BRAVEKS analoglari

Нохуш реакцияларнинг қуйида ишлатилган учраш тезлигининг параметрлари қуйидаги тарзда белгиланган: тез-тез эмас (≥ 1/1000, лекин < 1/100); кам ҳолларда (≥ 1/10000, лекин < 1/1000); жуда кам ҳолларда (< 1/10000); тез-тезлиги номаълум (маълумотлар етарли бўлмаганлиги туфайли, тез-тезлиги аниқланмаган).

Инфекциялар ва инвазиялар: жуда кам ҳолларда - ностероид яллиғланишга қарши восита (НЯҚВ) ларни қўлланиши билан тўғри келадиган яллиғланиш билан боғлиқ инфекцияларни (масалан, некрозланувчи фасциитни) зўрайиши таърифланган. Бу, эҳтимол, НЯҚВ нинг таъсир механизми билан боғлиқ бўлса керак. Агар инфекция белгилари ибупрофен ишлатилган вақтда ўтиб кетмаса, пациент, кечиктирмай, шифокорга мурожаат қилиши тавсия этилади.

Қон ва лимфа тизими томонидан: жуда кам ҳолларда – қон яратилишини бузилиши (анемия, лейкопения, тромбоцитопения, панцитопения, агранулоцитоз). Бундай бузилишларнинг биринчи белгилари бўлиб, иситма, томоқда оғриқ, оғиз бўшлиғида юзаки яралар, гриппга ўхшаш симптомлар, кучли ҳолсизлик, тушунтириб бўлмайдиган қон кетишлари ва қонталашлар ҳисобланади.

Иммун тизими томонидан: жуда кам ҳолларда – ўта юқори сезувчанликнинг оғир реакциялари.

Бундай бузилишларнинг симптомлари: юз, тил ёки хиқилдоқ шиши, ҳансираш, тахикардия, гипотония (анафилактик реакция, Квинке шиши ёки оғир шок) бўлиши мумкин.

Астма, бронхиал астмани зўрайиши ёки бронхоспазм.

Нерв тизими томонидан: тез-тез эмас – бош оғриғи; тез-тезлиги номаълум - асептик менингит.

Юрак-қон томир тизими томонидан: тез-тезлиги номаълум - шишлар, гипотония ва юрак етишмовчилиги НЯҚВ билан даволаш оқибатида қайд этилган.

Клиник синовларнинг натижалари, ибупрофенни қабул қилиниши, айниқса юқори дозаларда (суткада ≥2400 мг) қабул қилиниши ва артериал тромботик асоратлар (масалан, миокард инфаркти ва инсульт) хавфини бироз ошиши ўртасида ўзаро боғлиқлик борлигини тахмин қилади.

Меъда-ичак йўллари томонидан: тез-тез эмас – қорнда оғриқ, кўнгил айниши ва диспепсия; кам ҳолларда - диарея, метеоризм, қабзият ва қусиш; жуда кам ҳолларда – пептик яраларни ҳосил бўлиши, яра перфорацияси ёки меъда-ичакдан қолн кетишлари, мелена, қон аралаш қусиш, баъзан, айниқса кекса ёшдаги пациентларда ўлим билан якун топади, ярали стоматит, гастрит.

Ярали колитни зўрайиши ва Крон касаллиги.

Жигар ва ўт чиқариш йўллари томонидан: жуда кам ҳолларда - жигар функциясини бузилиши.

Тери қопламалари томонидан: тез-тез эмас – эшакеми ва қичишиш билан кечувчи турли тери тошмалари; жуда кам ҳолларда – эксфолиятив ва буллез дерматитлар, шу жумладан Стивенс-Джонсон синдроми, кўп шаклли эритема ва токсик эпидермал некролиз каби тери реакцияларининг оғир шаклларини ривожланиши; тез-тезлиги номаълум – камдан-кам ҳолларда жиддий тери инфекциялари ва сувчечак вақтида юмшоқ тўқималарнинг асоратлари ривожланиши мумкин.

Буйрак ва сийдик чиқариш йўллари томонидан: жуда кам ҳолларда – ўткир буйрак етишмовчилиги, папилляр некроз, айниқса узоқ муддат қўлланганда, шишлар ва қон зардобида мочевинани даражасини ошиши билан боғлиқ кечади.

Шубҳа қиқлинган нохуш реакциялар тўғрисида хабарлар

Дори воситаси рўйхатдан ўтказилганидан кейин тушувчи шубҳа қиқлинган нохуш реакциялар тўғрисидаги хабарлар муҳим ҳисоланади. Пациентда дори воситасига нисбатан жиддий нохуш реакцияси аниқланганда ёки мазкур бўлимда таърифланмаган янги нохуш реакция пайдо бўлганида, Миллий фармакоогоҳлик тизими талабига мувофиқ хабардор қилишингизни сўраймиз.

Nojo'ya ta'sirlar quyidagi aniqlagichlardan foydalanilgan holda uchrash tez-tezligi bo'yicha tasniflangan: juda tez-tez (har 10 pasientdan 1 nafaridan ko'pida), tez-tez (har 100 pasientdan 1-10 nafaridan ko'pida), tez-tez emas (har 1000 pasientdan
1-10 nafaridan ko'pida), kam hollarda (har 10 000 pasientdan 1-10 nafaridan ko'pida), juda kam hollarda (har 10 000 pasientdan 1 nafaridan kamida), tez-tezligi noma'lum (mavjud ma'lumotlar asosida aniqlashning iloji yo'q).

Infektsion va parazitar kasalliklar:

Juda kam hollarda: nosteroid yallig'lanishga qarshi preparatalarni qo'o'lash bilan bog'liq bo'lgan infektsion-yallig'lanish reaktsiyalari haqida aytib o'tilgan (masalan, nekrotik fassiitning paydo bo'lishi). Ehtimol, bu nosteroid yallig'lanishga qarshi preparatlarning ta'sir qilish mexanizmi bilan bog'liq. Agar preparatni qo'llash vaqtida infektsiya simptomlari paydo bo'lsa yoki kuchaysa, pasient darhol shifokorga murojaat qilishi kerak. Infektsiyalarga qarshi davolashni qo'llashga (antibiotikoterapiya) ko'rsatma borligini baholash zarur.

Ibuprofenni qo'llash vaqtida boshning ensa qism mushaklarining rigidligi, bosh og'rig'i, ko'ngil aynishi, qusish, isitmali titroq yoki ong buzilishlari bilan kechuvchi aseptik meningit simptomlari kuzatilgan. Aftidan, bunga moyillikni autoimmun buzilishlari bo'lgan pasientlar namoyon qilishadi (SLE, bog'lovchi to'qimaning aralash kasalligi).

Qon va limfa tizimi tomonidan buzilishlar:

Juda kam hollarda: qon morfologiyasi ko'rsatkichlarining buzilishi (kamqonlik, leykopeniya, trombositopeniya, pantsitopeniya, agranulositoz). Ilk simptomlar bo'lib isitmali titroq, tomoqdagi og'riq, sirtqi stomatit, grippsimon simptomlar, toliqish, burundan qon ketishi va teri qon ketishlari hisoblanadi. Uzoq muddatli muolajada qon morfologiyasi ko'rsatkichlarini muntazam tekshirib turish kerak.

Immun tizimi tomonidan buzilishlar:

Tez-tez emas: teri toshmasi va qichishish bilan kechuvchi allergik reaktsiyalar, shuningdek bo'g'ilish hurujlari (arterial bosimning pasayishi bilan birgalikda sodir bo'lishi mumkin). Bunday holatlarda darhol shifokorga murojaat qilish va Ibufen®Forte ni boshqa qabul qilmaslik kerak.

Juda kam hollarda: tizimli og'ir allergik reaktsiyalar. Ular yuz shishi, til shishi, nafas yo'llari o'tkazuvchanligining buzilishi bilan kechuvchi dimoqning ichki shishi, nafas etishmovchiligi, taxikardiya, arterial bosimning pasayishi, jumladan hayot uchun xavf soluvchi shok ko'rinishlarida yuzaga chiqishi mumkin.

Agar preparatni ilk qo'llagandan so'ng yuzaga chiqishi mumkin bo'lgan yuqorida ko'rsatilgan simptomlardan biri paydo bo'lsa, shoshilinch tibbiy yordam zarur.

Ruxiyat buzilishlari:

Juda kam hollarda: psixotik reaktsiyalar, depressiya.

Nerv tizimi tomonidan buzilishlar:

Tez-tez emas: bosh og'rig'i, bosh aylanishi, uyqusizlik, uyquchanlik, hayajon, ta'sirchanlik va charchoq hissi.

Ko'rish a'zosi tomonidan buzilishlar:

Tez-tez emas: ko'rishning buzilishi.

Eshitish a'zosi tomonidan buzilishlar va labirint buzilishlar:

Kam hollarda: quloqlarda shovqin.

Yurak tomonidan buzilishlar:

Juda kam hollarda: yurak urishini his qilish, yurak etishmovchiligi.

Qon-tomirlar tomonidan buzilishlar:

Juda kam hollarda: arterial gipertenziya.

Me'da-ichak yo'llari tomonidan buzilishlar:

Tez-tez: jig'ildon qaynashi, qorinda og'riq, ko'ngil aynishi, qusish, ich ketishi, gaz ajralishi bilan kechuvchi meteorizm, qabziyat va juda kam hollardan kamqonlikka olib kelishi mumkin bo'lgan me'da-ichak yo'llaridan kuchsiz qon ketishi.

Tez-tez: potentsial ravishda qon ketishlar va perforasiya bilan kechuvchi me'da-ichak yo'llarining yaralanishlari. Yarali stomatit, kolitning zo'rayishi va Kron kasalligi, gastrit.

Juda kam hollarda: ezofagit, pankreatit, ichakning membranoz torayishlarining hosil bo'lishi.

Qorinning quyi qismida o'tkir og'riq, qatronsimon axlat yoki qon aralash qusish paydo bo'lgan holatda preparatni qabul qilishni to'xtatish va darhol shifokorga murojaat qilish kerak.

Jigar va safro chiqarish yo'llari tomonidan buzilishlar:

Juda kam hollarda: jigar faoliyatining buzilishi, ayniqsa davomiy qo'llanganda; jigar etishmovchiligi, o'tkir gepatit.

Teri va teri osti to'qimalari tomonidan buzilishlar:

Tez-tez emas: turli teri toshmalari.

Juda kam hollarda: eksfoliativ dermatit, bullyoz reaktsiyalar, jumladan Stivens-Djonson sindromi, toksik epidermal nekroliz kabi og'ir teri reaktsiyalari.

Yakka holatlarda, suvchechak virusi bilan zararlanganda yumshoq to'qimalarga taalluqli og'ir teri infektsiyalari va asoratlari paydo bo'lishi mumkin.

Tez-tezligi noma'lum: preparatning eozinofiliya va tizimli simptomlar bilan birga kechuvchi reaktsiyalari (DRESS sindromi), o'tkir umumiy ekzantematoz pustulez (AGEP). yorug'likka yuqori sezuvchanlik reaktsiyasi.

Buyraklar va siydik chiqarish yo'llari tomonidan buzilishlar:

Kam hollarda: buyrak to'qimalarining shikastlanishlari (nekrotik papillit) va qonda siydik kislotasi kontsentrasiyasining ortishi ham sodir bo'lishi mumkin.

Juda kam hollarda: shishlar paydo bo'lishi, ayniqsa arterial gipertenziya yoki buyrak etishmovchiligi bo'lgan pasientlarda; nefrotik sindrom, o'tkir buyrak etishmovchiligi bilan birga kechishi mumkin bo'lgan interstisial nefrit. Shuning uchun buyraklar funktsiyasini muntazam tekshirib turish kerak.

Klinik tadqiqot natijalari shuni ko'rsatadiki, ibuprofenni ayniqsa yuqori dozalarda (2400 mg/sutka) qo'llash arterial trombotik asoratlarning ahamiyatsiz ortish xavfi bilan bog'lanishi mumkin (masalan, miokard infarkti yoki insult).

Istalgan, jumladan yo'riqnomada keltirilmagan nojo'ya (noodatiy) samaralarning paydo bo'lganligi haqida davolovchi shifokorga xabar berish kerak.