PENZITAL tabletkalari N20

Хар бир таблетка сақлайди:
Панкреатин 212,5 мг энзим фаоллиги билан:
липаза 6000 ТБ FIP
амилаза 4500 ТБ FIP
протеаза 300 ТБ FIP
Ёрдамчи моддалар: микрокристаллик целлюлоза, поливинилпирролидон, натрий крахмал гликоляти, повидон, тальк, коллоид кремний диоксиди, магния стеарат, IC-MS-2398 WHITE, ISE-10001 / WHITE, тальк.

Меъда ости безини ташқи секретор фаолиятини етишмовчилигини компенсация қилади, протеолитик, амилолитик ва липолитик таъсир кўрсатади.
Панкреатин таркибига кирувчи ферментлар (липаза, альфа-амилаза, трипсин, химотрипсин) оқсилларни аминокислоталаргача, ёғларни глицерин ва ёғ кислоталаригача, крахмални декстринлар ва моносахаридларгача парчаланишига ёрдам беради.
Меъда-ичак йўлларини функционал ҳолатини яхшилайди, овқат ҳазм қилиш жараёнларини нормаллаштиради.
Трипсин анальгетик таъсир кўрсатиб, меъда ости безини рағбатлантирилган секрециясини ингибирлайди.
Панкреатик ферментлар дори шаклидан ингичка ичакни ишқорий муҳитида ажралиб чиқади, чунки меъда шираси таъсиридан қобиқ билан ҳимояланган.
Оғиз орқали қабул қилинганидан кейин 30-45 минут ўтгач максимал ферментатив фаоллик кузатилади.

Аллергик реакциялар. Алоҳида ҳолларда диарея, қабзият, меъда соҳасида дискомфорт ҳисси, кўнгил айнаши (бу реакцияларни ривожланиши билан панкреатин таъсири ўртасидаги сабаб-оқибат боғлиқлик аниқланмаган, чунки бу кўринишлар меъда ости безини ташқи секретор етишмовчилигини белгиларидир). Узоқ муддат катта дозаларда қабул қилинганида гиперурикозия ривожланиши, қон плазмасида сийдик кислотаси даражасини ошиши мумкин. Муковисцидозда панкреатин дозаси кераклигидан оширилган ҳолда юқорига кўтарилувчи чамбар ичакни илеоцекал бўлимида стриктуралар (фиброз колонопатия) ривожланиши мумкин.
Болаларда панкреатин юқори дозаларда қўлланганида перианал қўзғалиш ва оғиз бўшлиғи шиллиқ қаватини қўзғалиши пайдо бўлиши мумкин.

Ҳомиладорликда панкреатин қўллашни хавфсизлиги етарлича ўрганилмаган. Қўллаш она учун кутилган фойда ҳомила учун потенциал хавфдан устун бўлган ҳолларда мумкин. Муковисцидозда стриктуралар (фиброз колонопатия) ривожланиши хавфи ошиши оқибатида, панкреатинни юқори дозаларда қўллаш тавсия қилинмайди. Доза истеъмол қилинаётган овқат сифати ва миқдорини ҳисобга олиб, ёғлар сўрилиши учун зарур бўлган ферментлар миқдорига мос бўлиши керак.
Узоқ муддат қўлланганида бир вақтда темир препеаратлари буюрилади.
Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Меъда ости безини ташқи секретор фаолиятини етишмовчилигидаги ўринбосар терапия: сурункали панкреатит, панкреатэктомия, нурлангандан кейинги ҳолат, диспепсия, Ремхельд синдроми (гастрокардиал синдром), муковисцидоз; метеоризм, инфекцион бўлмаган генезли диарея.
Овқат ҳазм бўлишини бузилиши (меъда ва ингичка ичак резекциясидан кейинги ҳолат); меъда-ичак йўлларини фаолияти нормал бўлган шахсларда овқатланишдаги хатолик ҳолларида (ёғли овқат, кўп миқдордаги овқат истеъмол қилинганида, мунтазам бўлмаган овқатланиш) овқат ҳазм бўлишини яхшилаш учун ва чайнаш фаолияти бузилганида, кам ҳаракатли яшаш тарзида, узоқ муддатли иммобилизация.
Қорин бўшлиғи аъзоларини рентгенологик текшириш ва УЗИ га тайёрлаш.

Препарат компонентларига бўлган юқори сезувчанлик, ўткир панкреатит, сурункали панкреатитни зўрайиши.

Панкреатин темир препаратлари билан бир вақтда қўлланганида охиргисини сўрилишини пасайиши мумкин. Кальций карбонат ва/ёки магний гидроксид сақловчи антацид воситаларни бир вақтда қўллаш, панкреатин самарасини камайишига олиб келиши мумкин.

Ичга. Препарат овқатланиш вақтида ёки овқатдан кейин, чайнамасдан, ишқорий бўлмаган суюқлик (сув, мева шарбатлари) билан қўшиб қабул қилинади. Овқат ҳазм бўлишини бузилиши даражасига қараб доза шахсий белгиланади. Катталарга одатда – 1-2 таблеткадан суткада 3 марта. Болаларда препарат шифокор буюриши бўйича қўлланади. Даволаш муддати бир неча кундан (парҳездаги хатолик оқибатидаги овқат ҳазм бўлишини бузилишида) то бир неча ой ёки йил (доимий ўринбосар терапия зарурлигида) орасида бўлиши мумкин.