boradi: o'pka, bronxlar shilliq qavati, balg'am, siydik-tanosil tizimi organlari, suyak to'qimasi, orqa miya suyuqligi, prostata bezi, polimorf yadroli leykotsitlar, alveolyar makrofaglar.

Jigarda kichik qismi oksidlanadi va/yoki dezasetillanadi. Organizmdan asosan buyraklar orqali kalavachalar filtratsiyasi va naychalar sekretsiyasi yo'li bilan chiqariladi. Peroral qabul qilingandan so'ng qabul qilingan dozaning taxminan 87 % 48 soat ichida siydik bilan o'zgarmagan holda, 4 % dan kamrog'i 72 soat ichida axlat bilan ajralib chiqadi.

U yoki bu nojo‘ya ta'sirning tez-tezligi quyidagi jadval yordamida aniqlanadi:

Tez-tezlik Nojo‘ya ta'sirlarning paydo bo‘lishi

tez-tez: 100 tadan 1-10 bemorda

ba'zida: 100 tadan 1 bemordan kamroqda

kam hollarda: 1 000 tadan 1 bemordan kamroqda

juda kam hollarda: 10 000 tadan 1 bemordan kamroqda

alohida hollar 0,01% dan kam

Allergik reaksiyalar: ba'zida – terining qichishishi va qizarishi; kam hollarda - eshakemi, bronxlar torayishi va ehtimol - og‘ir bo‘g‘ilish kabi simptomlar bilan umumiy o‘ta yuqori sezuvchanlik reaksiyalari (anafilaktik va anafilaktoid reaksiyalar); juda kam hollarda - teri va shilliq qavatlarning shishi (masalan, yuz va halqum sohasida), qon bosimining to‘satdan tushib ketishi va shok, quyosh va ultrabinafsha nurlanishga yuqori sezuvchanlik ("Maxsus ko‘rsatmalar"ga qarang), allergik pnevmonit, vaskulit; alohida hollarda - pufakchalar hosil bo‘lishi bilan terida og‘ir toshmalar, masalan, Stivens-Djonson sindromi, toksik epidermal nekroliz (Layell sindromi) va ekssudativ ko‘p shaklli eritema. Umumiy o‘ta yuqori sezuvchanlik reaksiyalaridan oldin ba'zida yengilroq teri reaksiyalari kuzatilishi mumkin. Yuqorida aytilgan reaksiyalar birinchi dozadan keyinroq preparat yuborilganidan keyin bir necha daqiqa yoki soat ichida rivojlanishi mumkin.

Ovqat hazm qilish tizimi tomonidan: tez-tez - ko‘ngil aynishi, diareya, jigar fermentlari faolligining oshishi (masalan, alaninaminotransferaza va aspartataminotransferaza); ba'zida - ishtahaning yo‘qolishi, qusish, qorinda og‘riqlar, ovqat hazm qilishning buzilishi; kam hollarda - qon aralash diareya, u juda kam hollarda ichak yallig‘lanishining va hatto soxtamembranoz kolitning belgisi bo‘lishi mumkin ("Maxsus ko‘rsatmalar"ga qarang).

Moddalar almashinuvi tomonidan: juda kam hollarda - qonda glyukoza kontsentratsiyasining pasayishi, bu qandli diabet bilan og‘rigan bemorlar uchun alohida ahamiyatga ega (gipoglikemiyaning mumkin bo‘lgan belgilari: ishtahaning oshishi, asabiylik, terlash, qaltirash). Boshqa xinolonlarni qo‘llash tajribasi shuni ko‘rsatadiki, ular ushbu kasallik bilan og‘rigan bemorlarda porfiriyaning kuchayishini keltirib chiqarishi mumkin. Levofloksatsin preparati qo‘llanilganda ham shunday samara istisno qilinmaydi.

Nerv tizimi tomonidan: ba'zida - bosh og‘rig‘i, bosh aylanishi va/yoki garangsish, uyquchanlik, uyqu buzilishlari; kam hollarda - bezovtalik, qo‘l panjalarida paresteziyalar, qaltirash, gallyutsinatsiyalar va depressiyalar kabi psixotik reaksiyalar, qo‘zg‘algan holat, talvasalar va ongning chalkashishi; juda kam hollarda - ko‘rish va eshitishning buzilishi, ta'm bilish va hid bilishning buzilishi, taktil sezuvchanlikning pasayishi.

Yurak-qon tomir tizimi tomonidan: kam hollarda - kuchli yurak urishi, qon bosimining pasayishi; juda kam hollarda - tomir (shoksimon) kollaps; alohida hollarda - Q-T intervalining uzayishi.

Tayanch-harakat aparati tomonidan: kam hollarda - paylarning shikastlanishi (shu jumladan tendinit), bo‘g‘im va mushak og‘riqlari; juda kam hollarda - paylarning uzilishi (masalan, axill payi); bu nojo‘ya ta'sir davolash boshlanganidan keyin 48 soat ichida kuzatilishi mumkin va ikki tomonlama xarakterga ega bo‘lishi mumkin ("Maxsus ko‘rsatmalar"ga qarang), bulbar sindromli bemorlar uchun alohida ahamiyatga ega bo‘lgan mushak zaifligi; alohida hollarda - mushaklarning shikastlanishi (rabdomioliz).

Siydik chiqarish tizimi tomonidan: kam hollarda - qon zardobida bilirubin va kreatinin darajasining oshishi; juda kam hollarda - buyrak funktsiyasining yomonlashishi, o‘tkir buyrak yetishmovchiligigacha, interstitsial nefrit.

Qon yaratish a'zolari tomonidan: ba'zida - eozinofillar sonining oshishi, leykotsitlar sonining kamayishi; kam hollarda – neytropeniya, trombositopeniya, bu qonashning kuchayishi bilan kechishi mumkin; juda kam hollarda - agranulotsitoz va og‘ir infektsiyalarning rivojlanishi (tana haroratining turg‘un yoki qaytalanuvchi ko‘tarilishi, ahvolning yomonlashishi); alohida hollarda - gemolitik anemiya; pantsitopeniya.

Boshqalar: ba'zida - umumiy holsizlik; juda kam hollarda - isitma.

Har qanday antibiotikoterapiya odamda normal mavjud bo‘lgan mikrofloraning o‘zgarishiga olib kelishi mumkin. Shu sababli, qo‘llaniladigan antibiotikka chidamli bakteriyalar va zamburug‘larning kuchli ko‘payishi yuz berishi mumkin, bu kamdan-kam hollarda qo‘shimcha davolashni talab qilishi mumkin.

Bo'g'im tog'aylari shikastlanishi ehtimoli tufayli levofloksatsinni bolalar va o'smirlarni davolash uchun qo'llash mumkin emas.

Keksa yoshdagi bemorlarni davolashda shuni yodda tutish kerakki, ushbu guruhdagi bemorlar ko'pincha buyrak funktsiyasi buzilishlaridan aziyat chekadilar (""Qo'llash usuli va dozalari"" bo'limiga qarang).

Pnevmokokklar chaqirgan og'ir o'pka yallig'lanishida levofloksatsin optimal terapevtik samara bermasligi mumkin. Muayyan qo'zg'atuvchilar (P. aeruginosa) chaqirgan gospital infektsiyalar majmuaviy davolashni talab qilishi mumkin.

Levofloksatsin preparati bilan davolash vaqtida, masalan insult yoki og'ir travma sababli bosh miyaning oldingi shikastlanishi bo'lgan bemorlarda tirishish xuruji rivojlanishi mumkin.

Garchi levofloksatsin qo'llanilganda fotosenzibilizatsiya juda kam qayd etilsa-da, uning oldini olish uchun bemorlarga alohida zaruratsiz kuchli quyosh yoki sun'iy ultrabinafsha nurlanishga duchor bo'lmaslik tavsiya etiladi.

Soxtamembranoz kolitga shubha qilinganda levofloksatsinni darhol bekor qilish va tegishli davolashni boshlash kerak. Bunday hollarda ichak motorikasini susaytiruvchi dori vositalarini qo'llash mumkin emas.

Levofloksatsin preparati qo'llanilganda kamdan-kam kuzatiladigan tendinit (birinchi navbatda axill payining yallig'lanishi) paylarning uzilishiga olib kelishi mumkin. Keksa yoshdagi bemorlar tendinitga ko'proq moyil bo'ladilar. Glyukokortikosteroidlar bilan davolash, katta ehtimol bilan, paylar uzilishi xavfini oshiradi. Tendinitga shubha qilinganda Levofloksatsin preparati bilan davolashni darhol to'xtatish va shikastlangan payni tegishli davolashni boshlash kerak.

Glyukoza-6-fosfatdegidrogenaza yetishmovchiligi (moddalar almashinuvining irsiy buzilishi) bo'lgan bemorlar ftorxinolonlarga eritrotsitlarning parchalanishi (gemoliz) bilan reaktsiya bildirishlari mumkin. Shu munosabat bilan, bunday bemorlarni levofloksatsin bilan davolashni katta ehtiyotkorlik bilan o'tkazish kerak.

Avtotransportni boshqarish va mexanizmlarni boshqarish qobiliyatiga ta'siri

Levofloksatsin preparatining bosh aylanishi yoki karaxtlik, uyquchanlik va ko'rish buzilishlari (""Nojo'ya ta'siri"" bo'limiga ham qarang) kabi nojo'ya ta'sirlari reaktsiya qobiliyatini va diqqatni jamlash qobiliyatini yomonlashtirishi mumkin. Bu ushbu qobiliyatlar alohida ahamiyatga ega bo'lgan vaziyatlarda (masalan, avtomobilni boshqarishda, mashina va mexanizmlarga xizmat ko'rsatishda, beqaror holatda ishlarni bajarishda) ma'lum bir xavfni tug'dirishi mumkin.

Dozani oshirib yuborilishi

Levofloksatsin preparatining dozasini oshirib yuborish simptomlari MNT darajasida namoyon bo'ladi (ong chalkashishi, bosh aylanishi, ong buzilishi va epixurujlar turidagi tirishish xurujlari). Bundan tashqari, oshqozon-ichak buzilishlari (masalan, ko'ngil aynishi) va shilliq qavatlarning eroziv shikastlanishlari, Q-T intervalining uzayishi qayd etilishi mumkin.

Davolash simptomatik bo'lishi kerak. Levofloksatsin dializ (gemodializ, peritoneal dializ va doimiy peritoneal dializ) orqali chiqarilmaydi. Spesifik antidot mavjud emas.

— levofloksatsinga yoki boshqa xinolonlarga yuqori sezuvchanlik;

— buyrak yetishmovchiligi (kreatinin klirensi 20 ml/min dan kam bo'lganda - ushbu dori shaklini dozalash imkoniyati yo'qligi sababli);

— epilepsiya;

— ilgari xinolonlar bilan davolashda paylarning shikastlanishi;

— bolalar va o'smirlar (18 yoshgacha);

— homiladorlik va laktatsiya davri.

Buyrak funksiyasining yo'ldosh pasayishi ehtimoli yuqoriligi sababli keksa yoshdagi shaxslarda, shuningdek glyukoza-6-fosfatdegidrogenaza yetishmovchiligida ehtiyotkorlik bilan qo'llash kerak.

Homiladorlik va emizish davrida qo'llanilishi

Homiladorlik va laktatsiya davrida qo'llash mumkin emas.

Levofloksatsin siklosporin T1/2 ni oshiradi.

Levofloksatsin samarasini ichak motorikasini susaytiruvchi preparatlar, sukralfat, magniy va alyuminiy saqlovchi antatsid vositalar va temir tuzlari kamaytiradi (qabul qilish orasida kamida 2 soatlik tanaffus zarur).

NYQPV, teofillin bilan bir vaqtda qo'llanilganda tirishishga tayyorgarlikni oshiradi, GKS - paylar uzilishi xavfini oshiradi.

Simetidin va naychalar sekretsiyasini bloklovchi dori vositalari levofloksatsin chiqarilishini sekinlashtiradi.

Vena ichiga yuborish uchun levofloksatsin eritmasi 0,9% natriy xlorid eritmasi, 5% dekstroza eritmasi, 2,5% dekstrozali Ringer eritmasi, parenteral oziqlantirish uchun kombinatsiyalangan eritmalar (aminokislotalar, uglevodlar, elektrolitlar) bilan mos keladi.

Vena ichiga yuborish uchun levofloksatsin eritmasini geparin va ishqoriy reaktsiyaga ega eritmalar bilan aralashtirish mumkin emas.