ALLERVEY EKSPRESS tabletkalari 5mg N10

Og'iz bo'shlig'ida dispersiyalanuvchi har bir tabletka quyidagilarni saqlaydi:

faol modda: levosetirizin digidroxloridi 5,00 mg;

yordamchi moddalar: betadeks, mannitol, suvsiz kolloid kremniy dioksidi, makkajo'xori kraxmali, suvsiz limon kislotasi, mikrokristall tsellyuloza, krospovidon, aspartam, magniy stearati.

Og'iz bo'shlig'ida dispersiyalanuvchi tabletkalar, 5 mg.

10 tabletkadan (Pa/Al/PVX) folga // alyumin folga, laminasiya qilingan PET/qog'oz blisterda. 1 yoki 3 blisterdan tibbiyotda qo'llanilishiga doir yo'riqnomasi bilan karton qutida.

Levosetirizin – Allervey^® Ekspress preparatining ta'sir etuvchi moddasi – tsetirizinning (R)-enantiomeri, N₁‑gistamin reseptorlarini bloklovchi kuchli va selektiv gistamin antagonistidir.

Levosetirizin yaqqol antigistamin va allergiyaga qarshi ta'sirlarga ega. Allergik reaktsiyalarning gistaminga bog'liq fazasiga ta'sir ko'rsatadi, shuningdek eozinofillar migrasiyasini kamaytiradi, qon-tomirlar o'tkazuvchanligini kamaytiradi, yallig'lanish mediatorlarini ajralib chiqishini cheklaydi.

Levosetirizin allergik reaktsiyalar rivojlanishini oldini oladi va kechishini engillashtiradi, ekssudasiyaga qarshi va qichishishga qarshi ta'sirlarga ega. Deyarli antixolinergik va antiserotonin ta'sir ko'rsatmaydi. Terapevtik dozalarda sedativ samara ko'rsatmaydi.

Levosetirizinning farmakokinetikasi proportsional ravishda o'zgaradi.

So'rilishi

Ichga qabul qilingandan keyin preparat me'da-ichak yo'llaridan tez va to'liq so'riladi. Ovqat qabul qilish so'rilish to'liqligiga ta'sir ko'rsatmaydi, garchi uning tezligi pasaysa xam. Qon plazmasidagi maksimal kontsentrasiyasi (C_max) ga 0,9 soatdan keyin erishiladi va 270 ng/ml ni tashkil qiladi, muvozanat kontsentrasiyasiga 2 sutkadan keyin erishiladi.

Taqsimlanishi

Levosetirizin qon plazmasida oqsillar bilan 90% bog'lanadi. Taqsimlanish xajmi (V_d) 0,4 l/kg ni tashkil qiladi. Biokiraolishligi 100% ga etadi.

Metabolizmi

Levosetirizin N - va o-dealkilizasiya yo'li bilan (tsitoxrom tizimi yordamida jigarda metabolizmga uchraydigan boshqa N₁-gistamin reseptorlari antagonistlaridan farq qilib) farmakologik faol bo'lmagan metabolitini hosil qilib oz miqdorda (14% dan kamroq) metabolizmga uchraydi. Cheklangan metabolizmi va metabolik ingibitsiya qiluvchi faolligini yo'qligi tufayli, levosetirizinni boshqa dori vositalari bilan o'zaro ta'sirini ehtimoli kam.

Chiqarilishi

Kattalarda yarim chiqarilish davri (T_1/2) 7,9 ± 1,9 soatni tashkil qiladi. Kichik yoshdagi bolalarda T_1/2 qisqaroq. Kattalarda umumiy klirensi minutiga 0,63 ml/min/kg ni tashkil qiladi.

Preparatning qabul qilingan dozasini taxminan 85,4% kalavalar filtrasiyasi va kanalchalar sekresiyasi yo'li bilan buyraklar orqali o'zgarmagan xolda; taxminan 12,9% - ichak orqali chiqariladi.

Buyrak funktsiyasini buzilishi bo'lgan pasientlar

Buyrak etishmovchiligi (kreatinin klirensi (kk) <40 ml/minut) bo'lgan pasientlarda preparatning klirensi kamayadi, T_1/2 esa uzayadi. Gemodializda bo'lgan pasientlarda umumiy klirens 80% ga pasayadi, bu dozalash tartibini o'zgartirishni talab etadi. Levosetirizinning 10% dan kamrog'i standart 4-soatlik gemodializ muolajasi jarayonida chiqariladi.

Keksa pasientlar

Buyrak funktsiyasini buzilishi bo'lmaganida dozaga tuzatish kiritish talab etilmaydi.

og'iz bo'shlig'ida dispersiyalanuvchi tabletkalar

Klinik tadqiqotlar

Klinik tadqiqotlarni o'tkazish vaqtida 12-71 yoshdagi erkak va ayollarda 1% va undan yuqori (tez-tez ≥1/100, <1/10) tez - tezlik bilan quyidagi nojo'ya samaralar kuzatilgan: bosh og'rig'i, uyquchanlik, og'izni qurishi, toliqish; tez-tez emas (≥1/1000, <1/100) asteniya va qorinda og'riq kuzatilgan. 

Klinik tadqiqotlarni o'tkazish vaqtida 6 yoshdan 12 yoshgacha bo'lgan bolalarda 1% va undan yuqori (tez-tez ≥1/100, <1/10) tez-tezlik bilan bosh og'rig'i va uyquchanlik kuzatilgan.

Ro'yxatdan o'tkazilgandan keyingi tadqiqotlar

Nojo'ya samaralarning tez-tezligi noma'lum (mavjud ma'lumotlar asosida baholab bo'lmaydi).

Immun tizimi tomonidan buzilishlar:

O'ta yuqori sezuvchanlik reaktsiyalari, shu jumladan anafilaksiya.

Metabolizm va oziqlanishni buzilishlari:

Ishtahani oshishi.

Ruhiyat tomonidan buzilishlar:

Xavotirlik, tajavuzkorlik, qo'zg'alish, depressiya, gallyusinasiyalar, uyqusizlik, o'z joniga qasd qilish fikrlari.

Nerv tizimi tomonidan buzilishlar:

Tirishishlar, bosh miya qattiq qobiqlari sinuslari trombozi, paresteziya, bosh aylanishi, hushdan ketish, tremor, disgevziya.

Eshitish a'zosi tomonidan va labirint buzilishlari:

Vertigo.

Ko'rish a'zosi tomonidan buzilishlar:

Ko'rishni buzilishi, ko'rishni noaniqligi, yallig'lanish ko'rinishlari.

Yurak-qon tomir tizimi tomonidan buzilishlar:

Stenokardiya, taxikardiya, yurak urishini his qilish, bo'yinturuq vena trombozi.

Nafas tizimi tomonidan buzilishlar:

Hansirash, rinit simptomlarini kuchayishi.

Me'da-ichak yo'llari tomonidan buzilishlar:

Ko'ngil, qusish, diareya.

Jigar va o't chiqarish yo'llari tomonidan buzilishlar:

Gepatit, jigar funktsional sinamalarini o'zgarishi.

Buyrak va siydik chiqarish yo'llari tomonidan buzilishlar:

Dizuriya, siydikni tutilishi.

Teri va teri osti to'qimalari tomonidan:

Angionevrotik shish, turg'un dori eritemasi, toshma, qichishish, eshakemi, gipotrixoz, yoriqlar, fotosensibilizasiya.

Skelet-mushak va biriktiruvchi to'qima tomonidan buzilishlar:

Mushaklarda og'riq, artralgiya.

Umumiy buzilishlar:

Periferik shishlar, tana vaznini oshishi.

Boshqalar:

Kesishgan reaktivlik.

Agar yo'riqnomada ko'rsatilgan nojo'ya samaralardan birontasi chuqurlashsa yoki siz yo'riqnomada ko'rsatilmagan har qanday boshqa nojo'ya samaralarni sezsangiz, bu haqida shifokorga xabar bering.

Dozalar orasidagi interval buyrak funktsiyasiga qarab individual ravishda tanlanishi kerak.

Alkogol bilan bir vaqtda qo'llanilganda ehtiyotkorlikka rioya qilish kerak.

Preparat o'zining tarkibida fenilalanin hosilasi hisoblangan aspartam saqlaydi, bu fenilketonuriyasi bo'lgan pasientlar uchun xavf tug'diradi.

Pasientlarda siydikni tutilishiga moyil omillar (masalan orqa miyani shikastlanishi, prostata bezi giperplaziyasi) bo'lganda ehtiyotkorlikka rioya qilish kerak, chunki levosetirizin siydik tutilishi xavfini oshirishi mumkin.

Qichishish, aksirish, burun bitishi, rinoreya (burundan ajralma), ko'z yoshi oqishi, kon'yunktiva giperemiyasi (ko'zlarni qizarishi) kabi yil bo'yi (doimiy davom etuvchi) va mavsumiy (vaqti-vaqti bilan zo'rayuvchi) allergik rinit va allergik kon'yunktivit simptomlarini davolash.

Pollinoz (pichan isitmasi).

Eshakemi (shu jumladan surunkali idiopatik eshakemi).

Teri qichishishi va toshmalar bilan kechuvchi boshqa allergik dermatozlarda qo'llanadi.

Ta'sir etuvchi moddaga, tsetirizinga, gidroksizinga, piperazinning har qanday hosilasiga yoki preparatning har qanday boshqa yordamchi moddasiga yuqori sezuvchanlik.

Buyrak etishmovchiligining terminal bosqichi (Kk <10 ml/minut).

Gomozigot fenilketonuriya (preparat aspartam saqlaydi).

6 yoshgacha bo'lgan bolalarda (ushbu dori shakli uchun) qo'llash mumkin emas.

Ehtiyotkorlik bilan

Surunkali buyrak etishmovchiligida (dozalash tartibiga tuzatish kiritish kerak).

Keksa yoshdagi pasientlarda (kalavalar filtrasiyasini yoshda doir pasayishida).

Orqa miyani shikastlanishi, prostata bezi giperplaziyasi bo'lgan pasientlarda, shuningdek siydikni tutilishiga moyil boshqa omillarni mavjudligida, chunki levosetirizin siydikni tutilishi xavfini oshirishi mumkin.

Alkogol bilan bir vaqtda qabul qilinganda ("boshqa dori vositalari bilan o'zaro ta'siri" bo'limiga qarang).

Homilador va emizish davridagi ayollarga buyurganda ehtiyotkorlikka rioya qilish kerak.

Levosetirizinni boshqa preparatlar bilan o'zaro ta'siri o'rganilmagan. Tsetirizin ratsematini antipirin, azitromisin, tsimetidin, diazepam, eritromisin, glipizid, ketokonazol, soxtaefedrin va fenazon bilan o'zaro ta'sirini o'rganganda klinik ahamiyatli noxush o'zaro ta'sirlar kuzatilmagan.

Teofillin (sutkada 400 mg) bilan bir vaqtda buyurilganda tsetirizinning umumiy klirensi 16% ga pasayadi (teofillinning kinetikasi o'zgarmaydi).

Tadqiqotda ritonavir (600 mg sutkada 2 marta) va tsetirizinni (kuniga 10 mg) bir vaqtda qabul qilganda tsetirizinning ekspozisiyasini 40% ga oshishi, ritonavirning ekspozisiyasini ahamiyatsiz (-11%) o'zgarishi namoyish qilingan.

Bir qator xolatlarda levosetirizinni alkogol yoki Markaziy nerv tizimiga (MNT) susaytiruvchi ta'sir ko'rsatuvchi dori preparatlari bilan bir vaqtda qabul qilganda tormozlanish va ish qobiliyatini yomonlashishini chaqirishi mumkin.

dumaloq shaklli, yassi, qirralari kesilgan, oqdan deyarli oq ranggacha bo'lgan tabletkalar.

Ichga buyuriladi.

Tabletka tilga qo'yiladi, u erda u darrov erishni boshlaydi. To'liq so'rilib ketgunigacha bir necha sekund davomida og'izda ushlab turiladi.

Og'iz bo'shlig'ida dispersiyalanuvchi tabletkalarni qabul qilish albatta suv bilan qabul qilishni talab qilmaydi, so'lak ajralib chiqishini oshishiga ta'sir ko'rsatmaydi, preparatni hulq va nevrologik buzilishlarda yutish faoliyatini og'ishlari bo'lgan pasientlar tomonidan qabul qilish imkonini beradi.

Preparat bilan muomala qilganda maxsus ko'rsatmalar

O'ram folgasidan tabletkani siqib chiqarmang! Og'iz bo'shlig'ida dispersiyalanuvchi tabletkalarni quyidagicha chiqarish kerak:

1. Blisterni bo'lish chizig'i bo'yicha buklash.

2. Folgani qirrasidan ehtiyotkorlik bilan tortib blisterni ochish.

3. Tabletkani ehtiyotkorlik bilan chiqarish.

Kattalar va 6 yoshdan oshgan bolalar

1 tabletka (5 mg) dan sutkada bir marta qabul qilinsin.

Preparatni qabul qilish davomiyligi

Mavsumiy (vaqti-vaqti bilan zo'rayuvchi) rinitni (simptomlarni xaftada 4 kundan kamroq mavjud bo'lishi yoki ularning umumiy davomiyligi 4 xaftadan kam) davolaganda davolash davomiyligi simptomatikaning davomiyligiga bog'liq; simptomlar bartaraf etilganda davolashni to'xtatish va ular paydo bo'lganda takroran boshlash mumkin.

Yil bo'yi (doimiy davom etuvchi) allergik rinitni (simptomlarni xaftada kamida 4 kun mavjud bo'lishi yoki ularning umumiy davomiyligi 4 xaftadan ortiq) davolaganda, davolash allergenlarni ta'sir qilishining butun davomiyligi davomida davom ettirilishi mumkin.

Pollinozni davolash kursi shifokor tomonidan belgilanadi.

Katta pasientlarda 6 oygacha davomiylikda levosetirizinni uzluksiz qo'llashning klinik tajribasi mavjud.

Preparatni faqat yo'riqnomada ko'rsatilgan qo'llash usuli va dozalarda qo'llang.

Qabul qilish o'tkazib yuborilganda dozani ikki marta qabul qilmang, keyingi dozani odatdagi vaqtda qabul qiling.

Agar davolagandan keyin yaxshilanish kuzatilmasa yoki yangi simptomlar paydo bo'lsa, shifokor bilan maslahatlashish kerak.

Pasientlarning alohida guruhlari

Buyrak funktsiyasini buzilishi bo'lgan pasientlar

Levositerizin organizmdan buyraklar orqali chiqarilganligi tufayli, preparatni qo'llaganda buyrak etishmovchiligi darajasiga qarab dozaga tuzatish kiritish kerak.

Kk ko'rsatkichi minutiga 50 - 79 ml/min bo'lganda dozaga tuzatish kiritish talab etilmaydi, kk minutiga 30 dan 49 ml/min gacha bo'lganda tavsiya etilgan doza kunora (48 soatda bir marta) 5 mg (1 tabletka) ni, og'ir darajadagi buyrak etishmovchiligi (kk minutiga 30 ml/min dan kam) bo'lgan pasientlarda tavsiya etilgan doza 3 kunda bir marta (har 72 soatda) 5 mg (1 tabletka) ni tashkil qiladi.

Terminal buyrak etishmovchiligi (kk minutiga 10 ml/min dan kam) bo'lgan pasientlarda preparatni qo'llash mumkin emas.

Buyrak va jigar etishmovchiligi bo'lgan pasientlar

Dozalash yuqorida keltirilgan sxema bo'yicha amalga oshiriladi.

Jigar funktsiyasini buzilishi bo'lgan pasientlar

Jigar funktsiyasini alohida buzilishi bo'lgan pasientlarda dozaga tuzatish kiritish talab etilmaydi.

Buyrak funktsiyasini buzilishi bo'lmagan keksa yoshdagi pasientlar

Dozaga tuzatish kiritish talab etilmaydi.

Simptomlari: uyquchanlik (kattalarda), uyquchanlik bilan almashinuvchi qo'zg'alish va bezovtalik (bolalarda).

Davolash: agar preparatni qabul qilgandan keyin kam vaqt o'tgan bo'lsa, me'dani yuvish va faollashtirilgan ko'mir qabul qilish. Simptomatik va tutib turuvchi davolashni o'tkazish tavsiya etiladi. Spesifik antidoti yo'q. Gemodializ samarasiz.

Homiladorlik

Tsetirizinni homiladorlik vaqtida qo'llash yuzasidan ma'lumotlar deyarli yo'q yoki cheklangan (homiladorlikning 300 dan kamroq yakunlari). Ammo, tsetirizinni, levosetirizin ratsematini homiladorlikda qo'llash (homiladorlikning 1000 dan ortiq yakunlari) rivojlanish nuqsonlari va ona qornida va neonatal toksik ta'sirlar bilan kechmagan. Hayvonlarda o'tkazilgan tadqiqotlarda homiladorlikni kechishi, embrional va fetal rivojlanish, tug'ruq va postnatal rivojlanishga bevosita yoki bilvosita noxush ta'siri aniqlanmagan.

Levosetirizinni homiladorlarga buyurganda ehtiyotkorlikka rioya qilish kerak.

Emizish davri

Tsetirizin, levosetirizin ratsemati ko'krak suti bilan ajraladi. Shuning uchun levosetirizinni ham ko'krak suti bilan ajralishi ehtimoli bor. Emizikli bolalarda levosetirizinga nojo'ya reaktsiyalar paydo bo'lishi mumkin. Shuning uchun levosetirizinni emizish davrida buyurganda ehtiyotkorlikka rioya qilish kerak.

Fertillik

Levosetirizin bo'yicha klinik ma'lumotlar yo'q.