Mahsulotning ko'rinishi saytdagi rasmdan farq qilishi mumkin.

IZIVENT ingalyatsiya uchun eritma 2 ml N10

Kategoriya:

- Nafas olish tizimi
Ishlab chiqarilish joyi: - O'zbekiston
Faol modda: Ipratropiya bromid, Ipratropiya bromid monogidrat ko'proq ko'rsatish
Qadoqda soni: - 10
Ishlab chiqaruvchi: - Jurabek Laboratories OT MChJ
ATX kodi: - R03BB01

Shifokor konsultatsiyasi:

- Pulmonolog maslahati
Noaniqliq haqida habar berish
Ushbu dori vositasi O'zbekiston dori vositalari reestriga kiritilmagan, O'zbekiston reestriga kiritilgan o'xshash dorilarni ko'ring

O'xshash dorilar

FLYUVENT sprey 120 doz 12 ml Advanced Chemical Industries Limited Bangladesh
ATROVENT N aerozol 20 mkg/doza 200 doz 10 ml Boehringer Ingelheim International GmbH Germaniya
Narh: 68 500 so'mdan
BUDEKTON kapsulalar 400mkg N60 World Medicine Ilaс San. Ve Tic. A.S. Turkiya
Narh: 119 000 so'mdan
BUDEKTON kapsulalar 200mkg N60 World Medicine Ilaс San. Ve Tic. A.S. Turkiya
Narh: 68 800 so'mdan
BEKLOMETAZON aerozol 100MKG Биннофарм, АО Rossiya
Narh: 23 850 so'mdan

Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
Дори шакли: 2 мл ампулаларда (небулаларда) ингаляция учун эритма.

Таркиби:

Фаол модда:

Ипратропий бромид моногидрати-                      261 мкг

Ипратропий бромидига қайта ҳисобланганда-   250 мкг

Ёрдамчи моддалар:натрий хлориди, кислота, инъекция учун сув-1 мл гача

2 мл дан полиэтилен ёки полипропиленли ампулаларда(небулаларда) ингаляция учун эритма №10, №20, №30, №40, №50.

     

Бронхларни кенгайтирувчи восита. Трахеобронхиал дарахт силлиқ мушаги м-холинорецепторларини блоклайди ва рефлектор бронхоконстрикцияни бартараф этади. Ацетилхолин молекуласи билан ўхшаш тузилишга эга бўлиб, унинг рақобатли антагонисти ҳисобланади. Антихолинергик воситалар кальций ионларининг ҳужайра ичидаги концентрациялари ошишини олдини олади, бу ацетилхолиннинг бронхлар силлиқ мушакларида жойлашган мускарин рецепторлари билан ўзаро таъсири оқибатида юз беради.

Кальций ионларининг ажралиши иккиламчи воситачилар (медиаторлар) ёрдамида юз беради, улар қаторига ИТФ (инозитол трифосфат) ва ДАГ (диацилглицерол) киради. Тамаки тутунидан, совуқ ҳаводан нафас олиш, турли бронхларни торайтирувчи моддалар таъсири натижасида пайдо бўладиган бронхлар торайишини самарали олдини олади, шунингдек адашган нервнинг таъсири билан боғлиқ бронхлар спазмини бартараф қилади.

Иптропий бромидини ингаляцион қўлланилганида деярли резорбтив таъсир кўрсатмайди. Иптропий бромидини ингаляциясидан сўнг пайдо бўладиган бронходилатация, унинг тизимли таъсир қилиши натижаси эмас, балки, асосан, препаратнинг ўпкаларга маҳаллий ва специфик таъсири оқибати ҳисобланади. Ўпканинг сурункали обструктив касаллиги, сурункали бронхит ва ўпка эмфиземаси билан боғлиқ бронхоспазми бўлган пациентларда ўтказилган назоратли 85-90 кунлик тадқиқотларда ўпка функцияларининг сезиларли яхшиланиши 15 дақиқа давомида кузатилган, 1-2 соатдан кейин максимумга етган ва 4-6 соатгача сақланиб қолган.

Сўрилиши

Ипратропий бромидининг даволовчи самараси унинг нафас йўлларига маҳаллий таъсири натижасидан иборат. Бронходилатация ривожланиши фармакокинетик кўрсаткичларга параллел эмас. Ингаляциядан сўнг ўпкага, одатда, юбориладиган препарат дозасининг 10-30 фоизи тушади (дори шакли ва ингаляция усулига қараб). Дозанинг катта қисми ютиб юборилади ва меъда-ичак йўлларига тушади. Препарат дозасининг ўпкага тушадиган қисми тизимли қон оқимига тез етади (бир неча дақиқа ичида). Иптропий бромиднинг ютилган қисмининг таъсири тизимли таъсирга кўп эмас.

Тақсимланиши

Иптропий бромидининг тақсимланишини таърифловчи кинетик кўрсаткичлар, вена ичига юборгандан кейин унинг плазмадаги концентрациясига асосан ҳисобланган. Плазмада концентрациянинг тез икки фазали пасайиши кузатилмоқда. Мувозанат концетрацияси(Vdss)  ҳолати вақтидаги тахмин қилинган тақсимланиш ҳажми таҳминан 176 л (~2,4 л/кг). Препарат плазма оқсиллари билан минимал даражада боғланади( 20 % дан кам). Иптропий бромиди аммонийнинг  тўртламчи бирикмаси ҳисобланиб, йўлдош ва гематоэнцефалик тўсиқдан ўтмайди.

Биотрансформацияси

Умумий қон оқимига тушган кичик қисм асосан жигарда оксидланиш йўли билан алмашинади. Гидролизланиш, дегидратация ва троп кислотасидан гидроксиметил гуруҳини ажралиш йўли билан ҳосил бўлган ва сийдик билан ажралувчи маълум метаболитлар мускарин рецепторлари билан кучсиз боғланади ва нофаол ҳисобланади.

Чиқарилиши

Терминал фаза вақтида ярим чиқарилиш даври тахминан 1,6 соатни ташкил этади.

Ипратропий бромидининг умумий клиренси 2,3 л/дақиқа, буйрак клиренси эса – 0,9 л/дақиқани ташкил этади. Изотоп билан белгиланган дозанинг (шу жумладан, дастлабки бирикма ва барча метаболитларнинг) умумий буйрак экскрецияси (6 кун давомида) вена ичига юборилганидан сўнг 72,1%, ичга қабул қилинганидан сўнг – 9,3%, ингаляцион қўлланилганидан кейин эса – 3,2% ни ташкил этган. Умумий изотоп билан белгиланган, ичаклар орқали чиқарилган доза вена ичига юборилганидан сўнг 6,3%, ичга қабул қилинганидан сўнг – 88,5%, ингаляцион қўлланилганидан кейин эса – 69,4% ни ташкил этган. Шундай қилиб, изотоп билан белгиланган дозанинг экскрецияси вена ичига юборилганидан сўнг, асосан, буйрак орқали амалга оширилади. Дастлабки бирикма ва метаболитларнинг ярим чиқарилиш даври 3,6 соатни ташкил этади.
Изивент ҳар қандай ингаляцион даво каби маҳаллий таъсирларни чақириши мумкин.

Қайд этилган ножўя таъсирларнинг кўпи ипратропий бромидининг антихолинергик хусусиятлари оқибати бўлиши мумкин.Клиник тадқиқотларда маълум қилинган энг кўп учрайдиган ножўя таъсирлар бош оғриши, томоқ қичишиши, йўтал, оғиз қуриши, меъда-ичак йўллари моторикаси бузилиши (шу жумладан, ич қотиши, диарея ва қайт қилиш), кўнгил айниши ва бош айланишидир.   

Нафас аъзолари томонидан бузилишлар: ларингоспазм, йўтал, парадоксал бронхоспазм;

Юрак томонидан бузилишлар:юрак уриши хисси, юрак қисқаришлар сонини ортиши;

Меъда-ичак йўллари томонидан бузилишлар: оғиз қуриши, меъда-ичак йўллари моторикаси бузилиши(ич қотиши, кўнгил айниши, диарея,қайт қилиш);

Кўриш аъзоси томонидан бузилишлар:  ингаляция қилинаётган иптропий бромиди  кўзга тушганда(чекланган ёки бета 2-адренорецепторлар антоганисти билан мажмуавий қўлланганда)кузатилиши мумкин: кўз олди хиралашиши, мидриаз,кўз ички босиминиошиши, глаукома, кўзлардаги оғриқ, предметлар атрофида ореол пайдо бўлиши, конъюнктива гиперемияси, шох парда шиши, аккомодацияни бузилиши;

Буйрак ва сийиш чиқариш йўллари томонидан бузилишлар:сийдик тутилиши(сийдик чиқариш йўлларини обструктив зарарланиши бўлган беморларда сийдик тутилиши ривожланиш хавфи ортиши мумкин).

Аллергик реакциялар: тери тошмаси, қичишиш, ангионевротик шиш, оғиз-ютқун шиши, анафлакция бўлиши мумкин.

Шифокор рецепти бўйича.
Ўта юқори сезувчанлик:Изивент препарати қўлланилганидан сўнг тез ўта юқори сезувчанлик реакциялари пайдо бўлиши мумкин, тошмалар, эшакеми, ангионевротик шиш, оғиз-томоқ шиши, бронхоспазм ва анафилаксияларнинг кам ҳолатлари бундан далолат беради.

Парадоксал бронхоспазм:бошқа ингаляцион дори препаратлари каби Изивент ҳам ҳаёт учун хавфли бўлган парадоксал бронхоспазмни чақириш қобилиятига эга. Парадоксал бронхоспазм пайдо бўлган ҳолатда Изивент препаратининг қўлланилиши дарҳол тўхтатилиши ва муқобил терапия буюрилиши керак.

Кўз томонидан асоратлар:Изивент препарати ўткир бурчакли глаукома ривожланишига мойил пациентларда эҳтиёткорлик билан қўлланилиши керак. Ингаляция қилинаётган (изоляцияланган ёки бета2-адренорецепторлар агонисти билан комбинацияда қўлланилган) Изивент кўзга тушган ҳолатларда кўз томонидан асоратлар тўғрисида (шу жумладан, мидриаз ривожланиши, кўз ички босими ошиши, ўткир бурчакли глаукома ривожланиши, кўзлардаги оғриқлар тўғрисида) айрим маълумотлар олинган.Ўткир бурчакли глаукома симптомлари кўзлардаги оғриқ ёки ноқулайлик, кўриш хиралашиши, конъюнктива томирлари инъекцияси ва шох парда шиши оқибатида кўзлар қизариши билан бирга нарсалар атрофида ёруғлик доираси ва кўз олдида рангли доғлар пайдо бўлишидан иборат бўлиши мумкин. Агар ушбу симптомларнинг исталган комбинацияси ривожланса, кўз ички босимини пасайтирувчи кўз томизғилари қўлланилиши ва дарҳол мутахассис консультацияси тавсия этилган.

Пациентлар Изивент препаратининг тўғри қўлланилиши тўғрисида хабардор қилинишлари керак.

Эритманинг кўзга тушиши олдини олиш мақсадида эҳтиёткорликка риоя қилиниши керак. Небулайзер ёрдамида ишлатиладиган эритма мундштук орқали қўлланилиши тавсия этилади. Агар мундштук бўлмаса ва небулайзер ниқобидан фойдаланилса, у тегишли равишда қўлланилиши керак.

Глаукома ривожланишига мойил пациентлар кўзларни ҳимоялаш кераклиги тўғрисида огоҳлантирилишлари керак.

Буйрак ва сийиш функциясига таъсири:Изивент препарати сийдик чиқариш йўллари обструкцияси бўлган пациентларда (масалан, простата бези гиперплазияси ёки қовуқ бўйни обструкциясида) эҳтиёткорлик билан қўлланилиши керак.

Меъда-ичак йўллари моторикаси бузилишлари: муковисцидози бўлган пациентлар меъда-ичак йўллари моторикаси бузилишларига мойил бўлишлари мумкин.

Бўғилиш хуружида шошилинич бартараф этиш керак бўлганда, иптропий бромид монотерапияси тавсия этилмайди, чунки унинг бронхолитик таъсири бета-адреномиметикларга қараганда кеч ривожланади.

Пациент ингаляция етарлича самарали бўлмаса ёки соғлиқ ёмонлашиши юз берса, даволаш режасини ўзгартириш учун шифокорга мурожаат этиш кераклиги тўғрисида хабардор қилиниши керак. Нафас сиқилиши тўсатдан пайдо бўлган ва тез ривожланган ҳолатда ҳам пациент дарҳол шифокорга мурожаат қилиши керак.

Ҳомиладорлик ва эмизишда қўллаш

Одамда ҳомиладорлик вақтида препаратни қўллаш хавфсизлиги аниқланмаган.

Изивент ингаляция учун эритма препаратини тахмин қилинган ёки аниқланган ҳомиладорлик вақтида тавсия этганда она учун препаратни тавсия этишдан тахмин қилинган фойда ва хомила учун мумкин бўлган хавф муносабатини ҳисобга олиш керак.

Клиникагача бўлган текширувларда иптропий бромидини одамда тавсия этилган дозадан сезиларли ошган дозаларда ингаляцион қўллагандан сўнг эмбриотоксик ёки тератоген таъсирлари аниқланмаган.

Иптропий бромиди она сутига чиқиши аниқ эмас. Аммо, иптропий бромиди айниқса ингаляция йўли билан қабул қилинганда маълум миқдорда бола организмига она сути орқали чиқиши эҳтимоли кам. Лекин Изивент препаратини ишлатган вақтда кўкрак сути билан боқувчи оналар эҳтиёткорликка риоя қилишлари керак.

Атотранспортни ҳайдаш ва механизмларни бошқариш қобилиятига таъсири

Атотранспортни ҳайдаш ва механизмларни бошқариш қобилиятига таъсири алоҳида ўрганилмаган. Бироқ беморларга Изивент препарати билан даволаниш вақтида бош айланиши, аккомадацияни бузилиши, мидриаз ва кўзни хиралашуви каби ножўя таъсирларни сезишлари мумкинлиги ҳақида хабар бериш керак. Шунинг учун  атотранспортни ҳайдаш ва механизмларни бошқариш вақтида эҳтиёткорликка риоя қилиш керак.

 

-                Ўнканинг сурункали обструктив касаллиги (шу жумладан, сурункали обструктив бронхит, ўпка эмфиземаси);

-                бронхиал астма (ўртача ва енгил оғирлик даражасидаги), айниқса юрак-қон томир тизимининг ёндош касалликлари билан;

-                бронхиал безларнинг гиперсекрецияси, шамоллаш касалликлари фонидаги бронхоспазм, жаррохлик амалиётларида;

-                бронхообструкцияни қайталаниши учун синамалар;

-                аэрозол антибиотиклар, муколитик дори воситалар, глюкокортикоидларни юборишдан олдин нафас йўлларини тайёрлаш учун қўлланилади.

иптропий бромиди ва унинг компанентларига юқори сезувчанлик;

атропин ва унинг ҳосилаларига юқори сезувчанлик;

Эҳтиёткорлик билан:

ёпиқ бурчакли глаукома;

сийдик чиқариш йўллари обструкцияси;

простата бези гиперплазияси;

ҳомиладорлик ва эмизиш;

болаларда (6 ёшгача) қўллаш мумкин эмас.

Изивент препарати ингаляциясининг бошқа антихолинергик препаратлар билан узоқ вақт бирга қўлланилиши ўрганилмаган. Шу туфайли Изивент препаратининг бошқа антихолинергик препаратлар билан узоқ вақт бирга қўллаш тавсия этилмайди.

Изивент, ингаляция учун эритма амброксол ингаляция учун эритмаси, бромгексин, ингаляция учун эритмаси ва фенотерол, ингаляция учун эритмаси билан бир вақтда комбинирланган ингаляциялар учун қўллаш мумкин.

Бета-адренергик воситалар ва ксантин ҳосилалари Изивент препаратининг бронх кенгайтирувчи таъсирини кучайтириши мумкин.

Изивент ва бета-адреномиметиклар небулайзер ёрдамида бир вақтда қўлланган ҳолатда анамнезида ўткир бурчакли глаукома бўлган пациентларда ўткир глаукома ривожланиш хавфи ошиши мумкин (“Махсус кўрсатмалар” бўлимига қаранг).

Преципитация эҳтимоли ҳисобга олинган ҳолда, Изивент ингаляция учун эритмаси кромоглицин кислотасининг ингаляцион эритмаси билан бир вақтда буюрилмаслиги керак.

Паркинсонга қарши препаратлар, хинидин, трициклик антидепрессантлар билан антихолинергик таъсир кучаяди.

Ёруғликдан ҳимояланган жойда 25°C дан юқори бўлмаган ҳароратда сақлансин.Болалар ололмайдиган жойда сақлансин.

 

Яроқлилик муддати

2 йил. Ўрамда кўрсатилган яроқлилик муддати тугагандан сўнг қўлланилмасин.

 

Дозалаш тартиби индивидуал равишда танланади. Препаратни тўғри қўллашни таъминлаш учун қўллаш бўйича йўриқнома билан диққат билан танишиб чиқиш керак.

Даволаш вақтида пациентлар тиббий ҳодим назорати остида бўлишлари керак. Шошилинч терапия вақтида ҳам, ушлаб турувчитерапия вақтида ҳам тавсия этиладиган суткалик дозани оширмаслик керак.

Беморлар Изивент препаратини қўллаш қоидалари  билан танишишлари керак.

Тавсия этилувчи даволаш тартиби:

Самарани бир маромда ушлаб турувчи даволаш:

Катта ёшдаги (шу жумладан кекса ёшдаги) ва 12 ёшдан катта болалар:

бир кунда 3-4 маҳал 2,0 мл дан (0,5 мг иптропий бромиди).

Максимал суткалик доза – 8,0 мл (2 мг).

Болаларни даволаш тиббий мутахассис назорати остида олиб борилиши керак.

6 ёшдан 12 ёшгача бўлган болалар:

бир кунда 3-4 маҳал 1,0 мл дан (0,25 мг иптропий бромиди).

 Максимал суткалик доза – 4 мл (1 мг).

6 ёшгача бўлган болалар:

Даволаш тиббий кузатув остида ўтказилиши керак;

бир кунда 3-4 маҳал 0,4-1,0 мл дан ( 0,1-0,25 мг иптропий бромиди).

Максимал суткалик доза – 4 мл (1 мг).

Ўткир бронхоспазмни даволаш:

Катта ёшдаги (шу жумладан кекса ёшдаги) ва 12 ёшдан катта болалар:

2,0 мл (0,5 мг иптропий бромиди); пациент аҳволи барқарорлашгунгача такроран тавсия қилиш мумкин. Ингаляциялар ўртасидаги оралиқ вақт шифокор томонидан белгиланади.

Изивент ингаляцион ß2-адреномиметиклар билан бирга қўлланилиши мумкин.

Болаларни даволаш тиббий мутахассис назорати остида олиб борилиши керак.

6 ёшдан 12 ёшгача бўлган болалар:

1,0 мл (0,25 мг иптропий бромиди); пациент аҳволи барқарорлашгунгача такроран тавсия қилиш мумкин. Ингаляциялар ўртасидаги оралиқ вақт шифокор томонидан белгиланади.

Изивент ингаляцион ß2-адреномиметиклар билан бирга қўлланилиши мумкин.

6 ёшгача бўлган болалар:

0,4-1,0 мл (0,1-0,25 мг иптропий бромиди); пациент аҳволи барқарорлашгунгача такроран тавсия қилиш мумкин. Ингаляциялар ўртасидаги оралиқ вақт шифокор томонидан белгиланади.

Изивент ингаляцион ß2-адреномиметиклар билан бирга қўлланилиши мумкин.

Препаратни қўллаш қоидаси.

Препаратнинг тавсия этиладиган дозасини 0,9% ли натрий хлорид эритмаси билан 3-4 мл препарат ҳажмига етгунгача аралаштириш, небулайзерга қуйиш ва ингаляция қилиш керак. Препаратни ҳар сафар бевосита қўллашдан олдин 0,9% ли натрий хлорид эритмаси билан аралаштириш керак, ингаляциядан сўнг қолган эритма тўкиб ташланади.

Дозалаш ингаляция усулига ва небулайзер турига боғлиқ бўлиши мумкин. Ингаляция давомийлиги эритилган ҳажм сарфланиши бўйича назорат қилиниши мумкин.

Эритмани кўзга тушишини олдини олиш мақсадида эҳтиёткорликка риоя қилиш керак.

Небулайзер ёрдамида қўлланилаётган эритма мундштук орқали қўллаш тавсия этилади. Агар мундштук бўлмаса ва небулайзер ниқоби қўлланилса, у керакли тарзда ишлатилиши керак.

Изивент ингаляция учун эритмаси сотувдаги турли хил небулайзерлардан фойдаланилган ҳолда қўлланилиши мумкин. Марказлаштирилган кислород тизимидан фойдаланилганда эритма бир дақиқада 6-8 литр оқим тезлигида қўлланилиши афзалроқ.

Агар даво сезиларли яхшиланишга олиб келмаса ёки бемор аҳволи ёмонлашса, янги даво режасини ишлаб чиқиш учун шифокор маслаҳати керак. Тасодифий ёки тез кучайувчи хансираш(нафас олишни қийинлашуви)  ҳолатида дарҳол шифокор билан маслаҳатлашиш керак.

 

Специфик дозани ошириб юбориш симптомлари аниқланмаган. Изивент қўлланилишининг терапевтик таъсири ва маҳаллий усули кенглигини ҳисобга олган ҳолда, бирон-бир жиддий антихолинергик симптомлар пайдо бўлиш эҳтимоли кам. Оғиз қуриши, кўриш қобилияти бузилиши, юрак қисқаришлар сониниг ошиши каби аҳамиятсиз тизимли антихолинергик таъсирлар намоён бўлиши мумкин.

Даволаш симптоматик.

Ishlab chiqaruvchining dorilari