×
×

Mahsulotning ko'rinishi saytdagi rasmdan farq qilishi mumkin.

ROFLOKSAN infuziya uchun eritma 100ml 2mg/ml

Kategoriya:
- Antibiotiklar
Ishlab chiqarilish joyi:
- Turkiya
Faol modda:
Офлоксацин
Ishlab chiqaruvchi:
- Rotapharm Ilaclari Limited Sirketi, Турция произведено: Mefar Ilac Sanayii A.S.
Vakil:
- Rotapharm
ATX kodi:
- J01MA01
Noaniqliq haqida habar berish
Toshkentning 60 ta dorixonasida topildi

ico 12 000 s`om dan

Dorixonalardan izlash
Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
Дори шакли: инфузия учун эритма

Таркиби:

1 мл инфузия учун эритма қуйидагиларни сақлайди:

фаол модда: 2 мг офлоксацин;

ёрдамчи моддалар: натрий хлориди, хлорид кислотаси, инъекция учун сув.

Инфузия учун эритма 100 мл дан рангсиз шиша флаконларда бромбутилкаучук тиқин ва Flip off туридаги мажмуавий алюмин қалпоқча билан беркитилган.

1 флакон тиббиётда қўлланишига доир йўриқномаси билан бирга картон қутига жойланган.

Офлоксацин грамманфий ва граммусбат микроорганизмларга нисбатан кенг антибактериал таъсир доирасига эга бўлган фторхинолонлар гуруҳига мансуб бўлган микробларга қарши восита ҳисобланади. Антибактериал таъсир механизми бактериялардаги ферментлар – ДНК-топоизомераза IV ва ДНК-гиразаларни ингибиция қилиш йўли билан бактериялардаги ДНК репликациясини сусайиши билан ифодаланади. Офлоксациннинг терапевтик дозалари соматик ва вегетатив нерв тизимларига фармакологик таъсир кўрсатмайди.

Офлоксацинга сезгир микроорганизмлар: Staphylococcus aureus (жумладан метициллинга чидамли штаммлари), Staphylococcus epidermidis, Neisseria species, Escherichia coli, Citrobacter, Klebsiella, Enterobacter, Hafnia, Proteus (индол-манфий ва индол-мусбат штаммлари), Salmonella, Shigella, Acinetobacter, Yersinia enterocolitica, Campylobacter jejuni, Aeromonas, Plesiomonas, Vibrio cholerae, Vibrio parahaemolyticus, Haemophilus influenzae, Chlamydiae, Legionella, Gardnerella.

Препаратга ўзгарувчан сезувчанликка эга микроорганизмлар: Streptococcus, Serratia marcescens, Pseudomonas aeruginosa, Clostridium species, Mycoplasma.

Анаэроб бактериялар (Fusobacterium species, Bacteroides species, Eubacterium species, Peptococcus, Peptostreptococcus кабилар), одатда препаратга чидамли.

Офлоксацин Treponema pallidum га нисбатан фаол эмас.

Офлоксацин, вена ичига юборилганидан кейин қон плазмасида максимал концентрациясига 5 минутдан кейин эришади. Плазмадан ярим чиқарилиш даври – 5 соатни ташкил этади. Офлоксацин асосан сийдик билан ўзгармаган ҳолда чиқарилади.

Буйрак етишмовчилигида буйрак клиренси пасаяди.

Ножуш реакцияларни учраш тезлигини қуйида келтирилган кўрсаткичлари қуйидагича аниқланган: тез-те (≥ 1/100, аммо < 1/10), тез-тез эмас (≥ 1/1000, аммо < 1/100), кам ҳолларда (≥ 1/10000, аммо < 1/1000), жуда кам ҳолларда (< 1/10000), учраш тезлиги номаълум (маълумотлар етарли бўлмаганлиги туфайли учраш тезлигини аниқлаш мумкин эмас).

Инфекцион ва паразитар касалликлар: тез-тез эмас – замбуруғли инфекциялар, патоген микроорганизмларни резистентлиги.

Қон ва лимфа тизимлари томонидан: жуда кам ҳолларда – анемия, гемолитик анемия, лейкопения, эозинофилия, тромбоцитопения; учраш тезлиги номаълум – агранулоцитоз.

Иммун тизими томонидан: кам ҳолларда – анафилактик реакциялар, анафилактоид реакциялар, ангионевротик шиш; жуда кам ҳолларда – анафилактик шок, анафилактоид шок.

Моддалар алмашинуви ва озиқлантириш томонидан: кам ҳолларда – анорексия; учраш тезлиги номаълум – қандли диабет билан хасталанган, гипогликемик воситалар билан даволанаётган пациентларда пациентларда гипогликемия, гипергликемия, гипергликемик кома.

Психик бузилишлар: тез-тез эмас – психомотор қўзғалувчанлик, уйқуни бузилиши, уйқусизлик; кам ҳолларда – руҳий бузилишлар (масалан, галлюцинациялар), безовталик, онгни чалкашиши, қўрқувлар, депрессия; учраш тезлиги номаълум – психотик бузилишлар ва депрессия, жумладан суиқасдлик фикрлари ёки ўз жонига қасд қилиш ҳаракатлари, асабийлик.

Нерв тизими томонидан: тез-тез эмас – бош айланиши, бош оғриғи; кам ҳолларда – уйқучанлик, парестезия, дисгевзия, паросмия; жуда кам ҳолларда – периферик сенсор нейропатия, тиришишлар, экстрапирамидал симптомлар ёки мушак тизимининг бошқа бузилишлари; учраш тезлиги номаълум – тремор, дискинезия, хушдан кетишлар.

Кўриш аъзолари томонидан: тез-тез эмас – кўзларни таъсирланиши; кам ҳолларда – кўришни бузилиши; учраш тезлиги номаълум – увеит.

Эшитиш аъзолари томонидан ва лабиринт томонидан бузилишлар: тез-тез – вертиго; жуда кам ҳолларда – қулоқларда шовқин, эшитишни йўқолиши; учраш тезлиги номаълум – эшитишни бузилиши.

Юрак томонидан: кам ҳолларда – тахикардия; учраш тезлиги номаълум – қоринчалар аритмияси, “пируэт” туридаги қоринчалар тахикардияси (QT оралиғини узайиш ҳавфи бўлган пациентларда), ЭКГ да QT оралиғини узайиши.

Қон-томирлари томонидан: тез-тез – флебит; кам ҳолларда – гипотензия; учраш тезлиги номаълум – тахикардия, гипотония ривожланиши мумкин; жуда кам ҳолларда артериал босимни бундай пасайиши жиддий оқибатларга олиб келиши мумкин.

Нафас тизими, кўкрак қафаси ва кўкс оралиғи аъзолари томонидан: тез-тез эмас – йўтал, назофарингит; кам ҳолларда – ҳансираш, бронхоспазм; учраш тезлиги номаълум – аллергик пневмонит, яққол ифодаланган ҳансираш.

Меъда-ичак йўллари томонидан: тез-тез эмас – қоринда оғриқ, диарея, кўнгил айниши, қусиш; кам ҳолларда – энтероколит (айрим ҳолларда геморрагик энтероколит); жуда кам ҳолларда – сохта мембраноз колит, холестатик сариқлик; учраш тезлиги номаълум – панкреатит, қабзият, метеоризм, диспепсия.

Жигар ва ўт чиқариш йўллари томонидан: кам ҳолларда – жигар ферментлари (АЛТ, АСТ, ЛДГ, гамма-глутамилтрансфераза ва/ёки ишқорий фосфатаза) нинг фаоллигини ошиши, қонда билирубиннинг концентрациясини ошиши; учраш тезлиги номаълум – гепатит, ўткир шакли бўлиши мумкин. Офлоксацин қабул қилинганида жигарни оғир шикастланиши, шу жумладан ўткир жигар етишмовчилиги ҳолатлари, баъзида асосан жигар етишмовчилиги бўлган пациентларда ўлимга олиб келган ҳолатлар ҳам қайд этилган.

Тери ва тери ости тўқималари томонидан: тез-тез эмас – қичишиш, тошма; кам ҳолларда – эшакеми, юзни қизариб кетиши, гипергидроз, пустуллёз тошма; жуда кам ҳолларда – кўп шаклли эритема, токсик эпидермал некролиз, фотосенсибилизация реакциялари, қон томирларни шикастланиши оқибатидаги пурпура, васкулит, у жуда кам ҳолларда тери некрозларига олиб келиши мумкин; учраш тезлиги номаълум – Стивенс-Джонсон синдроми, ўткир тарқоқ экзантематоз пустулёз, стоматит, эксфолиатив дерматит.

Скелет-мушак тизими ва бириктирувчи тўқималар томонидан: кам ҳолларда – тендинит; жуда кам ҳолларда – артралгия, миалгия, пайларни узилиши (ахилл пайини) (бошқа фторхинолонлар қўлланганида бўлгани каби ушбу ножўя самара даволаш бошланганидан сўнг 48 соат давомида ривожланиши ва икки томонлама бўлиши мумкин); учраш тезлиги номаълум – рабдомиолиз ва/ёки миопатия, мушакларни заифлиги, пайларни узилиши, артрит.

Буйрак ва сийдик чиқариш йўллари томонидан: кам ҳолларда – қон зардобида креатининнинг концентрациясини ошиши; жуда кам ҳолларда – ўткир буйрак етишмовчилиги; учраш тезлиги номаълум – ўткир интерстициал нефрит.

Туғма, оилавий ва наслий бузилишлар: учраш тезлиги номаълум – порфирияси бўлган беморларда порфирия ҳуружлари.

Умумий бузилишлар ва юборилган жойдаги бузилишлар: тез-тез – юборилган жойда оғриқ ва қизариш; учраш тезлиги номаълум – астения, шу жумладан белда, кўкракда ва қўл-оёқларда оғриқ бўлиши мумкин.

Шубҳа қилинган нохуш реакциялар хақида хабарлар

Дори воситаси қайд этилгандан кейин шубҳа қилинган нохуш реакциялар хақида хабарлар муҳим ҳисобланадилар. Пациентда дори воситасига нисбатан жиддий нохуш реакция аниқланганида ёки ушбу бўлимда таърифланмаган янги нохуш реакция пайдо бўлганида, Миллий фармакологик назорат тизимига мувофиқ хабар беришингизни сўраймиз.

Офлоксацин Pneumococci ёки Mycoplasma томонидан чақирилган пневмония ёки β-гемолитик стрептококклар томонидан чақирилган тонзиллитни даволашда биринчи танлов препарати ҳисобланмайди.

Фторхинолонлар биринчи марта қабул қилинганидан сўнг ўта юқори сезувчанлик ёки аллергик реакцияларнинг кўринишлари намоён бўлиши мумкин; ҳаётга ҳавф туғдирувчи анафилактик ва анафилактоид реакциялар ривожланиши мумкин. Бундай ҳолатларда препаратни қабул қилиш дарҳол тўхтатилади, мувофиқ даволаш буюрилади.

Метициллинга резистент S. aureus (МРТС), эҳтимол, фторхинолонларга, шу жумладан офлоксацинга чидамли. Шунинг учун офлоксацин МРТС чақирган инфекцияларни даволаш учун тавсия этилмаган, лаборатор натижалар асосида микроорганизмларни офлоксацинга сезгирлиги тасдиқланган ва МРТС томонидан чақирилган инфекцияларни даволаш учун одатдаги тавсия этиладиган дори воситалар самарасиз бўлган ҳолатлар бундан мустасно.

Айрим мамлакатларда сийдик йўлларининг инфекциясини чақирувчи энг кенг тарқалган патоген – E. coli ни фторхинолонларга чидамлилиги кузатилади. E. coli ни фторхинолонларга нисбатан маҳаллий чидамлилигига эътибор бериш тавсия этилади.

Офлоксацин қабул қилинганида оғир даражадаги буллёз реакциялар: Стивенс-Джонсон синдроми ёки токсик эпидермал некролизни ривожланиш ҳолатлари кузатилган. Терида ва шиллиқ қаватларда тошмалар пайдо бўлганида пациентлар зудлик билан даволовчи шифокорга мурожаат қилишлари керак.

Clostridium difficile томонидан чақирилган касалликлар

Офлоксацин билан даволаниш вақтида ёки даволангандан кейин (шу жумладан даволангандан сўнг бир неча ҳафтадан кейин) айниқса яққол ифодаланган, доимий ва/ёки қонли ажралмалар аралаш диарея сохта мембраноз колит (CDAD) нинг симптомлари бўлиши мумкин, у оғир ҳолатларда ҳаётга ҳавф туғдириши мумкин. Офлоксацин билан даволаниш вақтида ёки даволангандан кейин пациентларда диарея пайдо бўлганида дифференциал ташхис ўтказиш керак: сохта мембраноз колитга шубҳа қилинганида, офлоксацинни қабул қилиш зудлик билан тўхтатилиши, мувофиқ даволаш (ванкомицин, тиекоплатин ёки метронидазолни перорал қабул қилиш) буюрилиши керак. Ичаклар ҳаракатини сусайтирувчи дори воситаларни қўллаш мумкин эмас.

Тиришишга мойиллиги бўлган пациентлар

Хинолонлар тиришишлар бўсағасини пасайтириши ва тиришишларни чақириши мумкин. Тутқаноқ билан хасталанган пациентларга офлоксацинни қўллаш мумкин эмас, ва бошқа хинолонлар каби, офлоксацинни тиришишларга мойиллиги бўлган пациентларга жуда эҳтиёткорлик билан қўллаш керак. Улар марказий нерв тизимининг аллақачон мавжуд бўлган шикастланишлари бўлган, фенбуфен ва аналогик ностероид яллиғланишга қарши препаратлар ёки тиришиш бўсағасини пасайтирувчи препаратлар, масалан теофиллин қабул қилаётган пациентлар бўлиши мумкин.

Тиришиш ҳуружлари ривожланганида офлоксацин билан даволанишни тўхтатиш керак.

Тендинит

Хинолонларни қабул қилганда кам ҳолларда тендинит кузатилади. Шундай бўлишига қарамай ахилл пайини узилишига олиб келиши мумкин, Тендинит ва пайларни узилиши, баъзида икки томонлама узилиши ҳам офлоксацин билан даволаниш бошланганидан сўнг 48 соат давомида, ҳам даволаш тўхтатилганидан сўнг бир неча ойдан кейин кузатилиши мумкин. Тендинитни ривожланиши ва пайни узилиши ҳавфи 60 ёшдан ошган пациентларда ва кортикостероидларни қабул қилаётган пациентларда ошади. Препаратнинг суткалик дозаси кекса ёшдаги пациентларда креатинин клиренси асосида коррекция қилиниши керак. Офлоксацин юқорида кўрсатилган пациентларга буюрилганида уларни синчиклаб текшириш керак. Тендинитнинг симптомлари ривожланганида пациентлар даволовчи шифокорга мурожаат қилишлари керак. Тендинитга шубҳа қилинганида офлоксацин билан даволаниш зудлик билан тўхтатилади, пайларни мувофиқ равишда даволаш буюрилади.

Буйрак етишмовчилиги бўлган пациентлар

Офлоксацин асосан сийдик билан чиқарилганлиги туфайли, офлоксациннинг дозаси буйрак етишмовчилиги бўлган пациентлар учун тўғриланиши керак.

QT оралиғини узайиши

Жуда кам ҳолларда фторхинолонларни қабул қилаётган пациентларда QT оралиғини узайиши кузатилади. QT оралиғини узайтирувчи маълум ҳавф омиллари, хусусан қуйидагилар бўлган пациентлар фторхинолонлар, жумладан офлоксацинни қабул қилишганида эҳтиёткорлик намоён қилишлари керак:

•     QT оралиғини туғма узайганлик синдроми;

•     офлоксацинни QT оралиғини узайтирувчи препаратлар (аритмияга қарши препаратлар, IA ва III синф трициклик антидепрессантлар, макролидлар, нейролептиклар ва бошқ.) билан бир вақтда қабул қилиш;

•     электролитлар мувозанатини бузилиши (гипокалиемия, гипомагниемия);

•     юрак касалликлари (юрак етишмовчилиги, миокард инфаркти, брадикардия ва бошқ.);

•     кекса пациентлар ва аёллар QTc оралиғини узайтирувчи препаратларга сезгир бўлишлари мумкин, улар фторхинолонлар, жумладан офлоксацинни эҳтиёткорлик билан қабул қилишлари лозим.

Психотик бузилишлари бўлган пациентлар

Фторхинолонларни қабул қилаётган пациентларда психотик реакцияларни ривожланиши кузатилган. Айрим ҳолларда улар зўрайиб, сиуқасдлик фикрлари ёки ҳаракатлари, жумладан ўз жонига қайд қилиш ҳаракатларини чақирган, баъзида бир марталик дозаси қабул қилинганидан сўнг кузатилган. Пациентда ушбу реакцияларни зўрайиши кузатилганида офлоксацинни қўллашни тўхтатиш ва мувофиқ даволашни буюриш керак.

Психотик бузилишлари ёки психотик касалликлари бўлган пациентларга офлоксацин эҳтиёткорлик билан буюрилади.

Жигар етишмовчилиги бўлган пациентлар

Жигар етишмовчилиги бўлган пациентларга офлоксацин эҳтиёткорлик билан буюрилади, чунки жигарни шикастланиши юзага келиши мумкин. Фторхинолонлар қабул қилинганида потенциал жигар етишмовчилиги (шу жумладан ўлим билан якунланувчи жигар етишмовчилиги) га олиб келувчи тез кечувчи гепатит ҳолатлари қайд этилган. Жигар касаллигининг анорексия, сариқлик, сийдик рангини тўқлашиши, қичишиш ёки қоринда оғриқ каби бундай белгилари ва симптомлари ривожланганида даволаш тўхтатилади ва мувофиқ даволаш буюрилади.

К витаминининг антагонистларини қабул қилувчи пациентлар

К витаминининг антагонистлари (варфарин) ва фторхинолонлар, жумладан офлоксацин бир вақтда қабул қилинганида, пациентларда қон ивиши кўрсаткичлари (PT/INR) ошиши ва/ёки қон кетишини кучайиши мумкинлиги кузатилиши мумкин, шунинг учун кўрсатилган дори воситалари бир вақтда қабул қилинганида қон ивиши тизимининг кўрсаткичларини назорат қилиш керак.

Гравис миастенияси

Фторхинолонлар, жумладан офлоксацин нерв-мушакларни блокловчи ҳусусиятларга эга ва гравис миастенияси билан хасталанган пациентларнинг ҳолатини ёмонлаштириши мумкин. Препарат қайд этилгандан кейинги даврда бундай пациентларда жиддий нохуш реакциялар, шу жумладан ҳаёт учун ҳавф туғдирувчи реакциялар кузатилган. Миастения ташхиси қўйилган пациентларга офлоксацинни қўллаш тавсия этилмаган.

Фотосенсибилизацияни олдини олиш

Офлоксацин қабул қилинганида фотосенсибилизация ҳолатлари хақида хабар берилган. Офлоксацин қабул қилаётган пациентларда фотосенсибилизацияни олдини олиш учун даволаниш вақтида ва даволаш тугаганидан сўнг 48 соат давомида қуёш нурлари ва УБ нурланиш таъсиридан сақланиш тавсия этилади.

Суперинфекция

Бошқа антибиотиклар қабул қилинганида бўлгани каби, офлоксацинни айниқса узоқ муддат қўллаш резистент микроорганизмларни ҳаддан ташқари ўсишига олиб келиши мумкин. Даволаниш вақтида иккиламчи инфекция ривожланганида мувофиқ чораларни кўриш керак.

Периферик невропатия

Фторхинолонлар, жумладан офлоксацинни қабул қилганда пациентларда тўсатдан бошланиши мумкин бўлган сенсор ёки сенсомотор периферик нейропатия кузатилган. Нейропатиянинг симптомлари ривожланганида қайтмас ҳолатлар ривожланишини олдини олиш учун офлоксацин қабул қилишни тўхтатиш керак.

Дисгликемия

Барча турдаги хинолонлар қабул қилинганида бўлгани каби, офлоксацин қабул қилинганида ҳам қонга глюкозани тушишини бузилиши кузатилган, бу одатда диабет билан хасталанган, перорал гипогликемик дори воситалар (глибенкламид) ёки инсулин қўллаётган пациентларда гипергликемия ва гипогликемияни ривожланишига олиб келган. Гипогликемик комани юз бериш ҳолатлари қайд этилган. Қандли диабет билан хасталанган беморларга қондаги глюкозанинг даражасини яхшилаб кузатиш тавсия этилади.

Глюкоза-6-фосфатдегидрогеназа танқислиги бўлган пациентлар

Глюкоза-6-фосфатдегидрогеназа танқислиги бўлган пациентларда хинолонлар билан даволанганда гемолитик реакциялар кузатилиши мумкин. Шунинг учун офлоксацинни қабул қилганда гемолизни потенциал ривожланиш ҳавфи борлиги туфайли бу пациентлар даволовчи шифокорда кузатувда бўлишлари керак.

Кўришни бузилиши

Кўриш сусайганида ёки кўриш аъзолари томонидан ҳар қандай бошқа нохуш реакциялар ривожланганида зудлик билан окулист билан маслаҳатлашиш керак.

Лаборатор тадқиқотларнинг натижаларига таъсири

Офлоксацин қабул қилган пациентларда сийдикда опиатлар борлигини аниқлаш таҳлили сохта мусбат бўлиши мумкин. Эҳтимол, таҳлил маълумотларини янада аниқроқ аниқлаш усули билан тасдиқлаш керак.

Ҳомиладорликда ва лактация даврида қўлланиши

Ҳомиладорлик

Ҳомиладор аёлларда офлоксацинни қўллаш бўйича маълумотлар чекланган, ҳомиладорликнинг биринчи уч ойлигида фторхинолонларни қабул қилиш ривожланиш нуқсонларини пайдо бўлиш ҳавфини оширмаган ва ҳомиладорликни кечишига бошқа нохуш таъсирлар кўрсатмаган. Ҳайвонларда ўтказилган тадқиқотларда, ҳомилада бўғим тоғайини, тератоген таъсирисиз, шикастланиши аниқланган.

Лактация

Офлоксацин кўкрак сутига катта бўлмаган миқдорларда ўтади. Гўдакда артропатияни ривожланиши ва жиддий токсик таъсир кўрсатиши мумкинлиги туфайли, лактация вақтида препаратни қабул қилиш мумкин эмас ва офлоксацин билан даволаниш вақтида эмизишни тўхтатиш керак.

Педиатрияда қўлланиши

Рофлоксан 18 ёшгача бўлган болалар ва ўсмирларда қўлланмайди.

Автотранспортни ҳайдаш ва механизмларни бошқариш қобилиятига таъсири

Автомобилни бошқаришда ёки турли механизмларни ишлатишда уйқучанлик, фаолликни бузилиши, бош айланиши ва кўришни бузилиши каби нохуш реакциялар ривожланиши мумкинлигини эътиборга олиш керак. Алкоголь истеъмол қилиш ушбу таъсирларни оғирлаштириши мумкин.

Офлоксацин сезгир микроорганизмлар чақирган қуйидаги инфекцион-яллиғланиш касалликларини даволаш учун кўрсатилган:

-       юқори ва қуйи сийдик йўлларининг касалликлари: қуйи сийдик йўлларининг ўткир ва сурункали инфекцион касалликлари; юқори сийдик йўлларининг ўткир ва сурункали инфекцион касалликлари (пиелонефрит) да қўлланади.

Агар қуйида санаб ўтилган инфекцион касалликларни даволаш учун одатда тавсия этиладиган антибактериал дори воситалари (биринчи қатор даволаш воситалари) самарали бўлмаса, офлоксацин қўлланади:

-       тери ва юмшоқ тўқималарнинг инфекцион касалликлари;

-       сурункали бронхитни зўрайиши;

-       касалхонадан ташқари пневмонияда қўлланади.

•       бошқа хинолонларга ёки препаратнинг ҳар қандай компонентига юқори сезувчанлик;

•       тутқаноқ ва тиришишга тайёргарлик бўсағасини пасайиши;

•       фторхинолонлар қабул қилинганидан кейин тендинитни борлиги;

•       глюкоза-6-фосфатдегидрогеназа танқислиги;

•       18 ёшгача бўлган болалар;

•       ҳомиладорлик ва лактация даврида қўллаш мумкин эмас.

QT оралиғини узайтирувчи дори воситалар

Офлоксацин QT интервалини узайтирувчи препаратлар (аритмияга қарши препаратлар, IA ва III синф трициклик антидепрессантлар, макролидлар, нейролептиклар ва бошқ.) билан бир вақтда ишлатилганида эҳтиёткорлик билан буюрилади.

Антикоагулянтлар

Антикоагулянтлар билан бир вақтда қабул қилинганида узоқ муддат қон кетиши мумкин.

Антацидлар, сукральфатлар, металларнинг катионлари

Магний ва алюминий антацидлари, сукральфат, руҳ ёки темирни препарат билан ёндош қабул қилиш офлоксацинни сўрилишини пасайтириши мумкин. Офлоксацинни бундай препаратларни қабул қилишдан 2 соат олдин қабул қилиш керак.

Теофиллин, фенбуфен ёки бошқа ностероид яллиғланишга қарши воситалар

Офлоксацинни теофиллин билан фармакокинетик ўзаро таъсири аниқланмаган. Бироқ, хинолонлар ва теофиллин, ностероид яллиғланишга қарши препаратлар ёки шундай ҳусусиятларга эга бўлган бошқа дори воситалар бир вақтда қабул қилинганида марказий тиришишга тайёргарлик бўсағасини яққол пасайиши кузатилиши мумкин.

Глибенкламид

Офлоксацин бир вақтда қўлланганида қон зардобида глибенкламиднинг концентрациясини бироз ошишига олиб келиши мумкин. Пациентларда қондаги глюкозанинг концентрациясини назорат қилиш тавсия этилган.

Пробенецид, циметидин, фуросемид ва метотрексат

Пробенецид офлоксациннинг умумий клиренсини 24% га пасайтиради, ва эгри чизиғи остидаги майдонни 16% га оширади. Ушбу механизм буйрак найчалари экскрециясига фаол ўтишини сусайтиради. Офлоксацин буйрак найчалари экскрециясига таъсир қилувчи препаратлар (пробенецид, циметидин, фуросемид, метотрексат ва бошқ.) билан қабул қилинганида эҳтиёткорликка риоя қилиш керак.

К витаминини антагонистлари

К витаминининг антагонистлари (масалан, варфарин) ва фторхинолонлар, шу жумладан офлоксацин бир вақтда қабул қилинганида, пациентларда қон ивиши кўрсаткичларини (PT/INR) ва/ёки қон кетишини ошиши мумкинлиги кузатилиши мумкин. Шунинг учун кўрсатилган дори воситалари бир вақтда қабул қилинганида кумарин ҳосилаларига таъсир қилиши мумкинлиги туфайли, қон ивиши тизимини назорат қилиш керак.

Ёруғликдан ҳимояланган жойда, 25оС дан юқори бўлмаган ҳароратда сақлансин.

Болалар ололмайдиган жойда сақлансин!

Инфузия учун эритмани флакон очилганидан сўнг дарҳол ишлатиш керак.

Яроқлилик муддати

Ишлаб чиқарилган санадан бошлаб 3 йил.

Яроқлилик муддати тугаганидан сўнг қўлланилмасин.

Офлоксацин эритмаси фақат вена ичига секин инфузия қилиш учун мўлжалланган, кунига бир ёки икки марта юборилади. 200 мг дозани камида 30 минут давомида юбориш керак. Бу айниқса, офлоксацин артериал босимни пасайишига олиб келиши мумкин бўлган препаратлар ёки таркибида барбитуратларни сақловчи анестетиклар билан бир вақтда қўлланганида муҳим. Одатда айрим дозаларни тахминан тенг вақт оралиқларида қўллаш керак.

Оғир даражадаги ёки асоратланган инфекцияларда препаратнинг дозаси кунига икки марта 400 мг гача оширилиши мумкин.

Дозаси бўйича умумий тавсиялар

Офлоксацинни дозалаш тартиби инфекциянинг тури ва оғирлигига қараб белгиланади. Катталар учун суткалик бир марталик доза кунига бир марта 400 мг гача бўлган дозани ташкил этади. Бундай ҳолатда офлоксацинни эрталаб юборган афзал.

400 мг дан ортиқ суткалик дозаларни икки марта юборишга бўлиш ва тенг вақтлар оралиғида юбориш керак.

Катталар

Сийдик йўлларининг асоратланган инфекцион касалликлари: кунига 200 мг буюрилади.

Қуйи сийдик йўлларининг инфекциялари: кунига 200 мг буюрилади.

Сепсис: 200 мг кунига икки марта буюрилади.

Тери ва юмшоқ тўқималарнинг инфекцион касалликлари: 400 мг кунига икки марта буюрилади.

Буйрак етишмовчилиги бўлган пациентлар учун дозалаш тартиби

Буйрак етишмовчилиги бўлган пациентлар учун ушбу дори воситасини перорал ёки вена ичига қуйидаги тарзда юбориш тавсия этилган:

Креатинин клиренси

Бир марталик доза, мг*

Вақт оралиғи, соат

минутига 50-20 мл

100-200

24

< 20 мл/мин**

ёки гемодиализ

ёки перитонеал диализ

100

ёки

200

24

 

48


* Қўллаш бўйича кўрсатмалар ёки дозасини қабул қилишлар ўртасидаги интервалга қараб.

** Диализда бўлган оғир даражадаги буйрак етишмовчилиги бўлган пациентларда қон зардобидаги офлоксациннинг концентрациясини текшириш керак.

Катталар креатинин клиренсини аниқлаш имкони бўлмаганида у Крокфорт формуласи бўйича қон зардобидаги креатининнинг даражасини ёрдамида аниқланади:

                                                                                       вазни (кг) х (140 – ёши)

Эркаклар: креатинин клиренси (мл/мин) = ---------------------------------------------------

                                                                             72 х зардобдаги креатинин (мг/дл)

ёки

                                                                                       вазни (кг) х (140 – ёши)

Эркаклар: креатинин клиренси (мл/мин) = ---------------------------------------------------------

                                                                           0,814 х зардобдаги креатинин (мкмоль/л)

 

Аёллар: креатинин клиренси (мл/мин) = 0,85 х (юқорида кўрсатилган қиймат)

 

Жигар етишмовчилиги бўлган пациентлар учун дозалаш тартиби

Тавсия этилган максимал суткалик доза, экскреция қисқариши мумкинлиги туфайли, 400 мг дан кўп бўлмаган офлоксацинни ташкил этади.

Кекса одамлар

Буйрак функцияси нормал бўлганида дозага тузатиш киритиш талаб этилмайди. Буйрак функцияси бузилганида дозага мувофиқ равишда тузатиш киритилиши керак.

Даволашнинг давомийлиги

Даволашнинг давомийлиги инфекциянинг оғирлик даражаси, организмни даволашга нисбатан реакцияси ва умумий клиник манзарасига боғлиқ. Одатда офлоксацин билан вена ичига юбориб даволаш тана ҳарорати пасайгунича ва касалликнинг симптомлари йўқолгунича 3 кундан кўп бўлмайди. Пациент ўзини яхши ҳис қилганида айнан шундай дозани парорал қабул қилишга ўтиш керак. Одатда ўткир инфекцияларни даволашда даволаш курси 7-10 кун давом этади.

Даволашнинг давомийлиги 2 ойдан ошмаслиги керак.

Рофлоксан инфузия учун эритма қуйидаги эритмалар: натрий хлоридининг изотоник эритмаси, Рингер эритмаси, 5% ли глюкоза эритмаси билан мутаносибдир. Гепарин билан номутаносибдир. Фақат янги тайёрланган эритмани ишлатиш лозим.

Дозани ўткир ошириб юборилишини энг яққол белгилари: МНТ функциясини бузилиши симптомлари (онгни чалкашиши, бош айланиши, хушни бузилиши ва тутқаноққа ўхшаш ҳуружлар, галлюцинациялар ва тремор бўлиши мумкин), QT оралиғини узайиши, шунингдек шундай меъда-ичак реакциялари (кўнгил айниши, шиллиқ қаватларда эрозияларни ҳосил бўлиши) бўлиши мумкин.

Жаддалаштирилган диурез организмдан офлоксацинни чиқарилишини тезлаштиради.

Дозаси ошириб юборилганида симптоматик даволаш кўрсатилган. QT оралиғи узайиши мумкинлигини инобатга олиб, ЭКГ назорат қилиш тавсия этилган. Меъданинг шиллиқ қаватини ҳимоя қилиш учун антацидлар буюрилади.

Офлоксациннинг катта бўлмаган қисми гемодиализ ёрдамида чиқарилиши мумкин. Перитонеал диализ ва доимий амбулатор перитонеал диализ самарали эмас. Маълум антидоти мавжуд эмас.

Ҳомиладорлик

Ҳомиладор аёлларда офлоксацинни қўллаш бўйича маълумотлар чекланган, ҳомиладорликнинг биринчи уч ойлигида фторхинолонларни қабул қилиш ривожланиш нуқсонларини пайдо бўлиш ҳавфини оширмаган ва ҳомиладорликни кечишига бошқа нохуш таъсирлар кўрсатмаган. Ҳайвонларда ўтказилган тадқиқотларда, ҳомилада бўғим тоғайини, тератоген таъсирисиз, шикастланиши аниқланган.

Лактация

Офлоксацин кўкрак сутига катта бўлмаган миқдорларда ўтади. Гўдакда артропатияни ривожланиши ва жиддий токсик таъсир кўрсатиши мумкинлиги туфайли, лактация вақтида препаратни қабул қилиш мумкин эмас ва офлоксацин билан даволаниш вақтида эмизишни тўхтатиш керак.

Fikr qoldirish
Baho:
              
Matnni kiriting

Ismingiz
Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish

Mulohazalar

ROFLOKSAN infuziya uchun eritma 100ml 2mg/ml dori vositasi O'zbekiston dori vositalari reestrida ro'yxatdan o'tganmi?
Ha, preparat O'zbekiston dori vositalari reestrida ro'yxatdan o'tgan.
ROFLOKSAN infuziya uchun eritma 100ml 2mg/ml dori vositasi ishlab chiqaruvchisi kim va u qaysi davlatda ishlab chiqarilgan?
ROFLOKSAN infuziya uchun eritma 100ml 2mg/ml dori vositasi Rotapharm Ilaclari Limited Sirketi, Турция произведено: Mefar Ilac Sanayii A.S. tomonidan Turkiya mamlakatida ishlab chiqarilgan.
ROFLOKSAN infuziya uchun eritma 100ml 2mg/ml dori vositasi resept bo’yicha sotiladimi?
ROFLOKSAN infuziya uchun eritma 100ml 2mg/ml dori vositasi resept bo'yicha sotiladigan dori

Analoglar
OKVINOV infuziya uchun eritma 100ml 2mg/ml
FLOKSUROL OFTALMO ko'z tomchilari 5ml 0,3%
YUNIFLOKS ko'z tomchilari i ushnie 10ml 3mg/ml
  • Ishlab chiqarilish joyi: Slovakiya Respublikasi
  • Faol modda: Офлоксацин ko'proq ko'rsatish
  • Ishlab chiqaruvchi: Unimed Pharma spol. S.r.o.
ROFLOKSAN tabletkalari 200mg N10
  • Ishlab chiqarilish joyi: Misr
  • Faol modda: Офлоксацин ko'proq ko'rsatish
  • Ishlab chiqaruvchi: Rotapharm Limited, Великобритания произведено: SEDICO Pharmaceutical Co.
ROFLOKSAN tabletkalari 400mg N10
  • Ishlab chiqarilish joyi: Turkiya
  • Faol modda: Офлоксацин ko'proq ko'rsatish
  • Ishlab chiqaruvchi: Rotapharm Ilaclari Limited Sirketi, Турция произведено: World Medicine Ilaс San. Ve Tic. A.S.
  • Vakil: Rotapharm
OFLOKORT infuziya uchun eritma 100ml 200mg/100ml
  • Ishlab chiqarilish joyi: Hindiston
  • Faol modda: Офлоксацин ko'proq ko'rsatish
  • Ishlab chiqaruvchi: Remedy Group СП OOO
OFLOKSASIN tabletkalari 400mg N10
  • Ishlab chiqarilish joyi: Rossiya Federatsiyasi
  • Faol modda: Офлоксацин ko'proq ko'rsatish
  • Ishlab chiqaruvchi: Синтез, ОАО
Narh: 8 300 so'mdan Batafsil
OFLOKSASIN tabletkalari 200mg N10
  • Ishlab chiqarilish joyi: Rossiya Federatsiyasi
  • Faol modda: Офлоксацин ko'proq ko'rsatish
  • Ishlab chiqaruvchi: Синтез, ОАО
Narh: 4 000 so'mdan Batafsil
OFLOKSASIN infuziya uchun eritma 100ml 2mg/ml
  • Ishlab chiqarilish joyi: O'zbekiston
  • Faol modda: Офлоксацин ko'proq ko'rsatish
  • Ishlab chiqaruvchi: Синтез, ОАО
Narh: 5 520 so'mdan Batafsil
YUNIFLOKS ko'z tomchilari i ushnie 5ml 3mg/ml
  • Ishlab chiqarilish joyi: Slovakiya Respublikasi
  • Faol modda: Офлоксацин ko'proq ko'rsatish
  • Ishlab chiqaruvchi: Unimed Pharma spol. S.r.o.
IZIOFLOKS infuziya uchun eritma 100ml 2mg/ml
SINOFLOKS NEO eritma 100ml 200mg/100ml
  • Ishlab chiqarilish joyi: O'zbekiston
  • Faol modda: Офлоксацин ko'proq ko'rsatish
  • Ishlab chiqaruvchi: Remedy Group СП OOO
Narh: 35 000 so'mdan Batafsil
FLOKSUROL infuziya uchun eritma 100ml 0,2%
Narh: 10 000 so'mdan Batafsil
POLIMIK tabletkalari N10
  • Ishlab chiqarilish joyi: Hindiston
  • Faol modda: Офлоксацин ko'proq ko'rsatish
  • Ishlab chiqaruvchi: Kusum Healthcare Pvt. Ltd.
  • Vakil: Kusum
Narh: 38 000 so'mdan Batafsil
OFLOSTAT NEO infuziya uchun eritma 100ml 200mg/100ml
  • Ishlab chiqarilish joyi: O'zbekiston
  • Faol modda: Офлоксацин ko'proq ko'rsatish
  • Ishlab chiqaruvchi: Remedy Group СП OOO
OFLOKSIM infuziya uchun eritma 100ml
  • Ishlab chiqarilish joyi: O'zbekiston
  • Faol modda: Офлоксацин ko'proq ko'rsatish
  • Ishlab chiqaruvchi: Samarkand England Ecomedical, СП ООО
OFLOKS 200 tabletkalari 200mg N20
  • Ishlab chiqarilish joyi: Eron
  • Faol modda: Офлоксацин ko'proq ko'rsatish
  • Ishlab chiqaruvchi: Exir Pharmaceutical Co.
MR OFLODIK infuziya uchun eritma 100ml 2mg/ml
  • Ishlab chiqarilish joyi: O'zbekiston
  • Faol modda: Офлоксацин ko'proq ko'rsatish
  • Ishlab chiqaruvchi: Merrymed Farm, ООО
OFLODEKS infuziya uchun eritma 100ml 2mg/ml
  • Ishlab chiqarilish joyi: Hindiston
  • Faol modda: Офлоксацин ko'proq ko'rsatish
  • Ishlab chiqaruvchi: Parenteral Drugs (India) Ltd
Narh: 24 000 so'mdan Batafsil
OPLEKS infuziya uchun eritma 100ml 200mg/100ml
  • Ishlab chiqarilish joyi: O'zbekiston
  • Faol modda: Офлоксацин ko'proq ko'rsatish
  • Ishlab chiqaruvchi:
KAFRA tabletkalari 400mg N5
  • Ishlab chiqarilish joyi: Gruziya
  • Faol modda: Офлоксацин ko'proq ko'rsatish
  • Ishlab chiqaruvchi: GM Pharmaceuticals Ltd.
  • Vakil: GMP
Narh: 30 000 so'mdan Batafsil
AKSAFLOKS infuziya uchun eritma 100ml 200mg/100ml
  • Ishlab chiqarilish joyi: Hindiston
  • Faol modda: Офлоксацин ko'proq ko'rsatish
  • Ishlab chiqaruvchi: Axa Parenterals Ltd
ROFLOKSAN tabletkalari 200mg N10
  • Ishlab chiqarilish joyi: Turkiya
  • Faol modda: Офлоксацин ko'proq ko'rsatish
  • Ishlab chiqaruvchi: Rotapharm Ilaclari Limited Sirketi, Турция произведено: World Medicine Ilaс San. Ve Tic. A.S.
  • Vakil: Rotapharm
OFLOD inyeksiya uchun eritma 100ml 200mg/100ml N1
  • Ishlab chiqarilish joyi: Hindiston
  • Faol modda: Офлоксацин ko'proq ko'rsatish
  • Ishlab chiqaruvchi: Ultra Laboratoires Pvt. Ltd.
Ishlab chiqaruvchining dorilari
ASIBROKS inyeksiya uchun eritma 300mg/3ml 3ml N10
  • Ishlab chiqarilish joyi: Turkiya
  • Faol modda: Asetilsistein ko'proq ko'rsatish
  • Ishlab chiqaruvchi: Rotapharm Ilaclari Limited Sirketi, Турция произведено: Mefar Ilac Sanayii A.S.
  • Vakil: Rotapharm
Narh: 75 000 so'mdan Batafsil
RIPRONAT inyeksiya uchun eritma 5ml 100mg/ml N10
  • Ishlab chiqarilish joyi: Turkiya
  • Faol modda: Meldoniy ko'proq ko'rsatish
  • Ishlab chiqaruvchi: Rotapharm Ilaclari Limited Sirketi, Турция произведено: Mefar Ilac Sanayii A.S.
Narh: 84 000 so'mdan Batafsil
TOKSIVENOL inyeksiya uchun eritma 150 mg 150 mg+1,5 mg N10
Narh: 43 000 so'mdan Batafsil
BUMANOL poroshok 10mg N1
Narh: 59 700 so'mdan Batafsil
ASIBROKS inyeksiya uchun eritma 3ml 300mg/3ml N5
  • Ishlab chiqarilish joyi: Turkiya
  • Faol modda: Asetilsistein ko'proq ko'rsatish
  • Ishlab chiqaruvchi: Rotapharm Ilaclari Limited Sirketi, Турция произведено: Mefar Ilac Sanayii A.S.
BUMANOL poroshok 10mg N5
Другие формы препарата
ROFLOKSAN tabletkalari 200mg N10
  • Ishlab chiqarilish joyi: Misr
  • Faol modda: Офлоксацин ko'proq ko'rsatish
  • Ishlab chiqaruvchi: Rotapharm Limited, Великобритания произведено: SEDICO Pharmaceutical Co.
ROFLOKSAN tabletkalari 200mg N10
  • Ishlab chiqarilish joyi: Turkiya
  • Faol modda: Офлоксацин ko'proq ko'rsatish
  • Ishlab chiqaruvchi: Rotapharm Ilaclari Limited Sirketi, Турция произведено: World Medicine Ilaс San. Ve Tic. A.S.
  • Vakil: Rotapharm
ROFLOKSAN tabletkalari 400mg N10
  • Ishlab chiqarilish joyi: Turkiya
  • Faol modda: Офлоксацин ko'proq ko'rsatish
  • Ishlab chiqaruvchi: Rotapharm Ilaclari Limited Sirketi, Турция произведено: World Medicine Ilaс San. Ve Tic. A.S.
  • Vakil: Rotapharm
  • A
  • B
  • D
  • E
  • F
  • G
  • H
  • I
  • J
  • K
  • L
  • M
  • N
  • O
  • P
  • Q
  • R
  • S
  • T
  • U
  • V
  • X
  • Y
  • Z
  • Ch
  • Sh
  • 0-9