ALKA-ZELTSER tabletkalari N10

Таъсир этувчи модда: ацетилсалицил кислотаси 324 мг.

Ёрдамчи моддалар: сувсиз лимон кислотаси, натрий гидрокарбонати, повидон 25, натрий сахарини, лимон ароматизатори, лайм ароматизатори, диметикон, кальций силикати, натрий докузати, натрий бензоати.

Ацетилсалицил кислотаси оғриқ қолдирувчи, иситмани туширувчи ва яллиғланишга қарши таъсирга эга кислота ҳосил қилувчи ностероид яллиғланишга қарши моддалар гуруҳига мансуб. Унинг таъсир механизми простагландинлар синтезида иштирок этувчи циклооксигеназ энзимларини қайтмас ингибиция қилиш билан боғлиқ.

Ацетилсалицил кислотаси 0,3 ва 1,0 г ичга қабул қилиш учун дозаларда енгилдан ўртача жадалликдаги бош оғриғи ва тана ҳароратини ошишида, масалан: шамоллаш ва гриппда, тана ҳароратини пасайтириш учун ва мушакдаги оғриқлар ва бўғимлардаги оғриқни даволаш учун қўлланади.

Шундай даражада ревматоид артрит, остеоартроз ва анкилозловчи спондилоартрит каби ўткир ва сурункали яллиғланиш касалликларини даволаш учун ҳам қўлланади. Ацетилсалицил кислотаси тромбоцитлар агрегациясини ингибиция қилади, чунки тромбоцитларда тромбоксан А2 синтезини блоклайди. Шунинг учун юрак-қон томир касалликларининг турли белгиларида кунига 75 дан 300 мг гача буюрилади.

2 таблеткадан алюмин фольга билан ламинация қилинган қоғоз стрипда; 5 стрипдан йўриқномаси билан картон қутига жойланган.

Қуйидаги тасниф нохуш реакцияларни юзага келиши тез-тезлигини баҳолаш учун қўлланади: жуда тез-тез – 10 нафар одамдан 1 тадан кўпроғида юзага келиши мумкин, тез-тез – 10 нафар одамдан 1 тадан камроғида юзага келиши мумкин, тез-тез эмас - 100 нафар одамдан 1 тадан камроғида юзага келиши мумкин, кам холларда - 1000 нафар одамдан 1 тадан камроғида юзага келиши мумкин, жуда кам холларда - 10000 нафар одамдан 1 тадан камроғида юзага келиши мумкин ва тез-тезлиги номаълум – мавжуд маълумотлар асосида юзага келиш тез-тезлигини баҳолаб бўлмайди.

Қон ва лимфатик тизим томонидан бузилишлар: кам холларда ва жуда кам холларда – жиддий қон кетишлар, масалан, церебрал қон қуйилишлар, айниқса аниқланмаган қон босимини ошиши бўлган пациентларда ва/ёки антикоагулянтлар бидан бир вақтда даволаганда, бу айрим холатларда ўлимга олиб келиши мумкин.

Қон ивиши вақтини узайииши билан кечиши мумкин бўлган бурундан қон кетиши, милкларни қонаши, теридан қон кетиши ёки урогенитал йўллардан қон кетиши. Препаратни қабул қилиш тўхтатилдан кейин 4-8 кун ўтгач самара тўхтайди.

Глюкозо-6-фосфатдегидрогеназани жиддий танқислиги бўлган пациентларда гемолиз ва гемолитик анемия ҳақида хабар берилган.

Меъда-ичак йўллари томонидан бузилишлар: кам холларда – жиғилдон қайнаши; кўнгил айниши; қусиш; қоринда оғриқ, меъда яраси, у кам холларда перфорацияга олиб келиши мумкин; меъда-ичакдан қон кетиши, у айрим холатларда темир танқислиги анемиясига олиб келиши мумкин; меъда-ичак йўлларини яллиғланиши.

Нерв тизим томонидан бузилишлар: бош оғриғи, бош айланиши, эшитишни бузилиши, қулоқларда шовқин (тиннитус) ва онгни чалкашиши дозани ошириб юборилиши симптомлари бўлиши мумкин (“Дозани ошириб юборилиши” бўлимига қаранг).

Тери ва тери ости тўқималари томонидан бузилишлар: тез-тез эмас – тери реакциялари кўринишидаги аллергик реакциялар; кам холларда – оғир тери реакциялари кўринишидаги аллергик реакциялар (ҳатто кўп шаклли экссудатив эритемагача).

Иммун тизими томонидан бузилишлар: кам холларда – нафас йўллари, МИЙ ва юрак-қон томир тизимининг аллергик реакциялари, энг аввало астмаси бўлган пациентларда. Қуйидагилар симптомлари бўлиши мумкин: қон босимини пасайиши, бўғилиш холатлари, ринит, бурун битиши, анафилактик шок ёки Квинке шиши.

Жигар ва ўт чиқариш йўллари томонидан: жуда кам холларда – жигар кўрсаткичларини ошиши.

Буйрак ва сийдик чиқариш йўллари томонидан бузилишлар: буйракни функционал бузилишлари ва ўткир буйрак етишмовчилиги.

Нохуш реакциялар ҳақида хабар бериш.

Агар Сизда бирон-бир нохуш реакциялар кузатилса, шифокор билан маслаҳатлашинг. Ушбу тавсия ҳар қандай кузатилиши мумкин бўлган нохуш реакцияларга, шу жумладан йўриқномада санаб ўтилмаган нохуш реакцияларга тааллуқли. Сиз шунингдек дори препаратларига нохуш реакциялар (таъсирлар) бўйича информацион маълумотлар базаси орқали нохуш реакциялар ҳақида, шу жумладан дори препаратларининг самарасизлиги ҳақида хабар беришингиз мумкин. Нохуш реакциялар ҳақида хабар бериб, Сиз препаратнинг хавфсизлиги тўғрисида кўпроқ маълумот олишга ёрдам берасиз.

Кучсиздан ўртача даражадаги оғриқлар.

Тана ҳароратини ошишида қўлланади.

Болалар ва ўсмирларда қўлланилишига кўрсатмаларга эътибор беринг («Эҳтиёткорлик чоралари» бўлимига қаранг).

АСК ва бошқа НЯҚВ ёки препаратнинг бошқа компонентларига юқори сезувчанлик; фаол пептик яра; геморрагик диатез; хафтада 15 мг ва ундан юқори дозада метотрексат билан бирга қўллаш; салицилатлар ёки бошқа НЯҚВ қабул қилиш чақирган астма; оғир даражадаги сурункали буйрак ва/ёки жигар етишмовчилиги; оғир даражадаги сурункали юрак етишмовчилиги; ҳомиладорлик (III уч ойлик); болалар ва 15 ёшгача бўлган ўсмирларда қўллаш мумкин эмас.

Яллиғланишга қарши агентлар томонидидан метотрексатнинг буйрак клиренсини пасайиши ва уни қон плазмасидаги оқсиллар билан боғидан сиқиб чиқарилганлиги туфайли, метотрексатнинг гепатотоксиклиги кучаяди.

Гипогликемик препаратлар, гепарин, сульфаниламидлар, трийодтиронин, резерпиннинг самарасини кучайтиради.

Антикоагулянтлар, тромболитиклар ва тромбоцитлар агрегацияси ингибиторлари қон кетиши хавфини оширади.

Серотонинни қайта қамраб олишнинг селектив ингибиторлари ва бошқа НЯҚВ юқори дозаларда синергия самараси туфайли меъда-ичакда яра пайдо бўлиши ва қон кетиши ривожланиши хавфини оширади.

Буйрак экскрецияси пасайиши туфайли қон плазмасида дигоксин, барбитуратлар ва литий препаратларининг концентрацияси ошади.

Антидиабетик препаратлар (масалан инсулин, сульфонилмочевина) гипогликемик самарани оширади.

Диуретиклар юқори дозадаги АСК билан бирга ва ангиотензинга айлантирувчи фермент ингибиторлари калавалар фильтрациясини пасайтиради.

Тизимли глюкокортикостероидлар даволаш жараёнида қон плазмасида салицилатларнинг даражасини пасайтиради, қўллаш якунлангандан кейин эса – салицилатлар дозасини ошириб юборилиши хавфини оширади: меъда-ичак йўллари томонидан ножўя самаралар ривожланиши хавфи ошади.

Вальпроат кислотасини қон плазмасидаги оқсиллар билан боғидан сиқиб чиқарилиши оқибатида унинг токсиклиги ошади.

Алкоголь МИЙ шиллиқ қаватига шикастловчи таъсирини оширади, меъда-ичакдан қон кетиши ривожланиши хавфини оширади.

Урикозурик препаратлар (масалан бензбромарон, пробенецид), гипотензив воситалар ва диуретикларнинг самарасини пасайтиради.

Магний ва/ёки алюмин гидроксиди сақловчи антацидлар АСК сўрилишини секинлаштиради ва қийинлаштиради.

Таблетка/таблеткаларни бир стакан сувда эритилади ва қабул қилинади.

Катталар ва 15 ёшдан ошган ўсмирлар: бир марталик доза 1-2 вишилловчи таблеткани ташкил қилади, максимал суткалик доза 8 таблеткадан ошмаслиги керак. Зарурати бўлганида бир марталик дозани 4-8 соатлик интервал билан суткада 3 мартагача қабул қилиш мумкин.

Кекса одамлар учун: одатдаги доза 1 таблеткани ташкил қилади, кучлироқ оғриқ ёки иситма холатида 2 таблетка қабул қилинади. Иккила холатда ҳам зарурати бўлганида қабул қилишни такрорлаш мумкин, аммо 4 соатдан эрта эмас. Максимал суткалик доза 4 таблеткани ташкил қилади.

Кекса одамларда интоксикациядан сақланиш керак (терапевтик дозани ошириб юборилиши ёки катта интоксикация ўлимга олиб келиши мумкин).

Ўртача оғирлик даражасидаги дозани ошириб юборилиши симптомлари: кўнгил айниши, қусиш, қулоқларда шовқин, эшитишни бузилиши, бош оғриғи, бош айланиши ва онгни чалкашиши. Препаратнинг дозаси пасайтирилганда ушбу симптомлар ўтиб кетади.

Оғир даражадаги дозани ошириб юборилиши: иситма, гипервентиляция, кетоз, респиратор алкалоз, метаболик ацидоз, кома, кардиоген шок, нафас етишмовчилиги, яққол гипогликемия.

Даволаш: госпитализация, лаваж, фаоллаштирилган кўмир қабул қилиш, кислота-ишқор мувозанатини мониторинги, ишқорий диурез, гемодиализ, йўқотилган суюқлик ўрнини тўлдириш, симптоматик даволаш.

Простагландинлар синтези ингибиторлари ҳомиладорликни кечиши ва/ёки эмбрион/ҳомилани ривожланишига салбий таъсир кўрсатиши мумкин. Ҳомиладорликнинг эрта муддатларида бола ташлаш ва нуқсонларни ривожланиши хавфи препаратнинг дозасини ва қабул қилиш давомийлиги ошириш билан бирга ортиб боради.

Ҳомиладорликнинг 3-чи уч ойлиги давомида қуйидаги хавфлар кузатилиши мумкин: буйрак дисфункцияси, у оқибатда буйрак етишмовчилиги ва камсувликка; ҳомилада – юрак-ўпка токсиклигига олиб келиши мумкин. Ҳомиладорликнинг сўнги ойларида онади ва болада – қон ивиши ошиши мумкин; антиагрегацион самара; туғруқ тўлғоқларини сусайиши.

Салицилатлар ва уларнинг метаболитлари оз миқдорда кўкрак сутига киради, бу тромбоцитлар функциясини издан чиқиши туфайли болада қон кетиши хавфини оширади. Препаратни тўсатдан (бир марта) қабул қилгандан кейин чақалоққа нохуш таъсири холатлари хозирги кунгача қайд этилмаганлиги туфайли, эмизишни тўхтатиш зарурати йўқ. Аммо мунтазам қабул қилганда ёки юқори дозаларни қабул қилганда эмизишни тўхтатиш керак.

Циклооксигеназа/простагландинлар синтезини ингибиция қилувчи медикаментлар аёллар фертиллигини издан чиқишига олиб келади, чунки овуляция жараёнига таъсир кўрсатади. Даволаш тўхтатилгандан кейин ушбу жараён қайтувчандир.

Препаратни қуйидаги холатларда алоҳида эҳтиёткорлик билан қўллаш керак:

Бошқа анальгетиклар/яллиғланишга қарши/ревматизмга қарши воситалар ёки бошқа аллерген воситаларга юқори сезувчанлик; АСК бронхоспазм, бронхиал астма хуружи чақириши мумкин, айниқса аллергия (масалан тери реакцияси, қичишиш, эшакеми), анамнезида бронхиал астма, пичан тумови, бурун полипозида, сурункали бронх-ўпка касалликлари бўлганида; антикоагулянтлар билан бир вақтда даволаш; анамнезида меъдадан ёки меъда-ичакдан қон кетиши; жигар функциясини чекланиши; буйрак функциясини чекланиши ёки юрак-қон томирда қон айланишини пасайиши бўлган пациентлар учун: АСК буйракнинг функционал бузилишлари ёки ўткир буйрак етишмовчилиги хавфини ошириши мумкин; операциядан олдин (тишни олиб ташлаш каби катта бўлмаган аралашувларда ҳам) қон кетишига мойилликни ошириши мумкин; глюкозо-6-фосфатдегидрогеназа танқислигини ошиши бўлган пациентлар учун: АСК гемолиз ёки гемолитик анемияга олиб келиши мумкин. Юқори доза, тана ҳароратини ошиши ёки ўткир инфекцияларда гемолиз хавфи ошади.

Алка-Зельтцер препаратининг бир таблеткаси 477 мг натрий сақлайди, буни натрийни истеъмол қилиш назоратланган парҳезда эътиборга олиш керак.

Мойиллиги бўлган тегишли пациентларда натрий бензоати терида ва шиллиқ қаватларда таъсирланиш шаклида аллергик реакцияларга олиб келиши мумкин. Оғриқ қолдирувчи воситаларни узоқ вақт қабул қилганда бош оғриғи юзага келиши мумкин, улар препаратни такроран қабул қилишга олиб келади, бу давомли бош оғриқларини такроран чақириши мумкин.

Оғриқ қолдирувчи воситаларни қабул қилиш буйрак етишмовчилиги (анальгетик нефропатия) хавфи билан кечувчи буйрак томонидан бузилишларга олиб келиши мумкин. Ушбу хавф айниқса турди оғриқ қолдирувчи воситаларни мажмуавий қабул қилганда ошади.

АСК паст дозаларда сийдик кислотасини чиқарилишини пасайтиради. Диурезни пасайиши хавфи бўлган пациентларда подаграни зўрайиши кузатилиши мумкин.

15 ёшдан ошган ўсмирлар АСК ни фақат шифокор кузатуви остида ва фақат бошқа препаратлар самарасиз бўлганда қўллаш керак. Болалар ва 15 ёшдан кичик ўсмирларда АСК ни А типдаги грипп, В типдаги грипп, сувчечак каби вирусли касалликларда қўллаганда Рейе синдроми ривожланиши хавфи мавжуд. Рейе синдроми симптомлари бўлиб давомли қусиш, ўткир энцефалопатия, жигарни катталашиши ҳисобланади.