MELOKSIKAM 0,01/ML eritma 1,5ml N5

Absorbsiya. Nisbiy biokiraolishligi taxminan 100 % ni tashkil qiladi. Preparat 15 mg dozada mushak ichiga yuborilgandan so'ng preparatning plazmadagi maksimal konsentratsiyasi (Smax) 1.62 mkg/ml ni tashkil qiladi va taxminan 60 daqiqa ichida erishiladi.

Taqsimlanishi. Meloksikam plazma oqsillari, ayniqsa albumin bilan yaxshi bog'lanadi (99 %)

Sinovial suyuqlikka kirib boradi, sinovial suyuqlikdagi konsentratsiya plazmadagi konsentratsiyaning taxminan 50 % ini tashkil qiladi. Taqsimlanish hajmi Vd past, o'rtacha 11 l ni tashkil qiladi: shaxslararo farqlar 30-40 % ni tashkil qiladi.

Metabolizmi. Meloksikam jigarda deyarli to'liq metabolizmga uchrab, to'rtta farmakologik jihatdan nofaol metabolitlarni hosil qiladi. Asosiy metabolit. 5'-karboksi-meloksikam (doza miqdorining 60 %), oraliq metabolitning oksidlanishi yo'li bilan hosil bo'ladi. 5'-gidroksimetilmeloksikam. u ham ekskretsiya qilinadi, lekin kamroq darajada (doza miqdorining 9 %). In vitro tadqiqotlari shuni ko'rsatdiki, ushbu metabolik o'zgarishda CYP2C9 izofermenti muhim rol o'ynaydi. CYP3A4 izofermenti qo'shimcha ahamiyatga ega. Boshqa ikkita metabolitning (mos ravishda preparat dozasi miqdorining 16 % va 4 % ini tashkil qiluvchi) hosil bo'lishida peroksidaza ishtirok etadi. uning faolligi. ehtimol, individual ravishda o'zgarib turadi.

Chiqarilishi. Axlat va siydik bilan teng darajada, asosan metabolitlar ko'rinishida chiqariladi. O'zgarmagan holda axlat bilan sutkalik doza miqdorining 5 % dan kamrog'i chiqariladi, siydikda o'zgarmagan holda preparat faqat iz miqdorlarida aniqlanadi. O'rtacha yarim chiqarilish davri (Т1/2) 20 soatni tashkil qiladi. Plazma klirensi o'rtacha 8 ml/daqiqani tashkil qiladi.

Meloksikam mushak ichiga yuborilganda 7.5-15 mg dozalarda chiziqli farmakokinetikani namoyish etadi.

Peroral qo'llanilganda meloksikam uchun enterogepatik retsirkulyatsiya xos ekanligi haqida xabarlar mavjud. Meloksikamning ichga qabul qilish uchun dori shakllari qabul qilinganda preparatning qon plazmasidagi maksimal plazma konsentratsiyasiga erishishgacha bo'lgan o'rtacha vaqt davri (TSmax) 5-6 soatni tashkil qiladi, bunda biror-bir sabablarga ko'ra enterogepatik retsirkulyatsiyaning buzilishi meloksikam eliminatsiyasini oshirishi va uning Т1/2 ini 13 soat va undan ko'proqqa kamaytirishi mumkin (ichga qabul qilinganda).



Jigar va/yoki buyrak funksiyasi yetishmovchiligi

Jigar funksiyasi yetishmovchiligi, shuningdek yengil yoki o'rtacha ifodalangan buyrak yetishmovchiligi meloksikam farmakokinetikasiga sezilarli ta'sir ko'rsatmaydi. Terminal buyrak yetishmovchiligida Vd ning oshishi erkin meloksikamning yuqoriroq konsentratsiyalariga olib kelishi mumkin. shuning uchun bu bemorlarda sutkalik doza 7.5 mg dan oshmasligi kerak.

Keksa yoshdagi bemorlar

Keksa yoshdagi bemorlarda farmakokinetikaning muvozanat holati davridagi o'rtacha plazma klirensi yosh bemorlarnikiga qaraganda biroz pastroq.

Og'riq qoldiruvchi Yallig'lanishga qarshi

Mavjud ma’lumotlar shuni taxmin qilishga imkon beradiki, ba’zi NYQPlarni qo‘llash (ayniqsa yuqori dozalarda va uzoq muddat davolanganda) arterial trombozlar (masalan, miokard infarkti yoki insultda) rivojlanishi xavfining biroz oshishi bilan bog‘liq bo‘lishi mumkin.

Quyida keltirilgan noxush holatlar anatomik-fiziologik tasnif va uchrash tezligiga qarab sanab o‘tilgan. Uchrash tezligi Jahon Sog‘liqni Saqlash Tashkiloti (JSST) tasnifiga ko‘ra keltirilgan va quyidagi darajalarga ega: tez-tez - 1% dan ortiq; tez-tez emas - 0,1-1%; kam hollarda - 0,01 -0,1%; juda kam hollarda - 0,01% dan kam, shu jumladan alohida holatlar.

Ovqat hazm qilish tizimi tomonidan:

tez-tez - dispepsiya, ko‘ngil aynishi, qusish, abdominal og‘riqlar, qabziyat, meteorizm, diareya:

tez-tez emas - «jigar» transaminazalari faolligining o‘tkinchi oshishi, giperbilirubinemiya, kekirish, ezofagit, stomatit; kolit, gastrit;

kam hollarda - MITYning eroziv-yarali shikastlanishlari, me’da-ichakdan qon ketishi (shu jumladan yashirin);

juda kam hollarda - MITY a’zolari teshilishi;

Qon yaratish a’zolari tomonidan:

tez-tez emas - anemiya:

kam hollarda - qon formulasining o‘zgarishi, shu jumladan leykopeniya, trombotsitopeniya;

juda kam hollarda - agranulotsitoz.

Teri qoplamalari tomonidan:

tez-tez emas - qichishish, teri toshmasi: angionevrotik shish;

kam hollarda - Stivens-Djonson sindromi, toksik epidermal nekroliz, eshakemi;

juda kam hollarda - fotosensibilizatsiya, bullez toshmalar, ko‘p shaklli eritema.

Nafas olish tizimi tomonidan:

juda kam hollarda - bronxospazm.

Markaziy asab tizimi tomonidan:

tez-tez - bosh og‘rig‘i;

tez-tez emas - vertigo, uyquchanlik; bosh aylanishi;

juda kam hollarda - ongning chalkashishi, dezorientatsiya.

Ko‘rish a’zosi tomonidan:

kam hollarda - kon’yunktivit, ko‘rishning buzilishi, shu jumladan ko‘rish noaniqligi.

Eshitish a’zosi tomonidan: kam hollarda - quloqlarda shovqin.

Ruhiyat tomonidan:

kam hollarda - «dahshatli» tush ko‘rishlar;

juda kam hollarda - hissiy labillik.

Yurak-qon tomir tizimi tomonidan:

tez-tez - periferik shishlar;

kam hollarda - yurak urishini his qilish.

Siydik chiqarish tizimi tomonidan:

tez-tez emas - giperkreatininemiya va/yoki qon zardobida mochevina oshishi, natriy va suv tutilishi, giperkaliemiya;

juda kam hollarda - o‘tkir buyrak yetishmovchiligi;

kam hollarda NYQP chaqirishi mumkin - interstitsial nefrit, albuminuriya, gematuriya

Immun tizimi tomonidan:

tez-tez emas - allergik reaksiyalar (anafilaktik va anafilaktoid reaksiyalardan tashqari); tezligi noma’lum - anafilaktik shok, anafilaktik reaksiyalar, anafilaktoid reaksiyalar.

Mahalliy reaksiyalar:

tez-tez - qattiqlashish va og‘riq (in’eksiya joyida).

Umumiy reaksiyalar:

tez-tez emas - shishlar, shu jumladan oyoq shishlari;

Anamnezida oshqozon yoki o'n ikki barmoqli ichak yara kasalligi bo'lgan bemorlarda, shuningdek antikoagulyant terapiyada bo'lgan bemorlarda preparatni qo'llashda ehtiyotkorlikka rioya qilish kerak. Bunday bemorlarda OIT eroziv-yarali kasalliklari rivojlanish xavfi yuqori.

Boshqa NYQP ishlatilganda bo'lgani kabi, bemor hayoti uchun potentsial xavfli bo'lgan oshqozon-ichakdan qon ketish, yaralar va perforatsiyalar davolash davomida har qanday vaqtda, ham ogohlantiruvchi simptomlar yoki anamnezida jiddiy oshqozon-ichak asoratlari to'g'risida ma'lumotlar mavjud bo'lganda, ham ushbu belgilar bo'lmaganda yuzaga kelishi mumkin. Ushbu asoratlarning oqibatlari umuman olganda keksa yoshdagi shaxslarda jiddiyroq bo'ladi.

Keksa yoshdagi bemorlar, qon aylanishi yetishmovchiligi ko'rinishlari bo'lgan surunkali yurak yetishmovchiligi bo'lgan bemorlar, shuningdek gipovolemiyasi bo'lgan bemorlarda preparatni qo'llashda ehtiyotkorlikka rioya qilish va buyrak funktsiyasi ko'rsatkichlarini nazorat qilish kerak.

Yengil va o'rtacha buyrak yetishmovchiligi (agar kreatinin klirensi 30 ml/daq dan ortiq) bo'lgan bemorlarda dozalash rejimini to'g'irlash talab etilmaydi.

Siydik haydovchi vositalar va meloksikamni bir vaqtda qabul qilayotgan bemorlarda diurez va buyrak funktsiyasini nazorat qilish kerak.

Agar davolash jarayonida allergik reaktsiyalar (qichishish, teri toshmasi, eshakemi, fotosenzibilizatsiya) yuzaga kelsa, meloksikamni qo'llashni darhol to'xtatish va shifokorga murojaat qilish kerak.

Meloksikamni qo'llash, siklooksigenaza/prostaglandin sintezini bloklovchi boshqa preparatlar kabi, fertillikka ta'sir qilishi mumkin, shuning uchun homilador bo'lishni xohlaydigan ayollarga tavsiya etilmaydi. Ayollarda urug'lanish qobiliyati buzilganda yoki bepushtlik bo'yicha tekshiruv o'tkazilganda meloksikamni bekor qilish zarur.

Arterial gipertenziya, buyrak funktsiyasi buzilishi va/yoki buyrak yetishmovchiligi rivojlanish xavf omillari, qandli diabeti bo'lgan bemorlarda, keksa yoshdagi shaxslarda, holsizlangan bemorlarda preparatni ehtiyotkorlik bilan qo'llash kerak.

Meloksikamni qo'llash infektsion kasalliklar simptomlarini niqoblashi mumkin.

Arterial gipertenziya va yengil va o'rtacha og'irlikdagi surunkali yurak yetishmovchiligi bo'lgan bemorlarda preparatni ehtiyotkorlik bilan qo'llash kerak, chunki meloksikam (boshqa NYQP kabi) organizmda natriy va suyuqlik tutilishiga va natijada surunkali yurak yetishmovchiligi rivojlanishi yoki dekompensatsiyasiga olib kelishi mumkin.

Transport vositalarini boshqarish qobiliyatiga ta'siri

Preparatning avtotransport va mexanizmlarni boshqarish qobiliyatiga ta'siri bo'yicha maxsus tadqiqotlar o'tkazilmagan.

Meloksikam bilan davolash davrida ruhiy va harakat reaktsiyalari tezligi pasayishi mumkin (uyquchanlik, ko'rish a'zosi tomonidan buzilishlar va b.). Shuning uchun transportni boshqarishdan va diqqatni yuqori jamlashni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanishdan saqlanish zarur.

.meloksikamga yuqori sezuvchanlik. atsetilsalitsil kislotasiga, boshqa NYQP yoki yordamchi komponentlarga yuqori sezuvchanlik:

•aortokoronar shuntlashdan keyingi operatsiyadan keyingi davrda og'riqlarni davolash:

•dekompensatsiyalangan yurak yetishmovchiligi:

•bronxial astma, burun shilliq qavati va burun yondosh bo'shliqlarining qaytalanuvchi polipozi va atsetilsalitsil kislotasi va boshqa NYQPlarni o'zlashtira olmaslikning to'liq yoki to'liq bo'lmagan kombinatsiyasi (shu jumladan anamnezda):

•oshqozon va o'n ikki barmoqli ichak shilliq qavatining eroziv-yarali o'zgarishlari;

•ichakning yallig'lanish kasalliklari zo'rayishi (yarali kolit, Kron kasalligi):

•bosh miya ichiga qon quyilishi, faol oshqozon-ichakdan qon ketish yoki boshqa qon ketishlar:

•og'ir jigar yetishmovchiligi yoki faol jigar kasalligi:

•dializ qilinmaydigan bemorlarda og'ir buyrak yetishmovchiligi (kreatinin klirensi 30 ml/min dan kam), buyrak kasalliklarining zo'rayishi, shu jumladan tasdiqlangan giperkaliemiya:

•qalqonsimon bez kasalliklari: o'tkir miokard infarkti: gipotenziya, gipertenziya: miya qon aylanishining o'tkir buzilishlari (ishemik, gemorragik insult);

•suyak ko'migi va qon kasalliklari (leykopeniya, shu jumladan anamnezda, trombotsitopeniya, gemofiliya);

•homiladorlik, ko'krak suti bilan emizish davri;

•18 yoshgacha bo'lgan bolalar.

Ehtiyotkorlik bilan

Yurak ishemik kasalligi, serebrovaskulyar kasalliklar, surunkali yurak yetishmovchiligi, dislipidemiya/giperlipidemiya, qandli diabet, periferik arteriyalar kasalliklari, bronxial astma, sil, yaqqol osteoporoz, chekish, yengil va o'rtacha darajadagi buyrak yetishmovchiligi (kreatinin klirensi 30 dan 60 ml/min gacha).

Oshqozon-ichak traktining yarali shikastlanishi rivojlanishi haqida anamnestik ma'lumotlar, Helicobacter pylori infektsiyasi mavjudligi, keksa yosh, NYQPni uzoq vaqt qo'llash, alkogolni tez-tez iste'mol qilish, og'ir somatik kasalliklar, quyidagi preparatlarni bir vaqtda qabul qilish: antikoagulyantlar (masalan, varfarin);

•antiagregantlar (masalan, atsetilsalitsil kislotasi, klopidogrel);

•peroral glyukokortikosteroidlar (masalan, prednizolon);

•serotoninni qayta qamrab oluvchi selektiv ingibitorlar (masalan, tsitalopram, fluoksetin, paroksetin, sertralin).

Oshqozon-ichak trakti (M IT) tomonidan noxush hodisalar rivojlanish xavfini kamaytirish uchun minimal samarali dozani shifokor tavsiya qilgan minimal darajada qisqa kurs bilan qo'llash kerak.

Boshqa dori vositalari bilan o'zaro ta'siri

•meloksikamni boshqa NYQPV va yallig'lanishga qarshi dozalarda (bir martalik 1 g va undan ortiq dozada qabul qilish yoki sutkasiga 3 g va undan ortiq dozada qabul qilish) atsetilsalitsil kislotasi bilan bir vaqtda qo'llash tavsiya etilmaydi;

•meloksikamni boshqa NYQPV (shuningdek atsetilsalitsil kislotasi), glyukokortikoidlar, analgetiklar, serotoninni qayta qamrab olish selektiv ingibitorlari bilan birga qo'llash eroziv-yarali shikastlanishlar va oshqozon-ichakdan qon ketishlar yuzaga kelish xavfini oshiradi:

•meloksikamni diuretiklar, angiotenzin-o'zgartiruvchi ferment ingibitorlari, angiotenzin retseptorlari blokatorlari bilan birga qo'llash:

1)gipotenziv dori vositalarining antigipertenziv samarasini kamaytirishi mumkin:

2)ba'zi toifadagi bemorlarda (suvsizlangan bemorlar, buyrak funktsiyasi pasaygan keksa bemorlar) buyrak funktsiyasining yanada yomonlashishiga (odatda qaytuvchan) olib kelishi mumkin;

•meloksikamni boshqa gipotenziv dori vositalari (masalan, beta-adrenoblokatorlar) bilan birga qo'llash oxirgilarining antigipertenziv samarasini tomir kengaytiruvchi ta'sirga ega prostaglandinlar sintezini bloklash hisobiga kamaytirishi mumkin;

•meloksikamni litiy preparatlari bilan birga qo'llash litiy kumulyatsiyasiga va uning toksik ta'siri oshishiga olib kelishi mumkin (qonda litiy kontsentratsiyasini nazorat qilish tavsiya etiladi);

•meloksikam va boshqa NYQPVni metotreksat bilan birga qo'llash metotreksatning tubulyar sekretsiyasini pasaytiradi, uning plazmadagi kontsentratsiyasini va gematologik toksikligini oshiradi, ayniqsa buyrak funktsiyasi buzilgan bemorlarda (anemiya va leykopeniya paydo bo'lish xavfi);

•meloksikam kalsinevrin ingibitorlari (siklosporin, takrolimus) bilan birga qo'llanilganda buyrak yetishmovchiligi rivojlanish xavfi ortadi;

•meloksikam bachadon ichi kontratseptiv vositalari bilan birga qo'llanilganda oxirgilarining ta'siri samaradorligi pasayishi mumkin:

•meloksikam antikoagulyantlar (geparin, varfarin), antiagregantlar (atsetilsalitsil kislotasi, klopidogrel, tiklopidin), shuningdek fibrinolitik preparatlar (streptokinaza, fibrinolizin) bilan bir vaqtda qo'llanilganda qon ketish rivojlanish xavfi ortadi (qon ivish ko'rsatkichlarini vaqti-vaqti bilan nazorat qilish zarur);

•bir vaqtda qabul qilinganda meloksikam ichga qabul qilish uchun gipoglikemik vositalarning ta'sirini kuchaytirishi mumkin, shu bilan gipoglikemiya yuzaga kelish xavfini tug'diradi.

•Meloksikam digoksin, kortizon, diuretiklar ta'sirini susaytirishi mumkin.

•Kombinatsiyalangan terapiya o'tkazish holatida buyrak funktsiyasini nazorat qilish kerak.

Farmakokinetik o'zaro ta'sir (boshqa dori vositalarining meloksikam farmakokinetikasiga ta'siri)

• Meloksikamni xolestiramin bilan bir vaqtda qo'llash oxirgisining enterogepatik retsirkulyatsiyasini buzib, meloksikam klirensini 50 % ga oshirib va yarim chiqarilish davrini 13 ± 3 soatgacha kamaytirib, meloksikam chiqarilishini tezlashtiradi:

• Meloksikam CYP 2C9 va CYP 3A4 izofermentlari ishtirokida metabolizmga uchraydigan preparatlar bilan birga qo'llanilganda ularning farmakokinetik dori o'zaro ta'siri ehtimolini hisobga olish kerak. CYP izofermentlari induktsiyasi yoki faolligini bostirish bir vaqtda qo'llaniladigan dori preparatlarining biokiraolishligi o'zgarishiga olib kelishi, ularning samaradorligini yoki nojo'ya hodisalar rivojlanish chastotasini o'zgartirishi mumkin.