DIKLOFENAK maz 30g 10%

Teri orqali so‘riladigan diklofenak miqdori ishlov beriladigan sirt maydoniga proporsional bo‘lib, ham surtiladigan preparatning umumiy dozasiga, ham terining gidratatsiya darajasiga bog‘liq. Diklofenakning plazma oqsillari bilan bog‘lanishi 99,7% ni, asosan albuminlar bilan (99,4%) tashkil qiladi. Diklofenak asosan yallig‘lanishga uchragan to‘qimalarda, masalan, bo‘g‘imlarda taqsimlanadi va chuqur ushlanib qoladi, u yerda uning konsentratsiyasi plazmadagiga qaraganda 20 baravar yuqori.

Diklofenak metabolizmi qisman o‘zgarmagan molekulani glyukuronizatsiya qilish yo‘li bilan, lekin asosan bir marta va ko‘p marta gidroksilanish orqali amalga oshiriladi, bu bir nechta fenol metabolitlari hosil bo‘lishiga olib keladi, ularning ko‘pchiligi glyukuronid kon’yugatlariga aylanadi. Ikkita fenol metaboliti biologik faol, ammo diklofenakka qaraganda ancha kam darajada.

Diklofenakning umumiy tizimli plazma klirensi 263±56 ml/daqiqani tashkil qiladi.

Yakuniy T_{1-2 soatni tashkil qiladi. Metabolitlarning T, shu jumladan ikkita farmakologik faol metabolitniki ham qisqa bo‘lib, 1-3 soatni tashkil qiladi. Metabolitlardan biri (3'-gidroksi-4'-metoksidiklofenak) uzoqroq T ga ega, ammo bu metabolit butunlay nofaol. Diklofenak va uning metabolitlarining katta qismi siydik bilan chiqariladi.}

Farmakologik xususiyatlari Sirtqi qo'llash uchun nosteroid yallig'lanishga qarshi preparat. Mahalliy yallig'lanishga qarshi va analgetik ta'sir ko'rsatadi. COX-1 va COX-2 ni tanlamasdan susaytirib, arxidon kislotasi metabolizmini buzadi va prostaglandinlar biosintezini bostiradi. Yallig'lanish jarayonida qo'llash og'riq sindromi va to'qimalar shishining kamayishiga yoki bartaraf etilishiga olib keladi.

Nojo‘ya reaksiyalar tez-tezligini aniqlash: juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/10 000, <1/1000) va juda kam hollarda (<10 000), tez-tezligi noma'lum (mavjud ma'lumotlar asosida uchrash tezligini aniqlab bo‘lmaydi).

Infektsion va parazitar kasalliklar: juda kam hollarda - pustulyoz toshmalar.

Immun tizimi tomonidan: juda kam hollarda - generalizatsiyalangan teri toshmasi, allergik reaksiyalar (eshakemi, o‘ta yuqori sezuvchanlik: angionevrotik shish).

Nafas olish tizimi va ko‘krak qafasi a'zolari va ko‘ks oralig‘i tomonidan: juda kam hollarda - bo‘g‘ilish xurujlari, bronxospastik reaksiyalar.

Teri qoplamalari tomonidan: tez-tez - eritema, dermatitlar, sh.j. kontakt dermatit (simptomlari: ekzema, qichishish, ishlov berilgan teri sohasining shishi, toshma, papulalar, vezikulalar, po‘st tashlash); kam hollarda - bullyoz dermatit; juda kam hollarda - fotosensibilizatsiya reaksiyalari.

Faqat terining shikastlanmagan joylariga surtilsin.

Preparatni ko'zga, shilliq qavatlarga yoki ochiq jarohatlarga tushishidan saqlanish kerak.

Havo o'tkazmaydigan (okklyuzion) bog'lamlar ostida ishlatish kerak emas.

Preparatning ko'p miqdorini sezgir terining katta yuzalariga uzoq vaqt davomida surtishda ehtiyotkorlik zarur. Diklofenakning boshqa dori shakllari bilan qo'llanilganda yig'indi maksimal sutkalik dozani hisobga olish kerak.

Qo'llash davrida quyoshda uzoq vaqt bo'lishdan saqlanish kerak.

"Aspirin triadasi" (atsetilsalitsil kislotasi yoki boshqa NYaQVlarni qabul qilganda bronxial astma xurujlari, eshakemi va o'tkir rinit); preparat suriladigan joyda teri qoplamalari butunligining buzilishi; homiladorlikning III trimestri; laktatsiya davri (emizish); qo'llanilayotgan preparatga qarab 6 yoshgacha va undan katta bolalar; diklofenakka, boshqa NYaQVlarga yoki qo'llanilayotgan preparatning yordamchi moddalaridan birortasiga yuqori sezuvchanlik.

Ehtiyotkorlik bilan: jigar porfiriyasi (zo'rayish bosqichida); MIY eroziv-yarali shikastlanishlari; jigar va buyrak funksiyalarining og'ir buzilishlari; surunkali yurak yetishmovchiligi; bronxial astma; qon ivishining buzilishi (shu jumladan gemofiliya, qon ketish vaqtining uzayishi, qon ketishga moyillik); homiladorlikning I va II trimestrlari; keksa yoshdagi bemorlar.

Fotosensibilizatsiyani chaqiruvchi dori preparatlari - fotosensibilizatsiyani chaqirishga qodir dori preparatlari ta'sirining kuchayishi.

Preparat sirtqi qo'llaniladi. Kattalar va 12 yoshdan katta bolalarga preparat teriga 3-4 marta/sut surtiladi va yengil ishqalanadi. Preparatning zarur miqdori og'riqli zonaning o'lchamiga bog'liq. To'g'ri dozalash uchun preparatni avval tubadan bitta nuqtaga siqib chiqaradilar 2 g hajm bo'yicha olcha hajmiga to'g'ri keladi, 4 g - kichik yong'oqqa. Preparat surtilgandan so'ng qo'llarni yuvish kerak. Davolash davomiyligi ko'rsatmalar va terapiya samaradorligiga bog'liq (samarani kuchaytirish uchun boshqa dori shakllari bilan birga qo'llash mumkin). Terapiya boshlangandan 2 hafta o'tgach preparatni keyinchalik qo'llash maqsadga muvofiqligini baholash tavsiya etiladi.