DIKLOFENAK 30,0 maz 2%

Ichga qabul qilingandan so‘ng MIYdan absorbtsiya qilinadi. Ovqat qabul qilish so‘rilish tezligini sekinlashtiradi, bunda absorbtsiya darajasi o‘zgarmaydi. Faol moddaning taxminan 50% i jigar orqali "birinchi o‘tish" vaqtida metabolizmga uchraydi. Rektal yuborilganda absorbtsiya sekinroq sodir bo‘ladi. Plazmada Сmax ga erishish vaqti ichga qabul qilingandan so‘ng qo‘llanilayotgan dori shakliga qarab 2-4 soatni, rektal yuborilgandan so‘ng - 1 soatni, m/i yuborilgandan so‘ng - 20 daqiqani tashkil qiladi. Plazmadagi faol modda konsentratsiyasi qo‘llanilayotgan doza kattaligiga chiziqli bog‘liqlikda bo‘ladi.

Kumulyatsiya qilinmaydi. Plazma oqsillari bilan bog‘lanish 99,7% ni tashkil qiladi (asosan albumin bilan). Sinovial suyuqlikka o‘tadi, Cmax plazmadagiga qaraganda 2-4 soat kechroq erishiladi.

Bir nechta metabolitlar hosil bo‘lishi bilan sezilarli darajada metabolizmga uchraydi, ular orasida ikkitasi farmakologik faol, ammo diklofenakka qaraganda kamroq darajada.

Faol moddaning tizimli klirensi taxminan 263 ml/daqiqani tashkil qiladi. Plazmadan T1/2 1-2 soatni, sinovial suyuqlikdan - 3-6 soatni tashkil qiladi. Dozaning taxminan 60% i buyraklar orqali metabolitlar ko‘rinishida chiqariladi, 1% dan kamrog‘i siydik bilan o‘zgarmagan holda ekskretsiya qilinadi, qolgan qismi

Og'riq qoldiruvchi Yallig'lanishga qarshi

Ovqat hazm qilish tizimi tomonidan: ko‘ngil aynishi, qusish, anoreksiya, epigastral sohada og‘riqlar va yoqimsiz hislar, meteorizm, qabziyat, diareya; ayrim hollarda - eroziv-yarali shikastlanishlar, MIY qon ketishlari va perforatsiyasi; kam hollarda - jigar funktsiyasining buzilishi. Rektal yuborilganda yakka hollarda qon ketishi bilan yo‘g‘on ichak yallig‘lanishi, yarali kolitning kuchayishi qayd etilgan.

MNS va periferik nerv tizimi tomonidan: bosh aylanishi, bosh og‘rig‘i, qo‘zg‘alish, uyqusizlik, ta'sirchanlik, toliqish hissi; kam hollarda - paresteziyalar, ko‘rishning buzilishi (xiralashish, diplopiya), quloqlarda shovqin, uyqu buzilishlari, talvasalar, ta'sirchanlik, tremor, ruhiy buzilishlar, depressiya.

Qon yaratish tizimi tomonidan: kam hollarda - anemiya, leykopeniya, trombositopeniya, agranulotsitoz.

Siydik chiqarish tizimi tomonidan: kam hollarda - buyrak funktsiyasining buzilishi; moyilligi bo‘lgan bemorlarda shishlar bo‘lishi mumkin.

Dermatologik reaksiyalar: kam hollarda - soch to‘kilishi.

Allergik reaksiyalar: teri toshmasi, qichishish; ko‘z tomchilari shaklida qo‘llanilganda - qichishish, qizarish, fotosensibilizatsiya.

Jigar, buyrak kasalliklarida, anamnezda M-IT kasalliklarida, dispeptik hodisalarda, bronxial astma, arterial gipertoniya, yurak yetishmovchiligida, jiddiy jarrohlik aralashuvlaridan so'ng darhol, shuningdek keksa yoshdagi bemorlarda alohida ehtiyotkorlik bilan qo'llaniladi.

Anamnezda NYAQV va sulfitlarga allergik reaksiyalar ko'rsatilganda diklofenak faqat kechiktirib bo'lmaydigan hollarda qo'llaniladi. Davolash jarayonida jigar va buyrak funksiyasini, periferik qon manzarasini tizimli nazorat qilish zarur.

Anorektal soha kasalliklari yoki anamnezida anorektal qon ketishlar bo'lgan bemorlarda rektal qo'llash tavsiya etilmaydi. Sirtga faqat terining shikastlanmagan joylariga qo'llash kerak.

Diklofenakni ko'zga (ko'z tomchilaridan tashqari) yoki shilliq qavatlarga tushishidan saqlanish kerak. Kontakt linzalardan foydalanadigan bemorlar ko'z tomchilarini linzalar olinganidan keyin kamida 5 daqiqa o'tgach qo'llashlari kerak.

6 yoshgacha bo'lgan bolalarda qo'llash tavsiya etilmaydi.

Tizimli qo'llash uchun dori shakllari bilan davolash davrida alkogol iste'mol qilish tavsiya etilmaydi.

Avtotransportni va mexanizmlarni boshqarish qobiliyatiga ta'siri

Davolash davrida psixomotor reaksiyalar tezligining pasayishi mumkin. Ko'z tomchilari qo'llanilgandan so'ng ko'rish tiniqligi yomonlashganda avtomobilni boshqarish va boshqa potensial xavfli faoliyat turlari bilan shug'ullanmaslik kerak.

MIY eroziv-yarali shikastlanishlari zo'rayish bosqichida, "aspirin triadasi", kelib chiqishi noma'lum bo'lgan qon yaratish buzilishlari, diklofenakka va qo'llanilayotgan dori shakli komponentlariga yoki boshqa NYaQVlarga yuqori sezuvchanlik

Diklofenak bilan bir vaqtda qo'llanilganda antigipertenziv dori vositalarining ta'siri susayishi mumkin.

Bir vaqtda NYQVS va xinolon qatori antibakterial preparatlarini qabul qilgan bemorlarda tirishishlar paydo bo'lishi haqida yagona xabarlar mavjud.

GKS bilan bir vaqtda qo'llanilganda ovqat hazm qilish tizimi tomonidan nojo'ya ta'sirlar paydo bo'lish xavfi ortadi.

Diuretiklar bilan bir vaqtda qo'llanilganda diuretik ta'sir kamayishi mumkin. Kaliy tejovchi diuretiklar bilan bir vaqtda qo'llanilganda qonda kaliy kontsentratsiyasi oshishi mumkin.

Boshqa NYQVS bilan bir vaqtda qo'llanilganda nojo'ya ta'sirlar rivojlanish xavfi oshishi mumkin.

Qandli diabet bilan og'rigan, diklofenakni gipoglikemik preparatlar bilan bir vaqtda qo'llagan bemorlarda gipoglikemiya yoki giperglikemiya rivojlanishi haqida xabarlar mavjud.

Atsetilsalitsil kislotasi bilan bir vaqtda qo'llanilganda qon plazmasida diklofenak kontsentratsiyasi kamayishi mumkin.