DEKSALGIN tabletkalari 25mg N50

So'rilishi

Preparat ichga qabul qilingandan so'ng odamda deksketoprofenning C_max siga o'rtacha 30 daqiqadan (15-60 daqiqa) keyin erishiladi.

Taqsimlanishi va chiqarilishi

Plazma oqsillari bilan bog'lanishi - 99%. Deksketoprofenning taqsimlanish vaqti va T _{mos ravishda 0,35 va 1,65 soatni tashkil qiladi. O'rtacha Vd - 0,25 l/kg dan kam. Preparatning asosiy qismi metabolitlar ko'rinishida (glyukuronizatsiyadan so'ng) siydik bilan chiqariladi.}

Nosteroid yallig'lanishga qarshi preparat. Yallig'lanishga qarshi, analgetik va isitmani tushiruvchi ta'sir ko'rsatadi. Preparatning ta'sir mexanizmi tsiklooksigenezani bostirish oqibatida prostaglandinlar sintezini susaytirishga asoslangan. Analgetik ta'sir preparat qabul qilingandan keyin 30 daqiqa o'tgach boshlanadi, uning davomiyligi 4 dan 6 soatgacha.

Ovqat hazm qilish tizimi tomonidan: zarda qaynashi, qorinda og'riq; kamdan-kam hollarda - MITY eroziv-yarali shikastlanishlari.

MNS va periferik asab tizimi tomonidan: bosh og'riqlari, bosh aylanishi, asabiylik, uyqu buzilishi, paresteziyalar.

Yurak-qon tomir tizimi tomonidan: yurak urishi, AB oshishi.

Allergik reaksiyalar: teri toshmasi, bronxospazm.

Boshqalar: titroq, oyoq-qo'llarning shishi, fotosensibilizatsiya; kamdan-kam hollarda - periferik qon manzarasining o'zgarishi, buyrak funksiyasining buzilishi.

Ko'rsatmalar bo'yicha va tavsiya etilgan dozalarda qo'llanilganda preparat yaxshi o'zlashtiriladi.

Preparatni keksa yoshdagi bemorlarga, allergik reaksiyalari bo'lgan, biriktiruvchi to'qimaning tizimli kasalliklari bo'lgan va qon hosil bo'lishi buzilgan bemorlarga tayinlashda ehtiyotkorlikka rioya qilish kerak.

Bemorlarga nojo'ya ta'sirlar paydo bo'lganda, shuningdek davolashning 3-5 kuni davomida klinik samara bo'lmaganda, bu haqda davolovchi shifokorga xabar berish kerakligi haqida ma'lumot berish lozim.

Deksalgin 25 ni fenitoin, sulfonamidlar va qon ivishini pasaytiruvchi preparatlar bilan bir vaqtda qo'llashda alohida ehtiyotkorlik talab etiladi.

Avtotransportni haydash va mexanizmlarni boshqarish qobiliyatiga ta'siri

Deksalgin 25 bosh aylanishi va uyquchanlik paydo bo'lishini chaqirishi mumkinligi sababli, preparatni diqqatni yuqori jamlashni va psixomotor reaksiyalar tezligini talab qiladigan potensial xavfli faoliyat turlari bilan shug'ullanuvchi bemorlarga ehtiyotkorlik bilan tayinlash kerak.

• me'da va o'n ikki barmoqli ichak yara kasalligi;
• me'da-ichak traktidan qon ketishlar;
• turli genezli faol qon ketishlar;
• qon ketishiga moyillik;
• antikoagulyantlar bilan terapiya;
• Kron kasalligi;
• nospetsifik yarali kolit;
• bronxial astma (shu jumladan anamnezda);
• og'ir yurak yetishmovchiligi;
• og'ir darajadagi buyrak yetishmovchiligi;
• og'ir jigar yetishmovchiligi;
• homiladorlik;
• laktatsiya davri;
• deksketoprofenga yoki boshqa NYQP larga yuqori sezuvchanlik.

Deksalgin 25 ni boshqa NYQP bilan bir vaqtda qo'llash nojo'ya samaralar yuzaga kelish xavfini oshirishi mumkin.

Deksalgin 25 ni litiy preparatlari bilan bir vaqtda qo'llash qon plazmasida oxirgisining konsentratsiyasini oshirishi mumkin.

Metotreksat bilan terapiya boshlanishidan 24 soatdan kam vaqt oldin yoki tugagandan keyin NYQP dan foydalanishda ehtiyot bo'lish lozim, chunki uning qondagi darajasi (va demak, toksikligi) oshishi mumkin.

NYQP va antikoagulyantlar bir vaqtda qo'llanilganda qon ketishlar yuzaga kelishi haqida alohida holatlar tasvirlangan.

Individual belgilanadi.

Tavsiya etilgan o'rtacha bir martalik doza zaruratga qarab har 4-6 soatda sutkasiga 1 dan 6 martagacha 12,5 mg (1/2 tabl.) yoki har 8 soatda sutkasiga 1 dan 3 martagacha 25 mg (1 tabl.) ni tashkil qiladi.

Maksimal sutkalik doza 75 mg (6 tabl.) ni tashkil qiladi.

Jigar yoki buyrak funktsiyasi buzilgan bemorlarda, keksa yoshdagi shaxslarda preparatni qabul qilishni pastroq dozalardan - sutkasiga 50 mg dan ko'p bo'lmagan miqdorda boshlash kerak.

Preparat uzoq muddat qo'llash uchun mo'ljallanmagan: qabul qilish davomiyligi 3-5 kundan oshmasligi kerak.