MEZIM 20000 tabletkalari N20
MEZIM 20000 tabletkalari N20 haqida qo'llanma
Farmakokinetikasi
Mezim® 20000 tabletkalari kislotaga chidamli qobiq bilan qoplangan, u oshqozonning xlorid kislotasi ta'sirida erimaydi va shu tariqa preparat tarkibidagi fermentlarni inaktivatsiyadan himoya qiladi. Qobiqning erishi va fermentlarning ajralib chiqishi neytral yoki kuchsiz ishqoriyga yaqin pH qiymatlarida sodir bo'ladi
Nojo'ya samaralari
Allergik reaksiyalar bo‘lishi mumkin, yuqori dozalarda uzoq muddat qo‘llanilganda giperurikozuriya rivojlanishi mumkin. Mukovitsidozda pankreatinning zarur dozasi
oshirib yuborilgan hollarda ileotsekal bo‘limda va ko‘tariluvchi chambar ichakda strikturalar (fibroz kolonopatiya) rivojlanishi mumkin.
Maxsus ko‘rsatmalari
O'tkir pankreatitda yoki surunkali pankreatit zo'rayishida (zo'rayish so'nish bosqichida), tiklanish parhez ovqatlanishi vaqtida, Mezim® 20000 preparatini mavjud bo'lgan yoki keyinchalik qoladigan me'da osti bezi funktsiyasi yetishmovchiligi fonida tayinlash maqsadga muvofiqdir.
Preparatning avtotransportni boshqarish va mexanizmlarni boshqarish qobiliyatiga ta'siri
Mezim® 20000 psixomotor reaktsiyalar tezligiga va vaziyatni idrok etish yoki baholash qobiliyatiga ta'sir ko'rsatmaydi.
Qo'llanilishi mumkin bo'lmagan holatlar
•Preparat komponentlariga yuqori sezuvchanlik.
•O'tkir pankreatit yoki surunkali pankreatitning zo'rayish bosqichi. Shunga qaramay, agar ovqat hazm qilish buzilishi belgilari mavjud bo'lsa, parhez kengaytirilganda so'nayotgan zo'rayish fazasida tayinlash maqbuldir.
•Irsiy galaktozani o'zlashtira olmaslik, laktaza yetishmovchiligi yoki glyukoza-galaktoza malabsorbtsiyasi sindromi.
•3 yoshgacha bo'lgan bolalar (ushbu dori shakli uchun).
Dori vositalarining o'zaro ta'siri
Pankreatin saqlovchi preparatlar qabul qilinganda foliy kislotasining so'rilishi kamayishi mumkin. Peroral qo'llash uchun gipoglikemik vositalar (akarboza, miglitol) ta'siri Mezim® 20000 preparati bilan bir vaqtda qo'llanilganda kamayishi mumkin.
Mezim® 20000 preparati temir preparatlari bilan bir vaqtda qo'llanilganda oxirgilarining so'rilishi pasayishi mumkin. Kaltsiy karbonat va/yoki magniy gidroksidi saqlovchi antatsid vositalarni bir vaqtda qo'llash preparat samaradorligining pasayishiga olib kelishi mumkin.
Dozirovkasi
Agar boshqa ko'rsatmalar bo'lmasa, kattalar ovqatlanish vaqtida Mezim® 20000 preparatidan 1-2 tabletka qabul qilishlari kerak. Preparat chaynamasdan va yetarli miqdordagi suyuqlik (masalan, bir stakan suv) bilan ichga qabul qilinadi. Dozani oshirish mumkin, uni faqat shifokor nazorati ostida, simptomatikaning (masalan, steatoreya, qorinda og'riq) susayishiga qarab amalga oshirish kerak.
Tana vaznining kilogrammiga 15000-20000 TB lipazani tashkil qiluvchi fermentlarning sutkalik dozasini oshirish tavsiya etilmaydi.
Bolalarga dozalash rejimi va davolash davomiyligini shifokor kasallikning ifodalanish darajasi va ovqat tarkibiga qarab, har bir ovqatlanish uchun bola tana vaznining kilogrammiga 1000 TB lipaza hisobidan belgilaydi.
Davolash davomiyligi bir necha kundan (ovqat hazm qilish buzilganda, parhezdagi xatoliklarda) bir necha oygacha va hatto yillargacha (doimiy o'rin bosuvchi terapiya zarur bo'lganda) o'zgarishi mumkin.
MEZIM 20000 tabletkalari N20 o'xshash dorilari
MEZIM 20000 tabletkalari N20 xususiyatlari
Mezim boshqa chiqarish shakllari
MEZIM 20000 tabletkalari N20 analoglari
