PENZITAL tabletkalari N100

Quruq joyda, +2°С dan to +25°С gacha boʼlgan haroratda saqlansin.
Bolalar ololmaydigan joyda saqlansin.

Retseptsiz.

Tarkibi:
Xar bir tabletka quyidagilarni saqlaydi:
faol modda: pankreatin - 212,5 mg; 
yordamchi moddalar: mikrokristall sellyuloza (RN 101), polivinil pirrolidon, izopropil spirti, mikrokristall sellyuloza (RN 102), natriy kraxmal glikolyati, povidon, kolloid kremniy dioksidi, magniy stearati.

Chiqarilish shakli
10 yoki 20 ichakda eruvchan qobiq bilan qoplangan tabletkalar, striplarda 2, 3, 10 strip karton qutida tibbiyotda qoʼllanilishiga doir yoʼriqnomasi bilan birga.

Preparatning asosiy faol moddasi "Pankreatin" boʼlib, bu yirik qoramol (buqaning) oshqozon osti bezidan olinadi. Meʼda osti bezini tashqi sekretor faoliyatini yetishmovchiligini kompensatsiya qiladi, proteolitik, amilolitik va lipolitik taʼsir koʼrsatadi.
Pankreatin tarkibiga kiruvchi fermentlar (lipaza, alьfa-amilaza, tripsin, ximotripsin) oqsillarni aminokislotalargacha, yogʼlarni glitserin va yogʼ kislotalarigacha, kraxmalni dekstrinlar va monosaxaridlargacha parchalanishiga yordam beradi.
Meʼda-ichak yoʼllarini funktsional holatini yaxshilaydi, ovqat hazm qilish jarayonlarini normallashtiradi.
Tripsin analьgetik taʼsir koʼrsatib, meʼda osti bezini ragʼbatlantirilgan sekretsiyasini ingibirlaydi.
Pankreatik fermentlar dori shaklidan ingichka ichakni ishqoriy muhitida ajralib chiqadi, chunki meʼda shirasi taʼsiridan qobiq bilan himoyalangan.
Ogʼiz orqali qabul qilinganidan keyin 30-45 minut oʼtgach maksimal fermentativ faollik kuzatiladi.

Hayvonlarda oʼtkazilgan tadqiqotlarda parchalanmagan fermentlarning surilganligi koʼrsatilmagan, shuning uchun klassik farmakokinetik tadqiqotlar oʼtkazilmagan. Pankreatik fermentlarning qoʼshilishi uning taʼsirini namoyon qilish uchun soʼrilishni talab qilmaydi. Аksincha, ularning toʼliq terapevtik faoliyati oshqozon-ichak trakti yorigida amalga oshadi. Bundan tashqari, ular oqsillar kabi, peptidlar va aminokislotalar sifatida soʼrilishdan oldin oshqozon-ichak trakti orqali oʼtib, proteolitik hazmga uchraydi.

Ovqat hazm qiluvchi ferment vosita.

Аllergik reaktsiyalar. Аlohida hollarda diareya, qabziyat, meʼda sohasida diskomfort hissi, koʼngil aynashi (bu reaktsiyalarni rivojlanishi bilan pankreatin taʼsiri oʼrtasidagi sabab-oqibat bogʼliqlik aniqlanmagan, chunki bu koʼrinishlar meʼda osti bezini tashqi sekretor yetishmovchiligini belgilaridir). Uzoq muddat katta dozalarda qabul qilinganida giperurikoziya rivojlanishi, qon plazmasida siydik kislotasi darajasini oshishi mumkin. Mukovistsidozda pankreatin dozasi kerakligidan oshirilgan holda yuqoriga koʼtariluvchi chambar ichakni ileotsekal boʼlimida strikturalar (fibroz kolonopatiya) rivojlanishi mumkin.
Bolalarda pankreatin yuqori dozalarda qoʼllanganida perianal qoʼzgʼalish va ogʼiz boʼshligʼi shilliq qavatini qoʼzgʼalishi paydo boʼlishi mumkin.

Mukovistsidozda strikturalar (fibroz kolonopatiya) rivojlanishi xavfi oshishi oqibatida, pankreatinni yuqori dozalarda qoʼllash tavsiya qilinmaydi. Doza isteʼmol qilinayotgan ovqat sifati va miqdorini hisobga olib, yogʼlar soʼrilishi uchun zarur boʼlgan fermentlar miqdoriga mos boʼlishi kerak.
Uzoq muddat qoʼllanganida bir vaqtda temir prepearatlari buyuriladi.
Xomiladorlik va laktatsiya davri
Homiladorlikda va laktatsiya davrida pankreatinni qoʼllash xavfsizligi yetarlicha oʼrganilmagan. Qoʼllash ona uchun kutilgan foyda homila uchun potentsial xavfdan ustun boʼlgan hollarda mumkin.

Meʼda osti bezini tashqi sekretor faoliyatini yetishmovchiligidagi oʼrinbosar terapiya: surunkali pankreatit, pankreatektomiya, nurlangandan keyingi holat, dispepsiya, Remxelьd sindromi (gastrokardial sindrom), mukovistsidoz; meteorizm, infektsion boʼlmagan genezli diareyada qoʼllaniladi.
Ovqat hazm boʼlishini buzilishi (meʼda va ingichka ichak rezektsiyasidan keyingi holat); meʼda-ichak yoʼllarini faoliyati normal boʼlgan shaxslarda ovqatlanishdagi xatolik hollarida (yogʼli ovqat, koʼp miqdordagi ovqat isteʼmol qilinganida, muntazam boʼlmagan ovqatlanish) ovqat hazm boʼlishini yaxshilash uchun va chaynash faoliyati buzilganida, kam harakatli yashash tarzida, uzoq muddatli immobilizatsiya.
Qorin boʼshligʼi aʼzolarini rentgenologik tekshirish va UZI ga tayyorlashda qoʼllaniladi.

Preparat komponentlariga boʼlgan yuqori sezuvchanlik, oʼtkir pankreatit, surunkali pankreatitni zoʼrayishida qoʼllash mumkin emas.

Pankreatin temir preparatlari bilan bir vaqtda qoʼllanganida oxirgisini soʼrilishini pasayishi mumkin. Kalьtsiy karbonat va/yoki magniy gidroksid saqlovchi antatsid vositalarni bir vaqtda qoʼllash, pankreatin samarasini kamayishiga olib kelishi mumkin.

Oqdan xira-oq ranggacha boʼlgan dumaloq shaklli, ikki tomoni qavariq ichakda eruvchan qobiq bilan qoplangan tabletkalar.

Ichga qoʼllaniladi. Preparat ovqatlanish vaqtida yoki ovqatdan keyin, chaynamasdan, ishqoriy boʼlmagan suyuqlik (suv, meva sharbatlari) bilan qoʼshib qabul qilinadi.
Ovqat hazm boʼlishini buzilishi darajasiga qarab doza individual ravishda belgilanadi. Kattalarga odatda – 1-2 tabletkadan sutkada 3 marta.
Bolalarda preparat shifokor buyurishi boʼyicha qoʼllanadi.
Davolash muddati bir necha kundan (parhezdagi xatolik oqibatidagi ovqat hazm boʼlishini buzilishida) to bir necha oy yoki yil (doimiy oʼrinbosar terapiya zarurligida) orasida boʼlishi mumkin.

Simptomlari: giperurikozuriya, giperurikemiya. Bolalarda – qabziyat kuzatilishi mumkin.
Davolash: preparatni bekor qilish, simptomatik davolash oʼtkaziladi.

3 yil. 
Yaroqlilik muddati oʼtgach qoʼllanilmasin.