Mahsulotning ko'rinishi saytdagi rasmdan farq qilishi mumkin.

Artisoft inyeksiya uchun eritma 40mg/ml 2ml N10

Retseptli preparat
Kategoriya: - Anestetik vositalar
Ishlab chiqarilish joyi: - O'zbekiston
Faol modda: Artikaina gidroxlorid
Qadoqda soni: - 10
Ishlab chiqaruvchi: - Jurabek Laboratories OT MChJ
ATX kodi: - N01BB08
Noaniqliq haqida habar berish
O'zbekiston Sog'liqni Saqlash Vazirligi tomonidan 18.05.2020 da DV/M 03131/05/20 registratsion raqami bilan ro'yxatdan o'tgan

Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
Дори шакли: 4% ли инъекция учун эритма.

Таркиби:

фаол модда: артикаин гидрохлориди – 40 мг;

ёрдамчи моддалар: натрий хлориди, инъекция учун сув 1 мл гача.

Шишадан тайёрланган ампулаларда 2 мл дан препарат. Ампулалар қўлланилишига доир йўриқномаси билан бирга картон қутига жойланади.

Артикаин стоматологияда инфильтрацион ва ўтказувчи анестезия учун қўлланиладиган амид туридаги маҳаллий оғриқ қолдирувчи восита ҳисобланади.

Артикаин нейронларнинг ҳужайра мембранасида натрий каналларига потенциал боғлиқ блокадаси ҳисобига маҳаллий оғриқ қолдирувчи таъсир этади, бу нерв толаси орқали импульслар ўтказувчанлигининг қайтар сусайишига ва сезувчанликнинг қайтар йўқотилишига олиб келади.

Препарат таъсири тез, 1-3 минут давомида бошланади. Анестезия давомийлиги тахминан 20 минутни ташкил этади.

Артисофт препарати таркибида эпинефрин сақламайди ва маҳаллий оғриқ қолдирувчи воситага эпинефрин қўшилиши шарт эмас ёки эпинефрин қўллаш мумкин эмас.

Артикаин тўқималар ва қондаги носпецифик плазма эстеразалари билан (гидролиз орқали) юборилгандан кейин тез ва деярли дарҳол метаболизмга учрайди (90%); қолган 10% артикаин жигар микросомал ферментлари билан метаболизмга учрайди. Бунда ҳосил бўладиган артикаиннинг асосий метаболити – артикаин кислотаси – маҳаллий оғриқ қолдирувчи фаолликка ва тизимли токсикликка эга эмас, бу препаратнинг такрорий юборилишларини амалга ошириш имконини беради. Шиллиқ остига юборилгандан кейин ярим чиқарилиш даври тахминан 25 минутни ташкил этади. Артикаинни  қон плазма оқсиллари билан боғланиши тахминан 95%ни ташкил этади.

Артикаин, асосан, буйраклар орқали артикаин кислотаси (64,2±14,4 %), артикаин кислотасининг глюкурониди (13,4±5%) ва ўзгармаган артикаин (1,45±0,77%) шаклида чиқарилади.

Артикаин йўлдош тўсиғи орқали ўтади, она сути билан деярли чиқарилмайди.

Кичик миқдорда гематоэнцефалитик тўсиқдан ўтади.

Болаларда вестибуляр инфильтрацион анестезиядан кейин умумий самараси катта ёшдагилардаги самара билан тенг, бироқ қон зардобидаги максимал концентрацияга тезроқ эришилади.

Препарат одатда пациентлар томонидан яхши ўзлаштирилади, бироқ қуйидаги ножўя ҳолатлар ривожланиши мумкин:

Марказий ва периферик нерв тизими томонидан: дозага боғлиқ реакциялар – баъзан ҳушини йўқотгунгача авж олувчи ступор, баъзан нафас тўхтагунгача кучайиб борувчи нафас бузилишлари, мушак тремори, баъзан ёйилган тиришишгача кучайиб борувчи мушак тиришишлари.

Бош айланиши, парестезиялар, гипестезиялар кузатилиши мумкин.

Баъзан стоматологик амалиётда маҳаллий оғриқ қолдирувчи восита юборилганда инъекциянинг тўғри техникаси бузилганда нерв шикастланиши мумкин, хусусан  юз нерви фалажлиги ривожланишига олиб келиши мумкин бўлган, юз нервининг шикастланиши.

Кўриш аъзоси томонидан: маҳаллий оғриқ қолдирувчи восита инъекция вақтида ёки инъекциядан қисқа вақтдан кейин пайдо бўладиган ўтиб кетувчи кўриш қобилияти бузилишлари (кўришни идрокини ноаниқлиги, кўрлик, кўзга иккита бўлиб кўриниш).

Юрак - қон томир тизими томонидан: артериал босимни пасайиши, юрак етишмовчилиги ва шок.

Овқат ҳазм қилиш тизими томонидан: кўнгил айниши, қусиш.

Аллергик реакциялар: тери қопламалари гиперемияси, конъюнктивит, ринит ва ангионевротик шиш кузатилиши мумкин Ангионевротик шиш устки ва/ёки пастки лаблар, лунж, “томоқда тош” ва ютинишга қийналиш ҳисси билан товуш найчалари шишиши, эшакеми ва нафас қийналиш билан намоён бўлиши мумкин.

Ҳар қандай ушбу белгилар анафилактик шокка қадар кучайиши мумкин.

Маҳаллий раекциялар: инъекция жойида шиш ёки шиллиқ қаватнинг яллиғланиши.

Препарат узоқ вақт (20 минутдан кўпроқ) юборилиш учун мўлжалланмаган. Касаллик (шу жумладан, гепатит вируси) инқекцияланишини олдини олиш учун ампуладан эритмани чиқаришда ҳар доим янги шприцлар ва игналардан фойдаланилишига эътибор бериш керак.

Шикастланган картридждан инъекциялар учун фойдаланиш мумкин эмас.

 

 

Регионар ва маҳаллий анестезия юрак фаолияти мониторингини ва реанимацион тадбирларни ўтказиш учун керакли препаратлар ва ускуналардан дарҳол фойдаланиш имконияти яратилган тегишли равишда жиҳозланган хонада тажрибали мутахассислар томонидан ўтказилиши керак. Анестезияни бажарадиган ходим малакали бўлиши ва анестезияни бажариш техникасини ўзлаштирган бўлиши, тизимли токсик реакциялар, нохуш ҳолатлар ва реакцияларни ҳамда бошқа асоратларни ташхислаш ва даволаш билан танишган бўлиши керак.

Пациентларнинг юрак-қон томир тизими, нафас тизими, марказий нерв тизимининг ҳолатини кузатиш талаб қилинади.

Стенокардия, атеросклероз, қон қуюлишини бузилишлари, оғир даражали жигар ёки буйраклар функцияларини бузилишлари, анамнезида тутқаноқ бўлган пациентларга препарат қўлланилишида эҳтиёткорликка риоя этилиши керак.

Ножўя реакциялар ривожланиш хавфига йўл қўймаслик учун препаратнинг минимал самарали дозаларидан фойдаланиш ва уни юборишдан олдин икки босқичли аспирацион текширувни амалга ошириш керак.

1 мл препарат ўзида 1 ммоль (23 мг)дан камроқ натрий сақлашини эътиборга олиш керак.

Маҳаллий анестезия таъсири тўхтагандан (сезувчанлик тиклангандан) кейин овқатланиш мумкин. Болалар ва уларнинг ота-оналари препарат таъсири оқибатида тўқималар сезувчанлиги пасайиши туфайли юмшоқ тўқималарнинг тишлар билан тасодифан шикастланиши (тишлаб олиниши) хавфи тўғрисида огоҳлантирилиши керак.

Вена ичига юбориш мумкин эмас!

Яллиғланган соҳада инъекция қилиш мумкин эмас.

Маҳаллий анестетикларни юборишдан 10 кун олдин МАО ингибиторларини бекор қилиш керак.

Ҳомиладорлик ва эмизиш даврида қўлланиши

Артикаин йўлдош тўсиғи орқали ўтади. Янги туғилган чақалоқларда қон зардобидаги артикаин концентрацияси (онага препарат юборилгандан кейин) она қон зардобидаги артикаин концентрациясининг тахминан 30% ни ташкил этади.

Клиник маълумотлар етарли эмаслиги туфайли стоматолог-шифокор томонидан препаратнинг қўлланиши тўғрисидаги қарор препаратнинг қўлланилишидан она учун потенциал фойда ҳомила учун потенциал хавфдан юқори бўлган ҳолатдагина қабул қилиш мумкин.

Эмизиш даврида эмизишни тўхтатиш талаб қилинмайди, чунки она сутида артикаиннинг клиник аҳамиятли концентрациялари аниқланмайди, бироқ эхтиёткорлик мақсадида эмизишни артикаиннинг оҳирги юборилган дозасидан кейин 4 соатга тўхтатиш керак.

Транспорт воситаларини бошқариш ва бошқа потенциал хавфли фаолият турлари билан шуғулланиш қобилиятига таъсири

Стоматологик аралашувдан кейин пациент транспорт воситаларини бошқаришга ёки диққат-эътибор юқори жамланишини ва психомотор реакциялар тезлигини талаб қилувчи бошқа потенциал хавфли фаолият турлари билан шуғулланишга қачон қайтиши мумкинлиги тўғрисида қарор шифокор томонидан қабул қилиниши керак.

Стоматологияда инфильтрацион ва ўтказувчи анестезия учун қўлланиладиган маҳаллий оғриқ қолдирувчи анестетик. Эпинефринсиз артикаин кўпроқ эпинефрин қўлланилиши мумкин бўлмаган пациентларда қисқа муолажалар учун (масалан, юрак-қон томир касалликларида) ёки препарат кичик ҳажмларда юборилиши зарур ҳолларда (олд тишлар, танглай соҳасида) қўлланилади.

- артикаинга ёки препаратнинг ҳар қандай бошқа таркибий моддаларига, шунингдек бошқа амид туридаги маҳаллий оғриқ қолдирувчи препаратларга юқори сезувчанлик, амид туридаги маҳаллий оғриқ қолдирувчи препаратларга ўта юқори сезувчанликда артикаинга аллергия барча зарур қоидалар ва талабларга риоя этилган ҳолда

 

 

ўтказилган тегишли текширувлар ёрдамида бартараф этилган ҳолатлар бундан мустасно;

- оғир даражали синус тугунинг функцияларини бузилишлари ёки оғир даражали ўтказувчанликни бузилишлари (яққол ифодаланган брадикардия, II-III даражали AV-блокада каби);

- пароксизмал тахикардия, хилпирловчи тахиаритмия;

- ўткир декомпенсацияланган юрак етишмовчилиги;

- оғир даражали артериал гипотензия;

- анемия (шунингдек, В12-танқислиги анемияси);

- метгомоглобинемия;

- гипоксия;

- бронхиал астма;

- ёпиқ бурчакли глаукома;

- марказий нерв тизими касалликлари;

- 4 ёшгача бўлган болалар (етарлича клиник тажриба йўқ) да қўллаш мумкин эмас.

Эҳтиёткорлик билан:

- холинэстераза танқислиги (фақат жуда зарур ҳолларда қўлланилиши мумкин, чунки препарат узайтирилган ва ҳаддан ташқари кучли таъсир этиши мумкин);

- анамнезда эпилепсия.

 

Марказий нерв тизимини сусайтирувчи воситалар билан. Маҳаллий оғриқ қолдирувчи воситалар марказий нерв тизимини сусайтирувчи воситаларнинг таъсирини кучайтиради. Наркотик анальгетиклар маҳаллий оғриқ қолдирувчи воситаларнинг таъсирини кучайтиради ва нафас сиқилиш хавфини оширади.

Моноаминоксидаза (МАО) ингибиторлари билан. МАО ингибиторлари билан қўллаш АБ тушиш хавфини оширади; МАО ингибиторларини анестетикларни юборишдан 10 кун олдин бекор қилиш керак.

Антикоагулянтлар ва қон қуюлишини камайтирадиган бошқа препаратлар билан. Масалан, гепарин ёки ацетилсалицил кислотасини қабул қилаётган пациентларга Артикаин препарати инъекцияси ўтказилганда, қон кетиш ва қон қуйилиши ривожланиш хавфи ошади.

Холинэстераза ингибиторлари билан. Холинэстераза ингибиторлари маҳаллий оғриқ қолдирувчи дори воситалар метаболизмини секинлаштиради, натижада артикаин таъсири узайиши ва яққол кучайиши мумкин.

Қон томирларни торайтирувчи воситалар билан. Қон томир торайтирувчи воситалар артикаиннинг маҳаллий оғриқ қолдирувчи таъсирини кучайтиради ва узайтиради.

Миорелаксантлар билан. Артикаин мушак бўшаштирувчи воситаларнинг таъсирини кучайтиради ва узайтиради.

Антимиастеник воситалар билан. Артикаин миастенияни даволовчи препаратлар билан скелет мушакларга таъсир қилишда антагонизмни намоён қилади, шунинг учун уни миастенияни даволашда қўллаганда, айниқса юқори дозаларда, даволашга қўшимча тузатиш киритиш талаб қилинади.

Оғир металлар сақловчи дезинфиция қилувчи эритмалар билан. Оғир металлар сақловчи дезинфиция қилувчи маҳаллий анестетик эритмаси билан инъекция жойига ишлов берилганда, оғриқ, шиш кўринишидаги маҳаллий реакциялар ривожланиш хавфи ошади. 

Қуруқ, ёруғликдан ҳимояланган жойда, 25°C дан юқори бўлмаган ҳароратда сақлансин, музлатилишига йўл қўйилмасин. Болалар ололмайдиган жойда сақлансин.

Яроқлилик муддати

2 йил. Ўрамда кўрсатилган яроқлилик муддати тугагандан кейин қўлланилмасин.

Препарат оғиз бўшлиғида қўлланилиши учун мўлжалланган ва фақат яллиғланиш мавжуд бўлмаган тўқималарга юборилиши мумкин.

Яллиғланган тўқималарга инъекция ўтказиш мумкин эмас!

Препарат вена ичига юборилиши мумкин эмас.

Препаратнинг қон томирларига тасодифан тушиши олдини олиш мақсадида уни юборишдан олдин ҳар доим игнани 90º ва 180º га буриш орқали икки босқичли аспирацион текширувни амалга ошириш керак.  

Препарат қон томирлари ичига тасодифан юборилиши натижасида ривожланиши мумкин бўлган асосий тизимли реакцияларга инъекция техникасига риоя қилиш орқали йўл қўймаслик мумкин: аспирацион текширув амалга оширилгандан кейин 0,1-0,2 мл препарат секин юборилади, кейинчалик энг камида 20-30 секунддан кейин препаратнинг қолган дозаси секин юборилади. Инъекция босими тўқималар сезувчанлигига мувофиқ бўлиши керак. Овқатни қабул қилиш фақат сезувчанлик тиклангандан  кейин руҳсат берилади

Инфильтрацион анестезияда яллиғланиш бўлмаган ҳолатда, Артисофт эритмани одатда, тишларга ёки иккита қўш тишга 1,7 мл юборилади.

Қуйи альвеоляр нервнинг ўтказувчи анестезиясида тахминан 1-1,7 мл препарат талаб қилинади. Қўшимча инъекциялар учун дозанинг ярми ёки тўлиқ доза қўлланилиши керак.

Катта ёшдаги одамлар учун максимал доза 1 кг тана вазнига 4 мг ни ташкил этади.

Болаларда қўлланиши

4 ёшгача бўлган болаларда қўллаш мумкин эмастақиқланади.

Дозанинг ошириб юборилиши симптомлари

Марказий нерв тизими томонидан:

Марказий нерв тизимини қўзғалиши: хавотирлик, қўрқиш ҳисси, онг хиралашиши, гиперпноэ, тахикардия, юз қизариши билан артериал босимни ошиши, кўнгил айниши, қусиш, тремор, тиришишлар, тоник-клоник тиришишлар.

Марказий нерв тизимини сусайиши: бош айланиши, эшитиш қобилияти бузилиши, сўзлаш қобилияти йўқотилиши, ступор, беҳушлик ҳолати, атония, қон томирларини

 

 

 

ҳаракатлантирувчи нервлар фалажлиги (ҳолсизлик, рангпарлик), нафас сиқилиши, нафас йўллари фалажлигидан ўлим ҳолати.

Юрак қон-томир тизими томонидан: брадикардия, аритмия, қоринчалар хилпирлаши, артериал босимни пасайиши, цианоз, юрак уришини тўхтаб қолиши.

Даволаш. Препаратни юбориш вақтида бош айланиши, мотор қўзғалиши ёки ступор каби интоксикация ёки препарат ножўя таъсирининг биринчи белгиларида препаратни юборилишини тўхтатиш ва пациентни оёқлари кўтарилган горизонтал ҳолатга ўтказиш керак. Нафас йўллари ўтказувчанлигини таъминлаш ва гемодинамика кўрсаткичларини (юрак қисқаришлари сони ва артериал босимни) мониторинг қилиш керак. Ҳар доим, интоксикация симптомлари оғир даражали эмасдек туюлганида ҳам, зарур ҳолларда, дарҳол керакли препаратларнинг вена ичига юборилишини амалга ошириш имкониятига эга бўлиш учун венага йўлларни бўшатиб қўйиш тавсия этилади.

Оғирлик даражасига қараб нафас бузилишларида кислород узатилиши, сунъий нафас бериш кўрсатмалари пайдо бўлган ҳолатда эса – ўпканинг эндотрахеал интубацияси ва сунъий вентиляциясини ўтказиш тавсия этилади.

Мушак тортишишлари ва ёйилган тиришишлар миорелаксация қилувчи ва туқаноққа қарши таъсирга эга (масалан, диазепам, суксаметоний хлорид) каби тез таъсир этувчи препаратларни вена ичига юбориш орқали бартараф қилиш мумкин. Шунингдек, ўпкаларнинг сунъий вентиляциясини ўтказиш (кислород узатилиши) тавсия этилади.

Артериал босимнинг кескин пасайишини, брадикардия ёки тахикардияни кўпинча пациентни оёқлари оддий кўтарилган горизонтал ҳолатга ўтказиш орқали бартараф қилиш мумкин.

Оғир даражадаги қон айланишни бузилишлари ва шок ҳолатларида, сабабидан қаътий назар, препарат юборилиши тўхтатилиши ва пациент оёқлари кўтарилган горизонтал ҳолатга ўтказиш керак. Кислород узатилиши, электролит эритмалар, глюкокортикостероидларнинг вена ичига юборилиши (масалан, 250-1000 мг преднизолон ёки унинг ҳосиласига, масалан, метилпреднизолонга эквивалент миқдорда), ўрин босувчи инфузион даволаш (зарур ҳолларда, қўшимча равишда, плазма ўрнини босувчилар) амалга ошириш керак.

Артикаин йўлдош тўсиғи орқали ўтади. Янги туғилган чақалоқларда қон зардобидаги артикаин концентрацияси (онага препарат юборилгандан кейин) она қон зардобидаги артикаин концентрациясининг тахминан 30% ни ташкил этади.

Клиник маълумотлар етарли эмаслиги туфайли стоматолог-шифокор томонидан препаратнинг қўлланиши тўғрисидаги қарор препаратнинг қўлланилишидан она учун потенциал фойда ҳомила учун потенциал хавфдан юқори бўлган ҳолатдагина қабул қилиш мумкин.

Эмизиш даврида эмизишни тўхтатиш талаб қилинмайди, чунки она сутида артикаиннинг клиник аҳамиятли концентрациялари аниқланмайди, бироқ эхтиёткорлик мақсадида эмизишни артикаиннинг оҳирги юборилган дозасидан кейин 4 соатга тўхтатиш керак.

Fikr qoldirish
Baho:
              
Matnni kiriting

Ismingiz
Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish

Ishlab chiqaruvchining dorilari
Narx: 37 800 so'mdan Batafsil
Narx: 2 100 so'mdan Batafsil
Narx: 4 950 so'mdan Batafsil
Narx: 6 000 so'mdan Batafsil
Narx: 5 000 so'mdan Batafsil
Narx: 3 500 so'mdan Batafsil
Narx: 2 185 so'mdan Batafsil
Narx: 3 400 so'mdan Batafsil
Narx: 17 000 so'mdan Batafsil
Narx: 13 000 so'mdan Batafsil
Narx: 3 000 so'mdan Batafsil
Narx: 3 800 so'mdan Batafsil
RIBOKSIN tabletkalari 200mg N10
Narx: 1 500 so'mdan Batafsil