AZITROMISIN OZON tabletkalari 500mg N3

Ichga qabul qilingandan so'ng azitromitsin yaxshi so'riladi va organizmda tez taqsimlanadi. Bir marta 500 mg qabul qilingandan so'ng biologik kira olishligi 37% ni ("birlamchi o'tish" effekti), qon plazmasidagi maksimal kontsentratsiya (Сmах) - 0,4 mg/l 2-3 soatdan keyin hosil bo'ladi, taqsimlanish hajmi - 31 l/kg. Qon plazmasi oqsillari bilan bog'lanishi qondagi kontsentratsiyaga teskari proportsional va 7-50% ni tashkil qiladi. Hujayra membranalari orqali o'tadi (hujayra ichidagi qo'zg'atuvchilar keltirib chiqaradigan infektsiyalarda samarali). Fagotsitlar, polimorf yadroli leykotsitlar va makrofaglar tomonidan infektsiya joyiga tashiladi, u yerda bakteriyalar ishtirokida ajralib chiqadi. Gistogematik to'siqlar orqali oson o'tadi va to'qimalarga tushadi. To'qimalar va hujayralardagi kontsentratsiya qon plazmasidagiga qaraganda 10-50 baravar yuqori, infektsiya o'chog'ida esa - sog'lom to'qimalarga qaraganda 24-34% ga ko'p. Yarim chiqarilish davri - 35-50 soat. To'qimalardan yarim chiqarilish davri sezilarli darajada katta. Azitromitsinning terapevtik kontsentratsiyasi oxirgi doza qabul qilingandan keyin 5-7 kungacha saqlanib turadi. Azitromitsin asosan o'zgarmagan holda - 50% ichak bilan, 6% buyraklar orqali chiqariladi. Jigarda demetillanib, faolligini yo'qotadi.

Nojo'ya ta'sirlarning rivojlanish tezligi Jahon sog'liqni saqlash tashkiloti tavsiyalariga muvofiq tasniflangan: juda tez-tez - kamida 10%; tez-tez - kamida 1%, lekin 10% dan kam; tez-tez emas - kamida 0,1%, lekin 1% dan kam; kam hollarda - kamida 0,01%, lekin 0,1% dan kam; juda kam hollarda - 0,01% dan kam (shu jumladan alohida holatlar).

Infeksion kasalliklar: tez-tez emas - kandidoz, shu jumladan og'iz bo'shlig'i shilliq qavati va genitliylar, pnevmoniya, faringit, gastroenterit, respirator kasalliklar, rinit; juda kam hollarda - soxtamembranoz kolit.

Qon va limfa tizimi tomonidan: tez-tez - eozinofiliya, limfopeniya, bazofiliya, monotsitoz, neytrofillar sonining oshishi; tez-tez emas - leykopeniya, neytropeniya; juda kam hollarda - trombotsitopeniya, gemolitik anemiya.

Moddalar almashinuvi va oziqlanish tomonidan: tez-tez - anoreksiya.

Allergik reaksiyalar: tez-tez - teri qichishishi, teri toshmasi; tez-tez emas - o'ta yuqori sezuvchanlik reaksiyalari, fotosensibilizatsiya reaksiyasi, dermatit, teri qurishi, terlash, eshakemi, Stivens-Djonson sindromi, angionevrotik shish; juda kam hollarda - anafilaktik reaksiya, ko'p shaklli eritema, toksik epidermal nekroliz.

Asab tizimi tomonidan: tez-tez - bosh og'rig'i, bosh aylanishi, paresteziya, ta'm bilishning buzilishi; tez-tez emas - gipesteziya, uyquchanlik, uyqusizlik, asabiylik, ajitatsiya; juda kam hollarda - xavotir, tajovuzkorlik, hushdan ketish, tirishishlar, psixomotor giperfaollik, hid bilishning yo'qolishi (yoki anosmiya) va ta'm bilishning yo'qolishi, hid bilishning buzilishi, miasteniya, alahsirash, gallyutsinatsiyalar.

Eshitish a'zosi va labirint buzilishlari: tez-tez - eshitishning buzilishi, karlik; tez-tez emas - quloqlarda shovqin; kam hollarda - vertigo.

Ko'rish a'zosi tomonidan: tez-tez - ko'rish aniqligining buzilishi.

Yurak-qon tomir tizimi tomonidan: tez-tez emas - yurak urishini his qilish, yuzga qon "oqib kelishi"; juda kam hollarda - qon bosimining pasayishi, elektrokardiogrammada QT oralig'ining uzayishi, "piruet" tipidagi aritmiya, qorinchalar taxikardiyasi.

Nafas olish tizimi tomonidan: tez-tez emas - hansirash, burun qonashi.

Oshqozon-ichak trakti tomonidan: juda tez-tez - ko'ngil aynishi, diareya, qorinda og'riq, meteorizm; tez-tez - dispepsiya, qusish; tez-tez emas - qabziyat, gastrit, disfagiya, qorin dam bo'lishi, og'iz bo'shlig'i shilliq qavatining qurishi, kekirish, og'iz bo'shlig'i shilliq qavati yaralari, so'lak bezlari sekretsiyasining oshishi; juda kam hollarda - til rangining o'zgarishi, pankreatit.

Jigar va o't yo'llari tomonidan: tez-tez emas - "jigar" transaminazalari faolligining oshishi, bilirubin kontsentratsiyasining oshishi, gepatit; kam hollarda - jigar funktsiyasining buzilishi, xolestatik sariqlik; juda kam hollarda - jigar yetishmovchiligi (kam hollarda o'lim bilan yakunlanishi mumkin, asosan jigar funktsiyasining og'ir buzilishi fonida); jigar nekrozi, fulminant gepatit.

Suyak-mushak tizimi va biriktiruvchi to'qima tomonidan: tez-tez emas - osteoartrit, mialgiya, belda og'riq, bo'yinda og'riq; juda kam hollarda - artralgiya.

Buyraklar va siydik yo'llari tomonidan: tez-tez emas - dizuriya, buyrak sohasida og'riq, qon plazmasida mochevina va kreatinin kontsentratsiyasining oshishi; juda kam hollarda - interstitsial nefrit, o'tkir buyrak yetishmovchiligi.

Jinsiy a'zolar va sut bezi tomonidan: tez-tez emas - metrorragiyalar, moyaklar funktsiyasining buzilishi.

Laboratoriya ko'rsatkichlari: tez-tez - qon plazmasida bikarbonatlar kontsentratsiyasining pasayishi; tez-tez emas - qon plazmasida kaliy kontsentratsiyasining o'zgarishi, ishqoriy fosfataza faolligining oshishi, qon plazmasida xlor va glyukoza kontsentratsiyasining oshishi, trombotsitlar sonining oshishi, gematokritning oshishi, qon plazmasida bikarbonatlar kontsentratsiyasining oshishi va natriy kontsentratsiyasining o'zgarishi.

Boshqalar: tez-tez emas - asteniya, holsizlik, charchoq hissi, yuz shishi, ko'krakda og'riq, periferik shishlar, isitma.

Azitromitsin preparatining bitta dozasini qabul qilish o'tkazib yuborilgan taqdirda - o'tkazib yuborilgan dozani imkon qadar tezroq, keyingilarini esa - 24 soatlik tanaffuslar bilan qabul qilish kerak. Azitromitsinni antatsid dori vositalarini qabul qilishdan kamida 1 soat oldin yoki 2 soat keyin qabul qilish kerak.

Fulminant gepatit va og'ir jigar yetishmovchiligi rivojlanishi mumkinligi sababli, yengil va o'rta darajadagi jigar funksiyasi buzilgan bemorlarda Azitromitsin preparatini ehtiyotkorlik bilan qo'llash kerak.

Jigar funksiyasi buzilishi belgilari, masalan, tez kuchayib boruvchi asteniya, sariqlik, siydik rangi to'qlashishi, qon ketishga moyillik, jigar ensefalopatiyasi mavjud bo'lganda, Azitromitsin preparati bilan davolashni to'xtatish va jigar funksional holatini tekshirish kerak.

Buyrak funksiyasining yengil va o'rta darajadagi buzilishlarida (KK 40 ml/daq dan ortiq) Azitromitsin preparati bilan davolashni buyrak funksiyasi holatini nazorat qilgan holda ehtiyotkorlik bilan o'tkazish kerak.

Shuni yodda tutish kerakki, Streptococcus pyogenes chaqirgan faringit/tonzillit profilaktikasi uchun, shuningdek o'tkir revmatik isitma profilaktikasi uchun odatda penitsillin tanlov preparati hisoblanadi.

Boshqa antibakterial preparatlar qo'llanilganda bo'lgani kabi, Azitromitsin preparati bilan davolashda bemorlarni ta'sirchan bo'lmagan mikroorganizmlar mavjudligiga va superinfeksiya, shu jumladan zamburug'li infeksiya rivojlanishi belgilariga muntazam tekshirib turish kerak.

Azitromitsin preparatini yo'riqnomada ko'rsatilganidan ko'ra uzoqroq kurslar bilan qo'llash mumkin emas, chunki azitromitsinning farmakokinetik xususiyatlari qisqa va qulay dozalash tartibini tavsiya etishga imkon beradi.

Azitromitsin va ergotamin hamda digidroergotamin hosilalari o'rtasida o'zaro ta'sir ehtimoli haqida ma'lumotlar yo'q, ammo makrolidlar ergotamin va digidroergotamin hosilalari bilan bir vaqtda qo'llanilganda ergotizm rivojlanishi sababli ushbu kombinatsiya mumkin emas. Azitromitsin preparati uzoq muddat qabul qilinganda Clostridium difficile chaqirgan soxta membranoz kolit rivojlanishi mumkin, u yengil diareya ko'rinishida ham, og'ir kolit ko'rinishida ham bo'lishi mumkin. Azitromitsin qabul qilish fonida diareya rivojlanganda, shuningdek davolash tugaganidan keyin 2 oy davomida klostridial soxta membranoz kolitni istisno qilish kerak. Yengil holatlarda azitromitsinni bekor qilish va ion almashinuvchi qatronlarni (kolestiramin, kolestipol) qo'llash yetarli, og'ir holatlarda suyuqlik, elektrolitlar va oqsil yo'qotilishini to'ldirish, vankomitsin yoki metronidazol tayinlash ko'rsatilgan. Ichak peristaltikasini tormozlovchi dori vositalarini qo'llash mumkin emas.

Qorinchalar repolyarizatsiyasining sekinlashishi sindromi - QT intervalining uzayishi sindromi - makrolidlar, shuningdek Azitromitsin preparati qabul qilish fonida aritmiya, shu jumladan "piruet" turidagi aritmiya rivojlanishi xavfini oshiradi. Proaritmogen omillar mavjud bo'lgan bemorlarda (ayniqsa keksa bemorlarda), shu jumladan tug'ma yoki orttirilgan QT intervali uzayishi bo'lgan: IA (xinidin, prokainamid), III (dofetidil, amiodaron, sotalol) sinf antiaritmik vositalar, sizaprid, terfenadin, antipsixotik preparatlar (pimozid), antidepressantlar (sitalopram), ftorxinolonlar (moksifloksatsin, levofloksatsin) bilan davolash olayotgan bemorlarda, suv-elektrolit balansi buzilishlari, ayniqsa gipokaliemiya yoki gipomagniemiya bo'lgan bemorlarda, klinik ahamiyatli bradikardiya, yurak aritmiyasi yoki og'ir yurak yetishmovchiligi bo'lgan bemorlarda azitromitsinni qo'llashda ehtiyot bo'lish kerak.

Azitromitsinni qo'llash miastenik sindrom rivojlanishini qo'zg'atishi yoki miasteniya zo'rayishini chaqirishi mumkin.

Transport vositalarini va mexanizmlar bilan ishlashni boshqarish qobiliyatiga ta'siri

Asab tizimi va ko'rish a'zolari tomonidan nojo'ya ta'sirlar rivojlanganda, yuqori diqqatni jamlash va psixomotor reaksiyalar tezligini talab qiluvchi harakatlarni bajarishda ehtiyotkorlikka rioya qilish kerak.

Azitromitsinga, boshqa makrolidlarga yoki ketolidlarga, yoki boshqa komponentlarga yuqori sezuvchanlik; jigar faoliyatining og'ir darajadagi buzilishi (Chayld-Pyu bo'yicha S sinfi); buyrak faoliyatining og'ir darajadagi buzilishi (KK 40 ml/daq dan kam); tana vazni 45 kg dan kam bo'lgan 12 yoshgacha bo'lgan bolalar (500 mg li tabletkalar uchun); 3 yoshgacha bo'lgan bolalar (125 mg li tabletkalar uchun); emizish davri; ergotamin va digidroergotamin bilan bir vaqtda qabul qilish.

Ehtiyotkorlik bilan:

Miasteniya; jigar faoliyatining yengil va o'rtacha darajadagi buzilishi; buyrak faoliyatining yengil va o'rtacha darajadagi buzilishi (KK 40 ml/daq dan ortiq); aritmiya, proaritmogen omillari mavjudligida (ayniqsa keksa bemorlarda), shu jumladan tug'ma yoki orttirilgan QT oralig'ining uzayishi; IA (xinidin, prokainamid), III (dofetidil, amiodaron, sotalol) sinf antiaritmik preparatlar, tsisaprid, terfenadin, antipsixotik preparatlar (pimozid), antidepressantlar (tsitalopram), ftorxinolonlar (moksifloksatsin, levofloksatsin) bilan terapiya olayotgan bemorlarda, suv-elektrolit muvozanati buzilishlari bo'lgan bemorlarda, ayniqsa gipokaliemiya yoki gipomagniemiya holatida, klinik ahamiyatli bradikardiya, og'ir yurak yetishmovchiligida; varfarin, digoksin, tsiklosporinni bir vaqtda qo'llash.

Homiladorlik va laktatsiya:

Homiladorlik vaqtida preparatni qo'llash faqat ona uchun taxmin qilinadigan foyda homila uchun potentsial xavfdan ustun bo'lgan hollardagina mumkin. Laktatsiya davrida preparatni qo'llash zarurati tug'ilganda emizishni to'xtatish masalasini hal qilish kerak.

Antatsid preparatlar azitromitsin biokiraolishligiga ta'sir qilmaydi, ammo qondagi azitromitsin maksimal konsentratsiyasini 30% ga kamaytiradi, shuning uchun azitromitsinni antatsidlar qabul qilinishidan 1 soat oldin yoki 2 soat keyin qabul qilish kerak.

Sog'lom ko'ngillilarda azitromitsinni setirizin (20 mg) bilan 5 kun davomida bir vaqtda qo'llash farmakokinetik o'zaro ta'sirga va QT oralig'ining sezilarli o'zgarishiga olib kelmagan.

6 nafar OIV-infektsiyalangan bemorlarda azitromitsin (1200 mg/sut) va didanozinni (400 mg/sut) bir vaqtda qo'llash platsebo guruhiga nisbatan didanozinning farmakokinetik ko'rsatkichlari o'zgarishini aniqlamadi.

Makrolid antibakterial preparatlarni, shu jumladan azitromitsinni P-glikoprotein substratlari, masalan digoksin bilan bir vaqtda qo'llash qon plazmasida P-glikoprotein substrati konsentratsiyasining oshishiga olib keladi. Shunday qilib, azitromitsin va digoksin bir vaqtda qo'llanilganda qon plazmasida digoksin konsentratsiyasi oshishi mumkinligini hisobga olish kerak.

Azitromitsinni bir vaqtda qo'llash (1000 mg bir marta qabul qilish va 1200 mg yoki 600 mg ko'p marta qabul qilish) zidovudin yoki uning glyukuronid metabolitining farmakokinetikasiga, shu jumladan buyraklar orqali chiqarilishiga ahamiyatsiz ta'sir ko'rsatadi. Shunga qaramay, periferik qon mononuklearlarida faol metabolit - fosforillangan zidovudin konsentratsiyasi ortadi. Ushbu faktning klinik ahamiyati noaniq.

Azitromitsin sitoxrom P450 tizimi izofermentlari bilan kuchsiz o'zaro ta'sir qiladi. Azitromitsin eritromitsin va boshqa makrolidlarga o'xshash farmakokinetik o'zaro ta'sirlarda ishtirok etishi aniqlanmagan. Azitromitsin sitoxrom P450 izofermentlari ingibitori va induktori hisoblanmaydi.

Ergotizm rivojlanishining nazariy ehtimolini hisobga olib, azitromitsinni sporinya alkaloidlari hosilalari (ergotamin, digidroergotamin) bilan bir vaqtda qo'llash tavsiya etilmaydi.

Azitromitsin va metabolizmi sitoxrom P450 tizimi izofermentlari ishtirokida sodir bo'ladigan preparatlarni bir vaqtda qo'llash bo'yicha farmakokinetik tadqiqotlar o'tkazilgan.

Atorvastatin: atorvastatin (har kuni 10 mg) va azitromitsinni (har kuni 500 mg) bir vaqtda qo'llash qon plazmasida atorvastatin konsentratsiyalari o'zgarishini keltirib chiqarmagan (GMK-KoA-reduktaza ingibitsiya qilinishi tahlili asosida). Biroq, azitromitsin va statinlarni bir vaqtda olgan bemorlarda rabdomioliz holatlari haqida xabarlar olingan.

Karbamazepin: sog'lom ko'ngillilar ishtirokidagi farmakokinetik tadqiqotlarda azitromitsin bilan bir vaqtda qo'llanilganda karbamazepin va uning faol metabolitining qon plazmasidagi konsentratsiyasiga sezilarli ta'sir aniqlanmagan.

Simetidin: farmakokinetik tadqiqotlarda simetidinning bir martalik dozasining azitromitsin farmakokinetikasiga ta'siri, simetidin azitromitsindan 2 soat oldin qo'llanilishi sharti bilan, azitromitsin farmakokinetikasi o'zgarishini aniqlamadi.

Bilvosita antikoagulyantlar (kumarin hosilalari): farmakokinetik tadqiqotlarda azitromitsin sog'lom ko'ngillilar tomonidan qabul qilingan varfarinning 15 mg bir martalik dozasining antikoagulyant samarasiga ta'sir qilmagan. Azitromitsin va bilvosita antikoagulyantlar (kumarin hosilalari) bir vaqtda qo'llanilgandan keyin antikoagulyant samara potentsiyalanishi haqida xabar berilgan. Sababiy bog'liqlik aniqlanmaganligiga qaramay, azitromitsin va bilvosita antikoagulyantlar (kumarin hosilalari) bir vaqtda qo'llanilganda bemorlarda protrombin vaqtini sinchkovlik bilan nazorat qilish tavsiya etiladi.

Siklosporin: uch kun davomida ichga azitromitsin (bir marta 500 mg/sut), so'ngra siklosporin (bir marta 10 mg/kg/sut) qabul qilgan sog'lom ko'ngillilar ishtirokidagi farmakokinetik tadqiqotlarda siklosporinning qon plazmasidagi maksimal konsentratsiyasi va "konsentratsiya-vaqt" egri chizig'i ostidagi maydonning ishonchli oshishi aniqlangan. Ushbu preparatlarni bir vaqtda qo'llashda ehtiyot bo'lish kerak. Ushbu preparatlarni bir vaqtda qo'llash zarurati bo'lganda, qon plazmasida siklosporin konsentratsiyasini monitoring qilish va dozani tegishli ravishda to'g'irlash kerak.

Efavirenz: azitromitsin (bir marta 600 mg/sut) va efavirenzni (400 mg/sut) har kuni 7 kun davomida bir vaqtda qo'llash hech qanday klinik ahamiyatli farmakokinetik o'zaro ta'sirni keltirib chiqarmagan.

Flukonazol: azitromitsinni (bir marta 1200 mg) bir vaqtda qo'llash flukonazol (bir marta 800 mg) farmakokinetikasini o'zgartirmagan. Umumiy ekspozitsiya va yarim chiqarilish davri flukonazol bir vaqtda qo'llanilganda o'zgarmagan, biroq bunda azitromitsin maksimal konsentratsiyasi pasayishi 18% ga qayd etilgan, bu klinik ahamiyatga ega bo'lmagan.

Indinavir: azitromitsinni (bir marta 1200 mg) bir vaqtda qo'llash indinavir farmakokinetikasiga (5 kun davomida sutkasiga uch marta 800 mg dan) statistik ishonchli ta'sir ko'rsatmagan.

Metilprednizolon: azitromitsin metilprednizolon farmakokinetikasiga sezilarli ta'sir ko'rsatmaydi.

Nelfinavir: azitromitsin (1200 mg) va nelfinavirni (sutkasiga uch marta 750 mg dan) bir vaqtda qo'llash qon plazmasida azitromitsinning muvozanatli konsentratsiyalari oshishini chaqiradi. Klinik ahamiyatli nojo'ya samaralar kuzatilmagan va nelfinavir bilan bir vaqtda qo'llanilganda azitromitsin dozasini to'g'irlash talab etilmaydi.

Rifabutin: azitromitsin va rifabutinni bir vaqtda qo'llash preparatlarning har birining qon plazmasidagi konsentratsiyasiga ta'sir qilmaydi. Azitromitsin va rifabutin bir vaqtda qo'llanilganda ba'zan neytropeniya kuzatilgan. Neytropeniya rifabutin qo'llanilishi bilan bog'liq bo'lishiga qaramay, azitromitsin va rifabutin kombinatsiyasini qo'llash va neytropeniya o'rtasidagi sabab-oqibat bog'liqligi aniqlanmagan.

Sildenafil: sog'lom ko'ngillilarda qo'llanilganda azitromitsinning (3 kun davomida har kuni 500 mg/sut) sildenafil va uning asosiy metabolitining qon plazmasidagi maksimal konsentratsiyasiga va "konsentratsiya-vaqt" egri chizig'i ostidagi maydonga ta'siri isbotlanmagan.

Terfenadin: farmakokinetik tadqiqotlarda azitromitsin va terfenadin o'rtasidagi o'zaro ta'sir isbotlanmagan. Bunday o'zaro ta'sir imkoniyatini butunlay istisno qilib bo'lmaydigan yagona holatlar haqida xabar berilgan, biroq bunday o'zaro ta'sir sodir bo'lganligi haqida aniq dalil aniqlanmagan. Terfenadin va makrolidlar sinfi antibiotiklarini bir vaqtda qo'llash aritmiya va QT oralig'i uzayishini chaqirishi aniqlangan.

Teofillin: azitromitsin va teofillin o'rtasida o'zaro ta'sir aniqlanmagan.

Triazolam/midazolam: azitromitsin triazolam yoki midazolam bilan terapevtik dozalarda bir vaqtda qo'llanilganda farmakokinetik ko'rsatkichlarning sezilarli o'zgarishlari aniqlanmagan.

Trimetoprim/sulfametoksazol: trimetoprim/sulfametoksazol azitromitsin bilan bir vaqtda qo'llanilganda maksimal konsentratsiya, umumiy ekspozitsiya yoki trimetoprim yoki sulfametoksazolning buyraklar orqali ekskretsiyasiga sezilarli ta'sir aniqlanmagan. Qon plazmasidagi azitromitsin konsentratsiyasi boshqa tadqiqotlarda aniqlanganiga mos kelgan.